Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

Hri kai hmuh 828 tling tawh

/

Niminpiah khan Serchhip District-ah CO-VID-19 hri kai mi 3 hmuh belh leh niin Serchhip District-a hri kai hmuhchhuah chu mi 828 an tling tawh.

Niminpiah a hri kai hmuhchhuah te hi Rapid Antigen Test hmanga Sample enfiah 176 atanga hri kai hmuh te niin hri kai tawh nen inkawmhnaihna nei Thenzawl khua mi 2 leh Aizawl atanga zin hawn East Lungdar khua mi pakhat te an ni. Niminpiah khan ZMC-a RT-PCR Laboratory-ah Serchhip District atanga Sample thawn 147 enfiah niin TrueNat Laboratory-ah Sample 6 enfiah a ni bawk a, hri kai hmuh-chhuah an awmlo thung.

Nimin khan Serchhip District-ah hri kai mi pakhat enkawl dam niin tunhnaia North Van-laiphai-a hri kai hmuhchhuah a ni a. Heti hian nizan thleng khan Serchhip Districrt-a COVID-19 hri kai hmuhchhuah tawh chu 828 niin heng zinga 761 te chu enkawl dam an ni tawh a, tunah hian hri kai enkawllai 64 la awmin hri kai zingah nunna chan mi 3 an awm tawh bawk a ni.

Serchhip District-a hri kai zingah hian mi 54 te chu Thenzawl-ah enkawl mek an ni a, Nursing School CCC-ah mi 10 enkawl an ni bawk a, hei bakah hian District pawn lama hri kai hmuh-chhuah zingah Serchhip District-a enkawl engemaw zat an awm leh tawh bawk a ni.

Comments

Post a Comment

Popular News (Last 30 Days)