Hri kai 5 enkawl dam leh

Zonuna Kawlni /

Pathianni-a Serchhip District-a Sample en-fiah zingah hri kai hmuhchhuah awm lovin nimin khan hri kai mi 5 enkawl dam an ni thung.

Pathianni khan Serchhip District-a TrueNat Laboratory-ah Sample enfiah awm lovin Rapid Antigen Test hmangin Sample 18 enfiah a ni thung a, heng atang hian hri kai hmuhchhuah an awmlo a ni. Nimin lama Sample enfiah zingah he thu buatsaih lai thleng hian hri kai hmuhchhuah an awmlo bawk a ni.

Nimin khan Serchhip District-a hri kai enkawl mi panga te chu hri lakah fihlimin anmahni enkawlna hmun atanga chhuahtir an ni a, heng hri kai enkawl dam zinga mi 3 te hi Nursing School CCC atanga chhuahtir niin mi pahnih te hi Darnam Veng niin midang pakhat hi Chan-mari Veng a ni a, IAH Thenzawl atangin mi 2 chhuahtir an ni bawk.

Heti hian nimin thlenga Serchhip District-a COVID-19 hri kai hmuhchhuah chu 757 la niin heng zinga 736 te chu enkawl dam an ni ta a, tunah hian hri kai enkawllai mi 18 la awmin hri kai zingah nunna chan mi 3 an awm tawh a. Hri kai hmuhchhuah atanga za zela 97.22 te chu enkawl dam an ni tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »