Posts

Showing posts from 2020

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

Home Minister in tlawh

COVID-19 vanga hna chân tan MYC in ruahmanna siam

Mizoram Youth Commission (MYC) chuan Mizoram mi leh sa, State pawna hnathawka awm COVID-19 vanga lo kir te tan anmahni chawmdawlna tur chi hrang hrang a siam.

Buhfai chhia lilam dawn

Buarpui Supply Centre-ah mihring ei tlakloh buhfai qtls. 264.48 awmin hei hi lilam a ni dawn a, a chhang duh tan tun thla ni 29 thlengin DCSO Serchhip Office-ah chhanna thehluh theih a ni ang.

Zoram Thar hnatlang zofel

Zoram Thar ten Thenzawl Kanan Phaipui hmun a Biak Inpui hmun laih Hnam hnatlang an neih chu Zofate Haw Runpui, Hnam inkhawmpui nghah nana Pandal zar theih tura laih zawh a ni ta.

SṬP-in hri donaa thawktute Krismas thilpek an hlan

Serchhip Ṭhalai Pawl te chuan Hunpui lo thleng tur pualin nimin khan hri leng dona atana thawktute hnenah thilpek an hlan. SṬP te hian Krismas dawnah Serchhip khawpui chhunga miharsa te ṭanpuina tur an sum thawhkhawm aṭangin an pe ṭhin a, kuminah chuan COVID-19 hri leng do tur a hlawh nei loa inpe te leh mipui himna atana thawktute hnenah thilpêk hlan ni se an ti a, hemi ang hian nimin khan Serchhip Police zan lama Duty-te an Duty-na hmuna an inai lumna turin Sikri 5 leh Meihawl bag 5 an hlan a, COVID-19 dona kawnga hlawh nei loa thawk tura inpe Serchhip District-a mi 5 te hnenah Rs. 3000/- ṭheuh an hlan a ni. Kumin hian SṬP-in midang tanpuina tur sum an thawhkhawm hi Rs. 15,400/- a tling a ni.

Krismas thilpek semchhuak

Kumdang-a lo tih tawh thin angin Chief Minister Discreationary Grant 2020 hmangin nimin khan Serchhip District-a Home hrang hrang paruk (6) leh District Hospital-ah te Krismas pual thilpek hlan a ni a, nimin a thilpek semchhuah zawng zawng hi Rs. 10,000/- niin Serchhip DC Office kaltlanga semchhuah a ni.

Hri kai thar leh dam awm

Niminpiah khan Serchhip District-ah COVID-19 hri kai mi pakhat hmuhchhuah niin nimin khan hri kai pakhat chu enkawl dam a ni bawk.

Sports Complex-a Synthetic Running Track siam hna January-ah zawh hman beisei a ni

Serchhip Sports Complex-a Synthetic Running Track siam hna thawh mek chu thla khat chhung vela zawh hman tawh beisei a ni.

Serchhip-ah buhfai a rawn thlen belh mek zel

Serchhip-a Supply Department hotute chuan Serchhip-ah buhfai a rawn thlen belh mek tih sawiin, January thla quota tur pawh rawn sanction a nih tawh thu an sawi.

‘Govt. Serchhip College NSS Award’ semna neiin PC. Lalnunzira hnenah hlan a ni

Nimin khan ‘Govt. Serchhip College NSS Award’ hmasa ber semna hun hman a ni a, he hun hi Higher & Technical Education Department-a Joint Director (Admin), Lalhmingthanga chuan rawn hmanpuiin PC. Lalnunzira, 6th Sem Zoology hnenah Award hi hlan a ni.

Mizoram-ah COVID-19 hri kai mi 5 hmuh belh leh

Niminpiah-a Mizoram-a Sample enfiah atangin COVID-19 hri kai mi 5 hmuh belh an ni a, an vai hian tualchhung-a hri inkaichhawng vek an ni.

Vawk lakluh khap leh a ni

Serchhip District Magistrate chuan thupek tichhuakin thenawm ram atanga Vawk leh Vawksa atanga siam thildang lakluh khap a nih thu a tarlang.

Hri kai mi 5 enkawl dam

Serchhip District-a COVID-19 hri kai enkawl mi 5 te chu nimin khan anmahni enkawlna hmun atanga chhuahtir an ni.

SAM Programme hnuaiah naupang 11 enkawl mek

Ministry of Women and Child Development in India ram-a nu leh naupang hriselna atana eitur tha pek a kalpui mek, Poshan Abhiyan (National Nutrition Mission) hnuaia OPERATION Severe Acute Malnutrition (SAM) Programme atangin Serchhip ICDS Project hnuaiah naupang 11 enkawl mek an ni.

Chanchin thar thenkhat :

Tuizem sem tur vailiam

Hunpui laiin COVID laka invenna tura ruahmanna siam te zawm theuh turin ngen

Home Minister, Lalchamliana chuan kan hma lawka Krismas leh Kumthar hi hlim leh lawm taka hmang theuh tura Mizoram mipuite duhsakna chibai bukin, sawrkarin COVID laka invenna tura ruahmanna a siam te zawm theuh turin mipuite a ngen bawk.

Mizoram COVID-19 dinhmun thlirletna neiin Hunpui vuakvet-ah mipuite fimkhur lehzual tul an ti

Nimin khan Health Minister, Dr. R. Lalthangliana hovin Mizoram COVID-19 dinhmun thlirhona neih a ni a, hunpui lo thleng turah hri leng laka fimkhur lehzual a tul thu he hunah hian tarlan niin, hunpui vuakvetah chhungkaw chengho nilo chu chhungkhat laina chaw eikhawm leh inhmuhkhawm buatsaih loh nise an duh thu an sawi.

Mizoram-ah COVID-19 hri kai 31 hmuh belh leh an ni

Niminpiah-a Mizoram-a Sample enfiah atangin COVID-19 hri kai 31 zet hmuhchhuah leh an ni a, an zinga 15 te chu State pawn atanga rawn lut niin tualchhung-a hri inkaichhawng an awm leh nual bawk.

Chanchin thar thenkhat :

Wood Based Industries Licence pe

Party hrang hrang thuthar

MNF :

Dy. CM in Multipurpose Hall sak thar a hawng

UD&PA Department changtu Deputy Chief Minister, Tawnluia chuan niminpiah khan Aizawl-a MINECO Multipurpose Hall chu a hawng.

Rampumah Hnehna Ni, Vijay Diwas hman a ni

Nimin khan India rampum-ah Vijay Diwas, Hnehna Ni hman a ni a, Mizoram-ah pawh hri leng laka kaihhruaina siam zawm chungin he Ni pual hian hun hman a ni.

Dan bawhchhia 17 man

Serchhip District-a COVID-19 No Tolerance Drive kalpui mekah nimin khan hri leng dona dan leh inkaihhruaina dan bawhchhia mi 17 man leh an ni a, heng mite sum chawi tlingkhawm hi Rs. 2600/- a ni. Nimin a Dan bawh-chhia man te hi an vaiin Police Duty ten an man an ni a, Serchhip-ah mi 14 man niin Chhing-chhip-ah mi 7 leh North Vanlaiphai-ah mi pakhat man an ni a, Serchhip District chhunga Executive Duty ten man an neih report a awmlo thung a ni.

Best Team Award dawng

Social Welfare Minister, Dr. K. Beichhua in niminpiah-a a Pisa-a Poshan Abhiyaan (National Nutrition Mission), Field Level Convergence Best Team Award a sem chu Serchhip ICDS Project hnuaiah Serchhip in an dawng a, Best Team Award dawngtute-ah hian tuna Ser-chhip CDPO hna chelh mektu Lalbiakliana, i/c Thenzawl Circle bakah Laldikthangi (Health Worker), Thenzawl; Lalthakimi Ralte (ASHA) Thenzawl Dinthar; TC. Lalnuntluangi (Angan-wadi Worker) leh Lalnunziri (Anganwadi Helper), Thenzawl UPC Veng Centre te an tel a ni.

Hri kai thar 1; dam thar 2

Niminpiah a Sample enfiah atangin Serchhip District-ah COVID-19 hri kai mi pakhat hmuh belh leh a ni a, nimin khan hri kai mi pahnih te chu enkawl dam niin anmahni enkawlna hmun atanga chhuahtir an ni thung.

Hunpui lai-a hri leng chungchanga hmalak dan tur sawihona Serchhip-ah neih a ni

Serchhip District Level Task Force on COVID-19 leh Serchhip khawpui chhunga VLTF aiawhte chu nimin khan thukhawmin COVID-19 dona kawnga hmalak dan an thlirho bakah Krismas leh kumthar vuakvet-a hmalak dan tur an sawiho.

District Level Fisheries Conservation Board thukhawm

Serchhip District Level Fisheries Conservation Board chu nimin khan a vawikhatna atan thukhawmin Board hmalakna tur leh Luidung-a nungcha humhalh kawnga Dan awm hrang hrangte zirhona an nei.

Serchhip-ah ‘Anti-Drug Drive, 2020’ hawnna neiin SP in thuthar thehdarhtute a kawm bawk

India rampum-a tun thla ni 22 thlenga Police ten ‘Anti-Drug Drive, 2020’ an kalpui tur chu nimin khan Serchhip District-ah a hawnna neiin Serchhip SP, R. Sathiyasundaram IPS chuan tualchhung-a thuthar thehdarhtute a kawm nghal bawk.

COVID-19 hri kai mi 9 hmuh belh leh an ni

Niminpiah-a Mizoram-a Sample enfiah atangin COVID-19 hri kai mi 9 hmuh belh leh an ni a, an zinga 6 te chu tualchhung-a hri inkaichhawng an ni.

Adult Rehabilitation Centre (ARC), Chhiahtlang kum 10 tlin lawmna I&PR Minister in a hmanpui

Salvation Army enkawl, Adult Rehabilitation Centre (ARC), Chhiahtlang in kum 10 an tlin lawmna chu nimin khan neih a ni a, I&PR Minister Lalruatkima chuan a hmanpui a ni.

Congress in Serchhip bial inthlan chuh dawn

MPCC President, Lal Thanhawla chuan Serchhip Bial-a Bye-election chu Congress Party chuan phur tak leh nuam ti takin an chuh dawn tih kumin atana Aizawl-a Congress Bhavan kharna hun nimin-a neih ah a sawi a, Lalduhoma hek a nih avanga thlavang hauh chu tihtur a ni tih sawiin, mahse Speaker berin dan hmanga a ngaihtuah a, ban a nih tawh chuan thil diklo ti te thlavang chu hauh zel tur a ni tawhlo tih sawiin, Serchhip Bial in Congress MLA chak leh tha tak an nei thuai dawn thu leh chumi atan chuan ruahmanna fel tak an siam vek tawh thu a sawi bawk.

Chanchin thar thenkhat :

Deputy CM in tlangzarh

Dr. R. Lalthangliana’n Kawrpuichhuah a tlawh

Commerce and Industries changtu Minister Dr. R. Lalthangliana chuan Bangladesh leh Mizoram insumdawn tawnna atana ruahman, Integrated Check Post (ICP), Kawrpuichhuah, Tlabung chu nimin khan a tlawh.

Cheng nuai 3,443 chuang senna tur lungphum phum

Chief Minister, Zoramthanga chuan nimin khan West Phaileng-ah Sports hmasawnna ruhrel cheng nuai 3,443 chuang man dinna tur lungphum a phum.

Poshan Abhiyaan hnuaia thawk tha Award sem

Social Welfare Minister, Dr. K. Beichhua hovin nimin khan a Pisa-ah Poshan Abhiyaan hnuaia Aganwadi Worker, Aganwadi Helper, ASHA, ANM/Health Worker (AAAA) leh Lady Supervisor/CO (LS) Award semna neih a ni.

Hri kai pakhat dam leh

Serchhip District-a COVID-19 hri kai en-kawl mi pakhat chu nimin khan hri lakah fihlimin CCC atanga chhuahtir a ni a, hri kai enkawl dam hi hmeichhia niin tun thla ni 5-a hri kai hmuhchhuah a ni a, Sainik School-a zirtirtu a ni.

Thisen pe te chungah lawm

Association for Voluntary Blood Donation (AVBD) Serchhip Branch leh Blood Bank, Serchhip ten tun thla ni 1 atanga Serchhip Blood Bank-a ‘Krismas pual thisen pekna hun’ an buatsaih ah nimin thleng khan thisen Unit 96 pek a ni a, thisen petute hi mipa 42 leh hmeichhia 54 an ni a, hetianga tlawmngaia thisen petu mimal, Kohhran Thalai leh zirlai (NSS Volunteer) te chungah AVBD Serchhip Branch leh Blood Bank, Serchhip te chuan lawmthu an sawi a ni. Krismas pual-a thisen pekna hun buatsaih ah hian nimin khan Salvation Army Youth (SAY) Serchhip Corps te chuan thisen Unit 18 an pe a, thisen petute hi mipa 12 leh hmeichhia 6 an ni.

P&E SDO te awmna siksawi

Mizoram sawrkar chuan Mizoram Engineering Service (Electrical)-a Senior Grade leh Junior Grade thenkhat te chu an awmna a siksawi a, heng zingah hian Serchhip S/S Sub-Division a SDO, Otto Lalchhuanawma chu Serchhip Power Sub-Division a SDO hna chelh tura sawn niin a aiah hian Lalhruaitluanga chu a rawn awm dawn a, Serchhip Power Sub-Division a SDO hna chelh mektu J.V. Lalthangluaia chu Hnahthial Power Sub-Division ah sawn a ni bawk.

Serchhip-a Supply Kudam-ah buhfai chhekkhawl a tlem

Serchhip-a Supply Kudam-ah tunlai hian buhfai a awm mumal loh avangin mipuite hnena Ration buhfai December thla pekchhuah khawp a awm lova, Aizawl atangin quintal 300 rawn pek tura ruahman nghal a ni.

Dan bawhchhia mi 17 man

COVID-19 No Tolerance Drive neih mek ah nimin khan Serchhip District-ah Dan bawh-chhia mi 17 man leh an ni a, heng mite pawisa chawi tlingkhawm chu Rs. 2700/- a ni. Nimin a Dan bawhchhia man te hi Serchhip-ah mi 15 leh Chhingchhip-ah mi 2 niin Executive Duty ten man an neilo thung.

I&PR Minister in Serchhip a DIPRO Office a tlawh

Serchhip-a rawn kal I&PR Minister, Lalruat-kima chuan nimin khan Serchhip District Information Office leh Vengchung-a an Department ram te a tlawh.

Serchhip Press Club sak thar I&PR Minister, Lalruatkima’n a hawng

Mizoram Journalist Association (MJA) Serchhip District in 'Serchhip Press Club' an sak thar chu nimin, December 15, 2020 khan I&PR Minister, Lalruatkima chuan a hawng a, Rev. B. Lalengzauva chuan Tawngtaiin Pathian hnena hlanna a nei nghal bawk.

