Latest News

Serchhip District-ah kumin hian TB vei 60 hmuin Nikshay Mitra hnuaiah mi 10 chauhin tanpuina an la hmu

Image
Serchhip District-ah kumin (2023) chhungin mi 867 te enfiahna atangin TB hrik pai mi 60 hmuh an ni tawh a. Serchhip District chhunga TB hrik pai mi 10 te hnenah Nikshay Mitra kaltlangin chawtha an eina tur pek mek niin mi tam zawkin an dawn theihna turin mi tlawmngai te penchhuak tura an duh thu thawktute chuan an sawi.

CLP Leader in pawi ti

Congress Legislature Party (CLP) Leader, Zodintluanga Ralte chuan MLA atanga Lalduhoma ban a ni chu pawi an tih thu leh ZPM MLA dangte lakah pawh action la si lo a, Lalduhoma lakah chauh action lak a ni chu mimal inhuatna vang liau liauah a ngai tih a sawi.

Zodintluanga chuan ZPM MLA te chu ZPM hming veka campaign, Election Commission of India-a registration la nei lo an nih vanga Independent a ding an ni, a ti a. Independent MLA ni mah se, ZPM-a an tel hian anmahni vote tute an phatsanna a awm lo nia an ngaih thu leh hetiang anih avang hian Lalduhoma’n ZPM a mi a lawmlut pawh an hriatthiam thu a sawi a. Ram leh hnam hmasawnna leh ram tana thil tha zawk tur ngaihtuah vang pawh ni lo a, rilru hrisel lo taka mahni MLA pui ngei inpaihthlakna a awm ta chu Mizoram Political history-ah tha lo taka hriatreng a ni tawh dawn a ni a ti bawk.

Comments

Popular News (Last 30 Days)