Thenzawl-ah July 4 atangin Vawk talh khap dawn

Serchhip District chhunga Thenzawl khua ah tun thla ni 4 atang khian Vawk talh khap a ni dawn.

Thenzawl-a Vawk hri leng do pawl, Thenzawl Task Group on ASF chu niminpiah khan thukhawmin Thenzawl-a Vawk hri leng dinhmun an thlirho a, an khawchhung ah Vawk hrisel lo talh an awm theih an hlauhthawn avang leh Vawk hri leng mek chu mihring in an putdarh thin avangin a tai darh lohna tur a nih beisei avang te, AH&Vety Department in Infected Area-a hman tur SOP a tihchhuahah Vawk talh leh a sa zawrh a khap avangintun thla ni 4 atang khian Thenzawl-ah pawh Vawk talh leh a sa zawrh phal tawh loh nise an ti a ni.

Thenzawl khua ah hian hun engemaw chen kalta atang khan Vawk thi hi awm tawhin Sample te enfiah a nih hnuah ASF hri hmuh a nih avangin May 10, 2021 khan Thenzawl khua hi Infected Area-ah puan a ni a, nimin thleng khan Vawk thi 179 awm tawhin Vawk 16 suat a ni tawh a, Vawk dam 2465 ala awm mek a ni.