Mizoram-ah hri kai 364 hmuh belh leh an ni
Niminpiah khan Mizoram-ah Sample 5102 zet enfiah leh niin heng atang hian COVID-19 hri kai 364 hmuh an ni a, Sample enfiah atanga za zela 7.13 te chuan hri an kai a ni.
Posts
Ramri-ah Assam an che leh
Vairengte tlaklam Assam leh Mizoram inrina bulah nimin khan Assam Police te'n Patrolling neiin Thlam pakhat bakah Kuhva kung thenkhat an tichhia.
Remna Ni Pual - Pu Laldenga i fak ang u...
Remna Ni Pual - Pu Laldenga i fak ang u... - K.Remruatfela
Serchhip District-a Accredited Journalist te Press Accreditation Card pek an ni
Serchhip District-a Press Accreditation pek thar mi 12 te hnenah nimin khan Serchhip DIPRO, K. Saitluanga chuan Press Accreditation Card a hlan.
Mi 318 ten vaccine la leh
Serchhip District-a COVID-19 hri danna pek hna kalpui mekah nimin khan kum 18-44 inkar mi 318 te hnenah vaccine Dose 1-na pek leh a ni a, heti hian Serchhip District-a kum 18 leh 44 inkar mi 16,358 te hnenah vaccine Dose 1-na hi pek a ni tawh a ni. Serchhip District-ah hian Healthcare Workers 723 ten vaccine an lak tur an la kim tawh a, Frontline Workers mi 1816 te pawhin Dose 2-na la tawh bawkin kum 45-59 mi 491 leh kum 60 chunglam mi 1349 ten vaccine an lak tur ang an la zo tawh a, Dose 2-na la lo thahnem tak an la awm bawk a ni.
Vawk thi thliar lo turin ngen
Serchhip Town Piggery Cooperative Society Ltd. chuan Serchhip District-ah ASF vangin Vawk 891 a thi tawh nia sawiin,heng te hi hri in a man avanga thi leh hri vanga tihhlum an ni tih an sawi a. Tunhnaia AH & Vety Minister. Dr. K. Beichhua-a’n Vawk hri leng meka Vawk tihhlum neitute tan zangnadawmna sawrkar laipuiah dilpui an tum thu a sawi chu sum awmsa ni lo, sawrkar laipui-a dil chawp tur chauh a nih avangin hri leng avanga tihhlum chawp chauh ni lo, hri avanga tuartu zawng zawng, natna avanga amaha thi leh tihhlum chawp te thliar hrang chuang lova ngaihtuah sak turin an ngen tih an sawi bawk.
ASF vangin Vawk la thi zel
Serchhip District-ah Vawk hri leng, African Swine Fever (ASF) vanga Vawk thi chu 691 a tling tawh.
Vawiin Remna Ni vawi 35-na
Vawiin June 30, 2021 hi India sawrkar leh MNF ten inremna an ziahna ni, Remna ni vawi 35-na a ni a, sawrkar Pisa chawlh a nih angin sawrkar Pisa te khar an ni anga, hri leng avanga inkharkhipna kalpui mek a nih avangin he ni puala programme ruahman erawh a awmlo thung.
Online Education Committee thutkhawm neih a ni
Mizoram sawrkar-a Human Resource Development Board Vice Chairman, L. Thangmawia kaihhruai 'Online Education Committee' chu nimin khan thukhawmin COVID-19 hrileng avanga School khar ngai leh chumi nghawng avanga zirna pangngai kalpui theih loh laia mumal zawka zirna kalpui dan tur chungchang an sawiho.
Tun dinhmun ah a hma aiin ZMC-ah COVID-19 damlo na zual enkawl ngai an tlem tawh
Mizoram-a COVID-19 hri kaite enkawl dan chungchang sawihona chu nimin khan Health Minister, Dr. R. Lalthangliana hovin SAD Conference Hall-ah neih a ni a, ZMC Doctor te chuan tun dinhmun ah a hma aiin damlo na zual enkawl ngai an tlem tawh tih an sawi.
Pathianni-ah hri kai 131 hmuhchhuah belh an ni
Pathianni khan Mizoram-ah Sample 608 enfiah niin COVID-19 hri kai 131 hmuh an ni a, hri kai hmuhchhuah hi tlem deuh mah se Sample enfiah zawng zawng atanga zaa 21.54 te chuan hri an kai a ni.
CLP Leader Zodintluanga’n PMAY-U hmanga Party Politics khelh pawi a tih thu a sawi
Congress Legislture Party (CLP) Leader, Zodintluanga Ralte chuan sawrkar laipui Flagship Programme, Housing For All (HFA) tia hriat lar tak, Pradhan Mantri Awas Yojana-Urban (PMAY-U) hnuaia In sakna tur hmanga MNF sawrkarin Party politics a khel chu pawi a tih thu a sawi.
Health Minister in a bial mipui thlaphang lo turin chah
Health Minister Dr.R. Lalthangliana chuan nimin khan a bial chhunga awm, District Hospital Hnahthial tan COVID-19 hri dona atana hmanrua pawimawh tak tak pein, a bial mipuite chu thlaphang lo turin a chah nghal bawk.
Bank hnathawh dan thlirlet
Nimin khan Kolasib District Bawrhsap, Dr. H. Lalthlangliana hovin an District-a Bank hrang hrangte hmalak dan thlirhona neih a ni.
College Zirlaite harsatna tawh theih chungchangah MZP in H&TE Minister an kawm
Mizo Zirlai Pawl (MZP) General Hqrs. hruaitute chuan nimin khan Higher & Technical Education Minister, Dr. R. Lalthangliana kawmin College zirlai ten harsatna an tawh theih thil pawimawh an sawipui.
Vawk thi 35 awm belh
Nimin khan Serchhip District-a ASF hri lenna hmunah Vawk thi 35 zet chhinchhiah belh leh a ni.
Chhm Veng KTP in thisen pe; Vaccine lak hnuah thisen pek theih
Serchhip Chhim Veng Branch KTP te chuan nimin khan Serchhip Blood Bank-a dah turin thisen Unit 22 an pe.
Mipui inhlawhna siam sak
Serchhip Chanmari Village Council chuan hri leng avanga mipui khawsak harsatna thleng mek phuhrukna atan nimin atang khan an huamchhunga chhungkaw hrang hrangte tan inhlawhna an siam sak.
BJP Serchhip Dist. President in banna thehlut
BJP Serchhip District-a President, PC. Rothangpuia, Thenzawl chuan nimin khan BJP Mizoram State President hnenah BJP Serchhip District President a nihna atanga banna a thehlut.
Mizoram-ah hri kai 19,324 hmuh an ni tawh
Inrinni khan Mizoram-ah Sample 3575 enfiah niin heng atang hian COVID-19 hri kai 233 hmuh an ni a, Mizoram-a hri kai hmuh tawh zawng zawng chu 19,324 an tling tawh a ni.
Royal Riders ten thisen pe
Serchhip Blood Bank-ah thisen dahkhawl sa a tam loh avangin Inrinni khan Royal Riders, Serchhip chuan thisen an pe. Thudawn danin tunhnaiah Serchhip Blood Bank-ah thisen dah-khawl sa a awm hman meuh lova, thisen mamawhna a san avangin Association for Voluntary Blood Donations (AVBD) ten an ngen angin Royal Riders Serchhip te hian thisen hi an pe a, thisen petute hi mi 9 niin mipa vek an ni.
Mipuite ngenna siam
Serchhip District Bawrhsap chuan thuchhuah siamin COVID-19 Second wave avanga nau-pang kum 18 hnuailam mahni khua/Veng chhungah harsatna tawk palh emaw, enkawltu in a thihsan emaw an lo awm thei tih a tarlang a. Chutiang harsatna tawk an awm a nih chuan Child Welfare Committee emaw, District Child Protection Officer emaw hnenah a rang lamin report vat turin mipuite a ngen bawk.
Enkawllai 28 la awm mek
Zirtawpni leh Inrinni-ah Serchhip District-a Sample enfiah atangin COVID-19 hri kai hmuh belh an awm lova, Serchhip District-ah hri kai enkawllai mi 28 an la awm mek.
Ruihhlo hmansual dona ni pualin hun hman a ni
Inrinni khan khawvel pumah Ruihhlo hman-sual leh tawlhruk dona Ni, ‘International Day Against Drug Abuse and Illicit Trafficking’ hman a ni a, Serchhip-a hmunpui nei 8th Bn. Assam Rifles te pawhin Serchhip khawpui chhung hmun thum-ah Serchhip Bazar-a hmun hnih leh New Serchhip-ah te hun an hmang a, heng hun an hmanna ah te hian Aurinna hmangin damdawi hmansual leh a ngawl veina thatlohna an puan-chhuah bakah inzirtirna thuziak hrang hrangte an tarchhuak bawk a ni. International Day Against Drug Abuse and Illicit Trafficking pual hian Serchhip-a Excise & Narcotics Department te pawhin khawlai hmun hrang hrangah ruihhlo hmansulna laka inthiarfihlim a pawimawhzia thuziak an tar bawk a ni.
Convex Mirror tar tha leh
Serchhip khawpui chhunga kawng peng-thuam pawimawh pathum ah Serchhip Traffic Police ten Inrinni khan Convex Mirror an tar.
ASF vanga Vawk thi pung zel
Serchhip District-a Vawk hri leng, African Swine Fever (ASF) avanga Vawk thi chu 771 zet an tling tawh.
Fall Army Worm thunun tawh-ah in ngai
Mizoram hmun hrang hranga Vaimim eichhetu Pangang, Fall Army Worm (FAW) Pangang puang chu la reh fel chiahlo mahse thunun thawkhat a ni tawh.
Myanmar atangin raltlan an rawn luh belh zel
Kar kalta chhung khan Champhai District-ah Myanmar atanga raltlan 200 vel an lo luh belh leh a, lo lutte zingah hri kai hmuhchhuah an awm lo.
Kan mamawh hmasa thliar thiam turin duh
Congress Thalaite chuan Mizoram sawrkar chu COVID-19 avanga harsatna lian tak kan tawh laiin kan mamawh hmasa thliar thiam tura an duh thu an sawi.
Rualbanlo hri kai te enkawl dan tur ruahman
Mizoram sawrkar chuan Mizoram-a rualbanlo zingah COVID-19 hri kai an awm a nih chuan anmahni enkawl dan ruahmanna a siam.
COVID-19 thawh hnihna-a Lockdown chhungin Mizoram-ah hri kai 14,187 hmuh an ni tawh
Mizoram-ah COVID-19 Thawh hnihna avanga kumin April 20-a Lockdown kalpui leh a nih atangin Inrinni kalta, June 26, 2021 thleng khan Sample 196,889 enfiah ni tawhin COVID-19 hri kai 14,187 hmuhchhuah an ni tawh a. Tun thla hman mek hi hri hmuhchhuah tam ber thla a ni mek bawk a ni.
College Admission Fee ngaihtuah mek a ni
Higher & Technical Education (H&TE) Minister Dr. R. Lalthangliana chuan College Admission Fee chungchang ah ngaihtuahna sen mek a ni tih sawiin, Department dangte nen inrawn zau a ngaih vangin thutlukna siam a la nih loh thu a sawi bawk.
IMA-in hri kai enkawl te chhuahtir dan thlak duh mahse sawrkar in ala thlak duhlo
Indian Medical Association (IMA), Mizoram State Branch chuan COVID-19 hri laka dam tawh anga ngaih te enkawlna hmun atanga chhuah tir dan kalphung (discharge protocol) thlak tawh turin nawr mah se, Mizoram sawrkar in a chuan ala thlak duhlo tih an sawi.
COVID-19 hri kai 233 hmuh belh leh an ni
Niminpiah-a Mizoram-a Sample enfiah 3413 atangin COVID-19 hri kai 233 hmuh leh an ni a, Sample enfiah atanga za zela 6.56 te chuan hri an kai a ni.
Serchhip-a AR in Meth an man
Serchhip-a Battalion Hqrs. nei 8th Assam Rifles te chuan niminpiah khan Champhai District-a Chhungte khaw dai-ah Champhai-a Customs Preventive Force nen tangtlangin Methamphetamine mum 20,000 zet an man a, heng ruihhlo kaihhnawih ah hian mi 2 man ni bawkin cheng vbc. 1 hu vel nia chhut a ni.
Hmun 10-ah vaccine pe
Serchhip District chhunga khaw 10-ah nimin khan COVID-19 Vaccine pek hna kalpui leh a ni. Kum 18 leh 44 inkar te hnenah COVID-19 Vaccine pek hna kalpui mekah hian nimin khan Serchhip District chhunga hmun 10-ah hri danna hi pek leh a ni a, heng te hi Serchhip Main Centre leh New Serchhip YMA Hall bakah Khawlai-lung, Piler, Sialsir, Hmunzawl, Mualcheng, Leng, Kanghmun South leh North Vanlaiphai te a ni . Serchhip District chhunga COVID-19 Vaccine pek hna hi ngawrh taka chhunzawm chhoh zel tura ruahman a ni.
Hri kai la hmuh belh zel
Serchhip District-ah COVID-19 hri kai la hmuh belh ni zelin nimin thlenga hri kai hmuh chu 689 an tling tawh.
Vawk thi la pung chho zel
Serchhip District-ah Vawk thi ala awm belh zel a, nimin khan Vawk thi 84 zet chhinchhiah belh a awm leh.
Champhai-ah School kal theih dan tur rel
Nimin khan Champhai-ah District Bawrhsap hovin sawrkar sikul zirlai inziaklut awm zat leh Schooll kal theih dan tur chungchang sawiho a ni.
World Bank atanga Mizoram sawrkar sum puk tur atan inremna ziahfel a ni
Mizoram-a damlo inenkawlna hmanrua leh a kaihhnawih tihchangtlunna turin sawrkar laipui chuan World Bank atangin US Dollar Mtd. 32 loan a puk dawn.
Hri leng avanga inkhuahkhirhna kalpui mek chungchang Health Minister hovin thlirho a ni
Nimin khan Health Minister, Dr. R. Lalthangliana hovin sawrkar mi pawimawh hrang hrangte an thukhawm a, hri leng avanga inkhuahkhirhna hman mek chungchang bakah vaccine pek mek chungchang te leh Covid hri kai enkawl mek te chungchang bakah thil pawimawh hrang hrang sawiho a ni.
Mizoram-ah Hri kai thar 226 hmuhchhuah leh an ni
Mizoram-ah COVID-19 hri kai hmuhchhuah thar an la awm belh zel a, niminpiah khan Mizoram-ah Sample 3136 enfiah niin hri kai 226 hmuh an ni a, Sample enfiah atanga za zela 7.20 te chuan hri an kai a ni.
Azadi Ka Amrit Mahotsav hnuaiah hun hmang
Serchhip BDO Office buatsaihin nimin khan Serchhip-ah ‘Azadi Ka Amrit Mahotsav’ hmalakna hnuaiah hriselna kaihhnawih thil pawimawh inzirtirna hun hman a ni.
Hri danna pek mek zel a ni
Serchhip District chhunga kum 18-44 te tana COVID-19 hri danna (vaccine) pek hna chu chak taka thawh chhunzawm mek zel a ni a, nimin khan Serchhip khawpui chhunga Veng pali (4) te tan Serchhip Main Centre-ah Vaccine hi pek niin Vawiin lam pawh hian chhunzawm leh a ni anga, Vawiin hian Serchhip Main Centre bakah New Serchhip YMA Hall-ah pawh hri danna hi pek tura ruahman a ni.
NSS Plantation samfai
Govt. Serchhip College NSS Unit ten Ser-chhip leh Thenzawl inkara NSS Plantation an neih chu nimin khan NSS Volunteer ten samfai hnatlang neiin thingtiak an phun belh bawk a. He hunah hian NSS Volunteer mi 17 te chu Prog-ramme Officer, H. Lalchhanhima leh C. Lalram-liana te kaihhruaina hnuaiah thawkin tingtiak 20 an phun belh a ni. Serchhip leh Thenzawl inkar Thuhruk ram-a NSS Plantation hi nikum atanga siam kha niin thing thahnem tak an phun tawh a ni.
Hri kai mi 7 hmuh belh leh
Nimin khan Serchhip Darnam Veng-ah COVID-19 hri kai mi 7 hmuhchhuah belh leh an ni a, Serchhip District-a hri kai hmuhchhuah chu mi 683 an tling ta.
Hmalak dan thlirletna nei
MGNREGS hnuaia tuihna tipung tura kum 2019 atanga kalpui tawh, Jal Shakti Abhiyan - Catch the Rain Campaign Serchhip RD Block a kalpui dan thlirhona chu nimin khan Serchhip BDO, Vanlalhmachhuana hovin BNRGSK Hall, P&E Veng-ah neih a ni.
Electric leh Tui bill awl tur rih turin CM ngen
Hachhek bialtu MLA, Lalrindika Ralte chuan Total Lockdown avanga mipui tawrhna chhawk zangkhai nan Electric Bill leh Tui bill awltir rih tura ngenna nimin khan Chief Minister hnenah a thlen.
Vegetable Supply Chain kalpui turin sawrkar ngen
ZPM Legislature Party (ZLP) chuan sawrkar chu a rang thei ang bera Vegetable Supply Chain kalpui leh turin an ngen.
Mamit DC in Saikhawthlir BOP a hmunah a tlawh
Mamit District Bawrhsap, Dr. Lalrozama IAS leh SP, Vineet Kumar IPS te chuan nimin khan Saikhawthlir khua-a Border Out-Post (BOP) an tlawh.
Tokyo Olympic Games-a India aiawha Hockey-a tel tur Lalremsiami pualin hun hman a ni
Thla leh-a Summer Olympics Games neih tura India Hockey Squad-a tel tura thlan Lalremsiami lawmpuina leh chawimawina hun chu nimin khan Chief Minister, Zoramthanga hovin CM Conference Hall-ah neih a ni.
Tlawmngai pawl, Political Party leh Kohhran ten hri leng mek dona chungchang an sawiho
Mizoram-a tlawngai pawl hrang hrang, Political Party hrang hrang leh Kohhran hruaitute chu nimin khan thukhawmin hripui leng mek doletna kawnga hmalakho dan tur chungchang an sawiho a. BPL leh AAY chhungkua te Sawrkar Bill hrang hrangte Sawrkar-in ngaihnathiam an duh thu an sawi bawk.
Hri kai hmuh 676 an tling
Serchhip District-ah COVID-19 hri kai hmuh belh an la awm zel a, nimin thleng khan hri kai hmuhchhuah chu 676 an tling tawh.
Mizoram-ah COVID-19 hri kai 419 hmuh belh leh
Mizoram-ah ni khat-a COVID-19 hri kai hmuhchhuah zat ala tlahniam hlei thei lova, niminpiah-a Sample enfiah 3974 atangin hri kai mi 419 hmuh niin Sample enfiah atanga za zela 10.82 te chuan hri an kai a ni.
High Court-a PIL thehluh ngaihtuah leh a ni
Gauhati High Court Aizawl Bench-in Lunglei-a RT-PCR Laboratory bun theih rihloh chhan Mizoram sawrkar sawifiahna hnawlin, sawrkar chuan building awmsa chu khawl bunna turin a ruahman turah a ngai tih a sawi.
India aiawha Olympic Games-a tel tur Remsiami nuai 25 pe dawn
Tokyo Olympics Games neih tura India aiawha Hockey khel tura thlan, Lalremsiami chu Mizoram sawrkar chuan cheng nuai 25 a pe dawn.
Minister in Agriculture Research Farm a tlawh
Agriculture Minister, C Lalrinsanga chuan nimin khan Agriculture Research Farm, Neih-bawi, Sihphir chu a tlawh.
Bawrhsap in hri leng dona a hmalakna sawipui
Kolasib District Bawrhsap, Dr. H. Lalthlangliana chuan nimin khan thuthar thehdarhtute kawmin hrileng dona kawnga hmalakna hrang hranga mipuite hriat tur pawimawh te a sawipui.
Central Jail-a hri leng chungchang sawiho a ni
Tunhnaia Central Jail-a tang zinga COVID-19 hri kai hmuh belh an nih chungchang leh Jail tang te himna tur chungchang chu nimin khan Home Minister, Lalchamliana hovin sawiho a ni.
Result fello ah hma la nghal
Tunhnaia MBSE in Higher Secondary School Leaving Certificate (HSSLC) Exam result a tih-chhuaha Govt. Mizo Higher Secondary School zirlaite harsatna tawh chungchangah he School Principal mawhphurhna la mektu chu chawlhtir rih a ni.
Vaccine pek mek zel a ni
Serchhip District chhunga COVID-19 hri danna (vaccine) pek hna chu ngawrh taka kalpui chhunzawm zel a ni a, tunah hian kum 18 leh 44 inkar te hnenah vaccine pek hna hi thawh mek niin Vawiin pawh hian kum 18 chunglam te tan Serchhip Main Centre-ah Vaccine hi lak theih a ni leh dawn a, vaccine la la lo tan lak theih a ni ang. Online hmanga inziaklut thiam lo tan pawh a hmunah tih chawp theih niin mahni Aadhaar Card leh Mobile Phone nen kal theih a ni tih Health Department hotute chuan an sawi.
ASF vanga Vawk thi an awm zel avangin MLA Fund atangin Vawk phumna tur laih a ni
Serchhip District-ah African Swine Fever (ASF) hri leng avanga Vawk thi an la awm belh zel a, hei vang hian Bialtu MLA, Lalduhoma’n MLA Fund a ruahman atangin Vawk phumna tur nimin khan laih a ni.
Serchhip Sub-Hqrs. YMA in HSLC leh HSSLC Exam-a Top 10-a lang zirlaite an chawimawi
Serchhip Sub-Hqrs. YMA chuan HSLC leh HSSLC Exam result chhuakta a Mizoram puma Top 10-a lang phak an huamchhung ami te chawimawina hun nimin khan an buatsaih a. Hei hi YMA Kumpuan 'Zirna Uar' chungchanga hmalakna niin College zirlai Exam result chhuaka titha bik te pawh chawimawi leh tura ruahman a ni.
Ni khat-a hri kai hmuhchhuah zat la tlem theilo
Niminpiah khan Mizoram-ah Sample 4499 enfiah niin heng atang hian COVID-19 hri kai 374 hmuh leh an ni a, sample enfiah atanga za zela 8.31 te chuan hri an kai a ni.
Aizawl Zoological Park-a Sakei dahna tur enfiah
Nimin khan Environment, Forest & Climate Change Minister, TJ. Lalnuntluanga chuan Aizawl Zoological Park, Sakawrtuichhun tlawhin Sakei dahna tur hmunhma a enfiah.
Lok Sabha Speaker hova inbiakna ah Dy. Speaker tel
India rama Dan siamtu pawl (Legislative Body) hrang hrangte chuan nimin tlai khan Lok Sabha Speaker, Om Birla hovin inhmuh-khawmna an nei.
July thla-ah hri kai hmuhchhuah tlakhniam beisei
Mizoram chhunga COVID-19 hri kai hmuhchhuah zatin tam lam a pan mek laiin, July thla vel atang chuan tlakhniam lam a pan tawh beisei a ni tih IMA hruaitute chuan an sawi.
Indo-Myanmar ramri kai khaw hrang hranga inkhuahkhirhna leh a kaihhnawih sawiho a ni
Nimin khan Champhai District chhung Indo-Myanmar ramri kai khaw hrang hranga inkhuah-khirhna leh a kaihhnawih chungchang sawihona neih a ni.
Thenzawl-a hri kai dam vek
Tunhnaia Thenzawl khuaa COVID-19 hri kai hmuhchhuah te chu enkawl dam fel niin nimin khan mi 3 te chu anmahni enkawlna hmun atanga chhuahtir an ni.
MZP hruaitu ten SP an kawm
Mizo Zirlai Pawl (MZP) Hqrs. Serchhip te chuan nimin khan Serchhip SP, Stephen Lalrin-awma kawmin hnamdang ILP chungchang leh thil pawimawh dang te an sawipui.
ASF vangin Vawk 45 thi leh
Serchhip District-ah African Swine Fever (ASF) vanga Vawk thi 45 zet awm belh lehin chhan hriatloh a Vawk thi 11 a awm leh bawk.
‘Online Solo Competition’ lawmman hlanna nei
Mizo Zaimi Inzawmkhawm (MZI) Headquarters Serchhip chuan ‘Online Solo Competition’ an buatsaih a lawmman dawngtute hnenah nimin khan lawmman hlanna an nei.
Serchhip-a Veng hrang hrang te tan COVID-19 Vaccine lak hun siam a ni dawn
Serchhip District chhunga COVID-19 Vaccine pek hna kalpui mek chak zawka thawh a nih theih dan tur chu nimin khan Serchhip-ah District Bawrhsap hovin sawiho a ni a. Bawrhsap chuan COVID-19 laka kan inven theihna tha ber chu Vaccine a ni tih sawiin, vaccine la thei chin te chu Vaccine la theuh turin a sawm bawk.
Hri kai hmuhchhuah tam ber ni-ah 662 hmuh an ni
Pathianni khan Mizoram-ah Sample 1877 enfiah niin heng atang hian COVID-19 hri kai 662 hmuhchhuah niin ni khat-a Mizoram-a hri kai hmuhchhuah tam ber ni ala ni a, Sample enfiah atanga za zela 35.26 te chuan hri kaiin heng zingah hian TNT Camp-a hri kai hmuhchhuah 528 an tel a ni.
Myanmar atanga rawn raltlan an pung zel
Myanmar rama buaina thleng avangin tunhnaiah Mizoram chhunga raltlan rawn lut an pung zel.
Vaccine lak theih dawn
Kum 18 atanga 44 inkar, a nawlpui te tana COVID-19 vaccine pek hna kalpui mekah Vawiin, June 22, 2021 hian Serchhip Main Centre, CMO Office Building-ah vaccine pek leh a ni dawn a, he hunah hian kum 18 chunglam a duh apiang tan vaccine hi lak theih a ni dawn a, Online hmanga inziaklut lo tan pawh Aadhaar Card kengin hri danna hi lak theih a ni ang.
Addl. SP mawhphurhna inhlan
Serchhip District Addl. SP tura ruat, Vanlalnghenga chuan nimin khan Addl. SP kalchhuak tur, PC. Laltanpuia hnen atangin Addl. SP mawh-phurhna a la ta a, Addl. SP thar Vanlalnghenga hi 3rd Bn. MAP-a Deputy Commandant hna chelh thin a ni.
Hri kai mi 8 hmuh belh leh
Nimin khan Serchhip District-ah COVID-19 hri kai mi 8 zet hmuhchhuah belh leh an ni a, Serchhip District-ah hri kai enkawllai mi 24 an awm mek a ni.
International Yoga Day hmang
Nimin June 21 kha International Yoga Day a ni a, khawvel hmun hrang hrangah Yoga thatna leh pawimawh zia inzirtirna hun atan hman a ni.
Vawk thi 500 tling dawn hnai
Nimin khan Serchhip District-ah Vawk hri leng mek, African Swine Fever avangin Vawk thi 35 lai chhinchhiah thar a awm leh a, ASF vanga Vawk thi pawh 500 a tling dawn hnai tawh a ni.
Nasa lehzual-a chhawmdawlna hna thawk turin ngen
Aizawl South-I bialtu MLA,C. Lalsawivunga chuan chhuanchham a awm mai thei te tun aia nasa lehzual a chhawmdawl hna thawk turin sawrkar chu a ngen.
Packaged Drinking Water (ZoAqua) lalet turin ti
Directorate of Health Services-a Joint Director (Food & Drugs) chuan ZoAqua Packaged Drinking Water siamtu MZ Agencies chu December, 2020 hnu lama an thil siamchhuah te lalet leh vek turin a ti.
MPCC in lawmawm an tih thu an sawi
Mizoram Pradesh Congress Committee (MPCC) Media Department chuan sawrkar in COVID-19 hi Total Lockdown hmang ringawta do hneh chi a ni lo tih a hre ta chu lawmawm an ti hle tih an sawi.
Ramri chinfelna tura hma la tura ngenna thehlut
BJP Mizoram Pradesh chuan nimin June 21, 2021 khan ramri chinfelna tura hmala tur a ngenna lehkha chu Chief Minister Office-ah an thehlut.
Sawrkar in Assembly Session zawhna a chhan danah thil fello tam tak a awm - ZLP
ZPM Legislature Party (ZLP) chuan sawrkar in Assembly Session zawhna a chhan danah thil fello tam tak a awm nia sawiin, MNF Party chu sawrkar aiawha MLA leh mipuite hnena thupha chawi zawk tur an nih thu an sawi.
Health Minister hovin COVID-19 hri kaite enkawl dan chungchang sawihona neih a ni
Nimin khan Health Minister Dr. R. Lalthangliana hovin Mizoram-a COVID-19 hri kaite enkawl dan chungchang sawihona neih a ni a, he hunah hian Zoram Medical College (ZMC)-a Doctor te chuan nunna a tam thei ang ber chhanhim chu a pawimawh ber a nih thu an sawi.
Covid-19 Ex-Gratia Lump sum Compensation Scheme hnuaiah mi 25,740 ziaklut tawh
Mizoram Sawrkarin LLTF leh VLTF Member/Volunteer an duty naa Covid vanga nunna chante tana Ex-Gratia Lump sum Compensation Scheme a ruahman hnuaiah mi 25,740 inziaklut tawhin, he Scheme hnuaiah hian LLTF/VLTF Member/Volunteer, an duty-naa COVID-19 vanga thihna tawk te chu cheng nuai 20 pek theih an ni.
TNT Camp-ah COVID-19 hri kai 528 zet hmuh an ni
Nimin khan Thutak Nunpuitu Team (TNT) Camp, Muanna Veng Aizawl-a awm te Sample enfiah sak niin hri kai 528 zet hmuhchhuah an ni a, nimin kha Mizoram-a ni khat-a hri kai hmuhchhuah tam ber ni a ni.
Inrinni-a Sample enfiah ah hri kai tlahniam hret
Inrinni khan Mizoram-ah Sample 2779 enfiah niin heng atang hian COVID-19 hri kai mi 193 hmuhchhuah leh an ni a, Sample enfiah atanga za zela 6.94 te chuan hri kaiin hri kai hmuhchhuah a tlahniam hret a ni.
Tuilakna hnar-ah thing phun
Thenzawl Joint YMA leh Forest Department chuan Thenzawl tui lakna hnar, Sailam ram ah tuihna tipung turin Zirtawpni khan thingtiak 100 zet an phun a, he hunah hian hnatlang tura ruat mi tlemte in thingtiak hi an phun a ni. Thenzawl tui lakna hnar hi mimal ram a ni thin a, bialtu MLA hlui leh Chief Minister hlui, Lal Thanhawla te chhungkua khan Rs. 150,000/- in Vantlang tan an lo lei tawh nia thudawn a ni.
Assam Rifles ten HSSLC a zirlai tithate an lawmpui
Serchhip-a awm 8th Assam Rifles te chuan HSSLC Exam result tihchhuah taka Serchhip atanga Top 10-a lang zirlai pahnih te hnenah Inrinni khan chawimawina an hlan.
Hri kai leh dam awm belh lo
Inrinni leh nimin lamah Serchhip District-ah COVID-19 hri kai hmuhchhuah belh leh hri kai enkawl dam an awm belh lova, heti hian nimin thleng khan Serchhip District-a COVID-19 hri kai hmuhchhuah tawh chu 663 niin an zinga 644 te chu enkawl dam an ni tawh a. Tunah hian hri kai enkawllai 16 la awm mekin hri kai hmuh tawh zingah nunna chan mi 3 an awm tawh a ni.
Vawk thi la pung chho zel
Serchhip District chhung khaw 7-a Vawk hri, African Swine Fever (ASF) hri lenna hmuna Vawk thi chu 464 an tling tawh.
Inkaihhruaina thar tichhuak
COVID-19 hri leng avanga Total Lockdown kalpui mek chu Mizoram sawrkar in tun thla ni 30 thleng kalpui chhunzawm tura a tih angin Serchhip District-ah pawh kalpui chhunzawm a ni dawn a. Hemi atan hian Serchhip District-a hman tur inkaihhruaina pawh nimin khan tihchhuah niin inkaihhruaina hmanlai nen tih danglam lian lutuk a awm lova, Sawrkar hnathawk, COVID-19 Executive Duty atana ruat ni lo te chuan CAB tha taka zawm chungin Office an kai tawh ang.
ZPM Thalai in ICU siam belh vat turin ngen
Zoram People Movement (ZPM) Party Thalai chuan thuchhuah siamin Mizoram-ah ICU mamawhna a sang hle nia sawiin, siam belh vat turin thuneitute an ngen tih an tarlang a, ZMC atanga hlawh la Nurse te chu an thawhna tura ko let vat tura an phut thu an sawi bawk.
RT-PCR building tur sak hna PWD kutah dah a ni
Health Minister Dr. R. Lalthangliana chuan Civil Hospital Lunglei Compound-a Laboratory Building, RT-PCR khawl pawh bun theihna tur sa tura hmalak tan mek chu PWD kuta dah a nih thu sawiin, PWD chu contractor tur an nih thu leh tunah chuan pawisa hmanna tur a la awm loh thu a sawi bawk.
BJP in mipui bum tumna ah an ngai tih an sawi
BJP Mizoram Pradesh chuan RT-PCR khawl chu thil bun harsa tak nia an hriat loh thu sawiin, Lunglei-a RT-PCR khawl bunna tur sawrkar in a buaipui dan chu mipui bum tumna ah an ngaih thu an sawi bawk.
TNT Camp-ah COVID-19 hri kai tam tham tak hmuh an ni
TNT Camp-ah COVID-19 hri kai tam tham tak hmuh an niS Nimin khan Thutak Nunpuitu Team (TNT) Camp, Muanna Veng Aizawl-a awm te Sample enfiah sak niin nimin tlai dar 6:00 thleng khan COVID-19 hri kai mi 324 hmuhchhuah an ni tawh a, nizan khan TNT Camp-a awm zawng zawngte Sample hi enfiah sak vek tura ruahman a ni.
District Planning Committee siam tura ngen rel
Champhai-a Tlawmngai Pawl hrang hrang hruaitute thukhawm chuan Mizoram pum huapa hmasawnna rualkhai zawka a kal theihna turin District Planning Committee din turin Mizoram Sawrkar ah ngenna thlen nise an ti.
Mizoram-ah hri kai 300 chuang hmuh belh leh an ni
Niminpiah-a Mizoram-a Sample enfiah 4395 atangin COVID-19 hri kai mi 302 hmuh leh an ni a, Sample enfiah atanga za zela 6.87 te chuan hri kaiin Mizoram-a hri kai hmuhchhuah chu 16,437 an tling tawh a ni.
Frontline Worker Training neih tur PM in a hawng
Rampum-a COVID-19 Frontline Workers Training neih tur chu nimin khan Prime Minister Narendra Modi chuan hawngin Mizoram atang pawhin mi 160 training pek tum an ni.
Dedicated Covid Health Centre hawn thar a ni
Mizoram Rural Bank (MRB) Head Office sak zawh hlim, Aizawl ami chu COVID-19 hri kaite enkawlna tur hmun, Dedicated Covid Health Centre (DCHC) atan ruahman niin nimin khan Medical Operational Team on COVID-19 Chairman, Dr. ZR. Thiamsanga chuan a hawng.
Thu diklo a nih thu sawi
MNF Party chuan ZPM Legislature Party ten COVID-19 dona kawnga hmanraw pawimawh Thermal Camera leh Ambulance lei chungchang a thuchhuah an siam chu thu diklo niin an sawi.
Lockdown kalpui mekah vawilehkhata inthlahdul vek chu a la him tawk lovah ngai
Nimin-a Health Minister hova sawrkar mi pawimawh te thukhawm chuan Lockdown kalpui mek thlirin vawilehkhata inthlahdul vek chu a la him tawk lovah an ngai tih an sawi.
Vawk thi la awm belh zel
AH&Vety Department in nimin-a report a an tarlan danin nimin lamah Serchhip District-ah ASF vangin Vawk thi 19 a awm belh leh.
STP ten chawimawina hlan
Serchhip Thalai Pawl (STP) chuan Serchhip District-a COVID-19 hri leng dona kawnga hlawh nei lova thawk tura inpe hmasa ber, Jessica Lalremruati chu nimin khan chawimawina an hlan.
Hri kai mi 2 hmuh belh leh
Nimin khan Serchhip District-ah COVID-19 hri kai mi pahnih hmuh belh niin hri kai enkawl zingah dam an awm belh lo thung.
Naupang tui-ah tlahlum
Nimin chhun dar 1:00 vel khan Esther Lalrawngbawli (9), New Serchhip Venglai chu an kawmthlang-a tuikhuah-a chesualin tui-ah a tlahlum.
HSSLC result-ah Serchhip-a zirna In an titha
Mizoram Board of School Education (MBSE) in nimin-a Higher Secondary School Leaving Certificate (HSSLC) result a tihchhuah ah Serchhip Town chhunga zrina In te an titha thawkhat viau niin a lang.
HSSLC Exam result tihchhuah niin kumin ah zirlai 87.80% in an pass
Mizoram Board of School Education (MBSE) chuan kumin a pawl 12, Higher Secondary School Leaving Certificate (HSSLC) Exam result chu nimin khan tichhuakin zirlai Exam zawng zawng 11,491 atangin 10,089 in an pass a, zirlai za zela 87.80 in pass in kum hmasa lam aiin result a tha zawk a ni.
Hri leng dona a thawk tura inpe 16 la awm; A thawk rei ber kum khat chhung a thawk tawh
Serchhip District-ah COVID-19 hri leng avanga hlawh nei lova hri leng dona kawnga thawk tura inpe mi 16 an la awm mek a, Serchhip District-a hri leng dona-a hlawh nei lova thawk tura inpe hmasa ber chu kum khat chhung hri leng dona kawngah hian a thawk tawh a ni.
Kai thar 3, Enkawl dam 5
Niminpiah-a Sample enfiah atangin Serchhip District-ah hri kai mi 3 hmuh an ni a, nimin khan hri kai mi 5 te enkawl dam an ni bawk.
Mizoram-ah hri kai 236 hmuhchhuah leh an ni
Mizoram-ah COVID-19 hri kai enkawl dam pung ve zel mah se hri kai hmuhchhuah erawh ala tlahniam thei meuh lova. Niminpiah khan Sample 3021 enfiah niin hri kai mi 236 zet hmuhchhuah leh an ni.
HSSLC result chhuak dawn
Kumin-a pawl 12 (HSSLC) Exam result chu Vawiin chhun dar 12:00 hian tihchhuah a ni dawn ta a, www.mbse.edu.in-ah en theih a ni ang. Serchhip District a\anga WhatsApp kal-tlanga result zawt duh tan Ph. No. 9862372293; 9612191614; 8974830368 leh 9774513045 ah zawh theih niin Phone Call hmangin 03892390993 leh 03892390992-ah zawh theih a ni bawk.
Lunglei HPC hmalakna in Panhnah ching dawn
Lunglei High Power Committee (HPC) Pilot Project, ‘Low Cost polyhouse Betelvine Cultivation’ hnuaia Panhnah ching tura thlante hnenah nimin khan Panhnah phun tur leh hnathawhna tur sum semchhuah a ni.
Mizoram-ah Cancer damdawi man tlawm chahchhuak
Cancer enkawlna damdawi man tlawm chu Mizoram-ah lei theih tura chhawpchhuah a ni ta a, he rate mil hian Medical Reimbursement Bill pawh siam a ni tawh dawn a ni.
MHPS in MJA, MZP leh MSU te tanpuina an hlan
Mizoram Hindi Prachar Sabha (MHPS) chuan Mizoram Journalist Association (MJA), Mizo Zirlai Pawl (MZP) leh Mizo Students Union (MSU) Headquarter te hnenah nimin khan tanpuina pawisafai an hlan.
Laboratory building sa tan turin ruahmanna siam
Health Minister Dr. R. Lalthangliana chuan Lunglei Civil Hospital compound-ah Laboratory building changtlung tak, RT-PCR khawl pawh dah tel theihna tur sak hna thawk turin hmalak tan a nih thu a sawi.
SWD Minister in naupai leh naupawm ten semchhuak
Social Welfare Minister, Dr. K. Beichhua chuan nimin khan a Office atangin 'Naupai tana Chawtha leh Hrisel' tih lehkhabu, Mask leh Infant Stimulation Chart te a semchhuak.
ZLP in pawi tih thu sawi
ZPM Legislature Party chuan (ZLP) chuan sawrkarin hripui leng karah bungrua leina lama uchuak taka mimal hlawkna tur a buaipui tel anga a lang thin chu pawi an tih thu an sawi.
Vaccine pek chhunzawm a ni
Nimin khan Serchhip District-ah COVID-19 hri danna pek chhunzawm leh a ni a, nimin bikah khan Serchhip District chhunga khaw 12-ah hri danna hi pek niin kum 18 leh 44 inkar mi 1473 te hnenah Vaccine Dose 1-na pek a ni a, Serchhip District-ah hian kum 18-44 mi 5829 te hnenah Vaccine Dose 1-na hi pek a ni tawh a, Vawiin lam hian chhunzawm leh tur a ni ang.
CSR Fund atanga hri leng dona bungraw dawn Health Department hotute kutah hlan a ni
Serchhip District Bawrhsap, Kumar Abhishek-a hmalakna a Serchhip District in COVID-19 hri leng dona kawnga hmanrua leh bungrua Delhi-a inbun Company pathum te Corporate Social Responsibility (CSR) Fund atanga a dawn te chu nimin khan Serchhip District-a Health Department hotute kutah hlan a ni.
ASF vangin Vawk 395 thi tawh
Serchhip District-a African Swine Fever (ASF) hri lenna hmunah Vawk thi 15 zet awm belh lehin ASF vangin Serchhip District-ah Vawk 395 zet a thi tawh.
Ni khat-ah hri kai 268 zet hmuhchhuah leh an ni
Niminpiah khan Mizoram-ah Sample 2443 enfiah leh niin heng atang hian COVID-19 hri kai 268 hmuhchhuah leh an ni a, Sample en atanga za zela 10.97 te chuan hri an kai a ni.
RT-PCR chungchanga PIL ngaihtuah tan a ni
Lunglei Civil Hospital-a RT-PCR khawl bun a nih theihna tura Gauhati High Court, Aizawl Bench-a PIL lut chu nimin khan ngaihtuah tan a ni.
Hri leng karah chhuanchham an awm lohna turin sawrkar in theihtawp a chhuah zel dawn
Rural Development Minister, Lalruatkima chuan hri leng karah chhuanchham kan awm lohna turin sawrkar in theihtawp a chhuah zel dawn tih sawiin, ni 100 inhlawhna tur sum hmuh belh a nih thu a sawi a. Kumin hian ‘Jal Shakti Abhiyan - Catch the Rain Campaign’ chu nasa lehzuala kalpui a nih thu a sawi bawk.
Thenzawl SDO (C) in tlawh
Thenzawl SDO (Civil), Amol Srivastava IAS chuan ‘Mipui hnenah kal rawh’ tih hmalakna hnuaiah nimin khan Buangpui, Neihloh, Kanghmun South leh Zote South khua te tlawhin COVID-19 hri leng avanga inkhuahkhirhna kalpui mek avanga mi harsa te hnenah Chief Minister Relief Fund atangin tanpuina leh chhawmdawlna te a sem a. Heng khua ah te hian Sub-Centre te pawh tlawhin khawtlang hruaitute nen inkawmna an nei nghal bawk a ni.
June 18-ah HSSLC result
Mizoram Board of School Education (MBSE) chuan kumin-a pawl 12, Higher Secondary School Leaving Certificate (HSSLC) Exam result chu naktuk, June 18, 2021 chhun dar 12:00 hian a tichhuak dawn a, result en duh tan MBSE website www.mbse.edu.in-ah en theih a ni anga, hri leng avangin MBSE Office-ah erawh tarchhuah a ni lo ang. Heng bakah hian phone hmanga result zawh theihna tur number ruahman a ni bawk.
Serchhip District-ah ASF vangin Vawk 380 a thi tawh
Serchhip District-a African Swine Fever (ASF) hri lenna hmuna Vawk thi chu 380 zet a tling tawh.
Private Hospital-ah vaccine
Non-Government Hospital Association of Mizoram (NGHAM) chuan mipui ten COVID-19 Vaccine (Covishield) rang zawk a an lak theihna tura hma la in COVID-19 Vaccine dose 12,000 a chah thleng a, Vawiin atang hian Vaccine hi an pechhuak tan dawn a ni. NGHAM in Vaccine an pekna tur hi Hospital 12 ruahman niin Serchhip-a Mercy Hospital-ah pawh vaccine hi lak theih a ni dawn a, vaccine la duh tan Ph. No. 7630974750-ah appointment siam theih a ni ang. Vaccine hi Serum Institute of India (SII) atangin Private Sector quota in lak a ni a, Vaccine dose 1 hi Rs. 630/- a lak niin, Govt. of India Guideline angin Service Charge Rs. 150/- nen Rs. 780/- in lak theih anih tur thu thuchhuah siamin an tarlang a ni.
Vawiin ah Dose 2-na pe dawn
Kum 18 leh 44 inkar te hnena COVID-19 Vaccine pek hna thawh mek chu tihtawp lailawk rih niin Vawiin atangin Vaccine Dose 2-na pek chhunzawm a ni ang.
Hri kai 97.11% dam tawh
Serchhip District-ah COVID-19 hri kai hmuh-chhuah mi 658 atangin mi 639 enkawl dam an ni tawh a, hri kai hmuhchhuah atanga za zela 97.11 te chu enkawl dam an ni tawh.
Serchhip Sub-Hqrs. YMA in hnathawh thalo siamtha leh turin Company hotute an ngen
National Highway-54 Chhiahtlang leh Chhingchhip inkar-a laihzauh leh siamthat hna thawh mek chu nimin khan Serchhip Sub-Hqrs. YMA Vigilance & Monitoring Committee chuan tlawhin hnathawh tha tawklo nia an hriat te chu siamtha leh turin an ngen.
Signal tha pek dan tur sawiho
Mizoram chhunga Mobile phone Service Provider BSNL, Airtel leh JIO hotute chu nimin khan MZP General Hqrs. hruaitute nen Aizawl a MZP Pisa Pui-ah thukhawmin tun aia Mizoram hmun hrang hranga Mobile Tower tam zâwk bun leh signal tha zâwk pechhuak thei tura hmalak dan tur an sawiho.
ZPM in mipui Sawrkar a hlawhchham tih an puang
ZPM Party chuan Mizoram sawrkar chu hripui laka mipuite chhan hna thawh kawngah a hlawhchham tih an sawi.
In lama hri kai enkawl vilna tur Apps thar tlangzarh
COVID-19 hri kai zinga mahni In lama inenkawl (Home Isolation) online hmanga vilna tur ‘Nishtha Teletrack’ application chu nimin khan Health Minister, Dr. R. Lalthangliana chuan a tlangzarh.
Hri kai thar 268 leh enkawl dam 194 an awm
Niminpiah khan Mizoram-ah Sample 4248 enfiah leh niin heng atang hian COVID-19 hri kai 268 hmuhchhuah belh leh an ni a, Mizoram-a hri kai hmuhchhuah chu 15,631 an tling tawh a ni.
Sawrkar in ration buhfai sem chungchang sawifiah
Mizoram sawrkar chuan thuchhuah siamin mipuite hnena Ration buhfai sem chungchang chu a sawifiah.
Lawngtlai-ah ‘Green MJA Day’ hmangin thing phun
Mizoram Journalists' Association (MJA) Lawngtlai District in kumtin-a an lo hman tawh thin angin nimin khan Green MJA Day an hmang a, Lawngtlai District Bawrhsap chenna (bungalow) chhehvel ah thingtiak thahnem tak an phun a ni.
Chief Minister in Central YMA hruaitute a kawm
Chief Minister Zoramthanga chuan nimin khan Central YMA hruaitute kawmin Myanmar ram atanga raltlante chhawmdawlna pek chungchang leh thu pawimawh dang an thlen te a sawipui.
Ramdaidep hmuhchhuah thar ah Mizo lal hming chawi
India hmarchhak state pahnih atangin Ram-daidep (Cyrtodactylus) Species thar pahnih ve ve hmuhchhuah a ni a, species thar pakhat hming chu Mizo lal hmingthang Bengkhuaia hming chawia phuah a ni.
Hnahthial leh a chhehvel-a NH. 54 siam mekah hmanraw tha tawklo an hmang niin hria
Hnahthial leh a chhehvel a kawngpui (NH. 54) siam hnathawh kalpui mekah ABCI Infrastructure Pvt. Ltd. ten Retaining Wall siamna atana hmanrua an hman te chu a tha tawklo nia an hriat a ni.
Online Solo Competition nei
Mizo Zaimi Inzawmkhawm (MZI) Hqrs. Serchhip in ‘Online Solo Competition’ an buat-saih result chu nimin khan puangin K. Malsawmkimi, Chhingchhip chu pakhatna a ni a, lawmman ah Rs. 4000/- leh Citation a dawng a, Lalruatpuii, E. Lungdar chu pahnihna niin Rs. 2000/- leh Citation a dawng bawk. He inelna hi Serchhip District huap-a neih niin Sound Track tello, Live Music hmanga inzaisiakna niin mi 26 an tel a, he intihsiakna a tel te hian an zai chu Phone hmanga thawnkhawmin heta tang hian a tha zual mi 5 thlan hmasak an ni a, heng atang hian lawmman dawng tur hi thlanchhuah leh an ni ta a ni.
Mi 1001 te hri danna pe leh
Serchhip District-a kum 18 leh 44 inkar, a nawlpui te hnena COVID-19 Vaccine pek hna chu nimin khan kalpui chhunzawm leh a ni a, nimin bikah khan mi 1001 te hnenah hri danna hi pek leh a ni. Tarlan tawh angin hri danna pek hi kalpui chhunzawm zel tur la niin tunkar Zirtawpni thleng khian Serchhip Main Centre-ah hri danna hi lak theih a ni dawn a ni.
Inthlanna a Duty hri kai boral ralna hlan a ni
Bihar inthlan-a Mizoram atanga IR Police duty zinga tel leh nikum Nov. 23-a COVID-19 vanga boral R. Hrangthanga, Thenzawl chu Bihar Election Department chuan zangnadawmna cheng nuai 30 a pe.
Vawk thi la awm belh zel
AH&Vety Department in nimin lama report an siam atanga a lan danin Serchhip District-a ASF hri lenna hmunah nimin khan Vawk thi 12 a awm belh leh a, heng te hi New Serchhip-ah 6, East Lungdar-ah 3, Chhiahtlang-ah 2 leh Serchhip P&E Veng-ah pakhat te an ni a, heti hian Serchhip District-a ASF vanga Vawk thi chu 363 zet ni tawhin ASF hri lenna hmuna puan thar, Serchhip P&E Veng-ah hian Vawk 88 zet a thi tawh bawk a, New Serchhip-ah hian Vawk 176 a thi tawh bawk a ni. Nimin-a report atanga a lan danin chhan hriatloh-a Vawk thi pawh Serchhip-ah 6 awm lehin Zote South-ah Vawk thi pakhat a awm leh bawk a ni.
Hri kai enkawllai 18 awm
Serchhip District-a Sample enfiah atangin niminpiah khan COVID-19 hri kai mi 3 hmuh an ni a, nimin khan mi 2 enkawl dam niin Serchhip District-ah hri kai enkawllai mi 18 an awm mek a ni.
Pathianni-ah COVID-19 hri kai 98 hmuh a ni
Niminpiah Pathianni khan Mizoram-ah Sample 951 enfiah niin heng atang hian COVID-19 hri kai mi 98 hmuhchhuah leh an ni a, Sample enfiah atanga za zela 10.30 te chuan hri an kai a ni.
Pu Ziona vui hun tur sawi theih ala ni lo
Lalpa Kohhran thar, Chhuanthar Tlangnuam chuan Pu Ziona vui hun tur chu sawi theih ala nih loh thu an sawi.
CHL tan Truelab Quattro Khawl pahnih lei belh
Lunglei Civil Hospital TrueNat Laboratory-a hman tur Molbio Truelab Quattro khawl pahnih leh a kaihhnawih khawl dang te chu nimin khan Lunglei thlenpui a ni.
Vawiin YMA Day vawi 86-na
Vawiin June 15, 2021 hi YMA Day vawi 86-na a ni a, YMA Day hi COVID-19 hri leng avanga nikum lama hman mumal theih a nih loh hnuah kumin pawh hian hri leng avangin kum-danga hman thin angin hman theih ala ni dawn lo a ni. Kumin a YMA Day-ah hian hri leng avanga punkhawm neih a remchan loh avangin YMA Branch tam tak chuan he ni hi midangte tanpuina hun atan an hmang dawn hlawm a, hei baka hian mipui pungkhawm lo zawnga hnathawh tur siama hnatlang neih tum te pawh an awm bakah zirlai titha chawimawina hlan tum te pawh an awm bawk a ni.
Vawk khuahkhirh zel a ni
Vawk natna hri, African Swine Fever leng mek avangin Serchhip District Magistrate chuan khapna thupek a tichhuak.
COVID-19 Vaccine pe leh
Ruahmanna lo siam lawk tawh angin nimin atang khan Serchhip-a Main Centre-ah kum 18 leh 44 inkar te chu COVID-19 Vaccine pek leh tan an ni a, nimin khan mi 499 te hnenah Vaccine Dose 1-na pek niin Frontline Workers te pawh Vaccine hi pek an ni bawk. Tarlan tawh angin Vaccine pek hna hi tunkar Zirtawpni thleng khian Main Centre-ah hian kalpui a ni dawn a, vaccine la turte hi a hma zan-ah Online hmanga inziahluh hmasak zel a ngai dawn a, zantin dar 9:00-ah inziahluhna hi hawn thin a tur niin Naupai leh Naute hnute pe lai tan pawh vaccine hi a lak theih a ni bawk.
Vawk thi la awm belh zel
Serchhip District-a ASF hri lenna hmunah Vawk thi 13 chhinchhiah belh leh niin Serchhip District-a ASF vanga Vawk thi chu 263 zet a tling tawh.
Serchhip Dist. ah hri kai enkawllai mi 17 la awm
Serchhip District-a COVID-19 hri kai hmuhchhuah te chu enkawl dam mek zel niin tunah hian hri kai enkawllai mi 17 an la awm mek.
World Blood Donor Day-ah Assam Rifles leh TKP ten Serchhip Blood Bank-ah thisen an pe
Nimin June 14, 2021 khan khawvel pumah thisen petute ni, World Blood Donor Day hman a ni a, he ni pual hian Serchhip-a awm 8th Assam Rifles te chuan Serchhip Blood Bank-ah thisen an pe.
Inkharkhipna kalpui leh chhunga Serchhip-a Dawr inhawn theih dan tur ruahman a ni
COVID-19 hri leng avanga Total Lockdown kalpui mek chu tun thla ni 21 zing dar 4:00 thleng kalpui zui tura tih a nih hnuah Serchhip khawpui chhunga inkaihhruaina tur chu nimin khan District Bawrhsap hovin sawiho a ni a, Dawr thenkhat chu hun tam zawk inhawng thei turin ruahmanna siam a ni.
Mizoram-ah hri kai hmuhchhuah belh zel an ni
Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.
MIS-C ni thei-a lang Mizoram-ah hmuh a ni
Synod Hospital, Durtlang-a naupang damlo enkawl pakhat chu natna chi khat, a bik takin naupang COVID-19 lo vei tawh a awm ve thin Multisystemic Inflammatory Syndrome in Children (MIS-C) case ni thei a ngaih a ni.
GST Council Meeting in Tax rate tihhniam sawiho
COVID-19 dona leh damlote enkawlna tur damdawi leh hman-rua atana GST lak chungchang sawihoin Inrinni khan Union Finance & Corporate Affairs Minister, Nirmala Sitharaman-i kaihhruai GST Council Meeting Vawi 44-na neih a ni.
Thinghlun bula IR awmna tur thuamthat tum a ni
Thinghlun ramchhung a John Zolawma Thlam hal chhiatna hmun bul, ramri dep a BSF te inkulhna chu thuamthat mek niin, Mizoram 4th IR te in kulhna erawh thuamthat a la ni lova, thuamthatna tur sum erawh ruahman fel a ni tawh.
Mamit District Bawrhsap in Chuhvel ram a tlawh
Mamit District Bawrhsap, Dr. Lalrozama chuan tunhnaia Chuhvel ramchhunga thil thleng chungchangah Inrinni khan Chuhvel ram a tlawh.
Thuampui-a Vanduaina thlen dan chhuichian a ni dawn
Zirtawpni zan khan Aizawl Thuampui Veng-ah lungrem chim in In pakhat hnawlin mi 4 in nunna an chan a, he chhiatna thlen dan chhui chiang tur hian Inquiry Committee din a nih tur thu DM&R Minister, Lalchamliana chuan a sawi.
Central Jail-a tang zingah hri kai 96 awm tawh
Tunhnaia hri kai hmuhchhuahna, Central Jail, Aizawl-ah hri kai mi 96 hmuhchhuah an ni tawh a, mi engemaw zat khunghran an la ni bawk.
ASF vanga Vawk thi tam zel
Serchhip District-a khaw 6-ah African Swine Fever (ASF) avanga Vawk thi chu 250 a tling tawh.
Vaccine lak theih leh dawn
Mizoram-a kum 18 leh 44 inkarte hnena COVID-19 vaccine pek hna kalpui mek chu Vawiin, June 14 atanga June 18, 2021 thleng khian Serchhip CMO Office Building-a Main Centre-ah kalpui chhunzawm leh a ni dawn a, Vaccine pek dan kalpui mek angin Vaccine la duh tan Self Registration tih a, Vaccine lakna tura inziahluh hmasak leh tur a ni dawn a. In register hun hi vaccine lak dawn ni hma zan zelah zan dar 9:00-ah hawn leh thin a ni ang.
Zan lam pawn chhuah khap
Mizoram sawrkar in thuchhuah a lo siam tawh ang leh Serchhip District mipuite COVID-19 hrilêng laka kan him theihna turin Serchhip District Magistrate, Kumar Abhishek chuan Section 144 of Cr.PC 1973 tlawhchhanin zan lama pawn chhuah khapna thupek a tichhuak a. Hemi ang hian District Hqrs. chhungah zan dar 7:00 atanga zing dar 4:00 thleng pawn chhuah khap tlat a ni. He khapna thupek hian District Magistrate leh Police Duty te, DLTF Member leh VLTF Duty te, damdawi In-a thawk leh Force mi te, PHE, PWD, P&E, Fire and Emergency Services leh Excise & Narcotics Department leh Jail-a thawk, duty neite leh Essential commodity phur bakah phalna pek bik te a huam lovang.
95.57% enkawl dam tawh
Serchhip District-ah COVID-19 hri kai mi 655 hmuhchhuah ni tawhin hri kai hmuhchhuah atanga za zela 95.57 enkawl dam an ni tawh.
Sawrkar in thuneihna a pek piah lamah Dan leh thupek siamchawp tur a ni lo tih sawi
Serchhip District Bawrhsap chuan Guwahati High Court Aizawl Bench in Judgement & Order a siam angin mi tumahin sawrkar in thuneihna a pek ang piah lamah dan leh thupek an siamchawp tur a ni lo tih a sawi.
Serchhip District-ah June 21, 2021 thleng Total Lockdown kalpui leh a ni dawn
Mizoram-a COVID-19 hri leng avanga Total Lockdown kalpui mek chu kalpui chhunzawm tura tih a nih angin Serchhip District-ah pawh tun thla ni 21 zing dar 4:00 thleng atan kalpui leh a ni dawn a, hemi atana inkaihhruaina tur pawh nimin khan tihchhuah nghal a ni.
Serchhip District-ah COVID-19 Vaccine pe leh dawn
Tunkar lo awm tur, June 14-18, 2021 chhung hian kum 18 leh 44 inkar tan Serchhip Main Centre, CMO Office Building-ah COVID-19 vaccine lak leh theih a ni dawn a, a hmaa kalphung ang bawkin Vaccine la tur hian Self Registration tih a, Vaccine lakna tura inziahluh hmasak leh tur a ni ang. In register hun hi vaccine lak dawn ni hma zan dar 9:00-ah zel hawn thin a ni ang. Inziahluhna tur : http://selfregistration.cowin.gov.in
Ni khat-a hri kai hmuhchhuah tlhniam hret
Niminpiah khan Mizoram-ah Sample 3581 enfiah niin heng te atang hian COVID-19 hri kai 210 hmuhchhuah an ni a, Sample enfiah atanga za zela 5.86 te chuan hri kaiin Sample enfiah atanga hri kai hmuh hi nidang aiin a tlahniam nasa hle a ni.
High Court-ah PIL thehlut
RT-PCR for Chhimbial chuan Lunglei Civil Hospital-a RT-PCR khawl bun thuai a nih theihna tura inrawlh tura ngenna, Public Interest Litigation (PIL) chu Gauhati High Court Aizawl Bench-ah an thehlut a, Court hian karleh Thawhtanni khian a ngaihtuah nghal ang.
Hand Santizer hman turah fimkhur turin chah
Controlling & Licensing Authority, Directorate of Health Services chuan Hand Sanitizer hi a chi hrang a tam hle tih sawiin, tunlaia hri leng (COVID-19) laka inven nan erawh a hman tlak vek lo tih hriat tur a ni tih an sawi.
Inkharkhipna kalpui mek chungchang sawihona nei
Mizoram-a COVID-19 hri leng avanga inkhuahkhirhna kalpui mek chu nimin khan Health Minister hovin thlirho a ni a, Lockdown la kalpui mek chu a tawp hunah inthlahdul nghal tha an tihloh thu sawiin, kalphung tur erawh chu State Disaster Management Authority (SDMA) hnuaia State Executive Committee kutah dah a ni.
Vanchengte in thing phun
Kumin chhunga Serchhip District chhunga kangmei veng tha ber lawmman dawngtu, Van-chengte khua chuan nimin khan Green Mizoram Day pualin Environment, Forest and Climate Change Department te nen tangkawpin thingtiak phun beihpui an thlak a. Vanchengte atanga thudawn danin khawchhung leh a velah Thing lian chi leh par chi thahnem tak hi phunin, Intin atanga pakhat chhuakin an hnatlang a, a hungna tha tak a siam nghal vek a ni bawk a. Vanchengte khua mawina tur leh ngaw tha tak an neih theih nan leh tuihna tha an neih zel theihna turin ruahmanna mumal tak siamin heng thingtiak te hi phun a nih thu an sawi bawk.
Lawmthu sawina thawn
Serchhip Thalai Pawl te chuan nimin khan Health Minister, Dr. R. Lalthangliana hnenah lehkha thawnin Serchhip-a Doctor sawn chungchanga a hmalakna ah lawmthu an hrilh.
Ramkang-ah thingtiak phun
Kumin Thal lai-a ramkang in a tihchhiat Ser-chhip Chanmari Veng-a Chan Kahna ram-ah nimin khan thingtiak phun beihpui thlak a ni.
Vawk thi la awm belh zel
Serchhip District chhunga African Swine Fever lenna hmunah nimin chawhnu dar 1:00 thleng khan Vawk thi 9 awm bel lehin an vai hian New Serchhip huamchhung ami te vek an ni a, Serchhip District-ah ASF vangin Vawk 228 thi tawhin heng zinga 150 te chu New Serchhip ami an ni. Serchhip-ah pawh nimin khan chhan hriat-loh-a Vawk thi 7 awm lehin Serchhip-a chhan hriatloh a Vawk thi chu 102 a tling tawh bawk a ni.
Assam Rifles in thilpek hlan
Serchhip-a hmunpui nei 8th Assam Rifles te chuan COVID-19 hri leng avanga inkhar-khipna hun rei tak kalpui anih tak avangin an huamchhunga Ex-Serviceman boral tawh chhungte hnenah nimin khan tanpuina an hlan a. He hunah hian Battalion Subedar Major in thilpek te hi hlanin, inkharkhipna kalpui a nih chhunga an harsatna tawhte a sawipui bawk a, harsatna an nei anih chuan engtiklai pawha tanpui an inhuam thu a hrilh a ni. An thilpek zingah hian ei leh in tur bakah nitin mamawh chi hrang hrang a tel a ni.
Hri kai enkawl dam pung zel
Serchhip District-a COVID-19 hri kai enkawl mi 5 te chu nimin khan anmahni enkawlna hmun atanga chhuahtir leh niin Serchhip District-ah hri kai enkawllai mi 31 an la awm mek.
Kangmei venna kawnga hma la tha lawmman pahnihna Serchhip District in a dawng
Information & Public Relation Minister, Lalruatkima hovin nimin khan Mizoram College of Nursing (MCON), Falkawn-ah ‘Green Mizoram Day, 2021’ pualin hun hman a ni a, he hunah hian kangmei venna kawnga hma la tha District te hnenah lawmman hlan niin, Serchhip District chuan lawmman pahnihna a dawng a ni.
Green Mizoram Day pualin Serchhip District-ah Thingtiak phun beihpui thlak leh a ni
Mizoram ti hring tura thingphun beihpui thlakna ni, Green Mizoram Day-2021 chu nimin khan Mizoram pumah hman leh niin Serchhip District-ah pawh he ni pual hian Thenzawl-a Golf Course & Resort-ah hun hman a ni a, he hun hi Tourism Secretary, K. Lalrinzuali chuan hmanpuiin Golf Course ram-ah hian thingtiak phun nghal a ni bawk.
Vawk thi la awm belh zel
Serchhip District-a Vawk hri, African Swine Fever lenna hmuna Vawk thi chu 219 a tling ta a, nimin chawhnu dar 1:00 atanga chhiarlet-a darkar 24 chhungin New Serchhip-ah Vawk thi 6 awm lehin Chhiahtlang-ah Vawk 3 leh Thenzawl leh East Lungdar-ah Vawk pakhat ve ve a thi leh a, heti hian ASF vangin New Ser-chhip-ah hian Vawk 141 zet a thi tawh a ni. Serchhip District-a ASF hri lenna bakah pawh chhan hriatloh a Vawk thi hi an la awm belh zel a, nimin ah Serchhip-ah hian chhan hriatloh-a Vawk thi 20 leh Bungtlang-ah pahnih chhinchhiah niin chhan hriatloh-a Vawk thi hi Serchhip District-ah 110 zet a awm ta bawk a ni.
ZPM ten thilpek an hlan
ZPM General Hqrs. chuan nimin khan Ser-chhip bial chhunga khaw hrang hranga VLTF te hnenah hri leng dona kawnga a tul apianga hman turin tanpuina pawisafai an hlan.
Tui chungchang CM-ah thlen
Serchhip khawtlang hruaitute leh tlawmngai pawl bakah rorellai Party te chuan Chief Minister Zoramthanga hnenah lehkha thawnin Serchhip mipui ten Tui lama harsatna kan tawh mek sutkian a nih theihna tura hma lak sak turin an ngen.
Doctor sawn tur insawn rihlo tura tih niin SDNCC leh STP ten lawmthu an sawi
Serchhip District Hospital atanga Dr. Lalnunhlima Khiangte sawnna tura Order lo siam tawh chu la ngaihtuah nawn leh tura tih niin amah pawh Serchhip-a awm zui rih tura tih a ni.
Hri kai hmuhchhuah tam ber ni a thleng leh ta
Mizoram-ah nikhat-a COVID-19 hri kai hmuhchhuah tam ber ni thleng lehin niminpiah khan Sample 3337 enfiah atangin COVID-19 hri kai 346 hmuh leh an ni a, Sample enfiah atanga za zela 10.39 te chuan hri an kai a ni.
Lockdown avanga eizawnna khaihlak te chhawmdawlna tur siam vat a tul - Lalduhoma
Zoram Peoples’ Movement (ZPM) Leader, Lalduhoma chuan Chief Minister chu hri leng avangin Special Assembly Session nei turin a ngen nawn leh tih sawiin, Lockdown avanga eizawnna khaihlak te chhawmdawlna tur ‘Special Economic Package’ siam vat a tul thu a sawi bawk.
Mizoram-ah hri kai 203 hmuhchhuah leh an ni
Niminpiah khan Mizoram-ah Sample 3214 enfiah niin heng te atang hian COVID-19 hri kai mi 203 hmuhchhuah an ni a, Mizoram-a hri kai hmuhchhuah zawng zawng chu 14,196 an tling tawh a ni.
Hri kai leh dam thar awmlo
Nimin khan Serchhip District-a Rapid Antigen Test hmanga Sample enfiah atangin COVID-19 hri kai hmuhchhuah thar an awmlo a, TrueNat Laboratory-a Sample enfiah result erawh hriat hman a ni lova, nimin khan Serchhip District-ah hri kai enkawl dam an awm belh lo bawk. Heti hian nimin thleng khan Serchhip District-a COVID-19 hri kai hmuhchhuah tawh chu 653 an la ni a, heng zinga 614 te chu enkawl dam ni tawhin tunah hian hri kai enkawllai 36 an la awm mek a, hri kai zingah nunna chan mi 3 an awm tawh a ni.
Serchhip Dist. ah ASF vangin Vawk 200 chuang a thi tawh
Serchhip District-a Vawk hri, ASF hri lenna hmunah Vawk thi 11 awm belh lehin chhan hriat loh a Vawk thi 4 a awm leh bawk.
Dinthar VLTF te che chhuak
Serchhip Dinthar Veng VLTF chuan an thlai thar engemawzat leh an chawhmeh lakkhawm te chu AMC Ward No. VIII huamchhunga Covid-19 avanga harsatna tawk te tan an hlan a, heng te hi Ward No. VIII Councillor Christina Roluah-puii hnenah hlanin ani hian nimin vek khan an Ward chhunga LLTF-te hnenah a tul anga sem chhuah turin a hlan chhawng ve leh a ni.
Zirlai tithate chawimawi
Serchhip District Superintendent of Police, Stephen Lalrinawma chuan Serchhip District Executive Force (DEF) fa te zinga HSLC pass thar te hnenah nimin khan chawimawina a hlan.
Green Mizoram Day-ah enkawl theih tawk thing phun turin thingtiak pekchhuah mek a ni
Naktuk Zirtawpni, June 11, 2021 khian Mizoram-ah Green Mizoram Day hman a ni leh dawn a, hemi atan hian Environment, Forest and Climate Change Department chuan thingtiak an pechhuak mek.
SEDP sum-a Rawmi tiak lei a hunlo ah ngai
ZPM Thalaite chuan Hripui laka invenna vaccine la lo tam tak an awm lai leh, vaccine duh khawp kan neih theihloh laia, Rawmi tiak 15,000 lai leina atana SEDP sum hman a ni tur hi a hun lo hle-a an hriat thu an sawi.
SDG India Index 3.0 (2020-21) ah Mizoram in a titha
United Nations (UN) in a kalpui mek Sustainable Development Goal (SDGs), 'Agenda 2030' an tih bawk tih hlawhtlinna kawngah Mizo-ram chuan nasa taka hma sawnin India ram State hrang hrang zingah 7-an dinhmun a hauh.
Vaccine pek dan siamthat a ngai - MPCC
Mizoram Pradesh Congress Committee (MPCC) Media Department chuan COVID-19 vaccine pek dan a felfailo nia sawiin, siamthat vat a ngai niin an sawi.
ZMC-a bawlhhlawh senghawi dan tur Health Minister hova sawiho a ni
Mizoram-a COVID-19 hri kaite enkawlna hmun Dedicated COVID Hospital (DCH) awmchhun, Zoram Medical College-a bawlhhlawh tawih theilo (plastic waste) senghawi dan tur chungchang sawihona nimin khan neih niin hemi chungchanga hma la turin Task Force din nghal a ni.
Ni khat-a hri kai hmuhchhuah la tlahniam theilo
Mizoram-a COVID-19 hri kai hmuhchhuah chuan hniam lam ala pan thei tak tak lova. Niminpiah khan Sample 3967 enfiah leh niin hri kai 317 zet hmuhchhuah leh niin Sample enfiah atanga za zela 7.99 te chuan hri an kai a ni.
Special Investigation Team on Forest Fire ten Serchhip District-a kangmei chhuahna an tlawh
Mizoram sawrkar in a din State Level Special Investigation Team (SIT) on Forest Fire chuan nimin khan Serchhip District rawn tlawhin kumin Thal chhunga kangmei chhuahna hmun te an tlawh a, kangmei chhuah thin dan leh hemi kawnga hmalak dan leh hmalak zel dan turte District thuneitute leh khawtlang hruaitute nen an sawiho a ni.
BJP ten Oxygen Concentrator leh PPE Kit hlan
BJP Mizoram Pradesh chuan nimin khan Indian Medical Association (IMA) Mizoram Branch leh Upper Republic Local Council te hnenah Oxygen Concentrator leh PPE Kit an hlan.
MLA Fund hmanga Ambulance lei awmna hrelo?
MNF Thorang Block I leh II te chuan an bialtu MLA, Zodintluanga MLA Fund hman danah Thorang Bial chu engah mah a ngailohzia leh a hmuhsit zia a lang chiang niin an sawi.
Chhanchhuahna Scheme rang taka siam turin phut
Mizoram Pradesh Youth Congress Committee (MPYCC) chuan ni 50 dawn lai kan in 'Lockdown' ta reng mai tih sawiin, Mizoram aia nasa taka COVID-19 hripui in a nghawng-te pawh hri kaidarhna lamah hniamlam pan zelin, tunah chuan ei leh bar zawnna kawnga inkhuah-khirhna khauh lutuk pawh an thlah zalen hret hret tih an tarlang a. Hei vang hian kan Sawrkar pawhin fimkhur tak chung si a kan ram economics dinhmun thlira kalphung a her rem hret hret hi a ngai tawh tih sawiin, sawrkar chu uluk taka ngaihtuahna senga, miharsa berte leh eizawnna tlabal mekte chhanchhuahna tur Scheme rang takin siam nghal tura an phut thu an sawi bawk.
Lungpho-ah hri kai enkawlna tur 4C siam a ni
COVID-19 hri leng mek lo hmachhawn tura inbuatsaihna atan Lungpho-ah Community Covid Care Centre (4C) siam a ni a, nimin khan khawtlang mipui ten hnatlang neiin bialtu MLA leh Assembly Deputy Speaker, Er. Lalrinawma chuan helai hmun hi a tlawh a ni.
Health Minister hovin Hripui dona a hmalak dan thlirhona neih a ni
Nimin khan Health Minister Dr. R. Lalthangliana hovin Mizoram-a COVID-19 Second Wave thawk mek chungchang thlirhona neih a ni.
Vaccine pek chhunzawm a ni
Serchhip District chhunga kum 18 chunglam a nawlpui te hnena COVID-19 Vaccine pek chu nimin khan chhunzawm lehin Serchhip-ah mi 291 leh Keitum-ah mi 31, an vaiin mi 322 te hnenah vaccine hi pek a ni a, niminpiah khan mi 280 te vaccine pek an lo ni tawh a ni. CMO-a thawktute chuan vaccine pek chhunzawm dan tur hi ruahman fel ala awm rihloh thu sawiin, Prime Minister in a thlawna pek vek tura a puan tak avangin pek leh thuai theih an inbeisei thu an sawi bawk.
Doctor chhuah lo turin ngen
Serchhip District NGO Coordination Committee hruaitute chuan nimin khan Serchhip District Medical Superintendent, Dr. ZD. Lalmuan-awma hmuin Serchhip District Hospital atanga tunhnaia Doctor sawnchhuah chu lo chhuahtir rihlo turin an ngen.
Vawk thi la awm belh zel
Niminpiah chawhnu dar 1:00 leh nimin chawhnu dar 1:00 inkar khan Serchhip District-a ASF hri lenna hmunah Vawk thi 6 lai a awm leh a, Vawk thi te hi New Serchhip-ah 4 bakah Thenzawl leh Chhiahtlang ah pakhat ve ve an ni. Serchhip District chhunga ASF hri lenna khaw 6-a Vawk thi chu 197 a tling tawh a, New Serchhip-ah Vawk thi 124 awm tawhin East Lungdar-ah Vawk 46, Keitum leh Thenzawl-ah Vawk 9 ve ve leh Chhiahtlang-ah 8 a thi tawh a, Vanchengte-ah Vawk thi pakhat a awm tawh bawk. Serchhip-ah chhan hriatloh-a Vawk thi 9 awm belh leh bawkin, heng zinga 8 chu thla thum hnuailam niin pakhat erawh Vawk puitling a ni thung.
Hri kai enkawl dam pung
Nimin khan Serchhip District-ah COVID-19 hri kai mi 2 hmuhchhuah niin nimin khan hri kai mi 35 enkawl dam an ni thung.
Pathianni-ah hri kai 113 hmuhchhuah belh an ni
Pathianni khan Mizoram-ah Sample 746 enfiah niin heng atang hian COVID-19 hri kai 113 hmuhchhuah an ni a, Sample enfiah atanga za zela 15.14 te chuan hri an kai a ni.
Ram kanna tlawh dawn
Kumin Thal chhunga Mizoram-a ramkang chungchanga din, State Level Special Investigation Team te chuan Vawiin hian Serchhip District an rawn tlawh dawn a, ramkang awmna hmun te tlawhin thil awmdan an enfiah ang.
Mi nawlpui te hnenah COVID-19 hri danna pe tan
Kum 18 leh 44 inkar te hnena COVID-19 vaccine pek mekah ngaih pawimawh hmasak ni lo, a nawlpui te hnena Vaccine pek chu nimin khan Serchhip District-ah kalpui tan a ni.
Vawk thi la awm belh zel
Niminpiah chawhnu dar 1:00 leh nimin chawhnu dar 1:00 inkarah hian Serchhip District chhunga African Swine Fever (ASF) hri lenna hmunah Vawk thi 3 lai a awm belh leh a, heng Vawk thi te hi New Serchhip-ah 2 leh Thenzawl-ah pakhat a ni a, Serchhip District-a ASF hri lenna hmuna Vawk thi chu 191 niin New Serchhip-ah 120 zet a thi tawh a ni. Hetihlai hian Serchhip khawpui chhung ah pawh chhan hriatloh a Vawk thi ala awm belh zel a, nimin-a report hunchhung ah hian chhan hriatloh-a Vawk thi 6 lai Serchhip-ah hian awm lehin heti hian Serchhip-a chhan hriatloh a Vawk thi chu 74 lai a tling tawh a, heng te hi ASF hri kai nia rihlelhna a lian tawh hle a ni.
Hri kai mi 20 an dam leh
Serchhip District-a COVID-19 hri kai te zingah nimin khan mi 20 enkawl dam niin Serchhip Town chhunga hri kai hmuhchhuah zingah enkawllai an awm tawh rihlo.
Hri kai dam tawh te enkawl zuina chungchang sawiho
Health Minister Dr. R. Lalthangliana hova nimin a Doctor rual thukhawm chuan COVID-19 hri kai, enkawl dam tawh hnuah harsatna tawk te enkawl zuina tur ruahman nise an ti.
Bail-a chhuah chungchang HPC in sawifiah
Supreme Court thu anga Mizoram tana din, High Powered Committee chuan tunhnaia Jail tang zinga Bail-a chhuakte chu an thubuai ah an fihlim tihna a ni lo tih an sawi.
Hri leng dona hmanraw pawimawh rawn thleng
Union Health Minister Dr. Harsh Varshan hnena Health Minister Dr. R. Lalthangliana’n ngenna a lo thlen tawh angin Mizoram-a hri leng dona kawnga hman tur hmanraw hrang hrang chu nimin khan Aizawl rawn thlenpui a ni.
Development-a thuthluang tur an ni lo tih sawi
MNF Party chuan Covid hripui leng karah pawh Sawrkar chu Development hnathawh ah a thuthluang mai tur a ni lo tih an sawi.
Lal Thanhawla’n Covid Test runpui nei turin ngen
Mizoram Pradesh Congress Committee (MPCC) President, Lal Thanhawla chuan COVID-19 veite rang taka hmuhchhuah zung zung a nih theih nan leh rang taka a veiten enkawlna an dawn zung zung theih nan Test Runpui (Mass Detection Drive) nei turin Mizoram sawrkar a ngen.
Sawrkar enkawl School-ah Admission fee zaa 30-a tihhniam a ni dawn - Edn. Minister
School Education Minister, Lalchhandama Ralte chuan Sawrkar enkawl School-ah Admission fee zaa 30-a tihhniam a ni dawn tih a sawi.
Health Minister hovin COVID-19 hri kai damlote enkawl dan leh an dinhmun thlirhona neih a ni
Mizoram-a COVID-19 hri kaite dinhmun leh anmahni enkawl dan kalpui mek thlirhona chu nimin khan Health Minister Dr. R. Lalthangliana hovin neih a ni a. Hripui leng mek Third Wave lo thleng turah naupang hovin an tuar na dawn nia sawi a awm vangin ZMC-ah Neo-natal Intensive Care Unit (NICU) ruahman mek a nih thu sawilan a ni bawk.
COVID-19 hri kai hmuh belh zel an la ni
Mizoram-ah COVID-19 hri kai hmuh belh zel an la ni a, Inrinni a Sample enfiah 2886 atangin hri kai mi 267 zet hmuhchhuah belh leh an ni.
Inkhuahkhirh zui zel dawn
COVID-19 hrileng hluar zel tur laka mipuite kan him nan Serchhip District Bawrhsap in May 30, 2021-a inkaihhruaina a chhuah chu tukin dar 4:00 hian tawp dawn mah se June 14, 2021 zing dar 4:00 thleng chu kaihhruaina ngai angin Serchhip District chhùngah hman tur a ni tih Serchhip District Bawrhsap, Lalmuansanga Ralte chuan nimin khan thuchhuah siamin a tarlang.
Fall Army Worm vangin harsatna thleng leh mek
Vaimim eichhetu Pangang chi khat, Fall Army Worm (FAW) chu Mizoram hmun hrang hrangah a puang leh mek.
Mizoram-ah India Variant bak hmuh ala ni lo
Mizoram-a COVID-19 hri leng mekah India Variant bak hmuh a la ni lova, Delta Variant an tih tak Indian variant bak a awm hriat a la ni lo.
KVK Chawnhu-ah Hmazil chi thar tharchhuah a ni
KVK Chawnhu, Lawngtlai District chuan Mizoram-a a vawikhatna atan Hmazil Arka-siri (Cantaloupe) chu hlawhtling takin Lawngtlai District Chawnhu-a an hmunpui-ah an tharchhuak.
Zodintluanga’n Lunglei Civil Hospital tana pek RT-PCR khawl bun thuai turin CM a ngen
Thorang bialtu MLA, Zodintluanga Ralte chuan Lunglei Civil Hospital tana RT-PCR khawl a pek chu hman theih tura bun (install) thuai tur Chief Minister Zoramthanga a ngen.
World Environment Day denchhenin Thenzawl DFO huamchhung ah thingtiak phun
Inrinni kalta June 5 khan khawvel pumah ‘World Environment Day’ hman a ni a, Serchhip District-ah pawh hmun hrang hrangah he ni pual hian hun hman niin Thenzawl Forest Division huamchhung hmun hrang hrangah he ni pual hian thingtiak phun a ni.
Vaccine lak theih leh dawn
Vawiin leh naktuk hian Serchhip-a Main Centre-ah khua leh tui kum 18 - 44 inkar te tan COVID-19 vaccine lak theih a ni dawn a, Vaccine la hmasa tura ngaih pawimawh bik (priority group) awm tawh lovin online booking hmanga in ziaklut apiang ten an la thei dawn a ni. Registration ti duh tan a hma zan dar 9:00 atangin selfregistration.cowin.gov.in-ah inziah-luh theih a ni dawn a ni.
Thenzawl-a Sangha mantu te lakah FIR thehlut
Serchhip-a Fisheries Department chuan tun-hnaia Dan phalloh a Sangha mantute lakah FIR an thehlut tih an sawi.
CMRF atangin VLTF te sem
Chief Ministers’ Relief Fund for COVID-19 atanga Serchhip District in chhuanchham te tanpuina tur sum a dawn chu Serchhip District chhunga VLTF hrang hrangte hnenah semchhuah a ni ta.
Vaccine pek tawh pung zel
Inrinni thleng khan Serchhip District-ah mi 17,524 te chu COVID-19 Vaccine Dose 1-na pek an ni tawh a, an zinga mi 4275 te chu Dose 2-na pek leh ni tawhin Vaccine la tawh zinga za zela 24.39 te chuan Dose 2-na an la tawh a ni.
Hri kai leh dam awm belh zel
Inrinni-a Sample enfiah atangin Serchhip District-ah COVID-19 hri kai pakhat hmuh belh a ni a, Inrinni-ah hri kai mi 19 enkawl dam niin nimin-ah enkawl dam an awm belh lo thung.
Serchhip Town chhunga ASF hri leng laka inpuahchah dan tur sawihona neih a ni
Vawk natna, African Swine Fever (ASF) chu Serchhip khawpui chhungah a hluar zel avangin he hri laka hmalak dan tur leh hri darh zel tur chungchanga lo inpuahchah dan tur sawihona chu nimin khan AH&Vety Department hmalakna in Serchhip Sub-Hqrs. YMA leh Town chhunga VC hrang hrang ten an nei.
Mizoram-ah hri kai 13,064 zet an awm tawh
Mizoram-ah COVID-19 hri kai hmuhchhuah an la awm belh zel a, niminpiah khan Mizoram-ah Sample 2978 enfiah niin hri kai 205 hmuh an ni.
Hri kai thar 8, enkawl dam 9
Niminpiah-a Serchhip District-a Sample enfiah zingah COVID-19 hri kai hmuh belh awm lovin nimin-a hri kai 8 hmuh an ni a, nimin khan hri kai zingah mi 9 te chu enkawl dam leh an ni.
Chanchin thar thenkhat :
World Environment Day Vawiin June 5, 2021 hi World Environment Day Vawi 47-na a ni a, he ni puala thuchhuah an siamah Green Mizoram Network (GMN) chuan Mizoram bikah hmasawnna hna project hrang hrang thawh mek leh, thawh zel tur ten kan environment a tihchhiat loh a, hmasawnna dik leh tlo (sustainable development) kan neih theihna turin sawrkar bakah, hetiang lam thawktu zawng zawngte an ngen thar leh tih an sawi a. “Hmasawnna hna thawh a nih reng rengin a tuar nasa bertu chu, thing leh mau, nungchate bakah kan lui tuite an ni. A tawpah a chhunga cheng mihring te bawkin harsatna namen lo kan tawk leh thin tih hre thar leh ang u,” an ti bawk. World Environment Day hi kum 1974 khan thing leh mau hlut zia leh tangkai zia hriatchhuah leh ni atan te, ramngaw enkawl leh chhawr tangkai dan inzir-tirna ni leh thingphun ni atan te hman thin a ni. CMRF-ah sum luh belh zel Nimin thleng khan COVID-19 hrileng mek laka mipui an him theih nan leh a tul apianga hman tura mimal, pawl leh Kohhran at
MLA in lirthei a pek Registration tihfel a ni ta
Lawngtlai West bialtu MLA C. Ngunlianchunga'n Mizoram State Cancer Institute (MSCI), Zemabawk in a tul apianga hman tura lirthei (Van motor) a pek chu thla riat dawn hman loha a awm hnuah nimin khan registration tihfel a ni.
BJP in Coronavirus do dan tur a ni lo tih sawi
BJP Mizoram Pradesh chuan mipuite pawisa thawh leh tha leh zung thawh tura phuta mipui chanvo awmchhun tura Party mi leh sa in vulh bik chu Coronavirus do dan tur a ni lo tih an sawi.
Mizoram-a hralhchhuah Hand Sanitizer 'SPARASH' chu a himlo tih sawrkar in a sawi
Directorate of Health Services-a Controlling & Licensing Authority, Lalsawma chuan Hand Sanitizer ‘SPARASH’ chu a himlo tih thuchhuah siamin a tarlang.
Chhiah petu mipuite tan a tha nat thlak ta - Lalsawta
Congress Vice President Lalsawta chuan hri dona tura inrenchemna kawng sawrkarin hawi duh lova luhlul a chhuah tlat chu chhiah petu mipui tan a tha nat thlak ta hle tih a sawi.
CSR kaltlangin bungrua hlan
Corporate Social Responsibility (CSR) kaltlanga Lunglei District in Medical lam kaih-hnawih bungrua chi hrang hrang a dawn te chu nimin khan Lunglei thlenpui niin Health Department hotute kutah hlan nghal a ni.
Serchhip Addl. SP sawn
Mizoram sawrkar chuan Mizoram Police Service (MPS) thenkhat te awmna siksawina tur Order nimin khan a tichhuak a. Heng zingah hian Serchhip-a Addl. DP, PC. Laltanpuia chu Aizawl-ah Addl. SP hna chelh tura sawn a ni a, a hmunruak-ah hian 3rd Bn. MAP-a Deputy Commandant nilai, Vanlalnghenga chu a rawn awm dawn thung a ni.
Assam Rifles in lawmpui
HSLC Exam result tihchhuah taka Serchhip atanga Top 10-a lang, Vanlalhriati chu nimin khan Serchhip-a awm 8th Assam Rifles-a Commandant, Maj. Junior Mutum, SM chuan a chenna In ah tlawhin lawmpuina thilpek a hlan a, a hlawh-tlinna chu a lawmpui thu sawiin, a kal zelna turah duhsakna a hlan a. Zirna lama hmalam a pan zelna turah tih theih an nei anih chuan amah pui turin an inpeih reng tih an hrilh bawk.
KTP ten thisen Unit 23 pe
Kumin a Serchhip Pastor Bial KTP ten kumin chhunga damlo a mamawh apiang ten an hman theih tura thisen pek an lo rel tawh tih hlawhtlinna kal zelah nimin khan Serchhip Hmar Veng Branch KTP te chuan Serchhip Blood Bank-a dah turin thisen Unit 23 an pe a, thisen petute hi mipa 14 leh hmeichhia 9 an ni a, heng mi tlawmngai te hi Blood Bank-ah kalin thawktu ten an thisen hi an lo lak sak a ni.
New Serchhip-ah ASF vanga Vawk thi awm belh zel
Serchhip District-a Vawk hri, African Swine Fever (ASF) lenna hmun a Vawk thi chu 164 zet a tling tawh.
Dy. Speaker in Chhingchhip 4C tlawhin tanpuina a sem
Tuikum bialtu MLA leh Assembly Deputy Speaker, Er. Lalrinawma chuan nimin khan Chhing-chhip khua a COVID-19 hri kai te enkawlna hmun, Community Covid Care Centre (4C) chu tlawhin VLTF te hnenah Disinfection Fogger Machine a hlan bawk.
Serchhip-a Youth Centre sak mek ah hna thawh tur zatve aia tam thawh zawh a ni tawh
Cheng vbc. 3 senga Serchhip Darnam Tlang-a ‘MYC Youth Centre’ sak hna chu chak taka thawh chhunzawm mek niin tunah hian hnathawh tur atanga a zatve aia tam an thawh zawh tawh thu leh huntiam a thlen hma ngeia sak zawh theih ngei an inbeisei thu hnathawktute chuan an sawi bawk.
Mizoram-ah hri kai 228 hmuhchhuah belh leh an ni
Niminpiah khan Mizoram-ah Sample 3267 enfiah niin heng atang hian COVID-19 hri kai 228 hmuhchhuah leh an ni a, Sample enfiah atanga za zela 6.97 te chuan hri an kai a ni.
Chuhvel Thlam-ah ramri kan in Assam Police an kal
Mamit District chhunga Chuhvel leilet-a Thlam awm chu ngaimawhin nimin khan Assam Police te chuan Mizoram chhung an lut.
Vawk thi la awm belh zel
Serchhip District-a Vawk hri, ASF hri lenna ah Vawk thi 6 lai awm belh lehin, chhan hriatloh a Vawk thi pakhat a awm leh bawk.
MPYCC in HME Director thusawi hriatthiam har an ti
Mizoram Pradesh Youth Congress Committee (MPYCC) chuan Hospital & Medical Education Director thusawi chu hriatthiam har an tih thu sawiin, Zoram mipui hmaa he a thil sawi hi sawifiah vat an phut thu an sawi.
ZPM in Random Test tihtawp chhan pawm theilo
ZPM Party chuan COVID-19 hri leng mekah sawrkar in Random Test a tihtawp chhan chu an pawm theilo tih an sawi.
Dampa Tiger Reserve-a Sakei awm thu hmunpui lamah report pek ala ni lo
Dampa Tiger Reserve-ah Sakei a awm ngei a ni tih finfiah a nih hnuah tun thlengin hmunpui lamah report pek a la ni lo.
Serchhip atangin zirlai titha
Mizoram Board of School Education (MB-SE) in nimin-a HSLC result a tihchhuah ah Marian H/S Serchhip-a zirlai, Vanlalhriati d/o Hmingchhuanmawia, Serchhip Dinthar Veng chu Mizoram pumah 9-na a ni a, Vanlalhriati hian mark 500-ah mark 477 hmuin Subject zawng zawngah Letter Mark a hmu vek a, Social Science-ah mark 99 hmuin he Subject a mark hmu sang ber te zingah a tel bawk a ni. Hei bakah hian Marian H/S-a zirlai, Lalremruatmawii s/o Kawlnimawia, New Serchhip chuan Mizo Subject-ah mark 97 hmuin Mark hmu sang ber zingah a tel bawk a ni.
Man chawi lovin enkawl mek
Thenzawl-a Integrated Ayush Hospital-a Covid Care Centre (CCC)-a hri kai enkawl te chu mi inphal te pekkhawm hmangin an ei leh in man chawi lovin enkawl an la ni.
Hri kai hmuh belh awmlo
Niminpiah-a Serchhip District atanga Sample enfiah zingah COVID-19 hri kai hmuhchhuah an awm lova, nimin khan hri kai mi 6 te chu enkawl dam an ni thung.
HSLC Exam-2021 result tihchhuah niin Exam zinga za zela 82.43 in an pass
Mizoram Board of School Education (MBSE) chuan kumin a pawl 10, High School Leaving Certificate (HSLC) Exam result chu nimin khan tichhuakin zirlai exam 18,012 zinga 14,847 in an pass a, zirlai exam zinga za zela 82.43 pass ang niin Mizoram pumah Lalnunmawia, St. Joseph HSS chu pakhatna a ni.
Mizoram-ah hri kai hmuhchhuah an la pung zel
Mizoram-ah COVID-19 hri kai hmuhchhuah an la pung zel a, niminpiah khan Sample 3752 enfiah leh niin heng atang hian hri kai 232 zet hmuh leh an ni.
Mizoram-ah Pneumonia vaccine pek a ni tawh dawn
Pneumonia laka invenna tur, Pneumococcal Conjugate Vaccine (PCV) chu Mizoram-ah a thlawna pek theih turin nimin khan Health Minister, Dr. R. Lalthangliana chuan a hawng.
Politics dahthaa mipui rawngbawl turin beisei
ZPM Leader, Lalduhoma chuan ZPM Party chuan hri dona kawnga sawrkar hmalakna te an thlawp tlat tih sawiin, Politics dahthaa ram mipuite tana rawngbawl tura an beisei thu a sawi.
Harsatna tawk te tan CMRF ruahman leh a ni
COVID-19 hripui leng avanga Lockdown puan chhunga harsatna tawk, chhuanchhamte tanpui nan leh COVID-19 avanga harsatna tawk te tan Rs. 117,46,000 semchhuah a ni leh dawn.
RT-PCR dahna a awm niin sawi
Mizoram Pradesh Congress Committee (MP-CC) chuan Lunglei Civil Hospital-in RT-PCR dahna tur Laboratory a nei sa reng niin an sawi.
Vawk thi awm belh zel
Darkar 24 kalta chhungin Serchhip District-a African Swine Fever lenna hmunah Vawk thi 9 lai a awm leh a, an vai hian Serchhip Town chhung ami vek an ni.
Mi 16,677 hri danna pe tawh
Serchhip District-ah mi 16,677 te COVID-19 Vaccine Dose 1-na pek ni tawhin an zinga mi 4271 te chu Dose 2-na pek an ni tawh bawk.
Hri kai 638 an tling tawh
Niminpiah khan Serchhip District-ah COVID-19 hri kai mi 5 hmuhchhuah niin nimin thleng khan Serchhip District-ah hri kai mi 638 hmuh an ni tawh.
Serchhip Sub-Hqrs. YMA V&M Committee in Sports Complex-a Running Track siam an enfiah
Serchhip Sub-Hqrs. YMA Vigilance & Monitoring Committee chuan Serchhip Sports Complex-a Running Track siam chu nimin khan tlawhin tunhnaia ruahsur avanga tuihawk lut nasa lutuk chungchang pawh Department hotute nen an sawiho bawk.
Serchhip-ah Green Mizoram Day hmangin thingtiak phun beihpui thlak leh a ni dawn
Kumdang-a lo hman tawh thin angin tun thla ni 11 khian Mizoram pumah ‘Green Mizoram Day’ hman a ni leh dawn a, Serchhip District-ah pawh Green Mizoram Day-ah hian thingtiak phun beihpui thlak leh tura ruahman niin sawrkar Department hrang hrang zinga thingphun enkawl tha te hnenah lawmman siam tawh tura ruahman a ni.
Mizoram-ah hri kai mi 312 hmuh belh leh an ni; Nimin ah nunna chan mi 4 an awm
Mizoram-ah COVID-19 hri kai thar an la pung chho mek zel a, niminpiah khan Sample 3933 enfiah niin hri kai 312 hmuhchhuah an ni.
Thla 12 chhung aiin May, 2021 chhunga COVID-19 hri kai hmuhchhuah an tam zawk
Thla kalta May, 2021 chhung khan Mizoram-ah COVID-19 hri kai 6268 hmuh an ni a, hei hi Mizoram-a hri len tirh atanga thla 12 chhung, nikum March thla atanga kumin April thla thlenga hri kai hmuhchhuah 6131 aiin 137 in a tam zawk a ni.
Lunglei-ah RT-PCR khawl bun turin ruahmanna siam
Mizoram sawrkar-a Health & Family Welfare Department chuan thuchhuah siamin Lunglei-ah RT-PCR Laboratory bun tura hma an lak thu an tarlang.
Vawk thi 8 awm belh leh
AH & Vety Department chhinchhiahna a a lan danin nimin lamah Serchhip District-a ASF hri lenna, New Serchhip-ah Vawk thi 8 a awm belh leh a, heng te hi a puitling 4, a note 3 leh Vawk laklawh pakhat te an ni. Heti hian New Ser-chhip-ah hian ASF hri len avangin Vawk 73 lai a thi tawh a, Serchhip District-a khaw 6-ah Vawk hri leng vangin Vawk 141 a thi tawh bawk a ni.
Tanpuina pechhuak awm zel
COVID-19 hri leng avanga harsatna tawk te tanpuina atan pawl leh mimal hrang hrang te chuan ke an penchhuak zel.
Vanchengte in Alu sem
Serchhip District chhunga awm, Vanchengte khuaa VLTF te chuan nimin zing khan an khua a chhungkaw tin te hnenah Alu Kg. 2 theuh an sem a, chhungkaw member thahnem deuh te chu a remchan dan anga pek belh an ni bawk.
Hri kai mi 14 enkawl dam
Serchhip District-a COVID-19 hri kai hmuh enkawllai mi 14 te chu nimin khan enkawl dam leh niin Serchhip District-a hri kai 522 enkawl dam an ni tawh.
MZP in thilpek an hlan
MZP Hqrs. Serchhip chuan Myanmar atanga raltlan, Serchhip khua a awm mek te hnenah niminpiah khan chhawmdawlna an hlan.
Serchhip District-a COVID-19 dona a Incident Commander leh an bial siamthat a ni
Serchhip District chhunga Magistrate, COVID-19 dona atana Incident Commander-a ruatte leh an bial chu tunhnai khan tih danglam a ni.
MLA Fund hmangin Mat phai ah kawng siam
Serchhip Mat phai, Chawm kai atanga Taipuia Leilet inkar kawng chhia siamthat hna chu tunlai hian Bialtu MLA in MLA Fund a pek hmangin thawh mek a ni.
Mizoram-ah hri kai mi 99 hmuh belh leh an ni
Pathianni khan Mizoram-ah Sample 744 enfiah niin heng atang hian COVID-19 hri kai mi 99 hmuhchhuah an ni a, Sample enfiah atanga za zela 13.30 te chuan hri an kai a ni.
Hri kai 633 an tling tawh
Serchhip District-a COVID-19 hri kai chu 632 an tling ta a, nimin khan mi 13 te chu enkawl dam leh an ni. COVID-19 hri leng avanga Sample enfiah hna thawh chhunzawm mekah nimin khan Keitum-ah hri kai mi 2 hmuh belh niin Thenzawl ah hri kai pakhat hmuh a ni bawk.
Bawrhsap in thuchhuah siam
Serchhip District Bawrhsap, Lalmuansanga Ralte chuan University leh College Online examination nei tur zirlaiten an awmna Veng leh khua atangin Internet Connection awm thatna zawk hmundang an pan duh a nih chuan an Identity Card leh Examination Admit Card-te kengin hmun danga an kal phal an ni tih thu-chhuah siamin a tarlang a, hmundanga kal nan erawh hman phal a ni lo. Heng zirlai bakah hian University leh College zirtirtute, he Exam kaih-hnawiha veivah ngaite chu an hnathawhna tihchianna Identity Card leh Duty Detailment Order kengin veivah phalsak an ni tih a tarlang bawk.
Press Accreditation Card semchhuah a ni
Information & Public Relations Director, Lallianpuii chuan nimin khan kum 2021-2023 atan Press Accreditation Card thar chu a Pisa-ah a semchhuak.
Kolasib Dist. a kangmei veng tha ah Thingthelh thlang
Kolasib District-a kumin a kangmei veng tha ber atan Thingthelh khua chu thlan an ni.
Vawk thi la awm belh zel
Serchhip District-a Vawk hri, African Swine Fever lenna hmunah Vawk thi ala awm belh zel a, nimin chhung thlenga Vawk thi chu 133 a tling tawh.
Online-a Exam-na buatsaih
Serchhip Sub-Hqrs. YMA Kumpuan Committee chuan Vawiin atanga College zirlai ten Online hmanga Exam an neih tur atan Exam-na tur hmun an buatsaih.
Serchhip-ah World No Tobacco Day hman a ni
Nimin khan khawvel pumah World No Tobacco Day hman niin Serchhip District-ah pawh he Ni pual hian hmun hrang hrangah hun hman a ni.
Thenzawl-a Task Force leh Police Duty te beitu manin thubuai siam sak an ni
COVID-19 hri leng avanga Duty te chunga mawilo taka che leh Police te pawh beitu-a puh mi 3 te chu Thenzawl Police ten manin nimin khan Serchhip-ah rawn lakchhoh niin District Court-ah hruai nghal an ni.
Hri leng vangin Mizoram-a Jail tang 175 te Bail-a chhuah lailawk an ni dawn
COVID-19 hripui leng vanga Jail tawt lutuk tih ziaawm nan Supreme Court thu angin Mizoram chhunga Jail hrang hranga tang mi 175 te chu Bail-in chhuah lailawk tir an ni dawn a, Serchhip District Jail-a tang mek zingah mi 17 chhuah an ni dawn a ni.