Chanchin thar thenkhat :

Supply Minister in tlangzarh

Mizoram-ah COVID-19 hri kai 5 hmuh belh an ni

Niminpiah khan Mizoram-ah COVID-19 hri kai mi 5 hmuh belh leh niin an vai hian tualchhung-a hri inkaichhawng vek an ni.

Hachhek bialtu MLA in MJA te thutthleng a pe

Hachhek bialtu MLA, Lalrindika Ralte chuan a nu hriatrengna atan Aizawl Press Club-a dah turin nimin khan Thuthleng (Steel Chair) 50 chu Mizoram Journalists' Association (MJA) kutah a hlan.

LADC-ah MNF kaihhruai sawrkar thar lakluh a ni

Lai Autonomous District Council (LA-DC)-a MNF kaihhruai sawrkar thar chu nimin khan lakluh niin Protem Chairman, Member leh Chief Executive Member thar te lakluh an ni.

SWD Minister, Dr. K. Beichhua hovin MSD&R Board in an hmalakna an thlirho

Nimin khan Social Welfare and Tribal Affairs leh Excise Department changtu Minister, Dr. K. Beichhua hovin Mizoram Social Defence & Rehabilitation Board (MSD&RB) chu SAD Conference Hall-ah an thukhawm.

Press Club hawng dawn

Serchhip Press Club sak thar chu Vawiin chhun dar 12:00 hian I&PR Minister, Lalruatkima chuan a hawng dawn a, he hun hi MJA General Hqrs. hruaitu thenkhat te pawhin an rawn hmanpui dawn a ni. Serchhip Press Club hawnna ah hian sawrkar in hri leng laka kaihhruaina a siam angin mi sawmbik 35 tel tura beisei an ni.

Dan bawhchhia 22 man

COVID-19 No Tolerance Drive hman mek ah nimin khan hri leng laka mipuite himna tura Dan leh kaihhruaina siam zawmlo mi 22 man leh an ni a, heng mite pawisa chawi tlingkhawm chu Rs. 8200/- a ni. Nimin-a Dan zawmlo man te hi Police te man vek niin Serchhip-ah mi 20 man an nih bakah North Vanlaiphai leh Chhing-chhip-ah mi pakhat ve ve man an ni bawk.

Dan lova meizu mi 2 man

Serchhip District Anti-Tobacco Squad leh Traffic Police te chuan nimin khan Dan in Meizial zuk a khapna hmuna mei zu mi 2 an man.

Hri kai leh dam thar awmlo

Niminpiah khan Serchhip District-a TrueNat Laboratory-ah niminpiah khan Sample 11 enfiah niin Rapid Antigen Test hmangin Sample 11 bawk enfiah a ni a, heng atang hian COVID-19 hri kai hmuhchhuah thar an awmlo. Nimin khan Serchhip District-ah hri kai enkawl dam an awm belh lova, heti hian Serchhip District-a COVID-19 hri kai hmuh tawh chu 174 niin an zinga 158 te enkawl dam an ni tawh a, hri kai enkawllai 16 an la awm mek a ni.

Zuangleng ram-ah Tomato chin beihpui thlak dawn

Horticulture Department chuan Serchhip Zuangleng ram-ah Tomato ching turin hma an la mek a, nimin khan Zuangleng ram-a Tomato ching turte hi kokhawmin Farmers Interest Groups (FIGs) dinin hmalak dan tur hrilhfiah an ni.

Boruak muanawm hnuaia mipui ten Hunpui an hman theih dan tur SP in NGO te a sawipui

Serchhip District Superintendent of Police, R. Sathiyasundaram IPS chuan nimin khan Serchhip-a tlawmngai pawl hrang hrang hruaitute kawmin kan hma lawka hunpui lo thleng tur boruak muanawm tak hnuaia hman a nih theihna tura hmalak dan tur leh venhimna hna thawh dan tur chungchang a sawipui.

H&TE Minister in hawng

Higher &Technical Education Minister, Dr. R. Lalthangliana chuan Inrinni khan Govt. Mamit College-ah Ratriya Uchchatar Abhyan (RUSA) hnuaia cheng nuai 160 senga sak Library-Cum-Seminar Hall leh cheng nuai 153 senga Academic Building sak te chu a hawng.

Mizoram Police ten dan lova rawn lut Burmese Rohingya hmeichhia pariat te thla 20 an kawl tawh

Mizoram Police ten dan lova rawn lut Burmese Rohingya hmeichhia pariat (8) an man te chu thla 20 zet Vairengte Police kutah an awm tawh.

Mizoram-ah COVID-19 hri kai hmuh belh zel an ni

Zirtawpni-a Mizoram-a Sample enfiah atangin COVID-19 hri kai 16 hmuh leh niin Inrinni-a Sample enfiah atangin hri kai 11 hmuh belh an ni bawk.

Hripui leng avanga sawrkar laipui ruahman angin Mizoram-ah mipuite Eng chhit man a hniam

COVID-19 hripui leng avanga sawrkar laipui-a Ministry of Power-in ruahmanna anga rebatse siam a nih avangin mipui ten Power an hman man tihhniam a ni a. Hei vang hian Mizoram-ah mi tam takin December thla ah Electric Bill an pek a ngai lova, thenkhat chu engemaw chen advance-in an Bill pek lawk a ni bawk.

Chanchin thar thenkhat :

IG (AR) in Larsap a kawm

Meizu mi 7 man leh an ni

Serchhip District Anti-Tobacco Squad te chuan Inrinni zing khan puipunna hmuna Meizuk khapna Dan bawhchhia mi 7 an man.

Kawngpui khar rih a ni

Serchhip Dinthar Veng atanga Chhim Veng panna kawng chu kumin chhung zawng atan lir-thei kaltlang theihloh tura khar a ni.

DC in thuchhuah siam

Serchhip District Bawrhsap, Kumar Abhishek chuan thuchhuah siamin kumthar January ni 10 thleng awh tur COVID-19 No Tolerance Drive inkaihhruaina siam angin Krismas leh kumthar hunpui laiin sawrkar Programme pawimawh bik tihloh mipui hip thei Programme reng reng huaihawt khap a nih thu a tarlang a. Hei hian Kohhran pui mai ni lo, Kohhran Pavalai/Pa Pawl, Kohhran Hmeichhia, Kohhran Thalai leh Kohhran naupangte pawh a huam thu a tarlang a. Heng hunpui lo thleng turah hian eng Kohhran leh pawl mahin Krismas leh kumthar lawmna ruai emaw, Programme emaw siam loh tur a nih thu a tarlang bawk.

ATM hman theih dimdawi turin mipuite an ngen

Serchhip District Consumers Association (SDCA) chuan Serchhip khawpui chhunga ATM harsatna thleng mek chungchangah hma an lak thu sawiin, mipuite chu ATM hman theih awm te fimkhur tak leh dimdawi taka hmang turin an chah.

Serchhip District-ah hri kai 3 hmuh belh leh

Inrinni khan Serchhip District-ah COVID-19 hri kai mi pathum hmuhchhuah leh niin Serchhip District-a hri kai hmuhchhuah chu 174 an tling ta.

North Vanlaiphai VC inthlanna tluang takin zofel; Tling tawh zingah tling zolo pakhat a awm

Image
Serchhip District chhung North Vanlaiphai Village Council-a inthlanna chu tluang taka zawhfel niin Party hrang hrang ten an Seat lak zat an la leh vek a, Vote thlak hmasak-a thlantlin pakhat erawh a tling zo ta lo thung.

Lawmman semna nei

Tuichangral South Group YMA leh BDO East Lungdar tangkawp buatsaih PMKSY hnuaia Tuihna humhalh chungchang inzirtirna Video Clip in siam siak lawmman semna chu nimin khan East Lungdar-a Thangburha Hall-ah neih a ni a, North Vanlaiphai Rahsi Veng Branch YMA in lawmman pakhatna dawngin Rs. 15,000/- leh thuziak hlan an ni a, Biate Branch YMA in lawm-man pahnihna leh East Lungdar Branch YMA in lawmman pathumna an dawng a, East Lungdar BDO, H. Lalhruaitluanga chuan a hmanpui a ni.

Book of the Year hlan

Mizo Academy of Letters (MAL) chuan nimin khan Central YMA Hall, Aizawl-ah Kumtawp Inkhawm neiin he hun hi Art & Culture Minister, R. Lalzirliana chuan khuallian niin a hmanpui a, he hunah hian kum 2019 chhunga Mizo tawng-a lehkhabu chhuak zinga tha ber, Book of the Year 2019 atana thlanchhuah ‘Falung’ ziaktu Lalengzauva hnenah thuziak leh pawisafai a hlan nghal bawk. MAL te din champhaphak April ni 23 chu kumin hian hripui leng avanga hman theih a nih tak loh avangin Kumtawp Inkhawm nen kaihkawp a ni.

Best Farmer Award sem

Support to State Extesion Programme for Extension Reforms Scheme, ATMA Mizoram hnuaia State Level Best Farmer Award 2019-2020 chu Agriculture leh a zawmpui peng eizawnna hnathawktu tha thlanchhuah mi 5 te hnenah nimin khan Agriculture Minister, C. Lalrinsanga chuan a sem a, State Level Best Farmer Award 2019-2020 dawngtute zingah hian Vanlalliana, Leisang Veng, Serchhip leh PC.Sangawia, Che-kawn te bakah FC. Vahnei, Chakhei; Laldanga Thingsulthliah Tlangnuam leh Biakdawli, Armed Veng te telin Award hian thuziak leh sumfai cheng nuai khat a keng tel a ni. State Level Best Farmer Award 2019-2020 hi Sector 5 - Agriculture, Horticulture, AH&Vety, Fisheries, Sericulture a eizawngtu te an ni.

Mizoram-ah hri kai 4000 tling

Niminpiah-a Mizoram-a Sample enfiah te atangin COVID-19 hri kai mi 14 hmuh belh leh an ni a, Mizoram-a hri kai hmuhchhuah chu sang li an tling ta.

STOA hruaitu thlanna nei

Serchhip Taxi Owners Association (STOA) te chuan nimin khan hruaitu thar thlanna an nei a, President-ah Lalhnunliana, Vice President-ah Lalngaihawma, Secretary-ah PC. Lalnunchama, Asst. Secretary-ah Remlalliana, Treasurer-ah Lalthuthlunga leh Fin. Secretary-ah Rosangliana Ralte thlan an ni.

NSS in thisen Unit 21 pe

Brilliant HSS Serchhip-a NSS Volunteer te chuan Krismas Pual-a thisen pekna buatsaih mekah nimin khan Serchhip Blood Bank-a dah turin thisen Unit 21 an pe a, thisen petute hi mipa 9 leh Hmeichhia 12 niin Blood Bank ah kalin thisen hi an pe a ni.

Nasa lehzuala hmalak tum

Serchhip District Police te chuan Krismas leh kumthar vuakvet-a mipuite himna tura hmalak dan tur nimin khan Serchhip District SP, R. Sathiyasundaram hovin a Pisa-ah an sawiho.

Thlai vawnthatna ah Serthlum vawnthat a ni dawn

Horticulture Department in Sailiamkawn-a 'Satellite Cold Room' an siam chu tangkai taka hman zel niin nizan hmasa khan Leng khua in an thar Sethlum te chu vawnthat tura dahluh a ni.

STDC mawhphurhna inhlan

Serchhip Town Development Committee a Chairman, T. Zadingliana chuan Chairman thar, C. Vanlalsiamthara hnenah nimin zing khan mawh-phurhna a hlan a, STDC Chairman hna hi Ruling Party-a Block President in an chelh thin a ni.

COVID-19 hri danna pek dan tur sawihona nei

Serchhip District Level Task Force on COVID-19 Vaccination chu nimin khan an Chairman, Serchhip District Bawrhsap, Kumar Abhishek kaihhruaia thukhawmin COVID-19 Vaccine a taka pekchhuah theih a nih huna vaccine pek hmasak tur ruahmanna te, District puma vaccine sem a nih huna mamawh turte an sawiho.

Serchhip khawpui helna kawng laih tan a ni

National Highway-54 laihzauh leh siamthat hna thawh mekah Serchhip khawpui chhung helna tur, Kikawn atanga Sailiamkawn-a chhuak tur laih hna chu thawh tan a ni ta.

Serchhip District-a Rubber chingtu mi 7 te hnenah Rubber Rolling Machine leh a sawngbawlna pe

Serchhip District chhunga Rubber chingtu chhungkaw 7 te hnenah Land Resources, Soil & Water Conservation Department chuan nimin khan Rubber sawngbawlna leh a herna khawl an pe a, heng khawl te hi Assembly Deputy Speaker, Er. Lalrinawma chuan Serchhip atangin a vailiam a ni.

North Vanlaiphai-ah VC thlangin Vote thlak a ni

Kumin August 27-a North Vanlaiphai Village Council inthlanna neih chu pawm a nih tak loh avangin State Election Commission in rua-hmanna a siam angin nimin khan mipui ten Vote an thlak tha leh.

Serchhip District Jail dinhmun enfiah a ni

Integrated Child Protection Scheme (ICPS) hnuaia din, District Jail Inspection Team te chuan nimin khan Serchhip District Jail tlawhin naupang kumtlinglo tang an awm leh awmloh leh an dinhmun an enfiah a, District Jail dinhmun an enfiah nghal bawk.

PC Party in Unit 2 din

Peoples' Conference (PC) Party chuan tunhnai khan Serchhip-ah Unit thar pahnih an din thu nimin khan thuchhuah siamin an tarlang a. Serchhip Ramthlun Veng Unit-ah PC. Hrang-hleia chu President niin PC. Doliana chu Vice President a ni a, T. Hmingthanzauva chu Treasurer a ni bawk. Serchhip Chhim Veng Unit-ah Hnemzuala chu President niin Hrangchungnunga chu Vice President a ni a, Treasurer-ah Sawiveli a nih thu an thuchhuah ah hian an tarlang bawk a ni.

Dan bawhchhia 11 man

COVID-19 No Tolerance Drive hman mek ah nimin khan Serchhip District-ah hri leng dona Dan bawhchhia mi 11 man leh an ni a, an sum chawi tlingkhawm chu Rs. 1100/- a ni. Nimin a Dan bawhchhia man te hi Serchhip-ah Police ten an man niin hmundang-ah man an awmlo thung a ni.

Traffic Police te hnatlang

Serchhip-a Traffic Police te chuan nimin khan hnatlang neiin Serchhip khawpui chhunga Traffic Signboard tar hrang hrangte tifaiin rawng te an hnawih thar a ni. Traffic Police te chuan hunpui kan thleng chho leh mek tih sawiin, mipuite chu lirthei laka fimkhur tura an chah rualin lirthei khalhtute pawh fimkhur taka lirthei khalh tur leh chak tak taka lirthei khalh thin lo turin an chah bawk a ni.

Hri kai hmuh belh leh an ni

Niminpiah khan Serchhip District-ah COVID-19 hri kai mi pathum hmuhchhuah niin nimin ah hri kai enkawl dam erawh an awmlo thung.

Congress party in Serchhip bial-ah Campaign an tan

Serchhip Assembly Constituency-ah by-election a awm dawn nia a lan avangin Congress Party chuan Campaign an nei tan.

Leng khua ah PMVDY inhrilhriatna leh PMVDY hmalakna hnuaia Khuai bawm semna hun hmang

Cooperation Department hmalakna in nimin khan Serchhip District chhunga Leng khua ah Pradhan Mantri Van Dhan Yojana (PMVDY) inhrilhriatna leh PMVDY hmalakna hnuaia Khuai bawm semna hun buatsaih a ni.

Chanchin thar thenkhat :

ATMA hmalakna thlirlet

Silk Showroom hawn a ni

Sericulture Minister Dr. K. Beichhua chuan nimin khan Sericulture Department enkawl Silk Show Room chu mipui, a duh apiang tana dawr theih turin Chaltlang, Aizawl-ah a hawng.

Mizoram-ah COVID-19 hri kai 17 hmuh belh leh

Niminpiah-a Mizoram-a Sample enfiah atangin COVID-19 hri kai mi 17 hmuh belh an ni a, Mizoram-a hri kai hmuhchhuah chu sang li an tling dawn hnai ta.

Chief Minister-in Mamit District-ah hmasawnna ruhrel pasarih dinna tur lungphum a phum

Cheng vbc. 118 chuang senga Mamit District chhung Kawrthah, Tuidam leh Mamit-a infiamna leh thalaite hmasawnna ruhrel dinna tur lungphum chu nimin khan Chief Minister, Zoramthanga chuan a phum a, heng hna thawh turte hi Pradhan Mantri Jan Vikas Karyakram (PMJVK) hnuaia sum hmuh hmanga thawh tur a ni.

Mizoram-ah COVID-19 hri kai mi 9 hmuh belh

Niminpiah-a Mizoram-a Sample enfiah te atangin COVID-19 hri kai mi 9 hmuh belh an ni a, a tam zawk chu State pawn atanga rawn lut an ni.

LADC sawrkar ruangam din

Lai Autonomous District Council (LADC) hnuaia Member of District Council (MDC) inthlan result puan zawh taka hneh taka sawrkarna siamtu MNF party chuan sawrkar ruangam an din fel ta.

Chanchin thar thenkhat :

Dy. CM in lungphum phum

North Vanlaiphai-ah Vote thlak dawn

North Vanlaiphai Village Council inthlanna neih mekah Vawiin hian mipui ten Vote an thlak tha leh dawn a, Vote tla te hi chhiar nghal tur a ni ang.

Chief Minister in Aizawl-ah Innovation Facility Centre a hawng

Mizoram-a tualchher thiamna nei (Local Innovator) te leh Technical lam zirna hmuna zirlaite tana an khawl mamawh chhawpchhuahsak leh innovation lama hmasawnna tur atana tan lakna tura ruahman, Innovation Facility Centre (IFC) chu nimin khan Chief Minister, Zoramthanga chuan Mizoram New Capital Complex-ah a hawng.

ZPM in lawmthu an sawi

ZPM Serchhip Block Committee chuan Serchhip bialtu MLA, Lalduhoma ban a nih avanga amah lo lainat-a a thlavang lo hauh tute, lo tan em em tute leh thilpek lo petu zawng zawng te chungah an lawm tih an sawi.

Face Mask leh Sanitizer sem

Serchhip-a One Stop Centre leh Samaritan Society of Mizoram Family Counselling Centre, Serchhip te chuan nimin khan Serchhip Bazar leh a chhehvel-ah Hmai tuamna (Face Mask) an sem.

Dan bawhchhia mi 15 man

COVID-19 No Tolerance Drive hman mek ah nimin khan COVID-19 hri leng dona Dan bawhchhia mi 15 te chu Serchhip District-ah man leh an ni a, heng mite pawisa chawi tlingkhawm chu Rs. 2400/- a ni. Nimin-a Dan bawhchhia man zinga mi 14 te chu Police ten Serchhip-ah mi 13 leh Chhingchhip-ah mi pakhat an man niin midang pakhat hi Khawbel khua a man a ni thung.

Serchhip District-ah Hri kai leh enkawl dam pung zel

Nimin leh niminpiah khan Serchhip District-ah COVID-19 hri kai mi pakhat ve ve hmuh belh leh niin nimin khan hri kai mi pathum te chu enkawl dam an ni thung.

Observer hovin Serchhip District-a Electoral Roll siamthat mek thlirho a ni

Electoral Roll Special Summary Revision neih meka Serchhip District tana Observer, Vanlalngaihsaka IAS chuan nimin khan Serchhip rawn tlawhin Election Department-a thawktute leh Political Party hruaitute nen Electoral Roll siamthat hna thawh mek chungchang an sawiho.

Dan bawhchhia 22 man leh

COVID-19 No Tolerance Drive neih mek ah nimin khan Serchhip District-ah Dan bawh-chhia mi 22 man leh an ni a, an pawisa chawi tlingkhawm chu Rs. 2200/- a ni.

Naktuk-ah North Vanlaiphai ah Vote thlak a ni dawn

North Vanlaiphai Village Council inthlanna a mipui ten naktuk, Dec. 10-a vote an thlak that leh tur atan inbuatsaihna peihfel thawhkhat a ni tawh.

Containment Zone-ah puang

Tunhnaia COVID-19 hri kai hmuhchhuah tamna, Thenzawl East Area huamchhung leh Thenzawl West Area huamchhungah te hri laka mipui him tlanna atan leh hri a darh lohna atan heng hmun te hi District Bawrhsap chuan nimin atang khan Containment Zone-ah a puang.

Observer rawn kal dawn

Electoral Roll Special Summary Revision neih meka Serchhip District tana Observer tura ruat Vanlalngaihsaka, Supply Department-a Secretary ni bawk chuan Vawiin hian Serchhip a rawn tlawh dawn a, chawhma dar 10:30-ah Electoral Roll ennawn hna thawh meka thawktute leh Political Party aiawhte a kawm ang.

Thenzawl-ah hri kai mi 5 hmuh belh leh an ni

Pathianni-a Thenzawl-a COVID-19 hri kai mi pahnih ten an lo kawm hnaih te chhuina kal zelah COVID-19 hri kai mi 5 hmuhchhuah belh an ni a, an vai hian chhungkaw pakhat a mi vek an ni.

Serchhip District-a Swachh Bharat Mission (Grameen) Phase-II kalpui dan tur sawiho a ni

Serchhip District-a Swachh Bharat Mission (Grameen) Phase-II kalpui dan tur sawihona chu nimin khan Serchhip-ah District Bawrhsap, Kumar Abhishek hova neih a ni a, SBM (G) Phase-II hi sawrkar Department dang te nen Convergence-a thawh a ni dawn a ni.

Chanchin thar thenkhat :

Rubber sawngbawlna vailiam

'Panhnah Intodelh Programme'

Agriculture Minister, C. Lalrinsanga chuan nimin khan West Lungdar-a kuthnathawktu ten Kaihlet Zau-a thlai leh thei an chin te a hmun tlawhin, Kaihlet Zau Society te buatsaih 'Panhnah Intodelh Programme' a hmanpui nghal bawk.

Best Green State ah Mizoram

Travel & Leisure India and South Asia chuan Mizoram chu ramngaw leh hring thatna berah Mizoram chu thlangin, ‘Travel & Leisure India & South Asia's India's Best Award 2020’ ah ‘Best Green State’ ah an puang.

COVID-19 Vaccine chungchangah thu belhchian dawllo thehdarh lo turin mipuite an ngen

State Task Force for COVID-19 Vaccination chuan COVID-19 Vaccine hman tan theih hun tur ala hriatloh thu sawiin, Vaccine chungchangah thu belhchian dawllo thehdarh lo turin mipuite an ngen a. Vaccine lo chhuah hunah pawh hri inkaidarh thei laka la fimkhur zel a pawimawh dawn thu an sawi bawk.

LADC inthlanna ah MNF in hnehna an chang

Lai Autonomous District Council (LADC)-a Member of District Council (MDC) inthlanna a Vote tla te nimin a chhiar takah MNF party chuan sawrkar siam thei turin hnehna an chang.

Mizoram-ah COVID-19 hri kai 2 hmuh belh leh

Niminpiah khan Mizoram-ah COVID-19 hri kai mi pahnih hmuhchhuah an ni a, heng mite hi Serchhip District-a hri kai hmuh ve ve an ni.

Chanchin thar thenkhat :

Naupang huaisen chawimawi

Board mawhphurhna inhlan

Brilliant Higher Secondary School Managing Board Chairman kalchhuak tur, T. Zading-liana chuan nimin khan Chairman thar, C. Van-lalsiamthara hnenah mawhphurhna a hlan a, he School Managing Board \hutkhawm hi neih nghal niin School kalpui zel dan tur an sawiho a, kumin hian zirlai 120 an nei mek a ni.

Dan bawhchhia 22 man

Nimin khan Serchhip District-ah COVID-19 No Tolerance Drive hman mek denchhenin hri leng dona leh inkaihhruaina Dan bawhchhia mi 22 man leh an ni a, heng mite pawisa chawi tlingkhawm chu Rs. 3100/- a ni.

Hri kai mi 4 dam leh

Nimin khan Serchhip District-a COVID-19 hri kai enkawl mi 4 te chu anmahni enkawlna hmun atanga chhuahtir leh an ni.

Serchhip Police chawimawi

Serchhip District Executive Force (DEF) a Sub-Inspector of Police (UB), Malsawmtluanga (Serchhip P&E Veng) chu nimin khan a hnathawh that avanga chawimawina, ‘DGP's Commendation Disc’ hlan a ni a, he chawimawina hlanna puala inkhawm GS Arya Mess, PHQ Aizawl a neih ah Mizoram DGP, SBK. Singh chuan Thuziak leh Disc a hlan a ni.

SAGY zirhona Khumtung khua-ah neih a ni

Mizoram Lok Sabha MP, C. Lalrosanga’n Sansad Adarsh Gram Yojana (SAGY) hnuaia Model Village atana a thlan zinga Serchhip District atanga tel, Khumtung khua ah nimin khan khawtlang hruaitu, NGO leh Self-Help Group te tan SAGY nihphung leh hmalak dan tur inzirtirna neih a ni.

Armed Forces Flag Day hmang

Nimin December ni 7 khan India rampum ah Armed Forces Flag Day hman a ni a, he ni hi kan ram venghimtu kan sipaite indona leh kan ram tana nunna hlan ta te pual a hman thin a ni.

Mizoram Police leh MZU in MoU an ziak

Mizoram Police leh Mizoram University (MZU) chuan nimin khan thawhhona thuthlung, Memorandum of Understanding (MoU) an ziak.

PC Party in Mamit DFO hnenah ngenna thehlut

Peoples' Conference (PC) Party chuan Nov. 21, 2020-a Phaizau khaw bul Tut lui-a Bomb hmanga Sangha mantute man an la nih loh avangin, nimin khan Mamit DFO hnenah hma la tura ngenna lehkha an thehlut.

District thar-a hnathawktu siamrem dan tur thlirho

Nimin khan Additional Chief Secretary, J.C Ramthanga hovin CM Conference Hall-ah Mizoram-a District thar pathum - Khawzawl, Saitual leh Hnahthial-a District Administration Staff-te dinhmun leh siamrem chungchanga ngaihtuah tul te sawiho a ni.

HSA in kawng chungchang CM an sawipui

Hmar Student's Association (HSA) Jt. Hqrs. Aizawl hruaitute chuan nimin khan Chief Minister, Zoramthanga chu hmuin Zohnahthlak insuihkhawmna atana pawimawh inkalpawhna kawng tihchangtlun dan tur an sawipui a, Krismas present atan Hmar Thangchhuahpuan an hlan nghal bawk.

AMC inthlanna neih theih a nih hmaa AMC enkawltu atan sawrkar in Administrator a ruat

Aizawl Municipal Corporation (AMC) dinglai term chu a tawp dawn tak avangin AMC a Municipal Commissioner hna chelh mektu, K. Laldingliana chu Administrator atana Sawrkarin a ruat.

Ramhnim atanga thil siamchhuah chi hrang hrang chhinchhiahna tur Health Minister in a tlangzarh

State Medicinal Plants Board (SMPB), Mizoram bultuma buatsaih Ramhnim atanga thil siamchhuah chi hrang hrang chhinchhiahna tur, 'ZOMEDPLANTS' chu nimin khan Health Minister Dr. R. Lalthangliana chuan a tlangzarh a, SMPB Official Website pawh nimin vek khan tlangzarh a ni bawk.

KVK N. Vanlaiphai-ah 'World Soil Day' hmang

Inrinni kalta December 5, 2020 khan khawvel pumah 'World Soil Day' hman a ni a, Serchhip District-a Krishi Vigyan Kendra (KVK), North Vanlaiphai-ah pawh he ni pual hian hun hman a ni.

Hri kai hmuh belh zel; Enkawl dam an pung zel

Inrinni-a Sample enfiah atangin Serchhip District-ah COVID-19 hri kai mi pakhat hmuh belh niin nimin khan Thenzawl-ah hri kai mi pahnih hmuh belh an ni bawk.

Dan bawhchhia man zel

COVID-19 No Tolerance Drive neih mek ah Inrinni khan Serchhip District-ah Dan bawh-chhia mi 15 man leh niin an vai hian Police te man vek niin an pawisa chawi tlingkhawm Rs. 1500/- a ni a. Nimin khan Dan bawhchhia mi 12 man leh niin an sum chawi chu Rs. 1200/- a ni a, Police te man vek a ni bawk.

Ganja Kg. 50 chuang man

Serchhip Police te chuan Zirtawpni zan khan Lunglei lama kal tur nia insawi Truck pakhat atangin Ganja kg. 50 chuang an man a, he motor enkawltute pawh man nghal a ni.

Chanchin thar thenkhat :

AMC inthlan hun tur hriatloh

Kolasib District MJA in ramri-a duty te an tlawh

Mizoram Journalist Association (MJA) Kolasib District Member te chuan Inrinni khan Vairengte leh Saihapui ‘V’ a ramri-a sipai duty na hmun an tlawh a, khawtlang hruaitute an kawm bawk.

Mizoram-ah hri kai hmuhchhuah awm belh zel

Zirtawpni-a Mizoram-a Sample enfiah atangin COVID-19 hri kai mi 25 hmuhchhuah niin Inrinni-a Sample enfiah atangin hri kai 21 hmuh belh leh an ni bawk.

State danga-a an kal anga kal a fuhlo thei tih sawi

Chief Minister, Zoramthanga chuan Mizoram chu tlangram, ruahtui tamna hmun a nih avangin NHIDCL ten State dang, phai ram-a hma an lak dan ang ngawt a kal a fuhloh theih thu a sawi.

AAI ten CSR Fund atangin Bus pahnih an pe

Airport Authority of India (AAI) chuan Corporate Social Responsibility (CSR) hnuaiah Air Conditioned Bus pahnih chu Mizoram sawrkar hnenah an pe a, Thingdawl Nursing School a hman tura ruahman a ni.

Kawlphetha MW 2 pe thei tur Solar Power Plant hawng

Zoram Energy Development Agency (ZEDA) in kawlphetha MW 2 pechhuak thei tura an duan Tlungvel-a Grid Connected Solar Photovoltaic (SPV) Power Plant chu Zirtawpni khan P&E Minister, R. Lalzirliana chuan a hawng.

Kum khat-a Mizoram Buh mamawh MT nuai 1.8 a nih laiin kum kalta ah MT 60,239 thar a ni

Image
Mizoram in a tlem berah kum khat chhungin buh Matric Tonnes (MT) 1,80,000 vel a mamawh a, hetihlai hian kum liam ta 2019-2020 a Mizoram buh thar zat chu MT 60,239 a ni a. Mizoram District hrang hrang zingah Champhai District chu buhfai thar tam ber an ni.

MAMSol-in Mizoram-ah Sawhthing qtls 21,160 lei tawhin kumin ah lei leh tum mek a ni

Mizoram Agriculture Marketing Solution (MAMSol) chuan kum 2017 atang khan Mizoram hmun hrang hranga Sawhthing chingtute tharchhuah lei sakin kumin thlengin quintal 21,160 an leisak tawh a. Kumin ah pawh Sawhthing hi lei leh tum mek a ni bawk.

Member thar lawmlut dawn

MJA Serchhip District chuan Vawiin chawhnu dar 3:00 hian Serchhip Press Club-ah MJA member atana lak thar, Lawmhlira Ralte (DDK) lawmluhna hun an buatsaih dawn.

Chanchin thar thenkhat :

NGO te hnenah ngenna siam

DC hnenah Face Mask hlan

Nimin khan Kiwanis Taiwan-a Consultant, Jonathan Lalremruata chuan Serchhip District Bawrhsap, Kumar Abhishek-a hnenah hri leng laka invenna atana a tulna apianga hman turin Face Mask a hlan a. Kiwanis, Taiwan hian India ram hmun hrang hranga a mamawhtu hman turin Mask nuai 5 a sem chhuak a, heng zinga 500 chu nimin khan Serchhip District a hman turin Bawrhsap kutah hian a hlan a ni. Bawrhsap chuan nitina kan mamawh tak mai dawngtu zinga Serchhip District a tel chu lawmawm a tih thu a sawi a, an thilpek dawnte chu tangkai tak hman anih tur thu a sawi bawk.

Dan bawhchhia 16 man leh

Nimin khan Serchhip District-a COVID-19 No Tolerance Drive neih mekah Dan bawhchhia mi 16 man leh an ni a, an sum chawi tlingkhawm chu Rs. 1600/- a ni. Nimin a Dan bawhchhia man zinga 15 te hi Police ten an man niin Ser-chhip-ah mi 12, Thenzawl-ah mi 2 leh Chhing-chhip-ah mi pakhat man an ni a, Hmuntha-ah Dan bawhchhia mi pakhat chu Executive Duty ten an man bawk a ni.

Motor lian tan tlan phallo

Serchhip District Addl. SP chuan thuchhuah siamin Serchhip Tuikhuah Veng atanga Chhim Veng Main Road atanga Chhim Veng Kohhran Biak In pan thlakna kawng, PC. Lahmunmawia In bul Concrete Lei (RCC Bridge) chu a hlui tawh avang leh a chhiat tawh avangin Motor rit phur, 207 Truck chin bak aia lian tan zawh theih a ni lo tih a tarlang. Hei bakah hian Bazar atanga Chhim Veng panna kawng, Apollo Hotel thlang ah Side Drain siamthat hna thawh mek a nih avangin helai kawng ah hian lirthei tlan khap mek a ni bawk.

MYC in buatsaih dawn

Mizoram Youth Commission (MYC) chuan thalaiten hlawhtlinna zau zawk an neih theih nan IAS 2020 Full Sponsorship State Level Screening Exam a buatsaih dawn a, Application form hi paper-ah ziakin Education Qualification Certificate leh Marksheet (Photo copy) thil tel tur a ni anga, tun thla ni 10 thleng thehluh theih niin tun thla ni 11 thlengin Office hour-ah Admit Card lakchhuah theih a ni bawk ang. Dilna hi MYC Office, New Capital Complex-ah thehluh theih niin mycmizoram@gmail.com ah a thehluh theih a ni bawk ang. He ruahmanna hi Mizo thalaite IAS exam a hlawhtlinna an hmuh theih nana Delhi hmun ngei ah Academy tha a zir theihna tur a nih avangin thalai a tam thei ang ber hmachhawn turin an ngen a, he Full Sponsorship-ah hian a titha bik mi 20 thlanchhuah tur an ni ang.

Mi 7 ten thisen pe leh

Association for Voluntary Blood Donation (AVBD) Serchhip Branch leh Blood Bank Ser-chhip ten Krismas puala thisen pekna hun an buatsaih mekah nimin khan mi tlawmngai mipa 2 leh hmeichhia 5 te chuan Serchhip Blood Bank-ah thisen an pe leh a, heti hian Krismas puala thisen pekna hun buatsaih mekah hian mi 32 ten thisen an pe tawh a, mi tlawmngai te thisen pe chhunzawm zel turin an sawm bawk.

Hri kai mi 3 enkawl dam

Serchhip District-a COVID-19 hri kai enkawl mi pathum te chu nimin khan anmahni enkawlna hmun atanga chhuahtir niin Serchhip District-ah hri kai enkawllai mi 22 an la awm.

North Vanlaiphai VC-a Vote thlak tha turin inbuatsaihna ngawrh taka kalpui nghal a ni

North Vanlaiphai Village Council-ah tun thla ni 10-a mipui ten Vote an thlak that dawn avangin Model Code of Conducts puan nghal niin Vote thlak turin inbuatsaihna pawh ngawrh taka kalpui nghal a ni.

Mizoram-ah Lockdown puan tumna a awm rihlo

Tunhnaiah hunpui laiin Mizoram-ah hri leng avanga inkharkhip tumna a awm angin thu thang mah se harsatna kan tawk emaw, kan dinhmun a derthawng ta viau emaw a nih loh chuan ‘Lockdown’ tumna a awmlo.

Mizoram-ah COVID-19 hri kai 7 hmuh belh leh an ni

Niminpiah-a Mizoram-a Sample enfiah atangin COVID-19 hri kai mi 7 hmuh belh leh an ni a, hun engemaw chen hnuah ZMC Laboratory-a Sample enfiah atangin hri kai hmuhchhuah an awm lo thung.

Deputy Chief Minister in lungphum a phum

Ramhlun South Multi-Utility Centre sakna tur lungphum chu nimin zing khan Deputy Chief Minister, Tawnluia chuan a phum a, Multi-Utility Centre hi kum 2 chhunga sak zawh hman tura ruahman a ni.

TIPM hruaitu ten MJA hruaitute kawmna an nei

Thangram Indigenous People's Movement (TIPM) hruaitute leh Mizoram Journalist Association (MJA) General Hqrs. hruaitute chuan nimin khan Aizawl-a MZP Pisa-ah inkawmna an nei.

R. Hrangthanga thih dan chhui zui mek a ni

Kumin November ni 23-a Thenzawl Police Training School (PTS)-a IVth Grade hnathawk boralta, R. Hrangthanga thih dan chu Sawrkar-in a chhui chiang mek.

ZPM in Law Court-a kal an tumloh thu sawiin, by-election ah Lalduhoma an din tir leh dawn

Zoram Peoples’ Movement (ZPM) Party chuan MLA atanga Serchhip bialtu MLA, Lalduhoma ban a nih chungchangah Law Court-ah kal an tumlo tih sawiin, Serchhip bial-a by-election lo awm turah ZPM Party aiawhin Lalduhoma chu a ding leh dawn tih an sawi bawk.

PHE in Pipe chhia siamtha

PHE Department in Serchhip khawpui chawmna atan Tuikum tui an lakna Pipe line chu nimin khan a chhia a, darkar thum chhunga siamthat nghal niin mipuite tan tui sem chungchangah harsatna thleng lo tura beisei a ni.

Dan bawhchhia 22 man

COVID-19 No Tolerance Drive hman mek ah nimin khan Serchhip District-ah hri leng laka himna Dan siam bawhchhia mi 22 man leh an ni a, an sum chawi tlingkhawm chu Rs. 2200/- a ni. Dan bawhchhia man zinga 21 te chu Police ten an man niin midang pakhat hi Serchhip Town chhunga man a ni bawk.

Bial ruak-ah puang

Serchhip bialtu MLA, Lalduhoma chu MLA atanga ban a nih tak avangin Serchhip Assembly bial chu a ruak tih nimin khan Assembly Secretariat in hriattirna tichhuakin a tarlang.

Faina ah tan lak zui zel a tul

Faina ah tan lak zui zel a tul

Chanchin thar thenkhat :

TIPM in Chief Minister kawm

Mizoram-ah COVID-19 hri kai 12 hmuh belh leh

Niminpiah-a Mizoram-a sample enfiah atangin COVID-19 hri kai mi 12 hmuhchhuah leh an ni a, damdawi In atanga hri kai hmuhchhuah mi pali lai an awm a ni.

Dan leh Dan-a inbeihna a ni lo - ZPM

ZPM Party chuan MLA atanga ZLP Leader, Lalduhoma paih a ni chu Dan leh Dan inbeihna ni lovin, Politics-a inbeihnaah nia an ngaih thu sawiin, Speaker thutlukna chu Dan hmanga rorelna ni lovin politics-a rorelna dik takah an ngai tih an sawi.

MPYCC in CM leh Governor hnenah ngenna thlen

Congress Thalai te chuan nimin khan Mizoram Governor leh Chief Minister hnenah lehkha thehlutin hri leng avanga mipuite harsatna tawh avanga ruahmanna siam turin an ngen.

Mizoram Science Congress 2020 hawnna Chief Minister hovin neih a ni

Mizoram Science Congress 2020 chu nimin khan Chief Minister, Zoramthanga chuan a hawng a, ni 2 awh tur Mizoram Science Congress 2020 hi hri leng avangin Online-a buatsaih a ni.

Magistrate in khapna tichhuak

Serchhip District Magistrate, Kumar Abhi-shek chuan thupek tichhuakin Serchhip District huamchhungah kum 2020 Krismas leh kum 2021 Kumthar vuakvetah Halpuah, halmawi, Sky Lantern leh puakthei thil dang, boruak thalo siam thei leh ri bengchheng siam thei chi reng reng leh Naupang silai lem a mu hmang chi reng reng lakluh, zawrh leh hralh khap tlat a nih thu a tarlang.

NSS ten thisen Unit 21 pe

Association for Voluntary Blood Donation (AVBD) leh Blood Bank Serchhip ten Krismas puala thisen pekna hun an buatsaih mekah nimin khan Govt. Serchhip College NSS Unit te chuan Serchhip Blood Bank-a dah turin thisen Unit 21 an pe a, thisen petute hi mipa 10 leh hmeichhia 11 an ni.

Lirthei tlantlang phal rihlo

Serchhip SP chuan thuchhuah siamin Serchhip Chhim Veng, Lalpuithanga Hall kawt-a Side Drain siamthat hna Serchhip-III VC in an thawh mek chu mipui tana thil pawimawh a nih avang leh tha zawk leh chak zawka thawh a nih theihna atan Dan in thuneihna a pek angin Lalpuithanga Hall, Chhim Veng kawt atanga Bazar panna, Apollo bula kawng chhuk thla rawn pawhtu inkar chu Road Block ah puan a ni tih a tarlang a, hemi ang hian nimin zing dar 6:00 atanga he hna thawh zawh a nih hma chu lirthei eng chi mah tlan phal a ni lo tih a tarlang a ni.

Hri kai 9 enkawl dam leh

Niminpiah-a Serchhip District-a Sample enfiah atangin COVID-19 hri kai hmuhchhuah thar an awm lova, Serchhip District-a hri kai enkawl mi 9 te chu nimin khan anmahni enkawl hmun atanga chhuahtir an ni thung.

Congress in hnehna chan inring

Serchhip bial chhunga Congress Block pahnih, Serchhip East leh Serchhip West Block Congress Committee te chuan nimin khan Serchhip Venglai-a Lalzuiliana te In-ah Joint Meeting neiin Serchhip bialtu MLA, Lalduhoma chu MLA a nihna hlih sak a nih avangin Serchhip bial ah bye-election neih a nih chuan hnehna an chan ngei an inrin thu an sawi a. Hemi chungchangah hian MPCC President, Lal Thanhawla chu a rang lama kawmin Candidate tur tihfel pui tura biak nise an ti a, Serchhip bial-a an candidate tur chu Block pahnih hruaitute nen inrawntlang-a sawiho an beisei thu an sawi bawk.

Rualbanlote pawl in khawlai an thianfai

Nimin December 3, 2020 kha khawvel pumah rualbanlote ni, International Day of Disabled Persons a ni a, Serchhip-ah chuan he Ni pual hian rualbanlote leh anmahni enkawltute chuan an remchan angin hun an hmang a ni.

North Vanlaiphai VC thlanna neih kal zelah mipui ten Dec. 10-ah Vote an thlak tha leh dawn

Serchhip District chhunga North Vanlaiphai Village Council inthlanna neih zawh taka lungawilohna SEC-a thlente ngaihtuah a nih hnuin State Election Commission chuan tun thla ni 10-ah Vote thlak tha turin ruahmanna a siam a, hemi atan hian nimin khan hriattirna pawh tihchhuah a ni.

Hri leng dona-a thawk turin inpe awm belh

Serchhip District-a COVID-19 dona kawnga thawk turin nimin khan Laboratory Technician inpe mi thar awm lehin Serchhip District chhunga hri leng dona kawnga thawk tura inpe chu mi 5 an ni tawh.

Result enfiah deuh la ngai

Serchhip khawpui-a boruak thianghlim dan enfiahna khawl bun thar hmanga result hmasa ber chu hriat ni tawh mah se result hi enfiah zui erawh ala tul dawn nia thudawn a ni.

Hri kai pakhat hmuh belh

Niminpiah a Serchhip District-a Sample en-fiah atangin COVID-19 hri kai mi pakhat hmuh belh leh niin nimin-ah hri kai enkawl dam an awmlo thung.

PHC fai lawmman hlan

National Health Mission (NHM) hnuaia Serchhip District chhunga PHC fai thlanna neiha lawmman chu nimin khan sem niin Chhingchhip PHC in lawmman pakhat dawngin East Lungdar PHC leh North Vanlaiphai PHC ten an dawt a, Khawlailung PHC leh Ngentiang PHC te hnenah pawh an hmalak that avangin lawm-man hlan an ni bawk.

Dan bawhchhia 24 man

COVID-19 No Tolerance Drive hman mek ah nimin khan Serchhip District chhungah hri leng dona leh hri leng laka himna tura kaihhruaina siam bawhchhia mi 24 man leh an ni a, heng mi te sum chawi tlingkhawm hchu Rs. 3300/- a ni. Nimin-a Dan bawhchhia man te hi Police ten an man ve vek niin Serchhip-ah mi 21 an man a, Thenzawl-ah mi 2 leh Chhingchhip-ah mi pakhat man an ni bawk.

CCC-a awm tan thilpek hlan

Baptist Church of Mizoram (BCM) Khawng-lung, Bungtlang te chuan Serchhip District-a COVID-19 hri kai enkawlna hmuna awm mek te tanpuina atan nimin khan Serchhip District Bawrhsap hnenah cheng sing hnih an hlan.

Chanchin thar thenkhat :

Coaching kal tur mi 2 thlang

ZPM Val Upa Council in mimal inhuphurhna ah ngai

ZPM Val Upa Council chuan MLA atanga Lalduhoma chawlhtir a ni chu ama mimal hu-phurna leh itsikna avang ni ngeia an hriat thu sawiin, Speaker thil tih dan chu an dem takzet tih an sawi.

Mizoram-ah hri kai 22 hmuhchhuah leh an ni

Niminpiah-a Mizoram-a Sample enfiah atangin COVID-19 hri kai mi 22 hmuhchhuah an ni a, tualchhung-a hri inkaichhawng an awm leh nual.

Rubber chingtute hnenah Rubber Rolling Machine hlan

Land Resources, Soil & Water Conservation Department changtu Minister, R. Lalzirliana chuan nimin khan Aizawl District-a Rubber chingtu chhungkaw 90 hnenah Rubber sawngbawlna khawl, 'Rubber Rolling Machine' leh a kaihhnawih hmanraw dang a semchhuak.

Health Minister-in Aizawl Civil Hospital building tlawhin hmalakna tur a enfiah

Health Minister Dr. R. Lalthangliana chuan nimin zing khan Aizawl Hospital Main Building, Blood Bank Building leh Trauma Centre sakna tur te chu a hmunah kalin a enfiah.

Mizoram-a damdawi In fai thlanna neih a ni

Serchhip District in 3-na dinhmun a luah National Health Mission (NHM) buatsaihin Mizoram-a damdawi In fai thlanchhuah te hnenah nimin khan lawmman hlan niin Health Minister, Dr. R. Lalthangliana chuan a hmanpui a, District Hospital fai ber atan Lawngtlai District Hospital thlan niin Serchhip District Hospital chuan lawmman pathumna a dawng a ni.

Hri leng lakah fimkhur zel a tul

Hri leng lakah fimkhur zel a tul

Chanchin thar thenkhat :

Mizoram in lawmman dawng

Mizoram-ah COVID-19 hri kai 22 hmuh belh an ni

Niminpiah khan Mizoram-ah COVID-19 hri kai mi 22 hmuhchhuah leh an ni.

Chief Secretary in Mizoram Science Centre a tlawh

Chief Secretary leh Mizoram Science Centre-a Chairman, Lalnunmawia Chuaungo chuan niminpiah khan Berawtlang-a Mizoram Science Centre chu a tlawh.

Hmalakna thar awmlo niin sawi

Congress Party chuan MNF sawrkar kum 2 chhungin Mizoram Youth Commission-ah Congress Ministry hunlaia hmalakna bak hmalakna thar a awm lo niin an sawi.

Chhiahtlang-ah Field lai tan

Tuikum bialtu MLA leh Assembly Deputy Speaker, Er. Lalrinawma chuan nimin khan a bial chhung, Chhiahtlang khua-a MLA Fund hmanga Field laih tur chu tlawhin Field laih hna thawh bul a tanpui.

Thisen pekna hun buatsaih

Association for Voluntary Blood Donation (AVBD)-in Blood Bank-te nen tangho-a Krismas puala thisen pekna hun an buatsaih chu nimin khan Mizoram District hrang hrangah kalpui tan a ni a, Aizawl-a Model Blood Bank, Civil Hospital, Aizawl-ah Health & Family Welfare Board Vice Chairman, Dr. ZR. Thiamsanga MLA chuan he beihpuithlakna hi a hawng a ni. Serchhip-ah pawh Krismas pual-a thisen pekna hun hi Serchhip Blood Bank-ah buatsaih niin tun thla ni 15 thleng thisen pekna hun hi buatsaih a ni dawn a ni.

Dan bawhchhia 21 man

Mizoram sawrkar in ruahmanna a lo siam tawh angin nimin atang khan kumthar January ni 10 thleng awh tur, COVID-19 No Tolerance Drive chu hman chhunzawm leh a ni a, he Drive hman lehna ni hmasa ber ah hian hrileng laka himna tura Dan leh kaihhruaina siam hrang hrang zawmlo mi 21 chu Serchhip District-ah man leh an ni a, an pawisa chawi tlingkhawm chu Rs. 5700/- a ni. Nimin a Dan bawhchhia man zinga 19 te chu Serchhip-ah Police ten an man niin heng bakah hian Serchhip Town chhung leh Bungtlang-ah dan bawhchhia mi pakhat ve ve man an ni bawk.

Serchhip-ah hri kai 1 dam

Serchhip District-a COVID-19 hri kai en-kawl pakhat chu nimin khan enkawl dam leh a ni.

Serchhip-ah Mizoram MP pahnih te hovin sawrkar hmalakna thlirhona hun hman a ni

Serchhip District chhunga Central sawrkar sum hmanga hmasawnna hnathawh hrang hrangte thlirin nimin khan Serchhip District Development Co-ordination and Monitoring Committee (DISHA) chu an thukhawm.

Oil Palm hralhna-ah sawrkar in Support Price Kg. 1 zelah Rs. 4.50 a pe tawh dawn

Mizoram sawrkar chuan Mizoram-a Oil Palm chin chu tuaithar a tum mek a, hemi atana hmalakna pakhat atan Oil Palm chingtu ten tuna an tharchhuah an hralhna bakah Kg. khat zelah Support Price Rs. 4.50 zel a pe dawn a, he ruahmanna hian Oil Palm chingtute tan phurna a siam an rin thu Serchhip-a Oil Palm chingtute chuan an sawi.

BDO ram laihchhiat chungchang hi

BDO ram laihchhiat chungchang hi

Chanchin thar thenkhat :

ZLP in pawi tih thu sawi

Hri kai 3 hmuh belh an ni

Niminpiah-a Mizoram-a Sample enfiah atangin COVID-19 hri kai mi pathum hmuh an ni a, an vai hian Aizawl Vaivakawn Veng ami niin chhungkhat a cheng an ni.

Miss India-Mizoram atan Lalmuansangi Varte thlang

VLCC Femina Miss India 2020 State winner te chu nimin khan Official-in Miss India Organisation-in an puang ta a, Miss India Mizoram chu Lalmuansangi Varte niin, ani hian VLCC Femina Miss India 2020 thlannaah Mizoram ai a awh dawn ta a ni.

Serchhip East Block MNF mawhphurhna inhlan

MNF General Hqrs. in Nov. 24-a Mizo-ram-a MNF Block hruaitu thar a ruat hnuah nimin khan Serchhip East Block MNF hruaitu kalchhuak turte chuan hruaitu thar te hnenah mawhphurhna an hlan.

Dan bawhchhia 21 man leh

COVID-19 No Tolerance Drive neih mek ah nimin khan Serchhip District-ah Dan bawh-chhia mi 21 man leh an ni a, heng mite pawisa chawi tlingkhawm chu Rs. 2400/- a ni. Nimin a man zinga mi 17 te chu Police te man niin Buangpui-ah mi 3 leh Hmuntha-ah mi pakhat man an ni bawk.

Hri kai 29 enkawl dam an ni

Niminpiah-a Serchhip District-a Sample enfiah ah COVID-19 hri kai hmuhchhuah an awmloh laiin nimin khan hri kai mi 29 te chu anmahni enkawlna hmun atanga chhuahtir an ni.

MPCB hmalakna in Serchhip khawpui chhungah Boruak thianghlim dan enfiahna khawl bun a ni ta

Mizoram Pollution Contral Board (MPCB) hmalakna in Serchhip-ah boruak thianghlim leh thianghlim loh enfiahna khawl bun thar a ni ta a, Sample hmasa ber pawh lak ni tawhin naktuk ah result hriat theih beisei a ni.

Serchhip bial mipuite zahlo ah ZPM in ngai

Serchhip bialtu MLA, Lalduhoma ban a nih chungchangah Serchhip Block ZPM chuan Serchhip bialtu MLA ban a nih theihna tura hektute chuan Serchhip bial mipuite an zahlo hle ah an ngai tih an sawi.

Volleyball Court (Indoor) keng tel ‘Youth Centre’ sakna tur lungphum Serchhip-ah phum a ni

Cheng vbc. 3 seng-a Serchhip Darnam Tlang-a ‘MYC Youth Centre’ sak tur lungphum chu nimin khan Mizoram Youth Commission (MYC) Chairman, Dr. Vanlaltanpuia MLA chuan a phum a, he Youth Centre hi kum thum (3) chhunga sak zawh hman tura ruahman niin Inchhung-a Volleyball khelhna tur pawh a awm thei dawn a ni.

MLA thlanna neih thuai a tul

MLA thlanna neih thuai a tul

Dan bawhchhia 22 man

COVID-19 No Tolerance Drive neih mek ah nimin khan Serchhip District-ah Dan bawh-chhia mi 22 man leh an ni a, an vai hian Police te man vek niin an sum chawi tlingkhawm chu Rs. 5800/- a ni. Dan bawhchhia hi Serchhip-ah 18 manin Chhingchhip-ah mi 4 man an ni.

Hri kai pung chho zel

Zirtawpni-a Sample enfiah atangin Serchhip District-ah COVID-19 hri kai mi 4 hmuh niin Inrinni-a Sample enfiah atangin hri kai hmuh an awmlo thung.

BDO ram laih rawn enfiah

Mizoram sawrkar-a Information & Public Relation leh RD changtu Minister, Lalruatkima chuan Inrinni zing khan Serchhip-a Block Development Office (BDO) hmunhma leh BDO Staff Quarters sakna tur hmunhma te a enfiah.

Mizoram khawpui fai inelna neih mekah Serchhip khawpui fai dan enfiah a ni

Mizoram khawpui Fai thlanna kal mekah Inrinni khan khawpui fai endiktute chuan Serchhip khawpui chhung an endik a, chawhnu lamah Thenzawl an endik leh bawk.

Chanchin thar thenkhat :

NEP 2020 a himlo niin sawi

Mizoram-ah COVID-19 hri kai hmuhchhuah tlen zel

Zirtawpni-a Mizoram-a Sample enfiah atangin COVID-19 hri kai mi 18 hmuh belh an ni a, Inrinni-a sample enfiah atangin hri kai 16 hmuh niin hri kai hmuhchhuah hi an tlahniam mek a ni.

‘Khuangchera Project : Huaisen inzirtir’ hawn a ni

Mizoram Youth Commission (MYC) buatsaihin, ‘Khuangchera Project : Huaisen inzirtir’ programme chu Zirtawpni zan khan HYVE Aizawl City Hall-ah hawn a ni.

Chawhmeh man sang buaipui chhunzawm zel a ni

Aizawl khawpui chhunga chawhmeh man sang lutuk ti ziaawm turin sawrkarin MIZOFED leh MAHFED te tlawm zawka chawhmeh lakkhawm hnathawk turin a ruat.

DGP in Cyber Crime Police Station a hawng

Mizoram Police hnuaia Cyber Crime Police Station chu Zirtawpni khan Police Headquarters (PHQ), Khatla-ah Mizoram DGP, SBK. Singh chuan a hawng.

Kum thum kalta chhungin Mizoram-ah TB vei nunna chan an pung chho mek

Kumin January thla atanga September thla tawp thleng khan Mizoram-ah TB natna vei 1996 hmuhchhuah niin hemi chhung hian TB vei zingah nunna chan mi 37 an awm a. Tunhnai kum thum (2018-2020) chhungin Mizoram-ah TB vei leh TB vei nunna chan hi an pung chho mek niin a lang.

Serchhip enfiah dawn

Mizoram khawpui fai thlanna neih mekah Vawiin hian khawpui fai endiktute chuan Serchhip khawpui fangin an rawn enfiah dawn.

Mipui ten khawlai phiatfai

Serchhip-I Village Council Faina kawnga hmalakna pakhat atan nimin zing khan an huam-chhungah ‘Tual Phiah Runpui’ an nei. Serchhip-I Village Council Sanitation Committee hmalakna a Tual phiah Runpui neih ah hian an huamchhung a chhungkaw tin ten chu anmahni kawtkai theuh fai taka phiatfai tura ngen in, Serchhip-I VC mipui ten an zawm tha hle a, Village Council-I Sanitation Committee te chuan lawmthu an sawi a ni. Nimin zing vek khan Serchhip Chan-mari VC Sanitation Committee te pawhin an huamchhung a chhungkaw tin te chu mahni kawt theuh phiat fai tura tiin, In awmlohna hmun te chu Sanitation Committee Member ten hnatlang in an phiat bawk.

Kohhran Hmeichhe ni hmang

Nimin Nov. 27, 2020 kha Mizoram Presbyterian Kohhran Hmeichhe ni vawi 24-na a ni a. Hri leng mek avangin kumdang anga hman theih a nih loh bakah he Ni hman dan tura lo ruahman lawk anga hman theih a ni lo.

Dan bawhchhia 15 man

Serchhip District-a COVID-19 No Tolerance Drive neih mekah nimin khan Dan bawhchhia mi 15 man leh an ni a, heng mite pawisa chawi tlingkhawm chu Rs. 1500/- a ni. Nimin a Dan bawhchhe man 14 te chu Police ten Serchhip-a an man an ni a, midang pakhat pawh hi Serchhip Town-a man a ni bawk.

Hri kai pakhat hmuh belh

Niminpiah-a Serchhip District-a Sample enfiah 105 atangin COVID-19 hri kai mi pakhat hmuh leh a ni a, Serchhip District-a hri kai hmuhchhuah chu mi 154 an tling ta.

MzSRLM buatsaihin SHG te Loan pek an ni

Mizoram State Rural Livelihood Mission (MzSRLM) Serchhip RD Block buatsaihin nimin khan Thenzawl-a Golf Course Convention Centre-ah Block Level Credit Camp neih a ni a, Loan Cheng nuai 248.2 semchhuah a ni.

Chanchin thar thenkhat :

Kumthar-ah School tan tum

Farm Acts for Agriculture Reforms 2020 zirhona nei

Tun thla ni 30 thleng awh tur ‘Farm Acts for Agriculture Reforms 2020’ chungchang inhrilh-hriatna leh zirtirna chu Mizoram hmun hrang hrangah Oct. 23, 2020 atang khan neih a ni.

Mizoram-ah hri kai 23 hmuh belh leh an ni

Niminpiah-a Mizoram-a Sample enfiah atangin COVID-19 hri kai mi 23 hmuh belh leh an ni a, hri kai hmuhchhuah tamna Aizawl khawpui chhungah hri kai hmuhchhuah an tlem zel.

'COVID-19 No Tolerance Drive' kalpui zel tur niin hunpui laiin Programme huaihawt khap a ni

Mizoram-a 'COVID-19 No Tolerance Drive' kalpui mek chu kumthar January 10 thleng kalpui chhunzawm a ni dawn a, hunpui laiin Sawrkar programme pawimawh bik tihloh mipui hip thei programme huawihawt khap a ni.

CLP Leader in pawi ti

Congress Legislature Party (CLP) Leader, Zodintluanga Ralte chuan MLA atanga Lalduhoma ban a ni chu pawi an tih thu leh ZPM MLA dangte lakah pawh action la si lo a, Lalduhoma lakah chauh action lak a ni chu mimal inhuatna vang liau liauah a ngai tih a sawi.

Lalduhoma’n Speaker thutlukna chu Dan hmanga rorelna ni lovin politics-a phuba lakna niin a sawi

Serchhip bial atanga MLA atana thlantlin, MLA atanga ban tak Lalduhoma chuan a chungchanga Assembly Speaker Lalrinliana Sailo thutlukna chu Dan hmanga rorelna ni lovin, politics-a phuba a nih thu sawiin, “Kan kal zel dan tur chu kan party hruaitute'n an rel ang,” a ti.

India Constitution 10th Schedule Para 2(2) bawhchhia-a a puh Lalduhoma MLA atanga ban a ni

MNF MLA 12 ten India Constitution 10th Schedule Para 2(2) bawhchhia-a an puh Serchhip bialtu MLA, Lalduhoma chungchanga thutlukna chu nimin khan Assembly Spaker, Lalrinliana Sailo chuan puangin, Independent MLA-a thlan Lalduhoma chu Mizoram Legislative Assembly Member a nihna chu hlih sak (disqualify) a ni.

Footballer ropui Maradona a liam ve leh ta

Argentine Footballer, mi tam takin Footballer piang tawh zawng zawnga ropui ber leh thiam bera an ngaih, Diego Maradona chu nizan hmasa khan boralin kum 60 mi a ni.

Dan bawhchhia 17 man

COVID-19 No Tolerance Drive hman mek ah nimin khan Serchhip District chhungah Dan bawhchhia mi 17 man leh an ni a, heng mite pawisa chawi tlingkhawm chu Rs. 1800/- a ni. Nimin a Dan bawhchhia man te hi Police te man vek an ni a, Serchhip-ah mi 14 man niin Chhingchhip-ah mi 2 leh North Vanlaiphai-ah mi pakhat man an ni bawk.

Faina-a inelna ah endik

Kumin a Faina Hapta hman denchhena Serchhip khawpui chhunga Damdawi In, Hotel, Thingpui Dawr fai thlanna kal mekah nimin khan endiktu tura ruat, Serchhip Photographer Association (SPA) te chuan endik hna an thawk a, heng endiktute hi hlawm hnih-ah inthenin Faina Hapta puala inelna hrang hrangah endik hna hi ngawrh taka thawh mek a ni.

Faina hnatlang nei ve leh

New Serchhip South Village Council te chuan nimin khan khawtlang huap hnatlang neiin an huamchhung thenfai hna an thawk.

BADS in Zu bilhlai tichhia

Chhekhnai Branch YMA Anti-Drug Squad te chuan nimin zing khan an huamchhunga Zu bilhlai Zem 6 zet an tichhia.

Thutlukna puang dawn

MNF MLA mi 12 ten Serchhip bialtu MLA, Lalduhoma chu India Constitution 10th Schedule Para 2(2) bawhchhiaa puha Assembly Speaker hnena an hekna chungchangah Assembly Speaker, Lalrinliana chuan Vawiin chawhma dar 11:00 hian thutlukna a puang dawn a, DDK leh Cable TV-ah te Live Telecast a ni ang.

Hri kai thar 1, enkawl dam 1

Niminpiah-a Serchhip District-a Sample enfiah atangin COVID-19 hri kai mi pakhat hmuh a ni a, Serchhip District-a hri kai pakhat chu enkawl dam a nih hnuah nimin khan chhuahtir a ni bawk.

Chanchin thar thenkhat :

Lehkhabu thar tlangzarh

Duhoma’n hriatthiam har ti

Serchhip bialtu MLA, Lalduhoma chuan tun thlenga hri kai enkawlna hmun atanga chhuah tur te RT-PCR hmanga test an la ni lo leh Test Kit mamawh khawp sawrkar in ala pe theilo chu hriatthiam har a tih thu a sawi.

Mizoram-ah COVID-19 hri kai 20 hmuh belh an ni

Niminpiah-a Mizoram-a Sample enfiah atangin COVID-19 hri kai mi 20 hmuhchhuah an ni a, Mizoram-ah tualchhung-a hri inkaichhawng an tlem chho zel niin a lang.

MNF in LADC Election Campaign Kick-off an nei

MNF Party chuan nimin khan Lai Autonomous District Council (LADC) inthlanna neih tur atan Lawngtlai-a Mizo Hnam Run-ah ‘Campaign kick-off’ hun an hmang.

PC Party in Shadow Cabinet kalphung an zirho

Nimin khan PC Party hruaitute chuan Aizawl-a an Office-ah ‘Shadow Cabinet’ kalphung zirhona an nei.

Union Minority Affairs Minister Mizoram a rawn tlawh

Union Minority Affairs Minister, Kiren Rijiju chuan Mizoram rawn tlawhin nimin khan Siaha leh Lawngtlai khua te a tlawh.

Education Department-a thawktute hmalakna vangin Achievement Award an dawng tih sawi

School Education Department Director, James Lalrinchhana chuan School Education Department-a Zirtirtute leh thawktu ten hri leng kara hma an lakna avangin School Education Department chuan InSPA atangin chawimawina, Achievement Award a dawng tih a sawi.

Mizoram-a mi cheng te rilru kan inkharkhipna phelh hmasak a tul - MP, Rajya Sabha

Mizoram Rajya Sabha MP, K. Vanlalvena chuan kawngpui leh Tui-ah Mizoram chu ramdang tana tlawhpawh harsa a ni lo tih sawiin, ami chengte zawk hi kan rilru tlawhpawh harsa a nih avangin rilru lama kan inkhar-khipna hi phelh a tul hmasa tih a sawi.

Serchhip District atanga Bihar inthlan-a kal zingah hri kai 40 hmuhchhuah an ni tawh

Tunhnaia Bihar inthlanpui-a Serchhip District atanga Duty tura kal zingah COVID-19 hri kai mi 40 zet an awm tawh a, Serchhip District-a TrueNat Laboratory hman theiha hawn a nih hnuah he Laboratory atang hian hri kai 95 zet hmuhchhuah ni tawhin Serchhip District-a hri kai hmuhchhuah zinga a zatve aia tam chu he Laboratory atanga hmuh an ni.

Dan bawhchhia 22 man

COVID-19 No Tolerance Drive hman mek ah nimin khan Serchhip District-ah Dan bawhchhia mi 22 man leh an ni a, heng mite pawisa chawi tlingkhawm chu Rs. 2200/- a ni. Nimin a Dan bawhchhia man zinga 19 te hi Police ten an man niin heng bakah hian Chhingchhip-ah mi 2 leh Thenzawl-ah Dan bawhchhia mi pakhat man an ni bawk a ni.

Kenbo Bike lakluh khap

Serchhip District Magistrate, Kumar Abhishek chuan thupek tichhuakin Mizoram hmun tam tak, a bikin Myanmar ramri hrul khua ah te China siam Kenbo Bike chu mi thenkhatin an kawl tih hriat a ni tih tarlangin, heng Kenbo Bike te hi dan kalha lakluh an nih mai bakah mi thenkhatin sawrkar phalloh thil phurh velna atan an hmang fo thin tih hriat a ni bawk tih a tarlang a. Serchhip District chhungah Kenbo Bikes chelek leh hman khap tlat a tih tarlangin, dan lova Kenbo Bike lo kawlte chu man sak an nih mai bakah, dan angin an chungah hremna chelek a ni ang tih a tarlang bawk.

DISHA Meeting zo theilo

Serchhip District-a Sawrkar laipui ruahmanna hnuaia hmasawnna hnathawh thlirletna hun, District Development Coordination and Monitoring Committee (DISHA) thutkhawm chu nimin khan an Chairman Lok Sabha MP, C. Lalrosanga kaihhruaina hnuaiah Video Conference kaltlangin neih a ni a, Serchhip atangin District Bawrhsap, Kumar Abhishek hovin Serchhip DC’s Conference Hall atangin Line Department hotu ten lo zawmin Meeting tan a nih hnu lawkah inbiak-pawhna lamah harsatna a awm zui avangin karleh Thawhlehni-a chhunzawm tura tihtawp a ni.

MNF Block hruaitu tur ruat

MNF General Hqrs. chuan an Party Block hruaitu tur ruat tharin Serchhip East Block MNF President atan C. Vanlalsiamthara chu ruat a ni.

Chanchin thar thenkhat :

Central YMA in mipui ngen

Hri kai 35 hmuh belh leh

Mizoram-ah hri kaichhawnna hriat mumal loh-a COVID-19 hri kai an tlahniam zel a, nimin-piah-a Mizoram-a Sample enfiah atangin COVID-19 hri kai 35 hmuhchhuah an ni.

SEDP hnuaia AH &ety Department hmalakna Pilot Project AH&Vety Minister in a hawng

Mizoram sawrkar Flagship Programme, Socio-Economic Development Policy (SEDP) hnuaia AH&Vety Department hmalakna bultan nan Pilot Project 2019-2020 chu nimin khan AH&Vety Minister, Dr. K. Beichhua chuan a hawng.

I&PR Director in MJA hruaitute a lawmpui

Information & Public Relations Department chuan MJA General Hqrs. hruaitu thar te lawmpuina hun nimin khan buatsaihin I&PR Director, Lallianpuii MIS chuan MJA General Hqrs. OB leh Executive Member te chu lawmpuina leh duhsakna a hlan.

COVID-19 vaccine sem leh buaipui dan tur Prime Minister hovin sawiho a ni

Prime Minister, Narendra Modi hovin India ram State hrang hranga Chief Minister te chuan nimin khan Video Conference hmanga inbiakna neiin COVID-19 Vaccine sem dan leh buaipui zui dan tur chungchang an sawiho a, Mizo-ram Chief Minister, Zoramthanga pawh a tel.

Hunpui atana inbuatsaih dan tur thlirho a ni

* Kohhran ho te ah ngenna siam tum a ni Nimin chawhnu khan Health Minister, Dr. R. Lalthangliana hovin COVID-19 hri leng kara kan hma lawka hunpui lo thleng tur atana Mizoram inbuatsaih dan tur ngaihtuahin thutkhawm neih a ni.

Serchhip-III VC hnatlang

Kumin a Faina Hapta puala Village Council fai thlanna kawnga hmalakna kal zelah nimin khan Serchhip-III Village Council chuan khaw-tlang huap hnatlang koin he hnatlang ah hian an huamchhunga Step leh lungrem te rawng an hnawih thar bakah an huamchhung an thianfai a, an rawng hnawih turte hi UD&PA Department lamin an tum sak a ni. Hnatlang hi Vawiin ah neih chhunzawm leh a ni ang.

PTS-a inkhunghrang thi in COVID-19 hri ala kai

Thenzawl PTS-a inkhunghrang lai niminpiah a boralta chu a sample enfiah a nih hnuah COVID-19 hri a kai tih finfiah niin Mizoram-a COVID-19 hri kai nunna chan chu mi 6 an tling ta a ni.

Dan bawhchhia 29 man

COVID-19 No Tolerance Drive neih mek ah nimin khan Serchhip District-ah hri leng mek laka himna tura Dan siam bawhchhia mi 29 man leh an ni a, heng mite pawisa chawi tlingkhawm chu Rs. 4700/- a ni.

BSF Sipai hri kai hmuh belh

Niminpiah-a Serchhip District-a Sample enfiah atangin COVID-19 hri kai mi 9 hmuh-chhuah an ni a, an vai hian BSF Sipai, State pawn atanga rawn lut an ni.

Serchhip-ah AHSA te tan intuaitharna leh HBYC chungchang zirhona neih tan a ni

Serchhip District chhunga Accredited Social Health Activist (ASHA) te tan ni 3 awh tur an hnathawhna kawnga intuaitharna leh Home Based Care for Young Child (HBYC) chungchang zirhona chu nimin khan neih Serchhip-ah neih tan a ni.

Mizoram-ah COVID-19 hri kai 50 hmuh belh leh

Niminpiah-a Mizoram-a Sample enfiah atangin COVID-19 hri kai mi 50 hmuhchhuah leh an ni a, Mizoram-a hri kai hmuhchhuah chu 3710 an tling tawh.

Champhai Leilet humhalh dan tur sawiho a ni

Nimin khan Land Revenue & Settlement Minister, Lalruatkima leh Law & Judicial Minister leh Champhai South bialtu MLA ni bawk, TJ. Lalnuntluanga te hovin Champhai Town Area huamchhunga leilet humhalh chungchang hmalakna kal mek leh hmalak zel dan tur sawiho a ni.

MBSE Office building sak hna tan loh hrethiamlo

National Student's Union of India Mizoram state (NSUI Mz) chuan Mizoram Board of School Education (MBSE) Office Building tun thlenga sak that hna thawh ala ni lo chu an hrethiamlo hle tih an sawi.

Mizo thalai Sipai tang duh tan Coaching hawn tum

Assam Rifle 23 Sector-a DIG, Brig. Digvijay Singh chuan Mizo thalai sipai tang duh leh a ti tak tak duh tan Coaching hawn a ni dawn tih sawiin, hemi ti hlawhtling tur hian MZP te chu thawhpui-a a sawm.

Zirtawpni-ah Speaker thutlukna puan a ni dawn

MLA a nihna atanga ZPM Legislature Party Group Leader, Lalduhoma ban tir tuma hekna chungchanga thutlukna chu tunkar tawp, Zirtawpni khian puan a ni dawn.

CCC tan tanpuina hlan

Image
Serchhip District-a Anganwadi enkawltu, Serchhip Anganwadi Workers leh Helpers Association te hian COVID-19 hri leng mekah Serchhip District chhunga hri kai te enkawlna hmun, COVID Care Centre (CCC)-a mamawh tula hman turin nimin khan an sum thawkhawm Rs. 4000/- chu Serchhip CMO, Dr. Laldawngliana Sailo hnenah an hlan a, hetianga hri kai mek te enkawlna tura sum leh pai petute chungah hian an lawm hle tih Health Department hotute chuan an sawi a ni.

Theihai lui-a NH. 54 kawng kual zauh a ni dawn

Serchhip Leisang Veng-a NH. 54, Theihai lui kawrh kam-a kawng kual ulh lutuk chu Serchhip-VII Village Council hmalakna in laihzauh a ni dawn.

