Latest News

Vawk thi 2000 aiin tam ta

Serchhip District-a African Swine Fever vanga Vawk thi chu sang hnih aiin an tam ta.

Nimin a AH&Vety Department chhinchhiahna atanga a lan danin ASF vanga Vawk thi hi 65 zet a awm belh a, Thenzawl-ah Vawk 18 thi lehin Kawnpui North VC-ah 11 a thi leh bawk a, heng bakah hian Field Veng leh Chhingchhip Mualpui-ah 6 ve ve thiin Vawk 3 thihna khaw 4, Vawk 2 thihna khaw 3 leh Vawk pakhat thihna khaw 6 a awm a, heti hian nimin thleng khan Serchhip District-ah ASF vangin Vawk 2057 a thi ta a ni.

Nimin khan ASF hri lenna khaw 12-ah Vawk 76 zet suat leh ni bawkin hri lenna hmun ni lo-ah vawk 2 suat a ni bawk a. Serchhip District pumah hian nimin thleng khan hri leng avangin Vawk 1458 zet suat a ni tawh a, hri lenna hmun ni lo khaw 18-ah Vawk 28 a thi tawh bawk a ni.

Comments

Chhiar Hlawhte