Mipui duhdana thutlukna siam vangin MSU an lawm

Mizo Students’ Union (MSU) General Hqrs. chuan kan sawrkar hruaitute'n mipui duhdan taka huai taka thutlukna an siam chu lawmawm an tih thu an sawi.

Nimin a thuchhuah an siamah MSU General Hqrs. chuan Mizoram in kum engemaw zat ramri chungchanga buaina kan neih ah mipuite duhdan ang taka Ram chhan nan leh mipui te thlavang hauh nana silai hmehpuah a ni ta chu hmasawnna pakhatah an ngai tih sawiin, kan sawrkar Chief Ministe Zoramthanga leh Home Minister Lalchamliana te chungah lawmthu an sawi a, hnung tawlh lova hmalam min pan pui zel turin duhsakna an hlan tih an sawi bawk.

MSU chuan kan sawrkar hruaitute'n mipui duhdan taka huai taka thutlukna an siam chu lawmawm an tih thu sawiin, a tul anga ramri venhimna thuamchak deuh deuh turin a ngen a, ramri-a CRPF te duty dan lungawithlakloh an tih thu pawh sawiin, Assam leh Mizoram ramri a duty zui zel tur hian rinngam harsa an ti takzet tih an sawi bawk.