Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Vawk 64 zet thih belh leh

Serchhip District-ah nimin khan African Swine Fever avangin Vawk 64 zet a thi leh a, nimin khan Serchhip District-ah Vawk 54 lai suat leh a ni bawk.

Nimin a Serchhip District-a ASF vanga Vawk thi 64 zinga 22 te thi Thenzawl khua ami niin Thenzawl-ah hian Vawk 497 zet a thi tawh a, Vawk 352 zet suat a ni tawh bawk a ni. Heng bakah hian Serchhip Chhim Veng-ah Vawk 13 thiin Chhiahtlang-ah 12 a thi leh bawk a, Chhingchhip Mualpui-ah 8 thiin Chanmari Veng-ah 3, New Serchhip leh P&E Veng-ah 2 ve ve leh Vengchung leh Serchhip Kawnpui North-ah 1 ve ve a thi bawk a, heti hian nimin thleng khan Serchhip District-ah ASF vangin Vawk 1498 zet a thi tawh a ni.

Nimin khan Serchhip District-a ASF hri lenna hmun ni lo khaw 6-ah Vawk 11 thi leh bawk a, Buangpui-ah Vawk 4 lai thiin Bungtlang ah 3 a thi bawk. Nimin khan Serchhip District ah hian Vawk 54 suat niin Thenzawl-ah 17 leh Khumtung-ah 15 suat an ni.

Comments

Chhiar Hlawhte