Serchhip District-a VC awm zatve aia tamin ASF tuar

Zonuna Kawlni /

Vawk pul hri leng mek, African Swine Fever (ASF) vanga Serchhip District-a Vawk thi chu 1929 a tling tawh a, Vawk 1326 zet suat a ni tawh bawk.

AH & Vety Department in an chhinchhiahna atanga a lan danin Serchhip District-a VC awm zawng zawng zinga a zatve aia tam ah ASF vanga Vawk thi hi a awm tawh a, nimin khan Vawk thi 55 awm belh lehin heng te nen hian Serchhip Districrt-a ASF vanga Vawk thi chu 1326 zet a tling tawh a ni. Nimin a Vawk thi zinga 21 hi Thenzawl ami niin Thenzawl-ah hian ASF vangin Vawk 631 zet a thi tawh a, Serchhip Hmar Veng-ah Vawk thi 13 awm bawkin Vawk za aia tam thihna khaw 5 a awm tawh a ni.

Serchhip District-a ASF hri lenna khaw 9-ah nimin khan Vawk 78 zet suat leh a ni bawk a, heng te nen hian ASF hri lenna khaw 26-ah Vawk 1326 zet suat a ni tawh a, tunah hian heng hri lenna khaw 26-ah hian Vawk 7104 ala awm nia chhinchhiah a ni bawk. Hetihlai hian ASF hri lenna hmuna la puan loh khaw dang-ah nimin khan Vawk thi chhinchhiah thar awm lovin Vawk 28 zet suat a ni thung.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »