Chanchin thar thenkhat :

I&PR Minister hovin thukhawm

Nimin khan I&PR Minister, Lalruatkima hovin I&PR Department hotute leh Electronic Media te chu SAD Conference Hall-ah thukhawmin Covid-19 hri leng dona kawnga Electronic Media kaltlanga mipui zirtirna kalpui dantur an rel a. He hunah hian I&PR Minister chuan COVID-19 dona kawngah nasa lehzuala tan lak a ngaih thu sawiin, mipui zirtir leh Covid-19 chungchanga puanzar tur pawimawh thilah sawrkar leh Media (print leh electronic) ten thawhhona tha tak an nei chu lawmawm a tih thu a sawi bawk. He thutkhawm ah hian mipuite zirtirna kawnga hma-lakna hrang hrang Slogan, Video Clips leh Program awm thei te sawiho niin, Target Audience mil-in I&PR Director hova hmalak ni se an ti a. Hun remchang hmasa berah thutkhawm leh nise tih a ni bawk a ni.

Kawng laih hna bul tan

Champhai leh Khawzawl inkar National Highway No. 6 laih laih tan tur hawnna chu nimin khan Base Camp Mualzen ram-ah Champhai District Bawhsap, Maria CT. Zuali hovin neih a ni. Seling leh Champhai inkar NH. 6 laih zauh tura Package No. III laih tan tur hawnna ah hian Champhai DC chuan Champhai District mipuiin inkalpawhna an neih that loh vanga harsatna an tawhte sukiang tura District mipui mangphan, a taka lo chang tura hmalak bultan lo ni ta chu thinlung taka a lawm thu a sawi.

Tuna kawng laih tur an hawn tak hi Champhai leh Khawzawl inkar niin NHIDCL hnuaiah Shri Balaji Constructions Company in an thawk dawn a, kum 2 chhunga zawh tura rua-hman niin kum 5 an enkawl zui dawn a, he hna thawhna atan hian Rs. 370,43,20,000/- ruahman niin KM 26.780-a thui, International Corridor tura a ni a. He kawng hi laihzawh a nih hunah chuan tuna Champhai leh Khawzawl inkar KM 40 vel ni mek chu KM 13 zetin a tawi dawn a. Hnathawktu turte hian JCB 5 leh Tipper lian 10 an chhawp nghal a ni.

CMRF for COVID-19 dinhmun

COVID-19 hrileng mek laka mipui an him theih nan leh a tul apianga hman tura mimal, pawl leh Kohhran ten nikum atanga Chief Minister's Relief Fund for COVID-19 a sum an thawhkhawm chu nimin thleng khan Rs. 29,19,12,678/- a tling tawh a. Heng atang hian Rs. 25,31,14,470/- chu tul leh pawimawh hrang hrangah hman ni tawhin tunah hian Rs. 3,87,98,208/- ala awm mek tih sawrkar chuan thuchhuah siamin a tarlang.

Registration hun hawng

Mizoram Quota-a MBBS/BDS/BAMS/BASLP zir tumte tan August 6, 2021 thleng NTA Website (neet.nta.nic.in/)-ah registration mahni a tih theih a ni a, harsatna nei leh form fill up a puih ngai te tan Technical Wing, H&TE, Chaltlang Lily Veng-ah leh Common Service Centres (CSC) hrang hrangah te Office hun chhungin pan theih a ni e. A duh tan dhte.mizoram.gov.in/-ah form a download theih niin Exam Fee hi ST tan Rs. 800 leh General tan Rs. 1500/- a ni ang.