Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

Chanchin thar thenkhat :

PM in North East CM a kawm

Prime Minister Narendra Modi chuan nimin khan Covid-19 hrileng thawh hnihna chungchang ah India hmarchhak State Chief Minister 8 te chu Video Conference hmangin a kawm. He inkawmna ah hian Prime Minister chuan COVID-19 hrik chu a insiam danglam (mutate) em tih leh variant hrang hrangte chik taka chhuizui zel turin Chief Minister te chu a chah a. Hrileng thawh thumna laka lo inbuatsaih lawkna ngaih pawimawh a tul thu sawiin, ‘Vaccination for All - Free for All’ atan India hmarchhak State-te an pawimawh thu a sawi bawk. He hunah hian Chief Minister te hian an State dinhmun leh mamawh an neih te sawiin, Mizoram atanga tel Chief Minister, Zoramthanga pawhin Mizoram in COVID-19 bakah harsatna dang hrang hrang a tawhte sawiin, vaccine tam zawk mamawh belh a nih thu leh Oxygen infrastructure lama mamawh awmte a sawi bawk.


Mamit DC hovin ramri tlawh

Mamit District Bawrhsap, Dr. Lalrozama IAS hovin nimin khan Mamit SP, 4th IR Commandant, Addl. SP Mamit, SDO (C) Kawrthah bakah SDPO Kawrthah te'n Chuhvel khaw ram buaina chungchangah Chuhvel khua tlawhin, Chuhvel khaw dai-a Assam lamin kawng rawn laih an tumna vel an thlithlai a. May 30, 2021-a John Haliday-a'n a Huan, Chuhvel leh Saikhaw-thlir ramchhunga a Thlam sak mek, Assam lam mi Uniform ha engemawzatin kalchilha sak chhunzawm tawh lo tura an tih buaina kalzelah tunhnaiah Assam lam hian kalkawng rawn laih an tum ni-a a lan avangin Assam lamin kawng rawn laih an tumna hi niminpiah khan JCB ruaiin laih khalh tura hmalak nghal a ni. Hetianga ramri a Assam lam chet tumna a awm avang hian nimin khan Chuhvel VC te leh khawtlang tlawmngaite hnatlanga thawk chhuakin ohn Halliday-a ram piah, K. Lalengmawia ram-ah sipai duty post tur hmunhma-te thlirin hnatlangin hna an thawk tan nghal bawk a ni.


CM leh HM bang turin phut

Peoples' Conference (PC) Party President, Vanlalruata chuan nimin khan thuchhuah siamin tunhnaiah Assam in kan ram min rawn chuhin Police te hmangin tharum nen min bei mawlh mawlh tih a sawi a. Kan ram hauha tha thawha kan lal ten hma an lo lak thin lai leh Assam-a cheng ten min ngam loh thin laiin, tuna kan rama lalna chang mek leh mawhphurhna neitu kan Chief Minister leh Home Minister te chuan tun thlengin awmze neiin hma an la la lo tih sawiin, “Hetiang Chief Minister leh Home Minister hi an nihna chelh reng tlak ah PC Party chuan kan ngai lo a. Bang turin kan duh a ni,” a ti bawk.


Ramri chungchang sawi dawn

Tunhnaia Mizoram leh Assam ramri-a thil thleng kaihhnawih hrang hrang chungchang ah Chief Minister, Zoramthanga chuan Vawiin chawhma dar 11:00 atanga neih turin Meeting a ko a. Assembly Conference Hall-ah Meeting neih turah hian Deputy Chief Minister leh Assembly Speaker bakah Home, LAD leh I&PR Minister te, ramri hnaih khua bialtu MLA te, Political Party hrang hrang aiawh te, MKHC aiawh mi 2 te, NGO Co-ordination Committee-a tel pawl aiawh 2 theuh leh JAC on Innerline Reserve Forest aiawh mi 2 bakah sawrkar Official pawimawh zual te an tel ang.

Comments

Chhiar Hlawhte