Rampum ngaihtuahin Mizoram-ah hri kai hmuh an la tam

India rampum ngaihtuahin hrikai leh kailo endik zinga hrikai awmzat ah Mizoram a sang hle.

India rampumah chuan Sample enfiah atanga hri kai zat, Test Positivity Rate (TPR) hi Inrinni khan 2.25 a nih laiin Mizoram-ah chuan Inrinni khan Sample enfiah atanga za zela 10.82 in hri an kai a, State hrang hrang dinhmun enin Mizoram chu hrikai leh kai lo endik zinga hri kai tamna a la ni mek a ni. Hei bakah hian hri kai dam leh zatah Mizoram a la hniam hle a, India ram pumah hri kai dam leh za zela 97. 20 a kaichhoh tawh laiin Mizoram-ah chuan 81.19 chauh a la ni.

Mizoram-a hri kai enkawl dam zat a san theihloh chhan hi State danga hri kaite dam anga pawma chhuahtir dan phung, Discharge Protocol an hman ang Mizoram-a hman ve a nih loh vang nia sawi a ni a, State dangah chuan hri kai hmuhchhuahte hi ni 3 chhung symptom an neih tawh loh chuan enkawl an nih atanga ni 10-ah endik leh kher lova chhuahtir thin an ni.