Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Thla 3 daih buhfai chhekkhawl mek a ni

Supply Minister K. Lalrinliana chuan Mizoram-a buhfai chawkluhna ah harsatna a awm lo tih sawiin, tun dinhmunah thla 3 daih buhfai chhekkhawl sa Mizoram in a nei tih a sawi.

Supply Minister chuan thuthar thehdarhtute zawhna chhangin Mizoram a buhfai chhekkhawl zat chu a chiah chiah chhut a har tih sawiin, tun dinhmunah chuan FCI a kan neihsa te, Prime Minister Package kan neih mek te nen thla 3 daih buhfai chhekkhawl ah an inngai tih a sawi a, Mizoram chhung hmun 53-ah buhfai chhekkhawl a nih thu a sawi bawk. Kawng thatlohna hmun leh kawngpui siamthat mekna hmun engemawzat ah te chuan kumin September atanga November thla thleng daih tur buhfai chhekkhawl tawhna hmun te pawh a awm tih sawi bawkin, kawng thatna hmun leh lirthei veivahna a harsatna awm lohna hmunah te chuan buhfai chhekkhawl a ni lutuk ngai lo niin a sawi.

Supply Minister chuan tun dinhmun a Mizoram-in thla 1-a buhfai a mamawh zat chu quintals 1,05,000 ang vel a ngaih a nih thu leh hei hi chhan hrang hrang vanga a danglam reng thu sawiin, Mizoram a buhfai chawkluhah harsatna a awm loh thu a sawi bawk.

Comments

Chhiar Hlawhte