ASF vanga Vawk thi la pung

Zonuna Kawlni /

Nimin khan Serchhip District-ah African Swine Fever (ASF) vangin Vawk 97 zet a thih belh leh a, ASF vanga Serchhip District-a Vawk thi chu 1447 a tling ta.

Nimin-a Serchhip District-a ASF vanga Vawk thi 97 zinga 69 te hi Thenzawl ami an ni a, Thenzawl-ah hian ASF vangin Vawk 475 zet a thi tawh a, Serchhip District-a ASF tuar na ber an ni mek a ni. Nimin khan Chhingchhip-ah ASF vangin Vawk 8 a thi bawk a, Serchhip Field Veng-ah 6, Chhiahtlang-ah 5, P&E Veng-ah 4 leh Chhim Veng-ah 2 thiin Keitum, East Lungdar leh Serchhip Kawnpui-ah pakhat theuh a thi bawk. Nimin vek khan ASF hri lenna khaw 6-ah Vawk 46 zet suat leh niin Vawk 783 suat a ni tawh a ni.

ASF hri lenna hmuna la puan loh khua ah nimin khan Vawk thi chhinchhiah thar a awmloh laiin Vawk 8 suat leh a ni thung a, heng te nen hian hri lenna hmun ni lova Vawk suat chu 77 ni tawhin Serchhip District-a Vawk suat tawh zawng zawng chu 860 a tling tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »