Mizoram-ah hri kai mi 727 hmuh belh leh an ni

Mizoram-a COVID-19 hri kai hmuhchhuah chu an la pung zel a, niminpiah khan sample 5206 enfiah leh niin heng atang hian hri kai 727 hmuhchhuah an ni a, Sample enfiah atanga za zela 13.96 te chuan hri an kai a ni.

Niminpiah khan ZMC-a RT-PCR Laboratory-ah Sample 1850 enfiah niin heng atang hian COVID-19 hri kai mi 181 hmuhchhuah leh an ni a, an zinga mi 180 te chu Aizawl District-a Sample lak te niin Armed Veng South-ah hri kai hmuhchhuah tam berin mi 27 zet hmuhchhuah an ni leh a, Muthi-ah mi 13 leh Tuikual North-ah mi 11 hmuh niin Dawrpui Vengthar-ah hri kai mi 10 hmuh an ni bawk. Midang te hi khua leh Veng 35 atanga hri kai hmuh te an ni thung. ZMC-a RT-PCR Laboratory-ah hian Mamit District atanga Sample lak 32 enfiah ni bawkin hri kai mi pakhat hmuhchhuah a ni bawk.

Niminpiah khan District hrang hranga TrueNat Laboratory-ah Sample 505 enfiah ni bawkin heng atang hian hri kai mi 66 hmuh an ni leh bawk a, an zinga mi 26 te chu Lunglei District ami niin Lawngtlai District-ah 19, Siaha District-ah 8, Mamit District-ah 6, Aizawl District-ah 4 leh Champhai District-ah mi 3 te an ni.

Rapid Antigen Test hmangin niminpiah khan Sample 2851 enfiah ni bawkin heng atang hian hri kai mi 480 hmuh leh an ni bawk a, an zinga mi 303 te chu Aizawl District-a hri kai hmuhchhuah niin hri kai hmuhchhuah tam zualna zingah Sairang Sihhmui-ah 38, Vaivakawn-ah 25, Bethlehem Vengthlang-ah 17, Dinthar Veng, Ramthar North leh Tuikual North-ah 16 theuh leh Bawngkawn South-ah 14 te an ni a. A bak hi Veng leh khua 46 ami te an ni bawk.

Heng bakah hian Kolasib District-ah hri kai mi 74 hmuh niin Lawngtlai District-ah 32, Mamit District-ah 31, Lunglei District-ah 27, Siaha District-ah 6, Serchhip District-ah 5 leh Saitual District-ah hri kai mi 2 hmuh an ni bawk.

Heti hian nimin thlenga Mizoram-a hri kai hmuhchhuah chu 35,297 an tling tawh a, nimin khan hri kai mi 263 te chu enkawl dam ni ve lehin heti hian nimin tlai dar 5:00 thlenga Mizoram-a hri kai enkawl dam chu 24,496 an ni tawh a, hei hi hri kai hmuhchhuah atanga chhutin za zela 63.39 niin tunah hian hri kai enkawllai 10,661 an la awm mek bawk a ni.

Tun dinhmunah Mizoram District hrang hrang 11-ah hri kai enkawllai an la awm vek a, Aizawl District chu hri kai enkawllai tamna ber niin 7867 enkawl mek an ni a, Lunglei-ah 904, Kolasib-ah 717, Lawngtlai-ah 506, Mamit-ah 348 te chu hri kai enkawl tam zualna niin Siaha-ah 128 leh Champhai-ah 125 an awm bawk a, hri kai enkawllai tlemna ber Khawzawl District-ah mi pakhat enkawl mek a ni bawk.