Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chanchin thar thenkhat :

MCAB hmalakna thlirho

Mizoram Cooperative Apex Bank (MC-AB) Ltd. Board of Director chuan nimin khan an Chairman, T. Lalmuanpuii hovin Virtual Meeting an nei a, kum 2019-20 leh 2020-21 chhunga Audited Bank Financial Position thlirin, nikum chhunga rampuma hri leng nasa takin Bank a tibuai chunga Sawrkar, Kohhran leh mipui duh-sakna dawnga an sum dawn cheng nuai 13478.05 laia a pung te, Loans & Advances cheng nuai 5255.27-a pung leh Profit cheng nuai 769.79 zeta a punga, hlep cheng nuai 2032 zet an nei chu lawmawm an tih thu an sawi a. Hmalak zui zel dan tur thlirin, Head Office ngaihtuah tura thlen mimal loan dilna cheng nuai 841.25 leh Kohhran hrang hrang loan dilna cheng nuai 915, a vaiin cheng nuai 1756.25 an sanction bawk.


Plastic sawngbawlna hawng

Public Health Engineering Department, Kolasib WATSAN Division hnuaia sak, Plastic (Waste) Resource Management Centre, Thing-dawl chu nimin khan Kolasib DC, Dr. H. Lalthlang-liana chuan a hawng a, Plastic (Waste) Resource Management Centre, Thingdawl hi SBM (G) hnuaia Rs. 16,00,000/- senga sak niin Plastic Baling Machine leh Baling machine bunna tur RCC building te a awm a, Plastic nem mukna khawl, Plastic Baling Machine hi July 17 khan hlawh-tling taka enchhin a lo ni tawh a ni. Plastic (Waste) Resource Management Centre-a Plastic Baling Machine hian plastic bottle lakkhawmte chu tonne 30 a ritin a nawr tawm thei a, bale khatah plastic bottle 600 atanga 650 bawr vel zel awmin darkar khatah bale 6 vel siam chhuah theih a ni.


AMC-ah Lockdown pawtsei

Mizoram sawrkar chuan Aizawl Municipal Corporation (AMC) huamchhunga COVID-19 darh chak lutuk tur venna tur leh Health Department-in Mass Testing an kalpui chhunzawm zel theihna turin July 16, 2021-a lockdown kaihhruaina a lo tihchhuah tawh chu July 31, 2021 thlenga hman chhunzawm turin a pawtsei.

Comments

Chhiar Hlawhte