Dan bawhchhia 20 man

COVID-19 No Tolerance Drive neih mekah nimin khan Serchhip District chhungah hri leng laka mipuite himna tura Dan leh kaihhruaina siam te bawhchhia mi 20 man leh an ni a, heng mite pawisa chawi tlingkhawm chu Rs. 3800/- a ni. Nimin a Dan bawhchhia man te hi Police te man vek an ni a, ni 4 kalta chhungin Executive Duty ten ni 3 chhung chu Dan bawhchhia man an nei tawh lo a ni.

Hri kai hmuh belh leh

Pathianni-a Serchhip District-a Sample en-fiah atangin COVID-19 hri kai mi pakhat hmuh belh leh a ni.

Lirthei tlandan ti danglam

Serchhip Bazar atanga Chanmari Veng panna, YMA Road-a lirthei tlan dan chu naktuk atanga hman tan tura tih danglam a ni.

COVID-19 Hri kai enkawl dam hnuah boral

Serchhip Nursing School CCC-a COVID-19 hri kai enkawl, Pathianni-a hri a kai tawhloh avanga chhuahtir pakhat, Thenzawl mi chu nimin khan a boral avangin nizan khan a Sample enfiah nawn leh tura tih a ni.

Chanchin thar thenkhat :

 Khawpui fai endik tan dawn

CMRF for COVID-19 atangin lawmman siam sak duh

Mizoram Pradesh Congress Committee (MP-CC) chuan COVID-19 dona kawnga thawk tura mahni inpe te chu Chief Minister Relief Fund For COVID-19 atangin lawmman siam sak nise an duh thu an sawi.

COVID-19 hri kai 13 hmuh belh leh an ni

Niminpiah-a Mizoram-a Sample enfiah atangin COVID-19 hri kai mi 13 hmuhchhuah an ni a, ZMC Laboratory-ah Sample enfiah a awmlo thung.

ZPM in Jt. CEO kaltlangin ECI-ah an thlen

ZPM Party chuan Mizoram Electoral Roll atanga Tripura a inbengbel tawh Tuikuk te vote paih a nih theih nan nimin khan Election Commission of India-ah lehkha an thlen.

Kumin ah Sky Lantern khap tel a ni dawn

Home Minister, Lalchamliana hova nimin-a sawrkar mi pawimawh te thukhawm chuan kan hmaa hunpui lo thleng turah halpuah, halmawi, silai lem mu kap chhuak thei leh Sky Lantern khap nise an ti.

Mizoram Lok Sabha MP in Mizoram BSNL-a hnathawkte ramri lam ngai pawimawh turin a chah

Telecom Advisory Committee (TAC) ruat thar a nih hnua thutkhawm hmasa ber chu nimin khan Lok Sabha MP, C. Lalrosanga hova neih niin Lok Sabha MP chuan Mizoram BSNL hnathawkte chu ramri lam ngai pawimawh turin a chah.

MGNREGS atan kumin chhungin cheng nuai 51513.4028 hmuh a nih tawh

State Employment Guarantee Council thutkhawm chu nimin khan Rural Development Minister, Lalruatkima hovin Video Conferencing hmanga neih a ni a, he hunah hian Ministry of Rural Development atangin MGNREGS atan kumin chhungin cheng nuai 51513.4028 hmuh a nih tawh thu tarlan a ni.

Ni 2 chhungin hri kai 24 hmuhchhuah an ni

Zirtawpni-a Serchhip District-a Sample enfiah atangin COVID-19 hri kai mi 6 hmuh belh niin Inrinni-a Sample enfiah ah hri kai 16 hmuh an ni bawk a, ni 2 chhungin Serchhip District-ah hri kai 22 hmuh an ni.

KTP ten thisen Unit 28 pe

Serchhip Blood Bank-a thisen mamawhna a san avanga Blood Bank-a thawktu ten an ngen angin Inrinni khan Serchhip Bethel Branch KTP te chuan Serchhip Blood Bank-a dah turin thisen Unit 28 an pe a, thisen petute hi mipa 21 leh hmeichhia 7 niin Bethel Kohhran Sunday School Hall-ah Blood Bank-a thawktute hi kalin an thisen hi an lak sak a ni.

Dan bawhchhia man belh zel

COVID-19 No Tolerance Drive neih mek ah Inrinni khan Serchhip District-ah Dan bawh-chhia mi 32 man leh an ni a, heng mite pawisa chawi tlingkhawm chu Rs. 4200/- a ni.

Faina hnatlang nei leh

Faina Hapta hman puala Village Council Area fai thlanna kal zel pualin Inrinni khan Serchhip-a Village Council hrang hrangte chuan hnatlangpui an nei leh a, hriat theih chinah Serchhip-I VC, Serchhip-II VC, Serchhip-V, Serchhip-VII VC leh Serchhip-VIII VC bakah Darnam Veng VC te chuan khawtlang huap hna-tlang hi neiin an huamchhung hmun hrang hrang an thenfai bakah tuihawk luankawr te siamthain lungrem awm ang ang te rawng an hnawih bawk a ni. Hei bakah hian VC Area thenkhat chuan Faina kawnga hmalakna atan an huamchhunga mi harsa zawkte tan lungrem rawng hnawih turin inhlawhna an siam sak bawk a ni.

Serchhip khawpui chhung kawng siamtha mek

Serchhip khawchhung paltlangtu National Highway-54 chu tunlai hian Serchhip hmarlam, Chhiahtlang atanga tanin thawmthat hna thawh mek a ni.

Chanchin thar thenkhat :

Dy. Speaker in Sialhau tlawh

Ni 2 chhungin COVID-19 hri kai za chuang hmuh a ni

Mizoram-ah COVID-19 hri kai hmuhchhuah an la pung chho zel a, Zirtawpni leh Inrinni, ni 2 chhunga Mizoram-a Sample enfiah atangin hri kai mi za chuang hmuhchhuah an ni.

Inremna ti hlawhtling tura hma la turin phut

Mizoram-a tlawmngai pawl intelkhawmna, NGO Coordination Committee chuan Union Home Minister hova Bru chungchanga inremna lo awm tawh, hri leng vanga bawhzui loha awm chu chak taka hma la turin sawrkar an phut thu an sawi.

Ballot Paper hmuh zawhloh pawi tih thu sawi

North Vanlaiphai Village Council inthlanna neih zawh taka thlantlin te chuan Village Council inthlanna neih zawh taka Ballot Paper Rejected (General vote) te hmuh zawh loh a ni chu pawi an tih thu an sawi.

CMRF for COVID-19 a nihna anga hmang turin ngen

Mizoram Pradesh Congress Committee (MPCC) chuan Chief Minister's Relief Fund for COVID-19 chu COVID-19 avanga harsatna tawk te tanpui nana hman an duh thu an sawi.

Kum 9 chhungin Mizoram-ah kangmei vangin vbc. 53 hu kangralin mi 31 in nunna an chan tawh

Kum 2012 atanga kumin (2020) October thla thleng khan Mizoram-ah kangmei vangin Rs. 53,90,42,659/- hu bungraw kang chhia (value of property damage) a awm a, hemi hun chhung vek hian kangmei vanga nunna chan mi 31 an awm bawk.

Mipui ten man tlawm zawka thlai an lei theih nan Vegetable Market Chain kalpui turin hmalak a ni

Agriculture Minister, C. Lalrinsanga chuan mipui ten thlai tharchhuah man a tlawm zawk theih nan Vegetable Market Chain kalpui turin hma an la mek tih sawiin, hemi atan hian Aizawl chawmtu khaw hrang hranga loneitute chu Society anga kaltir tum an nih thu a sawi bawk.

Chanchin thar thenkhat :

Zu man sa tihchhiat a ni

Mamit bialtu MLA in FVR leh zirna bungrua a vailiam

Mamit bialtu MLA, Er. H. Lalzirliana chuan nimin khan Hero Motocorp Ltd. te Corporate Social Responsibility (CSR) Fund atanga dawn First Responder Vehicle (FRV) leh zirlai naupangte hman tur zirna hmanraw hrang hrang chu Mamit atangin a vailiam.

Mizoram-ah hri kai 28 hmuh belh leh an ni

Niminpiah a Mizoram-a Sample enfiah atangin COVID-19 hri kai mi 28 hmuhchhuah leh an ni.

Muallungthu khua ah Model Village hawnna nei

Mizoram Lok Sabha MP, C. Lalrosanga’n SAGY hnuaia Model Village tura a thlan, Muallungthu khua ah nimin khan Model Village hawnna neiin Model Village chungchang zirhona neih nghal a ni.

Awas Diwas-ah Mizoram atangin RD Minister a tel

Nimin khan Union Rural Development Minister, Narendra Singh Tomar hovin State hrang hranga Rural Development enkawltu Minister te chuan Video Conferencing kaltlangin ‘Awas Diwas’ an hmang a, Mizoram atangin Rural Development Minister, Lalruatkima pawh a tel a ni.

Dan bawhchhia 24 man

Nimin khan Serchhip-ah COVID-19 hri leng laka himna tur Dan siam bawhchhia mi 24 man leh an ni a, an vai hian Police te man vek niin Executive Duty leh VLTF Duty ten man an neilo thung.

YMA ten thisen Unit 30 pe

Serchhip Blood Bank-a thisen dahkhawl sa a tam loh avanga harsatna thleng palh thei venna atana Serchhip Blood Bank-a thawktu ten ngenna an siam angin nimin khan Serchhip Vengchung Branch YMA te chuan Serchhip Blood Bank-a dah turin thisen Unit 30 an pe a, thisen petute hi mipa 24 leh hmeichhia 6 niin heng mi tlawmngai te hi Serchhip Blood Bank-ah kalin Blood Bank-a thawk ten an thisen hi an lo lak sak a ni.

BLO thar tan training nei

Serchhip District chhunga Booth Level Officer (BLO) zinga Electoral Roll Revision Training la neilo te tan nimin khan nikhat awh Training neih a ni.

Hri kai enkawl 27 awm

Niminpiah khan Serchhip District-a TrueNat Laboratory-ah Sample enfiah awm lovin Rapid Antigen Test hmanga Sample 4 enfiah ah hri kai hmuh thar awm lo bawk.

Sesah lui thenfai hna thawk

UD&PA Department leh Govt. Serchhip College-a NSS leh Eco Club te chuan nimin khan Sesah Luidung thenfai hnatlang an nei leh a, tunhnaiah he luikawrh tum 4 an thenfaina a ni.

DCPU huaihawtin Naupangte Ni bik pualin Serchhip-a Children's Home-ah hun hman a ni

District Child Protection Unit (DCPU), Serchhip chuan nimin khan Zoar Urban Deprived Children’s Home leh Unity Orphanage Home-a naupangte nen ‘Children's Day’ leh ‘World Day for Prevention of Child Abuse’ pualin hun an hmang.

YMA Zaipawl in ‘Nunhlui’ an tlangzarh

Serchhip Sub-Hqrs. YMA Zaipawl in Music Video an siam thar, 'Nunhlui' tih chu nimin khan Serchhip DVO kalchhuak ta leh Serchhip Sub-Hqrs. YMA-a Executive Member lo ni tawh, Dr. Lalnghinglova chuan a tlangzarh.

North Vanlaiphai Village Council-ah inthlanna neih that leh a tul dawn

Serchhip District chhung North Vanlaiphai Village Council inthlanna a lungawilohna nei ten an lungawilohna an thlen chu ngaihtuah a nih hnuah State Election Commission-ah Report thehluh a ni tawh a, State Election Commission chuan North Vanlaiphai Village Council-ah hian inthlan that a tul dawn tih an sawi. Kumin August 27-a North Vanlaiphai Village Council inthlanna neih zawh takah thil fello a awm nia an hriat avanga mi 15 ten State Election Commission-a lungawilohna an thlen hnuah November 18, 2020 khan heng lungawilohna thlen te ngaihtuah tura ruat, Election Tribunal kaihhruaina hnuaiah an lungawilohna thlen te hi ngaihtuah a ni a, he inthlanna a Vote tla te chhiar that a nih hnuah thil fello a awm ngei tih finfiah a nih avangin inthlanna hi neih that leh a ngai dawn nia thudawn a ni. State Election Commission-a Secretary, Teresy Vanlalhruaii chuan he inthlanna a lungawilohna thlen te ngaihtuahtu, Election Tribunal chuan nimin, Nov. 20, 2020 khan an thil hmuh dan chu State Electi

DAN HNUAIA FA LAK (ADOPTION)

DAN HNUAIA FA LAK (ADOPTION)

Serchhip in World Toilet Day-ah Award dawng

Nimin khan World Toilet Day hman niin he Ni denchhen hian ramchhunga District 20 thlanchhuah te hnenah Swachh Bharat Mission (Gramin) hmalakna atangin Award hlan niin Mizoram atangin Serchhip District leh Kolasib District te chuan he Award hi an dawng a ni.

Pawisa chawitir-in hrem

Inrinni kalta-a MIZOFED Serchhip Branch atanga eirawngbawlna Gas hralh manchhuah a inhnamhnawih mi panga (5) te chu pawisa chawitir a hrem an ni.

State Election Commission ah report thehlut dawn

Kumin August 27-a North Vanlaiphai Village Council inthlanna a Vote tla te niminpiah-a chhiar nawn chu chhiar zawh theih a ni lova, Election Tribunal te chuan an thil hmuhdan report siamin Vawiin hian State Election Commission-ah thehluh a ni ang.

National Integration Day

Nimin khan Govt. Serchhip College-a thawk te leh zirlaite chuan ramchhung hmundang rualin National Integration Day (Quami Ekta Divas) an hmang.

Police 8 in hri kai belh leh

Niminpiah khan Serchhip District-ah COVID-19 hri kai mi 8 hmuhchhuah leh an ni a, an vai hian Mizoram Police mi leh sa, tunhnaia Bihar inthlanna a Duty te an ni.

Dan bawhchhia 41 man

COVID-19 No Tolerance Drive neih mek ah nimin khan Serchhip District-ah hri leng laka himna tura Dan siam bawhchhia mi 41 man leh an ni a, heng mite pawisa chawi tlingkhawm chu Rs. 5000/- a ni.

Chanchin thar thenkhat :

MYC hnuaiah kalpui tan

Aizawl khawpui-a hri kai hmuhchhuah tlahniam

Niminpiah-a Mizoram-a Sample enfiah ah COVID-19 hri kai mi 32 hmuhchhuah a ni a, tunhnaia Aizawl khawpui chhunga hri kai hmuhchhuah tam lutuk chu a ziaawm tan mekin Bihar inthlanna a Duty zingah hri kai hmuhchhuah an pun belh mek thung.

Assembly Speaker in Dan a bawhchhe lo - MNF Speaker chet dan MPCC in mak an tih thu an sawi

MNF General Hqrs. chuan thuchhuah siamin Assembly Speaker, Lalrinliana Sailo chuan Dan a bawhchhe lo niin an sawi.

Covid vanga mipui ten harsatna an tawh avangin MGNREGS hnuaiah ni 30 inhlawhna dil mek

Nimin khan Mamit-ah District Development Co-ordination & Monitoring Committee (DISHA) chu an Chairman, Lok Sabha MP C. Lalrosanga hova thukhawmin he hunah hian Lok Sabha MP chuan Covid avanga mipui te’n harsatna kan tawh avangin MGNREGS hnuaia ni 30 inhlawhna siam belh sak turin Central-ah dil mek a nih thu a sawi.

North Vanlaiphai VC inthlanna a Vote tla te chhiar that niin chhiar zawh theih ala ni lo thung

Kumin August 27-a Village Council inthlanpui neih zawh taka Serchhip District atanga lungawilohna thlen awmchhun, North Vanlaiphai Village Council inthlanna-a Vote tla te chu nimin khan chhiar that niin nizan dar 10:00 thleng khan chhiar zawh ala ni lo.

Chanchin thar thenkhat :

MP in Model Village tur tlawh

MPF Governing Board thutkhawm neih a ni

Mizoram People Forum (MPF) Governing Board thutkhawm vawi 43-na chu nimin khan neih a ni.

COVID-19 hri kai 37 hmuhchhuah belh leh an ni

Niminpiah-a Mizoram-a Sample enfiah atangin COVID-19 hri kai mi 37 hmuhchhuah leh an ni a, an zingah hian State pawn atanga rawn lut an awm nual.

Hripui leng kara Chhiah khawn dan tur sawiho

Nimin khan Revenue Minister, Lalruatkima hovin a Pisa-ah Aizawl khawpui-a COVID-19 hripui inkhuahkhirhna avanga Land Revenue Chhiah leh Zoram chhiah khawn kalpui dan tur leh harsatna awm thei chungchang sawihona neih a ni.

ATMA hmalakna thlirletna hun hman a ni

Agricultural Technology Management Agency (ATMA) chuan nimin khan Agriculture Minister, C. Lalrinsanga hovin Review Meeting an nei a, kumthar atana hmalakna tur leh hmachhawp te an thlirho bawk.

Press Club tan Computer pe

Serchhip District Bawrhsap, Kumar Abhi-shek chuan Serchhip Press Club-a hman turin nimin khan Computer Set a pe a, MJA Serchhip District hruaitu ten Computer hi lo dawngsawngin District Bawrhsap chungah hian an lawm hle tih an sawi bawk.

Dan bawhchhia 24 man

Nimin khan Serchhip District-ah COVID-19 hri leng dona dan bawhchhia mi 24 man leh an ni.

TKP ten thisen Unit 18 pe

Nimin khan Thalai Kristian Pawl (TKP) Serchhip Unit chuan Serchhip Blood Bank-a dah turin thisen Unit 18 an pe.

Hri kai 7 hmuh belh an ni

Niminpiah-a Serchhip District-a Sample enfiah atangin COVID-19 hri kai mi 7 zet hmuh-chhuah leh niin Serchhip District-a hri kai hmuhchhuah chu za aiin an tam ta.

Serchhip-ah ODF Plus zirhona neih niin Thingtlang-a Ek In thawmthatna tur vailiam a ni

PHE Serchhip WATSAN Division leh Swachh Bharat Mission (Gramin) Serchhip District hmalakna in nimin khan Serchhip-ah ODF Plus Awareness Campaign neiin Retrofitting of Toilet Flag Off Programme hman a ni a, he hun hi SBM (G) Mission Director, C. Chawnghnuna chuan a rawn hmanpui a ni.

MPCC in Mizoram-a MLA 4 te Office of Profit Dan bawhchhia ah ngaiin an chunga action lak an phut

Mizoram Pradesh Congress Committee (MPCC) chuan Mizoram-a MLA nilai mi 4 te chuan Office of Profit dan an palzut nia an hriat thu sawiin, hei vang hian Article 192 (1) tlawhchhanin heng MLA 4 te chungah hian Dan anga action la turin Mizoram Governor chu an ngen.

Nov. 25-ah SEDP dawng tur tlangzarh rel

Mizoram sawrkar in SEDP hnuaia a din, Veterinary, Fishery & Sericulture Board chu nimin khan AH&Vety Minister, Dr. K. Beichhua hova thukhawmin SEDP hnuaiah AH&Vety Department hnuaia tanpuina dawng turte tlangzarhna hun chu November 25, 2020 khian hman nise an ti.

Chanchin thar thenkhat :

Civil Sub-Division tur tifel

PYD ten thisen Unit 10 pe

Penticostal Youth Department (PYD) Serchhip Biak Inpui te chuan nimin khan Serchhip Blood Bank-a dah turin thisen Unit 10 an pe.

Serchhip-IV VC hnatlang nei

Serchhip-IV Village Council te chuan nimin khan Faina hnatlang neiin an huamchhunga thenfai hna an thawk.

Hri kai hmuh thar awmlo

Niminpiah khan Serchhip District-ah Sample 30 enfiah niin COVID-19 hri kai hmuhchhuah thar an awm lo a, Serchhip District-ah hri kai enkawllai mi 8 an la awm mek.

Dan bawhchhia 25 man

COVID-19 No Tolerance Drive hman mek ah nimin khan Serchhip District-ah Dan bawhchhia mi 25 man leh an ni a, an sum chawi chu Rs. 2500/- a ni. Nimin a man mi 25 zinga 20 te hi Police man niin Thenzawl-ah 4 leh Baktawng-ah pakhat man an ni bawk.

Society building thar hawng

Sawrkar atanga sum hmuh cheng nuai 7 leh Society sum hmanga sak Keitum-a Farming Co-operative Society Ltd. building chu nimin khan Asst. Registrar of Cooperative Societies (ARCS), Serchhip District, K. Lalduhawma chuan a hawng.

Serchhip District-ah Shelter for Urban Homeless hnuaia hmalakna tura rawtna pawm a ni

Nimin khan Serchhip-ah DAY-NULM hnuaia Serchhip District Executive Committee on Shelter for Urban Homeless chu thukhawmin sawrkar kum kal meka hmalakna tura rawtna awm te State Executive Committee pawmpui tura thlen nise an ti.

Mizoram-ah COVID-19 hri kai 48 hmuh belh leh

Niminpiah-a Mizoram-a Sample enfiah atangin COVID-19 hri kai mi 48 zet hmuhchhuah leh an ni a, an zinga a tam zawk hi Aizawl khawpui chhunga hri kai hmuhchhuah te an ni.

Media te hmalakna ah Health Minister in lawmthu sawi

Health Minister, Dr. R. Lalthangliana chuan nimin khan MJA General Hqrs. hruaitute a Pisa-ah kawmin COVID-19 leng laka invenna atana sawrkar hmalakna hrang hrangah Print leh Electronic Media te hmalakna ah lawmthu a hrilh.

Mizoram Lok Sabha MP in Customs hotute a kawm

Mizoram Lok Sabha MP, C. Lalrosanga chuan Myanmar atanga sumdawnna bungrua lakluh Dan hnuaiah mipui tana harsatna siam tamlo zawnga hma la turin Customs hotute a chah.

Mizoram pumah Draft Electoral Roll tarchhuak

Image
Nakum January ni 1-a kum 18 tling chin te laa Electoral Roll siamthat hna thawh tur atan nimin khan Draft Electoral Roll tarchhuah niin Mizoram pumah Vote nei thei 7,97,795 an awm mek.

Chanchin thar thenkhat :

PWCC din dan tur sawiho

Mizoram-ah COVID-19 hri kai mi 3 hmuh belh an ni

Pathianni khan Mizoram-ah Sample 835 enfiah niin COVID-19 hri kai mi 3 hmuhchhuah an ni.

Hri leng dona ah sawrkar a hlawhchham - MPCC

Mizoram Pradesh Congress Committee (MPCC) chuan COVID-19 dona ah MNF Sawrkar a hlawhchham niin an sawi.

Order hnuklet turin CM ngen

Mizo Zirlai Pawl (MZP) General Hqrs. chuan tunhnaia diklo taka MES Appointment Order siam chu sut leh turin Mizoram sawrkar an ngen.

2nd National Water Award-a Mizoram in ‘Best State Award’ a dawn lawmna Minister hovin neih a ni

Ministry of Jal Shakti in a buatsaih, 2nd National Water Award-a Mizoram in ‘Best State Award’ a lak lawmna chu nimin khan Irrigation and Water Resources Minister, C. Lalrinsanga hovin a pisa-ah neih a ni.

Bialtu MLA hlui boral

Serchhip bialtu MLA lo ni tawh, K. Thangzuala chu nizan hmasa khan boralin nimin khan vuiliam a ni.

Dan bawhchhia 38 man

COVID-19 No Tolerance Drive hman mek ah nimin khan Serchhip District-ah Dan bawh-chhia mi 38 man an ni leh a, an pawisa chawi tlingkhawm chu Rs. 4700/- a ni. Nimin a Ser-chhip District-a Dan bawhchhia man zinga mi 23 te chu Police man an ni a, Executive Duty ten Serchhip Town-ah mi pahnih manin Hmuntha-ah mi 5, Chhingchhip-ah, Baktawng, Bung-tlang leh Buangpui-ah mi 2 theuh man an ni.

Faina hnatlang nei leh

Serchhip-I, Serchhip-II leh Chanmari Veng VC te chuan nimin khan khawtlang huap Faina hnatlang an nei.

Gas semtu ten a man to-a Gas an hralh man a ni

Inrinni khan New Serchhip-a eirawngbawlna Gas sem niin mi tam tak ten an chanloh laiin Gas semtu ten a man to-a a hralh chu man niin heng an Gas hralh te hi laklet leh a ni.

Electoral Roll siamthat hna thawh tan niin siamthat ngaite tan dilna hun hawn mek a ni

Nakum January ni 1-a kum 18 tling chin te laa Electoral Roll siamthat hna thawh tur atan nimin khan Serchhip District-ah Draft Electoral Roll tarchhuah a ni a, Draft Electoral Roll tarchhuah a nih rualin hian hming thun thar, paih ngai, siamthat ngai leh insawn duh te tan dilna thehluhna hun hawn nghal a ni.

Draft Roll tarchhuak dawn

Nakum January ni 1-a kum 18 tling chin te laa Electoral Roll siamthat hna thawh tur atan Vawiin hian Draft Electoral Roll chu tarchhuah a ni dawn a, Draft Electoral Roll tarchhuah a nih atang hian hming thun thar, paih ngai, siamthat ngai leh insawn duh te tan hun hawn nghal a ni dawn a ni.

Diesel pechhuak tan dawn

Hun engemaw chen Serchhip-a Petrol Pump in Diesel an pekchhuah theihloh hnuah Vawiin hian pekchhuah theih a ni dawn a, amaherawh chu bithliah chin awmin semrual a ni rih anga, Petrol pawh semrual mek a ni bawk.

MJA te Computer Set pe

Aizawl Durtlang-a cheng, Michael Chhak-chhuak Serchhip Press Club-a hman turin Inrinni khan Computer Set a pe a, MJA Serchhip District hruaitu ten an lo dawngsawng a ni.

Thumbawk luikawrh thenfai hnalang neih a ni

Serchhip Thalai Pawl leh Society for Community Empowerment and Development (SoCED) chuan Inrinni khan hnatlang neiin Serchhip Dinthar Veng leh Saron Veng inrina a awm, Thumbawk luikawr thenfai hna an thawk a, he hnatlang ah hian pawl pahnih atang hian member thahnem tak thawkin UD&PA lamin an sponsor a, lui kawr tihfaina hmanrua te an tum sak a, he luikawr-a bawlhhlawh awm te an chharfai a ni.

TKP Bial rorel inkhawm nei

BCM New Serchhip Bial hnuaia Thalai Kris-tian Pawl (TKP) Bial rorel Inkhawm chu Inrinni khan BCM New Serchhip Biak In-ah neih a ni. TKP New Serchhip bial hi June 13, 2018-a din tan niin tunah hian Unit pali an awm mek a, TKP member 437 an awm mek a, rorelna ah hian member 25 an kal a, hrileng avangin kumin hian rorel Palai kal thei pawh tihtlem niin report hrang hrang ngaihthlak a ni bawk.

Hri kai pakhat hmuh belh

Inrinni khan Serchhip District-ah COVID-19 hri kai mi pakhat hmuhchhuah leh a ni.

Dan bawhchhia 31 man

Serchhip District-a COVID-19 No Tolerance Drive hman mekah nimin khan hrileng dona dan bawhchhia mi 31 man leh an ni a, heng mite pawisa chawi chu Rs. 4000/- a tling bawk a ni.

Chhiahtlang Field laih tur en

Tuikum bialtu MLA leh Assembly Deputy Speaker, Er. Lalrinawma chuan Inrinni khan Chhiahtlang tlawhin Chhiahthlang Chanmari-a Field puitling laih dan tur Engineer te nen an thlirho.

Chanchin thar thenkhat :

Ni zawn-in Covid kai an thi

Mizoram-ah COVID-19 hri kai 25 hmuh belh leh an ni

Inrinni-a Mizoram-a Sample enfiah atangin COVID-19 hri kai mi 25 hmuhchhuah leh an ni a, Mizoram-a hri kai hmuhchhuah zawng zawng chu 3393 an tling tawh a ni.

Minister in mipui leh sawrkar tanrualna fakawm ti

Information & Public Relations Minister, Lalruatkima chuan hripui do kawngah leh ramri buai chungchangah mipui leh sawrkar tanrualna fakawm a tih thu a sawi.

Tripura Bru-te Mizoram E. Roll atangin la paih lo; Kum 2018-ah Camp-a Vote nei 11,987 an awm

Election Commission of India (ECI) atanga thu hmuh a la nih loh avangin Tripura Relief Camp hrang hranga awm Bru-te chu Mizoram Electoral Roll atangin paih an la ni lo.

Assam ramri kaltlangin Mizoram-ah nitin mamawh tluang taka chawkluh zel a ni

Assam atanga Mizoram luhna kawng dan hawn a nih leh hnuah dan pangngai in ramri paltlangin lirthei an tlan leh mek a, tun thlengin ei leh barah Mizoram-in harsatna a tawk lo. Hetihlai hian Mizoram-a tuialhthei dahkhawlna awmchhun, IOC Oil Depot, Vairengte ami chu kum 20 vel zet hman tlak lohin a awm tawh.

Vawiin Naupangte Ni

Vawiin Nov. 14, 2020 hi India Prime Minister hmasa ber, Jawaharlal Nehru-a piancham-pha niin India rampum ah Naupangte ni, Child-ren’s Day atan hman a ni dawn a, Serchhip-ah chuan hri leng avangin a hrana he ni puala hun hman a awm lovang. India Prime Minister hmasa ber, Jawaharlal Nehru ho Nov. 14, 1889 khan piangin May 27, 1964 khan a boral a ni.