Lenkawl

Home Minister in tlawh

Mizoram Youth Commission (MYC) chuan Mizoram mi leh sa, State pawna hnathawka awm COVID-19 vanga lo kir te tan anmahni chawmdawlna tur chi hrang hrang a siam.

Buarpui Supply Centre-ah mihring ei tlakloh buhfai qtls. 264.48 awmin hei hi lilam a ni dawn a, a chhang duh tan tun thla ni 29 thlengin DCSO Serchhip Office-ah chhanna thehluh theih a ni ang.

Zoram Thar ten Thenzawl Kanan Phaipui hmun a Biak Inpui hmun laih Hnam hnatlang an neih chu Zofate Haw Runpui, Hnam inkhawmpui nghah nana Pandal zar theih tura laih zawh a ni ta.

Serchhip Ṭhalai Pawl te chuan Hunpui lo thleng tur pualin nimin khan hri leng dona atana thawktute hnenah thilpek an hlan. SṬP te hian Krismas dawnah Serchhip khawpui chhunga miharsa te ṭanpuina tur an sum thawhkhawm aṭangin an pe ṭhin a, kuminah chuan COVID-19 hri leng do tur a hlawh nei loa inpe te leh mipui himna atana thawktute hnenah thilpêk hlan ni se an ti a, hemi ang hian nimin khan Serchhip Police zan lama Duty-te an Duty-na hmuna an inai lumna turin Sikri 5 leh Meihawl bag 5 an hlan a, COVID-19 dona kawnga hlawh nei loa thawk tura inpe Serchhip District-a mi 5 te hnenah Rs. 3000/- ṭheuh an hlan a ni. Kumin hian SṬP-in midang tanpuina tur sum an thawhkhawm hi Rs. 15,400/- a tling a ni.

Kumdang-a lo tih tawh thin angin Chief Minister Discreationary Grant 2020 hmangin nimin khan Serchhip District-a Home hrang hrang paruk (6) leh District Hospital-ah te Krismas pual thilpek hlan a ni a, nimin a thilpek semchhuah zawng zawng hi Rs. 10,000/- niin Serchhip DC Office kaltlanga semchhuah a ni.

Niminpiah khan Serchhip District-ah COVID-19 hri kai mi pakhat hmuhchhuah niin nimin khan hri kai pakhat chu enkawl dam a ni bawk.

Serchhip Sports Complex-a Synthetic Running Track siam hna thawh mek chu thla khat chhung vela zawh hman tawh beisei a ni.

Serchhip-a Supply Department hotute chuan Serchhip-ah buhfai a rawn thlen belh mek tih sawiin, January thla quota tur pawh rawn sanction a nih tawh thu an sawi.

Nimin khan ‘Govt. Serchhip College NSS Award’ hmasa ber semna hun hman a ni a, he hun hi Higher & Technical Education Department-a Joint Director (Admin), Lalhmingthanga chuan rawn hmanpuiin PC. Lalnunzira, 6th Sem Zoology hnenah Award hi hlan a ni.

Niminpiah-a Mizoram-a Sample enfiah atangin COVID-19 hri kai mi 5 hmuh belh an ni a, an vai hian tualchhung-a hri inkaichhawng vek an ni.

Serchhip District Magistrate chuan thupek tichhuakin thenawm ram atanga Vawk leh Vawksa atanga siam thildang lakluh khap a nih thu a tarlang.

Serchhip District-a COVID-19 hri kai enkawl mi 5 te chu nimin khan anmahni enkawlna hmun atanga chhuahtir an ni.

Ministry of Women and Child Development in India ram-a nu leh naupang hriselna atana eitur tha pek a kalpui mek, Poshan Abhiyan (National Nutrition Mission) hnuaia OPERATION Severe Acute Malnutrition (SAM) Programme atangin Serchhip ICDS Project hnuaiah naupang 11 enkawl mek an ni.

Tuizem sem tur vailiam

Home Minister, Lalchamliana chuan kan hma lawka Krismas leh Kumthar hi hlim leh lawm taka hmang theuh tura Mizoram mipuite duhsakna chibai bukin, sawrkarin COVID laka invenna tura ruahmanna a siam te zawm theuh turin mipuite a ngen bawk.

Nimin khan Health Minister, Dr. R. Lalthangliana hovin Mizoram COVID-19 dinhmun thlirhona neih a ni a, hunpui lo thleng turah hri leng laka fimkhur lehzual a tul thu he hunah hian tarlan niin, hunpui vuakvetah chhungkaw chengho nilo chu chhungkhat laina chaw eikhawm leh inhmuhkhawm buatsaih loh nise an duh thu an sawi.

Niminpiah-a Mizoram-a Sample enfiah atangin COVID-19 hri kai 31 zet hmuhchhuah leh an ni a, an zinga 15 te chu State pawn atanga rawn lut niin tualchhung-a hri inkaichhawng an awm leh nual bawk.

Wood Based Industries Licence pe

MNF :

UD&PA Department changtu Deputy Chief Minister, Tawnluia chuan niminpiah khan Aizawl-a MINECO Multipurpose Hall chu a hawng.

Nimin khan India rampum-ah Vijay Diwas, Hnehna Ni hman a ni a, Mizoram-ah pawh hri leng laka kaihhruaina siam zawm chungin he Ni pual hian hun hman a ni.

Serchhip District-a COVID-19 No Tolerance Drive kalpui mekah nimin khan hri leng dona dan leh inkaihhruaina dan bawhchhia mi 17 man leh an ni a, heng mite sum chawi tlingkhawm hi Rs. 2600/- a ni. Nimin a Dan bawh-chhia man te hi an vaiin Police Duty ten an man an ni a, Serchhip-ah mi 14 man niin Chhing-chhip-ah mi 7 leh North Vanlaiphai-ah mi pakhat man an ni a, Serchhip District chhunga Executive Duty ten man an neih report a awmlo thung a ni.

Social Welfare Minister, Dr. K. Beichhua in niminpiah-a a Pisa-a Poshan Abhiyaan (National Nutrition Mission), Field Level Convergence Best Team Award a sem chu Serchhip ICDS Project hnuaiah Serchhip in an dawng a, Best Team Award dawngtute-ah hian tuna Ser-chhip CDPO hna chelh mektu Lalbiakliana, i/c Thenzawl Circle bakah Laldikthangi (Health Worker), Thenzawl; Lalthakimi Ralte (ASHA) Thenzawl Dinthar; TC. Lalnuntluangi (Angan-wadi Worker) leh Lalnunziri (Anganwadi Helper), Thenzawl UPC Veng Centre te an tel a ni.

Niminpiah a Sample enfiah atangin Serchhip District-ah COVID-19 hri kai mi pakhat hmuh belh leh a ni a, nimin khan hri kai mi pahnih te chu enkawl dam niin anmahni enkawlna hmun atanga chhuahtir an ni thung.

Serchhip District Level Task Force on COVID-19 leh Serchhip khawpui chhunga VLTF aiawhte chu nimin khan thukhawmin COVID-19 dona kawnga hmalak dan an thlirho bakah Krismas leh kumthar vuakvet-a hmalak dan tur an sawiho.

Serchhip District Level Fisheries Conservation Board chu nimin khan a vawikhatna atan thukhawmin Board hmalakna tur leh Luidung-a nungcha humhalh kawnga Dan awm hrang hrangte zirhona an nei.

India rampum-a tun thla ni 22 thlenga Police ten ‘Anti-Drug Drive, 2020’ an kalpui tur chu nimin khan Serchhip District-ah a hawnna neiin Serchhip SP, R. Sathiyasundaram IPS chuan tualchhung-a thuthar thehdarhtute a kawm nghal bawk.

Niminpiah-a Mizoram-a Sample enfiah atangin COVID-19 hri kai mi 9 hmuh belh leh an ni a, an zinga 6 te chu tualchhung-a hri inkaichhawng an ni.

Salvation Army enkawl, Adult Rehabilitation Centre (ARC), Chhiahtlang in kum 10 an tlin lawmna chu nimin khan neih a ni a, I&PR Minister Lalruatkima chuan a hmanpui a ni.

MPCC President, Lal Thanhawla chuan Serchhip Bial-a Bye-election chu Congress Party chuan phur tak leh nuam ti takin an chuh dawn tih kumin atana Aizawl-a Congress Bhavan kharna hun nimin-a neih ah a sawi a, Lalduhoma hek a nih avanga thlavang hauh chu tihtur a ni tih sawiin, mahse Speaker berin dan hmanga a ngaihtuah a, ban a nih tawh chuan thil diklo ti te thlavang chu hauh zel tur a ni tawhlo tih sawiin, Serchhip Bial in Congress MLA chak leh tha tak an nei thuai dawn thu leh chumi atan chuan ruahmanna fel tak an siam vek tawh thu a sawi bawk.

Deputy CM in tlangzarh

Commerce and Industries changtu Minister Dr. R. Lalthangliana chuan Bangladesh leh Mizoram insumdawn tawnna atana ruahman, Integrated Check Post (ICP), Kawrpuichhuah, Tlabung chu nimin khan a tlawh.

Chief Minister, Zoramthanga chuan nimin khan West Phaileng-ah Sports hmasawnna ruhrel cheng nuai 3,443 chuang man dinna tur lungphum a phum.

Social Welfare Minister, Dr. K. Beichhua hovin nimin khan a Pisa-ah Poshan Abhiyaan hnuaia Aganwadi Worker, Aganwadi Helper, ASHA, ANM/Health Worker (AAAA) leh Lady Supervisor/CO (LS) Award semna neih a ni.

Serchhip District-a COVID-19 hri kai en-kawl mi pakhat chu nimin khan hri lakah fihlimin CCC atanga chhuahtir a ni a, hri kai enkawl dam hi hmeichhia niin tun thla ni 5-a hri kai hmuhchhuah a ni a, Sainik School-a zirtirtu a ni.

Association for Voluntary Blood Donation (AVBD) Serchhip Branch leh Blood Bank, Serchhip ten tun thla ni 1 atanga Serchhip Blood Bank-a ‘Krismas pual thisen pekna hun’ an buatsaih ah nimin thleng khan thisen Unit 96 pek a ni a, thisen petute hi mipa 42 leh hmeichhia 54 an ni a, hetianga tlawmngaia thisen petu mimal, Kohhran Thalai leh zirlai (NSS Volunteer) te chungah AVBD Serchhip Branch leh Blood Bank, Serchhip te chuan lawmthu an sawi a ni. Krismas pual-a thisen pekna hun buatsaih ah hian nimin khan Salvation Army Youth (SAY) Serchhip Corps te chuan thisen Unit 18 an pe a, thisen petute hi mipa 12 leh hmeichhia 6 an ni.

Mizoram sawrkar chuan Mizoram Engineering Service (Electrical)-a Senior Grade leh Junior Grade thenkhat te chu an awmna a siksawi a, heng zingah hian Serchhip S/S Sub-Division a SDO, Otto Lalchhuanawma chu Serchhip Power Sub-Division a SDO hna chelh tura sawn niin a aiah hian Lalhruaitluanga chu a rawn awm dawn a, Serchhip Power Sub-Division a SDO hna chelh mektu J.V. Lalthangluaia chu Hnahthial Power Sub-Division ah sawn a ni bawk.

Serchhip-a Supply Kudam-ah tunlai hian buhfai a awm mumal loh avangin mipuite hnena Ration buhfai December thla pekchhuah khawp a awm lova, Aizawl atangin quintal 300 rawn pek tura ruahman nghal a ni.

COVID-19 No Tolerance Drive neih mek ah nimin khan Serchhip District-ah Dan bawh-chhia mi 17 man leh an ni a, heng mite pawisa chawi tlingkhawm chu Rs. 2700/- a ni. Nimin a Dan bawhchhia man te hi Serchhip-ah mi 15 leh Chhingchhip-ah mi 2 niin Executive Duty ten man an neilo thung.

Serchhip-a rawn kal I&PR Minister, Lalruat-kima chuan nimin khan Serchhip District Information Office leh Vengchung-a an Department ram te a tlawh.

Mizoram Journalist Association (MJA) Serchhip District in 'Serchhip Press Club' an sak thar chu nimin, December 15, 2020 khan I&PR Minister, Lalruatkima chuan a hawng a, Rev. B. Lalengzauva chuan Tawngtaiin Pathian hnena hlanna a nei nghal bawk.

Supply Minister in tlangzarh

Niminpiah khan Mizoram-ah COVID-19 hri kai mi 5 hmuh belh leh niin an vai hian tualchhung-a hri inkaichhawng vek an ni.

Hachhek bialtu MLA, Lalrindika Ralte chuan a nu hriatrengna atan Aizawl Press Club-a dah turin nimin khan Thuthleng (Steel Chair) 50 chu Mizoram Journalists' Association (MJA) kutah a hlan.

Lai Autonomous District Council (LA-DC)-a MNF kaihhruai sawrkar thar chu nimin khan lakluh niin Protem Chairman, Member leh Chief Executive Member thar te lakluh an ni.

Nimin khan Social Welfare and Tribal Affairs leh Excise Department changtu Minister, Dr. K. Beichhua hovin Mizoram Social Defence & Rehabilitation Board (MSD&RB) chu SAD Conference Hall-ah an thukhawm.

Serchhip Press Club sak thar chu Vawiin chhun dar 12:00 hian I&PR Minister, Lalruatkima chuan a hawng dawn a, he hun hi MJA General Hqrs. hruaitu thenkhat te pawhin an rawn hmanpui dawn a ni. Serchhip Press Club hawnna ah hian sawrkar in hri leng laka kaihhruaina a siam angin mi sawmbik 35 tel tura beisei an ni.

COVID-19 No Tolerance Drive hman mek ah nimin khan hri leng laka mipuite himna tura Dan leh kaihhruaina siam zawmlo mi 22 man leh an ni a, heng mite pawisa chawi tlingkhawm chu Rs. 8200/- a ni. Nimin-a Dan zawmlo man te hi Police te man vek niin Serchhip-ah mi 20 man an nih bakah North Vanlaiphai leh Chhing-chhip-ah mi pakhat ve ve man an ni bawk.

Serchhip District Anti-Tobacco Squad leh Traffic Police te chuan nimin khan Dan in Meizial zuk a khapna hmuna mei zu mi 2 an man.

Niminpiah khan Serchhip District-a TrueNat Laboratory-ah niminpiah khan Sample 11 enfiah niin Rapid Antigen Test hmangin Sample 11 bawk enfiah a ni a, heng atang hian COVID-19 hri kai hmuhchhuah thar an awmlo. Nimin khan Serchhip District-ah hri kai enkawl dam an awm belh lova, heti hian Serchhip District-a COVID-19 hri kai hmuh tawh chu 174 niin an zinga 158 te enkawl dam an ni tawh a, hri kai enkawllai 16 an la awm mek a ni.

Horticulture Department chuan Serchhip Zuangleng ram-ah Tomato ching turin hma an la mek a, nimin khan Zuangleng ram-a Tomato ching turte hi kokhawmin Farmers Interest Groups (FIGs) dinin hmalak dan tur hrilhfiah an ni.

Serchhip District Superintendent of Police, R. Sathiyasundaram IPS chuan nimin khan Serchhip-a tlawmngai pawl hrang hrang hruaitute kawmin kan hma lawka hunpui lo thleng tur boruak muanawm tak hnuaia hman a nih theihna tura hmalak dan tur leh venhimna hna thawh dan tur chungchang a sawipui.

Higher &Technical Education Minister, Dr. R. Lalthangliana chuan Inrinni khan Govt. Mamit College-ah Ratriya Uchchatar Abhyan (RUSA) hnuaia cheng nuai 160 senga sak Library-Cum-Seminar Hall leh cheng nuai 153 senga Academic Building sak te chu a hawng.

Mizoram Police ten dan lova rawn lut Burmese Rohingya hmeichhia pariat (8) an man te chu thla 20 zet Vairengte Police kutah an awm tawh.

Zirtawpni-a Mizoram-a Sample enfiah atangin COVID-19 hri kai 16 hmuh leh niin Inrinni-a Sample enfiah atangin hri kai 11 hmuh belh an ni bawk.

COVID-19 hripui leng avanga sawrkar laipui-a Ministry of Power-in ruahmanna anga rebatse siam a nih avangin mipui ten Power an hman man tihhniam a ni a. Hei vang hian Mizoram-ah mi tam takin December thla ah Electric Bill an pek a ngai lova, thenkhat chu engemaw chen advance-in an Bill pek lawk a ni bawk.

IG (AR) in Larsap a kawm

Serchhip District Anti-Tobacco Squad te chuan Inrinni zing khan puipunna hmuna Meizuk khapna Dan bawhchhia mi 7 an man.

Serchhip Dinthar Veng atanga Chhim Veng panna kawng chu kumin chhung zawng atan lir-thei kaltlang theihloh tura khar a ni.

Serchhip District Bawrhsap, Kumar Abhishek chuan thuchhuah siamin kumthar January ni 10 thleng awh tur COVID-19 No Tolerance Drive inkaihhruaina siam angin Krismas leh kumthar hunpui laiin sawrkar Programme pawimawh bik tihloh mipui hip thei Programme reng reng huaihawt khap a nih thu a tarlang a. Hei hian Kohhran pui mai ni lo, Kohhran Pavalai/Pa Pawl, Kohhran Hmeichhia, Kohhran Thalai leh Kohhran naupangte pawh a huam thu a tarlang a. Heng hunpui lo thleng turah hian eng Kohhran leh pawl mahin Krismas leh kumthar lawmna ruai emaw, Programme emaw siam loh tur a nih thu a tarlang bawk.

Serchhip District Consumers Association (SDCA) chuan Serchhip khawpui chhunga ATM harsatna thleng mek chungchangah hma an lak thu sawiin, mipuite chu ATM hman theih awm te fimkhur tak leh dimdawi taka hmang turin an chah.

Inrinni khan Serchhip District-ah COVID-19 hri kai mi pathum hmuhchhuah leh niin Serchhip District-a hri kai hmuhchhuah chu 174 an tling ta.

Serchhip District chhung North Vanlaiphai Village Council-a inthlanna chu tluang taka zawhfel niin Party hrang hrang ten an Seat lak zat an la leh vek a, Vote thlak hmasak-a thlantlin pakhat erawh a tling zo ta lo thung.

Tuichangral South Group YMA leh BDO East Lungdar tangkawp buatsaih PMKSY hnuaia Tuihna humhalh chungchang inzirtirna Video Clip in siam siak lawmman semna chu nimin khan East Lungdar-a Thangburha Hall-ah neih a ni a, North Vanlaiphai Rahsi Veng Branch YMA in lawmman pakhatna dawngin Rs. 15,000/- leh thuziak hlan an ni a, Biate Branch YMA in lawm-man pahnihna leh East Lungdar Branch YMA in lawmman pathumna an dawng a, East Lungdar BDO, H. Lalhruaitluanga chuan a hmanpui a ni.

Mizo Academy of Letters (MAL) chuan nimin khan Central YMA Hall, Aizawl-ah Kumtawp Inkhawm neiin he hun hi Art & Culture Minister, R. Lalzirliana chuan khuallian niin a hmanpui a, he hunah hian kum 2019 chhunga Mizo tawng-a lehkhabu chhuak zinga tha ber, Book of the Year 2019 atana thlanchhuah ‘Falung’ ziaktu Lalengzauva hnenah thuziak leh pawisafai a hlan nghal bawk. MAL te din champhaphak April ni 23 chu kumin hian hripui leng avanga hman theih a nih tak loh avangin Kumtawp Inkhawm nen kaihkawp a ni.

Support to State Extesion Programme for Extension Reforms Scheme, ATMA Mizoram hnuaia State Level Best Farmer Award 2019-2020 chu Agriculture leh a zawmpui peng eizawnna hnathawktu tha thlanchhuah mi 5 te hnenah nimin khan Agriculture Minister, C. Lalrinsanga chuan a sem a, State Level Best Farmer Award 2019-2020 dawngtute zingah hian Vanlalliana, Leisang Veng, Serchhip leh PC.Sangawia, Che-kawn te bakah FC. Vahnei, Chakhei; Laldanga Thingsulthliah Tlangnuam leh Biakdawli, Armed Veng te telin Award hian thuziak leh sumfai cheng nuai khat a keng tel a ni. State Level Best Farmer Award 2019-2020 hi Sector 5 - Agriculture, Horticulture, AH&Vety, Fisheries, Sericulture a eizawngtu te an ni.

Niminpiah-a Mizoram-a Sample enfiah te atangin COVID-19 hri kai mi 14 hmuh belh leh an ni a, Mizoram-a hri kai hmuhchhuah chu sang li an tling ta.

Serchhip Taxi Owners Association (STOA) te chuan nimin khan hruaitu thar thlanna an nei a, President-ah Lalhnunliana, Vice President-ah Lalngaihawma, Secretary-ah PC. Lalnunchama, Asst. Secretary-ah Remlalliana, Treasurer-ah Lalthuthlunga leh Fin. Secretary-ah Rosangliana Ralte thlan an ni.

Brilliant HSS Serchhip-a NSS Volunteer te chuan Krismas Pual-a thisen pekna buatsaih mekah nimin khan Serchhip Blood Bank-a dah turin thisen Unit 21 an pe a, thisen petute hi mipa 9 leh Hmeichhia 12 niin Blood Bank ah kalin thisen hi an pe a ni.

Serchhip District Police te chuan Krismas leh kumthar vuakvet-a mipuite himna tura hmalak dan tur nimin khan Serchhip District SP, R. Sathiyasundaram hovin a Pisa-ah an sawiho.

Horticulture Department in Sailiamkawn-a 'Satellite Cold Room' an siam chu tangkai taka hman zel niin nizan hmasa khan Leng khua in an thar Sethlum te chu vawnthat tura dahluh a ni.

Serchhip Town Development Committee a Chairman, T. Zadingliana chuan Chairman thar, C. Vanlalsiamthara hnenah nimin zing khan mawh-phurhna a hlan a, STDC Chairman hna hi Ruling Party-a Block President in an chelh thin a ni.

Serchhip District Level Task Force on COVID-19 Vaccination chu nimin khan an Chairman, Serchhip District Bawrhsap, Kumar Abhishek kaihhruaia thukhawmin COVID-19 Vaccine a taka pekchhuah theih a nih huna vaccine pek hmasak tur ruahmanna te, District puma vaccine sem a nih huna mamawh turte an sawiho.

National Highway-54 laihzauh leh siamthat hna thawh mekah Serchhip khawpui chhung helna tur, Kikawn atanga Sailiamkawn-a chhuak tur laih hna chu thawh tan a ni ta.

Serchhip District chhunga Rubber chingtu chhungkaw 7 te hnenah Land Resources, Soil & Water Conservation Department chuan nimin khan Rubber sawngbawlna leh a herna khawl an pe a, heng khawl te hi Assembly Deputy Speaker, Er. Lalrinawma chuan Serchhip atangin a vailiam a ni.

Kumin August 27-a North Vanlaiphai Village Council inthlanna neih chu pawm a nih tak loh avangin State Election Commission in rua-hmanna a siam angin nimin khan mipui ten Vote an thlak tha leh.

Integrated Child Protection Scheme (ICPS) hnuaia din, District Jail Inspection Team te chuan nimin khan Serchhip District Jail tlawhin naupang kumtlinglo tang an awm leh awmloh leh an dinhmun an enfiah a, District Jail dinhmun an enfiah nghal bawk.

Peoples' Conference (PC) Party chuan tunhnai khan Serchhip-ah Unit thar pahnih an din thu nimin khan thuchhuah siamin an tarlang a. Serchhip Ramthlun Veng Unit-ah PC. Hrang-hleia chu President niin PC. Doliana chu Vice President a ni a, T. Hmingthanzauva chu Treasurer a ni bawk. Serchhip Chhim Veng Unit-ah Hnemzuala chu President niin Hrangchungnunga chu Vice President a ni a, Treasurer-ah Sawiveli a nih thu an thuchhuah ah hian an tarlang bawk a ni.

COVID-19 No Tolerance Drive hman mek ah nimin khan Serchhip District-ah hri leng dona Dan bawhchhia mi 11 man leh an ni a, an sum chawi tlingkhawm chu Rs. 1100/- a ni. Nimin a Dan bawhchhia man te hi Serchhip-ah Police ten an man niin hmundang-ah man an awmlo thung a ni.

Serchhip-a Traffic Police te chuan nimin khan hnatlang neiin Serchhip khawpui chhunga Traffic Signboard tar hrang hrangte tifaiin rawng te an hnawih thar a ni. Traffic Police te chuan hunpui kan thleng chho leh mek tih sawiin, mipuite chu lirthei laka fimkhur tura an chah rualin lirthei khalhtute pawh fimkhur taka lirthei khalh tur leh chak tak taka lirthei khalh thin lo turin an chah bawk a ni.

Niminpiah khan Serchhip District-ah COVID-19 hri kai mi pathum hmuhchhuah niin nimin ah hri kai enkawl dam erawh an awmlo thung.

Serchhip Assembly Constituency-ah by-election a awm dawn nia a lan avangin Congress Party chuan Campaign an nei tan.

Cooperation Department hmalakna in nimin khan Serchhip District chhunga Leng khua ah Pradhan Mantri Van Dhan Yojana (PMVDY) inhrilhriatna leh PMVDY hmalakna hnuaia Khuai bawm semna hun buatsaih a ni.

ATMA hmalakna thlirlet

Sericulture Minister Dr. K. Beichhua chuan nimin khan Sericulture Department enkawl Silk Show Room chu mipui, a duh apiang tana dawr theih turin Chaltlang, Aizawl-ah a hawng.

Niminpiah-a Mizoram-a Sample enfiah atangin COVID-19 hri kai mi 17 hmuh belh an ni a, Mizoram-a hri kai hmuhchhuah chu sang li an tling dawn hnai ta.

Cheng vbc. 118 chuang senga Mamit District chhung Kawrthah, Tuidam leh Mamit-a infiamna leh thalaite hmasawnna ruhrel dinna tur lungphum chu nimin khan Chief Minister, Zoramthanga chuan a phum a, heng hna thawh turte hi Pradhan Mantri Jan Vikas Karyakram (PMJVK) hnuaia sum hmuh hmanga thawh tur a ni.

Niminpiah-a Mizoram-a Sample enfiah te atangin COVID-19 hri kai mi 9 hmuh belh an ni a, a tam zawk chu State pawn atanga rawn lut an ni.

Lai Autonomous District Council (LADC) hnuaia Member of District Council (MDC) inthlan result puan zawh taka hneh taka sawrkarna siamtu MNF party chuan sawrkar ruangam an din fel ta.

Dy. CM in lungphum phum

North Vanlaiphai Village Council inthlanna neih mekah Vawiin hian mipui ten Vote an thlak tha leh dawn a, Vote tla te hi chhiar nghal tur a ni ang.

Mizoram-a tualchher thiamna nei (Local Innovator) te leh Technical lam zirna hmuna zirlaite tana an khawl mamawh chhawpchhuahsak leh innovation lama hmasawnna tur atana tan lakna tura ruahman, Innovation Facility Centre (IFC) chu nimin khan Chief Minister, Zoramthanga chuan Mizoram New Capital Complex-ah a hawng.

ZPM Serchhip Block Committee chuan Serchhip bialtu MLA, Lalduhoma ban a nih avanga amah lo lainat-a a thlavang lo hauh tute, lo tan em em tute leh thilpek lo petu zawng zawng te chungah an lawm tih an sawi.

Serchhip-a One Stop Centre leh Samaritan Society of Mizoram Family Counselling Centre, Serchhip te chuan nimin khan Serchhip Bazar leh a chhehvel-ah Hmai tuamna (Face Mask) an sem.

COVID-19 No Tolerance Drive hman mek ah nimin khan COVID-19 hri leng dona Dan bawhchhia mi 15 te chu Serchhip District-ah man leh an ni a, heng mite pawisa chawi tlingkhawm chu Rs. 2400/- a ni. Nimin-a Dan bawhchhia man zinga mi 14 te chu Police ten Serchhip-ah mi 13 leh Chhingchhip-ah mi pakhat an man niin midang pakhat hi Khawbel khua a man a ni thung.

Nimin leh niminpiah khan Serchhip District-ah COVID-19 hri kai mi pakhat ve ve hmuh belh leh niin nimin khan hri kai mi pathum te chu enkawl dam an ni thung.

Electoral Roll Special Summary Revision neih meka Serchhip District tana Observer, Vanlalngaihsaka IAS chuan nimin khan Serchhip rawn tlawhin Election Department-a thawktute leh Political Party hruaitute nen Electoral Roll siamthat hna thawh mek chungchang an sawiho.

COVID-19 No Tolerance Drive neih mek ah nimin khan Serchhip District-ah Dan bawh-chhia mi 22 man leh an ni a, an pawisa chawi tlingkhawm chu Rs. 2200/- a ni.

North Vanlaiphai Village Council inthlanna a mipui ten naktuk, Dec. 10-a vote an thlak that leh tur atan inbuatsaihna peihfel thawhkhat a ni tawh.

Tunhnaia COVID-19 hri kai hmuhchhuah tamna, Thenzawl East Area huamchhung leh Thenzawl West Area huamchhungah te hri laka mipui him tlanna atan leh hri a darh lohna atan heng hmun te hi District Bawrhsap chuan nimin atang khan Containment Zone-ah a puang.

Electoral Roll Special Summary Revision neih meka Serchhip District tana Observer tura ruat Vanlalngaihsaka, Supply Department-a Secretary ni bawk chuan Vawiin hian Serchhip a rawn tlawh dawn a, chawhma dar 10:30-ah Electoral Roll ennawn hna thawh meka thawktute leh Political Party aiawhte a kawm ang.

Pathianni-a Thenzawl-a COVID-19 hri kai mi pahnih ten an lo kawm hnaih te chhuina kal zelah COVID-19 hri kai mi 5 hmuhchhuah belh an ni a, an vai hian chhungkaw pakhat a mi vek an ni.

Serchhip District-a Swachh Bharat Mission (Grameen) Phase-II kalpui dan tur sawihona chu nimin khan Serchhip-ah District Bawrhsap, Kumar Abhishek hova neih a ni a, SBM (G) Phase-II hi sawrkar Department dang te nen Convergence-a thawh a ni dawn a ni.

Rubber sawngbawlna vailiam

Agriculture Minister, C. Lalrinsanga chuan nimin khan West Lungdar-a kuthnathawktu ten Kaihlet Zau-a thlai leh thei an chin te a hmun tlawhin, Kaihlet Zau Society te buatsaih 'Panhnah Intodelh Programme' a hmanpui nghal bawk.

Travel & Leisure India and South Asia chuan Mizoram chu ramngaw leh hring thatna berah Mizoram chu thlangin, ‘Travel & Leisure India & South Asia's India's Best Award 2020’ ah ‘Best Green State’ ah an puang.

State Task Force for COVID-19 Vaccination chuan COVID-19 Vaccine hman tan theih hun tur ala hriatloh thu sawiin, Vaccine chungchangah thu belhchian dawllo thehdarh lo turin mipuite an ngen a. Vaccine lo chhuah hunah pawh hri inkaidarh thei laka la fimkhur zel a pawimawh dawn thu an sawi bawk.

Lai Autonomous District Council (LADC)-a Member of District Council (MDC) inthlanna a Vote tla te nimin a chhiar takah MNF party chuan sawrkar siam thei turin hnehna an chang.

Niminpiah khan Mizoram-ah COVID-19 hri kai mi pahnih hmuhchhuah an ni a, heng mite hi Serchhip District-a hri kai hmuh ve ve an ni.

Naupang huaisen chawimawi

Brilliant Higher Secondary School Managing Board Chairman kalchhuak tur, T. Zading-liana chuan nimin khan Chairman thar, C. Van-lalsiamthara hnenah mawhphurhna a hlan a, he School Managing Board \hutkhawm hi neih nghal niin School kalpui zel dan tur an sawiho a, kumin hian zirlai 120 an nei mek a ni.

Nimin khan Serchhip District-ah COVID-19 No Tolerance Drive hman mek denchhenin hri leng dona leh inkaihhruaina Dan bawhchhia mi 22 man leh an ni a, heng mite pawisa chawi tlingkhawm chu Rs. 3100/- a ni.

Nimin khan Serchhip District-a COVID-19 hri kai enkawl mi 4 te chu anmahni enkawlna hmun atanga chhuahtir leh an ni.

Serchhip District Executive Force (DEF) a Sub-Inspector of Police (UB), Malsawmtluanga (Serchhip P&E Veng) chu nimin khan a hnathawh that avanga chawimawina, ‘DGP's Commendation Disc’ hlan a ni a, he chawimawina hlanna puala inkhawm GS Arya Mess, PHQ Aizawl a neih ah Mizoram DGP, SBK. Singh chuan Thuziak leh Disc a hlan a ni.

Mizoram Lok Sabha MP, C. Lalrosanga’n Sansad Adarsh Gram Yojana (SAGY) hnuaia Model Village atana a thlan zinga Serchhip District atanga tel, Khumtung khua ah nimin khan khawtlang hruaitu, NGO leh Self-Help Group te tan SAGY nihphung leh hmalak dan tur inzirtirna neih a ni.

Nimin December ni 7 khan India rampum ah Armed Forces Flag Day hman a ni a, he ni hi kan ram venghimtu kan sipaite indona leh kan ram tana nunna hlan ta te pual a hman thin a ni.

Mizoram Police leh Mizoram University (MZU) chuan nimin khan thawhhona thuthlung, Memorandum of Understanding (MoU) an ziak.

Peoples' Conference (PC) Party chuan Nov. 21, 2020-a Phaizau khaw bul Tut lui-a Bomb hmanga Sangha mantute man an la nih loh avangin, nimin khan Mamit DFO hnenah hma la tura ngenna lehkha an thehlut.