Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Mizoram-a ASF len chhan la chhui chhuak lo; ASF vanga sum hloh vbc. 120 a tling tawh

Vawk natna hlauhawm tak, African Swine Fever (ASF) lenna chhana ngaih, Mizoram State pawn atanga Vawk laluttu chu chhuichhuah a la ni lova, hetihlai hian March 21, 2021 hnu lama Vawk thi avanga sum hloh (economic loss) chu cheng vbc. 120 vel a tling tawh nia ngaih a ni.

Thuthar thehdarhtute zawhna chhangin ASF Nodal Officer, Dr. Lalhmingthanga AH&Vety Joint Director (Livestock Health) chuan Mizoram-a ASF lenna chhana ngaih, State pawn atanga Vawk laluttu chu chhui mek zel a la nih thu sawiin, ASF vanga Vawk thihna hmasa ber, Lungsen khua a Investigation neih chu a report duhthu a la sam loh vang in chhuina report peihfel a la nih loh thu a sawi. AH&Vety Department chuan ASF len chhana a mawhphurtu chhui chhuak turin Aizawl, Mamit, Serchhip, Lunglei leh Lawngtlai DC te a lo ngen tawh a, hei bakah hian Police lamah pawh DIG kaihhruaina hnuaiah Investigation Team din a ni bawk.

Dr. Lalhmingthanga sawi danin, March 21, 2021 atanga June 30, 2021 thlenga Vawk thi avanga sum hloh chu cheng vbc. 117 vel ni a chhut a ni a, hetihlai hian tun July thla chhungin Vawk thi engemawzat a awm belh leh tawh avangin Vawk thi avanga sum hloh zat chu cheng vbc. 120 vel a tling tawh nia ngaih a ni.

Kumin March 21 khan Lunglei District chhunga Lungsen khuaah Vawk hi a thi tan a, Mizoram-a Vawk hri leng tawh thin a ni lo tih finfiah a nih hnuah April 5, 2021 khan Special Disease Investigation Team te Lungsen-ah an kal a, April 16, 2021-ah ASF vanga thi a ni tih finfiah a ni. ASF avang hian Mizoram-ah Vawk 17,000 chuang thi tawhin Mizoram District tinah hri kai hmuhchhuah an ni tawh a. Mimal zingah CB Piggery chu a tuar nasa ber nia hriat niin ASF vang hian CB Piggery, Lengte chuan kumin-ah Vawk 1360 vel an chan tawh a, chung zinga 350 chu a rai lai niin, a puitling 500 vel leh a bak zawng chu a note leh la puitling lo (talh rual la tling lo) an ni. CB Piggery neitu CB. Khuma chuan ASF vanga an sum hloh tawh zawng zawng chu a tlem thei ang bera chhutin cheng nuai 380 vel a tling tih a sawi bawk.

AH&Vety Department chhinchhiah danin Inrinni khan African Swine Fever vang hian Vawk 259 an thih belh leh a. Hetihian ASF vanga Vawk thi chu 17,153 an ni tawh a, ASF vei nia rinhlelh Vawk 6229 tihhlum an ni tawh bawk.

Comments

Chhiar Hlawhte