Hri kai 2 enkawl dam leh

/

Serchhip District-ah niminpiah khan hri kai hmuh belh awm lovin nimin khan mi 2 enkawl dam an ni thung. Niminpiah khan Serchhip District-a TrueNat Laboratory-ah Sample 7 enfiah niin Rapid Antigen Test hmangin Sample 82 enfiah a ni bawk a, hri kai hmuh awm lovin nimin khan Rapid Antigen Test hmangin Aizawl lam mi hri kai pakhat hmuh a ni thung.
Nimin khan Serchhip District-a hri kai enkawl mi 2 te chu Nursing School CCC atanga chhuahtir an ni a, heng hri kai enkawl dam tak te hi New Serchhip Kikawn-a hri kai hmuh-chhuah te niin Kikawn-a hri kai hmuhchhuah te hi enkawl dam an ni vek tawh a ni.
Heti hian nimin thleng khan Serchhip District-a hri kai hmuhchhuah chu 745 la niin an zinga 711 te chu enkawl dam an ni tawh a. Tunah hian hri kai enkawllai mi 31 la awmin hri kai te zingah nunna chan mi 3 an awm tawh a. Hri leng avang hian In lama inkhunghrang mi 23 la awmin Sawrkar hmunhmaa inkhunghrang mi 79 an la awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »