Central Team in ZMC tlawhin thawktute an kawm

/

Mizoram-a COVID-19 dinhmun zirchiang tura Mizoram rawn tlawhtu Central Multi Disciplinary Team te chuan nimin khan Zoram Medical College (ZMC) Falkawn tlawhin ZMC-a Covid vei damlo te enkawl dan kalphung te an enfiah.

Liaison Officer Dr. Zorinsangi hnena atanga thudawn danin Central Multi Disciplinary Team hian ZMC-a ICU-a damlo te enkawl dante bakah Oxygen siamna hmun te an enfiah a, ZMC-a Medical Superintendent, Dr. HC. Laldina leh a thawhpuite kawmin hnathawktu hrang hrang te nen an dinhmun leh hnathawh dan te sawiho pui bawk. Heng bakah hian Covid Laboratory Test Centre te hnathawh dan an endik bakah Covid vei hnuchhui ngai buaipuitu, Contact Tracing Team te pawh an kawm bawk a ni.

Tarlan tawh angin Central Multi Disciplinary Team member te hi Dr. Vinita Gupta, Epidemiologist leh Dr. Shiva Kumar Chimtla, Chest physician te niin niminpiah khan Health Minister, Dr. R. Lalthangliana chu an lo kawm tawh a, sawrkar Department hotu pawimawh te an kawm chhunzawm zel dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »