Niminpiah-ah hri kai 548 zet hmuh belh an ni

Niminpiah khan Mizoram-ah Sample 3245 enfiah ni lehin heng atang hian COVID-19 hri kai 548 zet hmuhchhuah an ni a, Lawngtlai District-a Longpuighat-ah hri kai 170 zet hmuhchhuah an ni.

Niminpiah khan ZMC-a Laboratory-ah Sample 837 enfiah niin heng atang hian hri kai mi 47 hmuh leh an ni a, an vai hian Aizawl District-a Sample lak te niin Armed Veng South atangin hri kai mi 11 hmuhchhuah niin veng mal a hri kai hmuhchhuah tamna ber a ni a, hri kai hmuhchhuah tawh te hi hri kai tawh nen inkawmhnaihna nei an ni.

District hrang hranga TrueNat Laboratory-ah niminpiah khan Sample 270 enfiah ni bawkin heng atang hian hri kai mi 33 hmuhchhuah an ni bawk a, an zinga mi 15 te chu Lunglei District ami niin an zinga mi 10 te chu State pawn atanga hnathawk tura rawn lut an ni. Aizawl leh Champhai District-ah hri kai mi 5 ve ve hmuh nin Kolasib District-ah 3, Siaha leh Mamit District-ah 2 ve ve leh Hnahthial District-ah hri kai mi pakhat hmuh an ni bawk.

Mizoram hmun hrang hrangah niminpiah khan Rapid Antigen Test hmangin sample 2138 enfiah niin heng atang hian hri kai mi 468 zet hmuh an ni a, Lawngtlai District-ah hri kai mi 174 hmuh niin heng zinga mi 170 te chu Longpuighat khua ami te an ni. Aizawl District-ah hri kai mi 144 hmuh an awm bawk a, Bethlehem Vengthlang chu hri kai hmuh thar tam berna Veng niin hri kai mi 21 zet hmuh leh an ni. Heng bakah hian Kolasib District-ah hri kai mi 78 zet hmuh an awm bawk a, heng zinga mi 46 te chu Thutak Nunpuitu Team, Khuangpuilam ami te an ni. Lunglei District-ah hri kai mi 37 hmuh niin Lunglei Venglai-ah hri kai mi 18 zet hmuh an ni a, Siaha District-ah hri kai mi 22 hmuh niin Mamit District-ah 8, Champhai leh Serchhip District-ah 2 ve ve leh Hnahthial District-ah hri kai pakhat hmuh an ni bawk.

Heti hian nimin thlenga Mizoram-a COVID-19 hri kai hmuh tawh chu 22,703 an tling ta a, nimin khan Mizoram-ah hri kai mi 364 te chu enkawl dam ni ve lehin tun thlengin hri kai mi 19,007 te chu enkawl dam an ni tawh a, hei hi hri kai hmuhchhuah atangin za zela 83.72 a ni a, tunah hian hri kai enkawllai 3595 an la awm a, District tinah hri kai enkawllai an la awm vek a ni.

Hri kai zingah nunna chan awm belh leh :

Nimin khan Mizoram-ah COVID-19 vanga nunna chan mi pakhat a awm belh leh. Nimin-a hri kai boral hi H. Thanmawia (88), Ramhlun North niin June 25 khan hri a kai tih hmuhchhuah a ni a, hemi ni vek hian ZMC-ah dahluh nghal ni mah se nimin zing dar 7:15 khan a boral ta a ni. Heti hian Mizoram-a COVID-19 hri kai zingah nunna chan mi 101 an awm ta a ni.