Latest News

ASF vangin Vawk 60 thi leh

Serchhip District chhunga ASF hri lenna khaw 18-ah nimin khan Vawk thi 60 zet chhinchhiah belh leh a ni.

AH & Vety Department chhinchhiah danin nimin-a African Swine Fever (ASF) vanga Vawk thi chhinchhiah thar zingah hian Thenzawl khua ami tam berin Vawk 19 zet a thi leh a, Bungtlang-ah Vawk 9 thiin Keitum-ah Vawk 8 a thi a, Hriangtlang-ah Vawk 7 a thi bawk. Heng bakah hian Chhiahtlang, Dinthar Veng leh Hualtu ah Vawk 2 theuh thiin New Serchhip, P&E Veng, Chanmari, Field Veng, Zote South, Vengchung, Chhingchhip Mualpui, Chhim Veng, Khumtung, Chhuanthar Tlangnuam leh Buhkangkawn-ah Vawk pakhat theuh a thi bawk a. Heng te nen hian Serchhip District-a ASF vanga Vawk thi chu 2592 a ni tawh a ni.

Nimin khan ASF hri lenna khaw 13-ah Vawk 91 zet suat leh a ni bawk a, Buhkang-kawn-ah Vawk 22 leh Khumtung-ah Vawk 21 suat niin Thenzawl-ah Vawk 14 lai suat a ni bawk.

Comments

Popular News (Last 30 Days)