Latest News

In sak tanpuina dilna lut thlirhona neih a ni

Pradhan Mantri Awas Yojana (Urban) hnuaia Serchhip District-a In sak tanpuina diltute dilna ngaihtuahin nimin khan Serchhip-ah District Screening Committee thutkhawm neih a ni.

Serchhip DC Meeting Hall-a District Screening Committee thutkhawm hi an Chairman, Serchhip District Bawrhsap Kumar Abhishek IAS chuan kaihruaiin Meeting chungchang sawihawnna a neih hnuah MIS Coordinator, Lalthianghlimi chuan Serchhip District chhunga PMAY (U), Housing For All hnuaia hma an lak tawhna hrang hrang leh tuna Serchhip District dinhmun te a lem nen entirin a sawifiah a. Hemi hnu hian Serchhip District Urban Development Officer (DUDO), Albert Vanlalliantluanga chuan PMAY (U) nihphung sawifiahin, PMAY (U) hnuaiah hian Component pahnih- Beneficiary-Led Individual (BLC) leh Credit Link Subsidy Scheme (CLSS) te a awm thu a sawi a. BLC hnuaiah hian In sak tanpuina cheng nuai 1.5 pek theih a nih thu leh CLSS hnuaiah hian a pung tlem zawkin Loan pekchhuah theih a nih thu te a sawi bawk.

Nimin-a thutkhawm hi Serchhip District chhunga MLA pahnih, Tuikum bialtu MLA leh Assembly Deputy Speaker Er. Lalrinawma leh Serchhip bialtu MLA, Lalduhoma te chuan an rawn telpui a, hriatfiah duh an neih inzawhfiah a ni bawk. Nimin-a thutkhawm ah hian tunhnaia PMAY (U) hnuaia 3rd DPR tura dilna lut te thlir a pawmpui a nih bakah DPR hmasa lama pawm tawh, engemaw avanga tanpuina dawng theilo te hmunruak hnawhkhah dan turte sawiho a ni bawk.

Comments

Chhiar Hlawhte