Thenzawl-ah hri kai an pung

/

Niminpiah khan Thenzawl-ah COVID-19 hri kai mi5 hmuhchhuah belh leh niin nimin khan hri kai mi 7 hmuh belh leh an ni bawk a, heng te nen hian Serchhip District-a hri kai hmuhchhuah chu 819 an tling tawh.

Niminpiah-a Thenzawl-a hri kai hmuhchhuah te hi Rapid Antigen Test hmanga Sample enfiah 71 atanga hmuh an ni a, an zinga mi 3 te chuhri kai tawh nen inkawmhnaihna nei niin midang pahnih te hi damdawi In-a inentir tur, hri kaina hriatloh leh chhui ngai an ni a. Serchhip District TrueNat Laboratory-a Sample enfiah 8 zingah hri kai hmuhchhuah an awmlo thung. Nimin khan hriat theih chinah Thenzawl-ah hian Rapid Antigen Test hmangin hri kai mi 7 hmuh belh leh an ni bawk.

Thenzawl khua ah hian tunhnaiah hri kai hmuhchhuah an pung nasa hle a, mi 45 enkawl theihna IAH CCC-ah tunah hian mi 45 enkawl mek an ni a, hei vang hian Industry Complex, Thenzawl Venghlun-a Exhibition Hall chu tunah hian 4C atan ruahman mek niin helai hmun-a thawk tur hian Volunteer mipa 6 leh hmeichhia 1 te chu Ayush Hospital Doctor ten nimin khan training an pe bawk a, mamawh dan a zirin Vawiin lam hian luahluh theih tura ngaih a ni.

Nimin khan Integrated AYUSH Hospital (IAH) CCC, Thenzawl atangin hri kai mi 2 te chu enkawl dam an ni ve leh bawk. Heti hian nimin thleng khan Serchhip District-ah hri kai hmuhchhuah chu 819 an ni tawh a, an zinga 760 te chu enkawl dam ni tawhin tunah hian hri kai enkawllai 56 an awm mek a, hri kai zingah nunna chan mi 3 an awm tawh bawk a. Hri kai enkawllai mi 56 zinga mi 50 te hi Thenzawl khua a hri kai hmuhchhuah te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »