Lenkawl

NITI Aayog hnuaia Mizoram a\anga Aspirational District Programme atana thlanchhuah, Mamit District chungchang sawihona chu nimin khan Chief Secretary, Arvind Ray, IAS hovin Chief Secretary Conference Hall-ah neih a ni.

Ministry of Rural Development in District Development Coordination and Monitoring Committee (DISHA) hma la \ha a thlanchhuah panga (5) zingah Mizoram chu a tel.

Mizoram Legislative Assembly 7-na \hutkhawm vawi 16-na ni hnih (2) awh chu nimin khan zawhfel a ni a, nimin \hutkhawm ah hian Official Resolution pakhat chu pawm a ni.

Pradhan Mantri Ujjwala Scheme (PMUY) kalpui mek hnuaiah nimin khan Serchhip-a MIZOFED Gas Agency chuan Serchhip District chhunga E. Lungdar leh Kei\um khuaa chhung-kaw 32 te hnenah a thlawnin Gas Connection thar an pechhuak leh a. Heti hian Serchhip-a MIZOFED hian he Scheme hnuaiah hian Ser-chhip District chhung khaw hrang hranga chhung-kaw 200 chuang te hnenah Gas Connection hi an pechhuak tawh a ni.

Serchhip District Task Force on Beti Bachao Beti Padhao (BBBP) Scheme chu nimin khan an Chairman, Serchhip District Bawrhsap, Sangchhin Chinzah hovin a Office-ah an \hukhawm a, kum 2018-19 chhunga BBBP Scheme hmalakna tur Action Plan siam chu Central lama thehluh atan an pawm.

Nimin khan NEDP hnuaia Project duan 'My Project, My NEDP - Mipui Mamawh In\awm Ruahmanna (MiMIR)' inelna chungchang inhrilh-fiahna hun chu Serchhip DC Conference Hall-ah neih a ni.

Hmarchhak bial khaw fai-ah Serchhip khua 23-na Serchhip District Sanitation Task Force Committee chu nimin khan an Chairman, Serchhip District Bawrhsap, Sangchhin Chinzah hovin a Pisa-ah an \hukhawm a. Swachh Survekshan, 2018 Result a tihchhuahah Northeast Zone-ah Serchhip khua in 23-na a hauh phak chu lawmawm an tih thu sawiin, kumin atana Serchhip District Action Plan kalpui dan tur rel a ni.

Adhoc Grant-In-Aid ngiata Higher Secondary School khar mekna School zirlaite chuan nimin khan an School tual \heuh ah zirna chhunzawm vat an duhzia lantirna Sit-in Demonstration an nei.

Mizo National Youth Front (MNYF) Hqrs. chuan nimin khan Aizawl Tuikhuahtlang-a Mizoram State Lottery Office tlawhin Mizoram State Lottery kalpuitu Firm pali (4) term tawp tawhte chu chawlhtir nghal turin an ngen.

Mizoram Youth Commission chuan nizan hmasa khan Aizawl-a Lal Thanhawla Auditorium-ah Cash Incentive Award semna an nei a, he hun hi Chief Minister, Lal Thanhawla chuan a hmanpui a ni.

Mizoram Legislative Assembly 7-na \hutkhawm vawi 16-na chu nimin chawhma dar 10:30 khan Assembly Speaker, Hiphei-a kaihhruaiin \an a ni a, Sinlung Hills Council Bill, 2018 lungrual taka pass a ni.

Ministry of Health and Family Welfare chuan kum 2017 leh 2018 inkara nu nau chunga thi tihtlem kawnga hnathawk tha state zingah Mizoram chu a thlang a. Hnathawk \ha lawmman hi tun thla ni 29 khian Union Minister of Health & Family Welfare(MoHFW), Jagat Prasad Nadda chuan a sem dawn a ni.

Zoram Entu Pawl (ZEP) leh National Institute for Empowerment of Person with Disability (NIEPMD) Chennai \angkawp buatsaihin nimin khan Serchhip District Bawrhsap, Sangchhin Chinzah chuan Serchhip P&E Veng-ah District Resource Centre a hawng a. Hemi rual hian rualban lohna hmuhchhuah hma a pawimawh zia zirhona neih a ni bawk.

National Tobacco Control Programme, Serchhip District buatsaihin nimin khan tlawmngai pawl hruaitute tan Vaihlo leh a kaihhnawih hrang hrang khuahkhirhna chungchang sawihona neih a ni.

Serchhip leh Kei\um inkara National Highway-54 kawng chhuat tlabal niminpiah tlaia sial tlang leh tak chu nimin khan Serchhip District Bawrhsap, Sangchhin Chinzah leh Addl. DC, Chuauhnuna te chuan a hmunah tlawhin hnathawh dan leh hmalak zel dan tur an enpui a.

Ruihhlo hman khawloh leh a tawlhruk dona Ni, International Day Against Drug Abuse & Illicit Trafficking chu nimin khan khawvel pum a hman a ni a, Aizawl-ah pawh Chief Minister, Lal Thanhawla hovin he Ni hi hman niin Court-a chinfel tawh ruihhlo mankhawm sa Rs. 84,37,000/- hu chu halral a ni bawk.

Mipui ten Ration buhfai an lakna dawnah an pawisa pek zat ang buhfai an lak theihna tura Serchhip Sub-Hqrs. YMA in hma an lakna kal zelah nimin khan Serchhip Kudam a\anga Retailer te hnena Ration buhfai pekchhuah tur chu YMA hruaitu rual ten an enpui a. Tunhnaia Serchhip khawpui chhunga Retailer te YMA in an kawm \um khan Kudam a\anga buhfai lakchhuah ah a buk tlinglo deuh a awm \hin nia an hriat thu Retaikler ten an sawi avangin hetiang hian buhfai pekchhuah lai hi YMA hian an enpui a ni.

Serchhip leh Keitum inkara NH. 54 chu tun thla ni 14-a Sailiamkawn bula kawngchhuat a tlakbal hnuah PWD (Highway) chuan nimin tlai dar 5:00 khan lirthei kaltlang theih turin an sial tlang leh ta a. He kawng sialtlang tur hian June 17 khan khawl lian pakhat hmanga hna thawh tan niin June 18 atangin khawl pahnih in hna an thawk a ni. He kawng hi Vawiin hian Road Roller hmanga chil mukin Boulder phah a ni ang.

Finance Minister, Lalsawta chuan nimin khan Aizawl Tanhril-a Central Jail chu tlawhin Central Jail enkawltute nen Tan In hung chhunga hmun hrang hrang te fangkualin an endik.

Chief Minister, Lal Thanhawla chuan nimin khan Aizawl  New Secretariat Complex, Khatla-a Mizoram State Pollution Control Board (MPCB) Office Bulding thar chu a hawng a. Chief Minister chuan Mizoram chu State dangte nen khaikhin chuan la hring viau mahse ramngaw dik tak sawi tur a tlem tawh hle tih a sawi bawk.

Baptist Church of Mizoram (BCM) Serchhip Pastor bial chu \hen niin Inrinni khan New Serchhip Pastor bial hawn a ni.

Serchhip Bazar-a Vawksa zuar \hin te chuan tunhnaiah Social Media-a thuthang awm avangin Serchhip-ah Vawksa hralh lamah harsatna an tawh thu an sawi.

Serchhip Supply Kudam-a Weightbridge chu hman theiha siam\hat a nih hnuah rinhlelhna a awm avangin Inrinni khan buhfai a buk te enfiah a ni a, a diklo tih hmuchhuah a ni.

Serchhip leh Kei\um inkar NH. 54 kawng-chhuat bal sialtlang leh tura PWD (Highway) ten Pathianni kalta a\anga hma an lakna chu chak taka chhunzawm zel niin Vawiin lam hi chuan a zualpui zoin kawng hi sial tlang theih beisei a ni a, helai hmuna kawng sialtute cuhan a chhaklam a 132kV Line chhia \hiah tur chu \hiah ala nih loh avangin an hnathawhna ah harsatna an neih phah thu sawiin, kawng peihfel thlap hun tur erawh ala rei deuh an rin thu an sawi bawk.

Serchhip Block Youth Congress Committee chuan tunhnaia Serchhip-a chhiatna thleng hrang hranga MNF Serchhip East Block inti ten politics-a ham\hatna lo lak an tum chu hriatthiam har an tih thu an sawi.

Gauhati High Court, Aizawl Bench chuan Chakma Autonomous District Council (CADC)-a Futuli bial buaina chungchangah MNF Candidate, Sumir Tonchongya thu thlen chu a hnawl.

National Institute of Technology (NIT) Mizoram te chuan Inrinni tlai khan Mizoram University Auditorium, Tanhril-ah Convocation vawi 2-na an hmang a. He hunah hian Mizoram Governor, Kummanam Rajasekharan chu Khuallian niin, UPSC Chairman hlui Prof. DP. Agarwal leh IIT Hyderabad Director Prof. UB. Desai te Khualzahawm an ni. 

 Serchhip District Anti-Tobacco Squad chuan vaihlo leh a kaihhnawih khuahkhirhna kawnga hma an lakna kal zelah Inrinni zing khan Serchhip Bazar leh a chhehvel fangin COTPA in puipunna hmuna mei zuk a khap bawhchhia a Bazar hmuna meizu mi pahnih an man a, heng mite hi Dan in a phal angin pawisafai chawitir an ni. Serchhip District Anti-Tobacco Squad te chuan chak zawka hmalak chhunzawm zel an tum thu sawiin, mipuite chu Dan zawm hram hram turin an ngen bawk.

Serchhip Market Building tual zawl chu zauh tumin Serchhip Town Development Committee chuan hma an la mek.

North East Initiative Development Agency (NEIDA) TATA TRUSTS te chuan Inrinni khan Kei\um leh Bungtlang khuaah Serthlum \iak an sem.

Serchhip Sub-Hqrs. YMA chuan Inrinni khan Serchhip Damdawi In-a a mamawh apiang te hman atan Kuang siamsa 5 an hlan.

Mizoram Underground Returnee Association (MURA) leh Mizoram Pradesh Congress Committee (MPCC) te inremna siam tihpuitlin nawr nana MURA member ten tun thla ni 7 a\anga chaw an nghei chu an la chhunzawm zel a, an thilphût a hlawhtlin hma chu chawnghei an tum tih MURA President, PC. Lal\huama chuan a sawi.

Election Commission of India chuan July 31 a\anga Mizoram-a Electoral Roll ennawn hna kalpui leh turah  Tripura Relief Camp paruk (6)-a awmte chu telh ve turin Mizoram sawrkar hnenah a rawn hriattir a. Hei hi Mizorama tlawmngai pawl hrang hrangte chuan an duhloh thu an lo sawi tawh a ni.

Tunhnaia Champhai khawpui chhunga naupang pahnih leh mitdel pahnih te kut dawh tirtu a puh Suresh Kumar Chakma chu Champhai-ah man a ni.

Mizoram chhunga Permanent Bridge PWD in a dawh tawh zinga sei ber leh Mizoram-a Lei sei ber dawttu, Bairabi Tlawng Lei (Pre-Stressed Concrete Bridge), NEC 10th Plan Scheme a\anga dawh chu niminpiah khan Chief Minister, Lal Thanhawla chuan a hawng.

Serchhip Blood Bank-ah thisen dahkhawl sa a awm mumalloh avangin Association for Voluntary Blood Donation (AVBD) Serchhip Branch ngenna angin nimin khan mi tlawmngai engemaw zat ten thisen an pe.

Serchhip leh Hriangtlang inkar kawng chu PMGSY hnuai a\angin laih mek a ni a. He kawng laih hna hi chak zawka thawh a nih theih nan kawng hawn hun leh khar hun hi siam a ni.

Mizoram Underground Returnees' Association (MURA) chuan kum 2008 leh 2013-a Mizoram Pradesh Congress Committee nen inremna thuthlung an siam tihhlawhtlin phut nan niminpiah tlai a\ang khan chaw an nghei a. Ex-MNA Association chuan MURA thilphut chu tih hlawhtlin sak ngei turin Mizoram sawrkar chu an phut thu an sawi bawk.

Rajya Sabha MP, Ronald Sapa Tlau-in SAGY Model Village atana a thlan hmasak ber, Chhiahtlang-a Zoram Energy Development Agency (ZEDA) in Ministry of New & Renewable Energy bultuma Solar Power Plant an bun thar chu niminpiah khan Rajya Sabha MP, Ronald Sapa Tlau chuan a hawng.

PRISM |halaite chuan Aizawl-a Sports Authority of India (SAI) hmunhma te chu Mizoram sawrkarin ngaihthah hle lo se chuan hei ai hian infiamna lama tuimi te chher chhuak tam thei leh talent nei \ha tak tak te India ram mai nilo, khawvel mithmuha phochhuahna kawng awmah an ngai tih an sawi.

Nizan hmasa dar 6:40 vel khan Lunglei Lunglawn-a Vanlalpeka In chu an kawmchhak leimin in a hnawl a, mi 10 thiin hliam tuar mi 4 an awm a. Thi zingah hian In neitu Vanlalpeka nupui Lalchawiliani (29) leh a fapa kum 7 mi, a pa HC. Aichianga bakah a nupui nu leh pa te an tel.

Central YMA chuan thuchhuah siamin tun thla ni 15-a YMA Day vawi 83-na lo thleng tur atan Mizo mipuite chibai an buk a.

Chief Minister, Lal Thanhawla chuan nimin khan Dapchhuah-ah Public Works Department in Tut Lei (Pre-Stressed Concrete Girder Bridge) an dawh chu a hawng.

Kumin atana Electoral Roll Special Summary Revision vawihnihna chu thla thar July 31 a\ang khian neih leh a ni dawn a, hei hi kumin a Assembly inthlanpui neih a nih dawn vang nia ngaih niin he Special Summary Revision neih tur atan hian nimin khan Serchhip District chhunga BLO leh Supervisor te tan training neih a ni.

Nizan hmasa dar 12:15 vel khan Aizawl a\anga Siaha pana tlan Night Bus pakhat chu Pangzawl leh Rawpui inkarah chesualin hriat theih chinah mi 11 in nunna an chan a. Hliam tuar mi engemaw zat damdawi In-ah enkawl an la ni bawk a. DM&R Minister, C. Ngunlianchunga chuan nimin vek khan vanduaina thlenna leh hliam tuar te hi a tlawh nghal.

Serchhip Town Development Committee chu nimin khan \hukhawmin Serchhip khawpui chhunga inkalpawhna kawng \henkhat zauh dan tur an sawiho.

Mizoram sawrkar-a Power Secretary, H. Lalengmawia, IAS chuan nimin khan Serchhip rawn tlawhin P&E Department thawktute leh tlawmngai pawl hrang hrang hruaitute nen an Department hmalakna an sawiho.

Nimin a Chief Minister, Lal Thanhawla hova Cabinet \hukhawm chuan Mizoram sawrkar hnuaia hnathawkte hlawh chungchang a ngaihtuah a.

Sawrkar kum kalmek-a Serchhip District Development Co-Ordination & Monitoring Committee (DDCMC)/DISHA Meeting hmasa ber chu nimin khan Serchhip DC’s Conference Hall-ah neih a ni a, Committee Chairman, CL. Ruala, MP (Lok Sabha) leh Co- Chairman Ronald Sapa Tlau, MP (Rajya Sabha) bakah Tuikum bialtu MLA, Er. Lalrinawma ten an telpui a ni.