Latest News

Silk Showroom hawn a ni

Sericulture Minister Dr. K. Beichhua chuan nimin khan Sericulture Department enkawl Silk Show Room chu mipui, a duh apiang tana dawr theih turin Chaltlang, Aizawl-ah a hawng.

Silk Show Room hawnna hunah hian Dr. K. Beichhua chuan Silk Show Room hawn tak chu Zoram tana chhinchhiahtlak, Mel lung pawimawh tak nia a hriat thu a sawi a. Thawmhnaw siamchhuahna la duang (natural fibres) zingah Silk la chu a chungnung bik a, sik leh sa hunbi inthlak mila mihring taksa tana deuh nuam bik niin Allergy leh vun natna vei ten an ngeih a, a hlutna a sang chho zel tih a sawi a. Mizoram pawhin Silk thar-chhuah leh sumdawnna kawngah ngaihtuahna thar innovative idea kan neih chuan hmabak eng tak kan nei a ni, a ti. bawk.

Silk Show Room hawn tak hi kum 2017-a North East Region Textile Promotion Scheme hnuaia Integrated Sericulture Development Project atanga sak a ni a. He Show Room-ah hian Silk la atanga dehchhuah Puanchei, Ngo-tekherh, Puan zeh, Shawl, Bag, Necktie leh Mizoram-a Sericulture Farmer te thar chawtha leh hrisel - Buhchium (pupa) leh Cocoon atanga siam Pangpar leh thildang tam tak zawrh a ni a. Central Show Room-a thil an zawrhchhuah te hi Silk Mark of India certified vek a ni.

Comments

Popular News (Last 30 Days)