Latest News

Meizu mi 6 man leh an ni

Serchhip District Anti-Tobacco Squad te chuan Inrinni zing khan Serchhip Bazar building leh a chhehvel bakah Taxi leh Auto Rickshaw Stand-ah te Squad Drive an nei leh a, heng hmun an tlawhna ah hian Sikret leh Vaihlo kaihhnawih khuahkhirhna Dan bawhchhia a puipunna leh vantlang hmun-a meizu mi 6 an man leh a, heng mite hi pawisa chawitir nghal an ni.

TIPM hruaitu ten MJA hruaitute kawmna an nei

Thangram Indigenous People's Movement (TIPM) hruaitute leh Mizoram Journalist Association (MJA) General Hqrs. hruaitute chuan nimin khan Aizawl-a MZP Pisa-ah inkawmna an nei.

MZP ruahmanna anga he inkawmna ah hian TIPM President, K. Vana Chorei chuan Thangram huamchhungah Zohnahthlakte chenna khua 24 zeta awm tih a sawi a. Thangram-ah hian kum zathum (300) chuang zet lo khawsa tawh an nih thu an History-ah a lan thu sawiin, “Thang-ram luah hmasa tu kan nih avangin a ram leilungfa dik tak kan ni,” a ti.

TIPM President chuan Thangram hi 180 Sq. Miles chhunga awm a nih thu leh Assam sawrkar in nasa taka a ensan dan te, Chhungkaw harsa tak tak an awm thu te a sawi a. Ram dang awpna hnuaia awm an nin tawh avângin Thangram mipui chuan mahni ram dik tak, Zofate Jerusalem Mizoram hnuaia awm an duh takzet a. Chutiang tura hmalak pui turin MJA hotute leh Mizoram sawrkar a ngen thu a sawi bawk.

He hunah hian Mizoram Journalist Association (MJA) President, Zonunsanga Khiangte chuan, “Zofate hi ramri-in min la daidang mahse rorelna pakhat hnuaiah kan awm hun beisei tlat ila, rilru leh thlarauah in pawh deuh duh ila, i in hre reng ang u,” a ti a. “Khawvel hmun hrang hrangah Zofate kan in zar pharh a, mi thenkhat chuan Mizoram chhunga mi chauh hi zohnahthlak emaw kan ti niin a lang,” tiin amaherawh chu insuihkhawm turin hmalam kan pan mek niin a sawi bawk.

TIPM hotute chuan, Mizoram an cham chhunga sawrkar hotu leh official te dawnsawn danah te, NGO hrang hrang leh Political Party hrang hrang te an kawm kualna ah beiseina sang tak an neih avangin an lawm thu an sawi a. Anmahni lo dawngsawngtu leh lo mikhualtu MZP hruitute chungah thinlung takin lawmthu an sawi bawk.

Comments

Chhiar Hlawhte