DONER Minister hovin CM ten inkawmna an nei

/

DONER Minister thar G. Kishan Reddy hovin India hmarchhak State Chief Minister leh an aiawhte chuan nimin khan Video Conference hmangin inkawmna an nei.

He inkawmna ah hian DONER Minister G. Kishan Reddy chuan Space Technology tihchangtlun zel chu tangkai zawka hman a pawimawh thu sawiin, India tan India hmarchhak State te pawimawhna hrang hrangte a sawi bawk. He inkawmna ah hian Union Minister, Jitendra Singh pawhin India hmarchhak State-te sawrkar laipuiin a ngaihpawimawh thu a sawi bawk.

He hunah hian Mizoram atanga tel Chief Minister, Zoramthanga chuan North Eastern Space Application Centre (NESAC) hmang tangkai a, awmze nei zawka Mizoram-a tuihna humhalh dan tur te, kan leilung riral nasa lutuk veng tura Check Dam siamna hmunhma thlan dan tur te, kan sik leh sa danglam chho zel venhim dan tur te leh kan Tourism tihhmasawn chungchangte a sawi a. Union Minister thar hnuaiah hmarchhak State ten hmasawnna chak tak an hmuh a beisei thu a sawi bawk.

He hunah hian Chief Minister hi Additional Chief Secretary JC. Ramthanga leh Planning Secretary Lalmalsawma Pachuau ten an tawiawm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »