Mizoram-ah COVID-19 hri kai 50 hmuh belh leh

/

Niminpiah-a Mizoram-a Sample enfiah atangin COVID-19 hri kai mi 50 hmuhchhuah leh an ni a, Mizoram-a hri kai hmuhchhuah chu 3710 an tling tawh.

Niminpiah khan ZMC Laboratory-ah Sample 553 enfiah niin heng atang hian COVID-19 hri kai 9 hmuhchhuah an ni a, District hrang hranga TrueNat Laboratory-ah Sample 181 enfiah niin hri kai 11 hmuhchhuah niin Rapid Antigen Test hmanga sample 1012 enfiah-ah hri kai 30 hmuhchhuah an ni bawk. 

ZMC Laboratory atanga hri kai 9 hmuhchhuah zinga 7 te chu tualchhung-a hri kai an lo kawm hnaih te atanga kaichhawng an ni a, midang pahnih te chu State pawn atanga rawn haw an ni thung. TrueNat Laboratory-a hri kai hmuhchhuah mi 11 zinga 9 te chu Serchhip District-a hri kai hmuh te niin BSF Sipai, State pawn atanga rawn haw an ni a, midang pahnih hi Siaha District, Chakhei-a hri kai hmuhchhuah niin State pawn atanga rawn haw an ni bawk.

Rapid Antigen Test hmanga hri kai 30 hmuhchhuah 22 te chu Lawngtlai District-a hri kai hmuhchhuah niin an vai hian hri kai tawh te atanga tualchhung-a kaichhawng an ni a, Champhai District-a Zokhawthar-ah hri kai mi 8 hmuh niin anni pawh hi tualchhung-a hri kai te atanga inkaichhawng an ni bawk.

Nimin khan Mizoram hmun hrang hranga hri kai enkawl mi 95 te chu chhuahtir niin heti hian nimin tlai thleng khan Mizoram-a COVID-19 hri kai hmuhchhuah chu 3710 an tling ta a, an zinga 3298 te chu enkawl dam ni tawhin tunah hian hri kai enkawllai 407 an awm a, hri kai zingah nunna chan mi 5 an awm tawh bawk a ni.

India-ah hri kai enkawl dam an pung chho zel:

Darkar 24 kalta chhungin India ramah COVID-19 hri kai 37,975 hmuhchhuah niin hri kai 42,314 te chu anmahni enkawlna hmun atanga chhuahtir an ni. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 10,99,545 enfiah niin heng atang hian COVID-19 hri kai 37,975 hmuh belh leh an ni a, heti hian tun thlengin India ramah Sample 13,36,82,275 enfiah ni tawhin hri kai hmuhchhuah zawng zawng chu 91,77,840 an tling ta a, sample enfiah zawng zawng atanga zaa 6.86 te chuan hri an kai a ni.

Darkar 24 kalta chhung khan India ramah hri kai42,314 te chu enkawl dam leh India rama hri kai enkawl dam chu 86,04,955 an tling ta a, hei hi hri kai hmuhchhuah tawh atanga chhutin zaa 93.76 niin tunah hian hri kai enkawllai 4,38,667 an la awm mek bawk a ni. India ramah hian darkar 24 kalta chhung khan hri kai zingah nunna chan 480 awm lehin tun thlenga hri kai zinga nunna chan chu 1,34,218 an tling tawh a, hei hi hri kai hmuhchhuah atanga chhut chuan zaa 1.46 a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »