Ni 2-ah hri kai thar 17 awm

Zonuna Kawlni /

Ni 2 chhungin Serchhip District-ah hri kai mi 17 zet hmuhchhuah niin Serchhip District-a hri kai hmuhchhuah chu 741 an tling tawh.

Nimin lama Serchhip District-a Rapid Antigen Test hmanga hri kai mi  8 kan rawn tawh tarlan bakah TrueNat Laboratory-a Sample enfiah atangin niminpiah khan hri kai mi 5 hmuhchhuah an ni bawk a, heng hri kai hmuhchhuah te hi BSF Sipai niin tunhnaia State pawn atanga rawn lut an ni. Nimin khan Serchhip-ah hian Rapid Antigen Test hmangin hri kai mi 4 hmuh leh an ni bawk a, heng hri kai zinga mi 3 te hi Darnam Veng ami niin hri kai tawh nen inkawmhnaihna nei an ni a, Chanmari Veng-ah hri kai pakhat hmuh ni bawkin hri kai tawn nen inkawmhnaihna neih avanga inkhunghrang lai a ni bawk.

Nimin khan Serchhip District-ah hri kai enkawl dam an awm belh lova, heti hian nimin thlenga Serchhip District-a COVID-19 hri kai hmuhchhuah tawh chu 741 niin heng zinga 688 te chu enkawl dam an ni tawh a, tunah hian hri kai enkawllai mi 50 awm mekin hri kai zingah mi 3 an boral tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »