Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Hri kai 669 tling tawh

Niminpiah khan Serchhip District-ah hri kai mi pahnih hmuhchhuah niin Serchhip District-a COVID-19 hri kai hmuhchhuah chu 669 an ni tawh.

Niminpiah khan Serchhip District atanga Sample thawn 97 chu ZMC Laboratory-ah enfiah niin heng atang hian hri kai mi pakhat hmuh a ni a, Serchhip Darnam Veng mi naupang kum 11 mi niin hri kai tawh nen inkawmhnaihna neih avanga inkhunghrang lai a ni. Niminpiah khan TrueNat Laboratory-ah Sample 16 enfiah niin hri kai hmuh an awm lova, Rapid Antigen Test hmanga Sample enfiah 18-ah hri kai pakhat hmuh niin BSF sipai, inkhunghranna hmuna awm mek a ni.

Nimin khan Serchhip District-a hri kai enkawl mi 4 te chu enkawl dam niin Nursing School CCC atanga chhuahtir an ni ve leh bawk. Heti hian nimin thleng khan Serchhip District-a hri kai hmuhchhuah chu 699 niin heng zinga 664 te chu enkawl dam an ni tawh a, tunah hian hri kai enkawllai 32 la awmin hri kai zingah nunna chan mi 3 an awm tawh bawk a ni.

Comments

Chhiar Hlawhte