ASF vangin Vawk la thi zel

/

African Swine Fever (ASF) avangin nimin thleng khan Serchhip District-ah Vawk thi ala awm belh zel a, nimin khan Vawk thi 73 zet chhinchhiah belh leh a ni.

Nimin-a ASF hri avanga Vawk thi chhinchhiah te hi khaw 14 ami te niin Khumtung-ah Vawk thi 15, Thenzawl-ah 13, Keitum-ah 10, Chhuanthar Tlangnuam-ah 7, Chhiah-tlang-ah 6, Chhim Veng leh Bungtlang-ah 4 ve ve, P&E Veng, Buangpui leh Chhingchhip-ah 3 theuh, Chhingchhip Mualpui-ah 2 leh Zote South, Darnam leh Hualtu-ah pakhat theuh te an ni.

Heti hian ASF avanga Serchhip District chhung khaw 26-a Vawk thi chu 2532 a tling tawh a, ASF vanga Vawk thi tamna ber Thenzawl-ah 770 thi tawhin New Serchhip-ah 301, Chhiah-tlang-ah 233, P&E Veng-ah 214, Chhingchhip Mualpui-ah 132 leh Keitum-ah 117 te chu khaw pakhat-a Vawk thi tam zualna a ni.

Nimin khan Serchhip District-a ASF hri lenna khaw 9-ah Vawk 112 zet suat leh a ni bawk a, Vawk suat tamna ber Hriangtlang-ah 74 zet suat niin Thenzawl leh Chhingchhip Mualpui-ah 10 ve ve suat a ni a, khaw dang-ah pawh Vawk suat hi awmin ASF hri lenna khaw hrang hrang ah Vawk 1909 zet suat a ni tawh a ni.

ASF hri lenna hmun ni lo Baktawng khua ah nimin khan chhan hriatloh a Vawk thi pakhat awm leh bawkin Serchhip District-a khaw 21-ah chhan hriatloha Vawk thi 53 a awm bakah Vawk 11 suat a ni tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »