Kawn Veng YMA in raltlan tan chhawmdawlna hlan

Chhiahtlang Kawn Veng Branch YMA te hmalakna a an Veng mipuite thil thawhkhawm chi hrang hrangte chu Myanmar tualchhung buaina avanga Mizoram-a raltlan te hnena tan nimin khan hlan a ni.

Chhiahtlang Kawn Veng Branch YMA te hmalakna hian an huamchhunga chhungkaw hrang hrangte chuan an remchan an thil thawh-khawmin tunhnaia Myanmari tualchhung buaina thleng avanga Mizoram-a rawn raltlan te tana Tuipuiral Group YMA in Base Camp an siam, Zawlsei-a hlan turin nimin zing khan Chhiahtlang chhuahsanin Zawlsei hi an pan a, nimin vek khan heng an thil hlan turte hi hlan nghalin, Tuipuiral Group YMA ten a semchhuah hna hi an lo thawk chhunzawm dawn a ni.

Chhiahtlang Kawn Veng Branch YMA in raltlan te tana an hlan hi thawmhnaw chi hrang hrang bakah Mutbu chi hrang hrang, Dal Alu, Chini, Tel, Sahbawn leh nitin mamawh thil chi hrang hrangte leh buhfai bag 20 zet niin mipuite thawhkhawm sumfai thahnem tak an hlan a, hei bakah hian an huamchhung pawnlam atanga mi tlawmngai leh VC te sum thawh Rs. 6500/- pawh an hlan tel nghal a, heng an thil hlan te hi Pik-up Truck pahnih leh Motor dang pakhat hmangin an Branch hruaitu ten an han hlan a ni.