Hri kai leh dam awm belh

/

Zirtawpni leh Inrinni khan Thenzawl-ah CO-VID-19 hri kai mi 24 zet hmuhchhuah belh leh an ni a, heti hian tunhnai chho ah Thenzawl-ah hian hri kai mi 32 zet hmuhchhuah an awm leh tawh a ni.

Inrinni khan Serchhip District-a hri kai hmuhchhuah mi pahnih te chu anmahni enkawlna hmun atanga chhuahtir niin pakhat zawk hi Nursing School CCC atanga chhuahtir niin midang pakhat hi Thenzawl IAH atanga chhuahtir a ni a, nimin khan Nursing School CCC atangin mi 10 chhuahtir ni ve leh bawkin heng mite hi BSF Sipai vek an ni thung.

Heti hian nimin thlenga Serchhip District-a hri kai hmuhchhuah chu 798 ni tawhin an zinga 754 te chu enkawl dam an ni tawh a, tunah hian hri kai enkawllai mi 41 la awmin hri kai zingah nunna chan  mi 3 an awm tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »