Govt. Mizoram Law College (GMLC) Students Bar Council chuan an building January 4, 2022-a zawh hman tura tih Vawiin thlenga zawh a la ni lo chu hriatthiam harsa an tih thu leh building sak lai chu a sak a chhiat avanga leh an hmanraw hman te a that tawk loh avangin chhunzawm chi-ah an ngaih loh thu an sawi.
Sawrkar laipui-a Minister of State for Tribal Affairs Renuka Singh Saruta-i chuan zan khat riak turin nimin khan Mizoram a rawn thleng.
Mizoram Governor Hari Babu Kambham-pati chuan Ek Bharat Shreshtha Bharat North East Yuva Sangam (EBSB North East Yuva Sangam) program-a tel tur NIT Mizoram leh Govt. Aizawl North College-a zirlai 25 leh Zirtirtu 4 te chu nimin zing khan Aizawl atangin a vailiam.
Lai Students’ Association (LSA) General Headquarters Lawngtlai chuan District Council & Minority Affairs Department changtu Minister R. Lalzirliana chu Assembly House-a a thu sawi chungchangah ngaihdam dil tur an phut thu an sawi.
Agriculture Minister C. Lalrinsanga'n SEDP hnuaia Vaimim chintir atangin MT 19,085 tharchhuah a ni tih House hrilhin, chhunzawm zel tlakah an ngai tih a sawi.
Nimin-a Mizoram Legislative Assembly thutkhawm ah Dampa bialtu MLA Lalrintluanga Sailo leh Serchhip bialtu MLA Lalduhoma te chu Chief Minister Zoramthanga thubuai neih leh neih loh ah inhnialin, Home Minister Lalchamliana chuan, Home Department ngaihdan ah chuan Chief Minister hian thubuai a nei lo niin a sawi.
Mizoram-ah Sangha chi tha neih a nih theih nan Sanghapui khawi turin sawrkarin hma an la mek tih Fisheries Minister K. Lalrinliana’n a sawi.
Home Minister Lalchamliana’n thenawm ram atanga sahimna zawnga Mizoram-a rawn raltlante sawrkarin theihtawpa lo enkawl a tum thu sawiin, sawrkar pachhe tak an nih avangin tih theih erawh a tam lo hle niin a sawi.
March 1, 2023 atangin Mizoram-ah Satel Helmet khum phal a ni tawh dawn lo a, Helmet chungchangah khauh lehzuala dan lekkawh tur niin a hremna pawh a na dawn.
Zirtawpni kalta-a Assembly thutkhawm ah Private Member‘s Resolution pahnih sawihoin lungrual taka pawm a ni.
Mizoram khawpui Aizawl in kum 133 a tlin lawmna pui ber leh a kharna chu Inrinni khan Aizawl Municipal Corporation (AMC) buatsaihin Aizawl Sipai Lammual-ah ropui taka neih a ni a. ‘Aizawl Day’ hi kumtin February 25-ah lawm tura ruahmanna siam a ni bawk.
.jpeg)
.jpeg)
Tun thla ni 18 zing dar 2:50 vela Aizawl Republic Veng-a SBI ATM Gelatine hmanga beitu nia hriat Emmanuel Lalbiakzauva (24), Mamit District chhunga Bawngthah khua, Aizawl Ramhlun North a khawsa mek nia insawi chu niminpiah khan Police ten an man.
PC Party President Vanlalruata chuan Chief Minister Office (CMO) inrelbawlna hautak lutuk chu veiawm a tih thu sawiin, Minister 11 dang te inenkawlna aiin a hautak zawk niin a sawi.
ZPM Thalaite chuan Assembly Speaker chu Inquiry Commission din tura an phut thu an sawi.
Rubber Board of India Executive Director Dr. KN. Raghavan leh a thawhpuite chuan nimin zing khan Chief Minister Zoramthanga chu kawmin Mizoram-a Rubber chin kalpui mek chungchang an sawipui.
Chief Minister Zoramthanga'n Sawrkar Flagship Programme, SEDP kalpui mekah tum khata cheng nuai 3 sem nghal mai a rem loh avangin kum khatah chhungkaw pakhat tan Rs. 50,000 a kalpui phawt a ni tih a sawi.
.jpeg)
.jpeg)
Chiahpuam sum hmuhlet leh (recovery) Rs. 7,30,51,853 chu SBI, Aizawl Branch-ah dah niin engtia kalpui zel nge tih ah Court thubuai kal lai a nih vangin Judgement Order nghah mek a ni.
Mizoram-a a vawikhatna atan nimin khan Zoram Medical College-ah Phir, an taksa inzawm (conjoined twins) chu hlawhtling taka zai hran an ni.
Mizoram sawrkarin IT Skill Development & Training Centre pasarih (7) din a tum tih Information & Communication Technology (ICT) Minister Robert Romawia Royte chuan Assembly House a hrilh.
MNF Party chuan Mizoram rorelna In sang berah Opposition Group Leader Lalduhoma’n thu diklo a sawi ngei tih hailan a ni chu zahthlak an tih thu an sawi.
Assembly Session neih meka Sports Minister Robert Romawia Royte leh ZPM Member Lalduhoma ten thu inchuh an neih chungchang ah Speaker Lalrinliana Sailo chuan Assembly Official te hmuh danin, Sports Minister Robert Romawia Royte-in thudik a sawi zawk tih a puang.
Nikum November thla hnu lamah Lawngtlai District-ah Bangladesh atanga raltlan rawn lut mi 541 an awm tawh a, heng mite hi Relief Camp 8-ah dah mek an ni.
Rural Development Minister Lalruatkima'n PMAY (Gramin) hnuaia In sak tanpuina First Installment dawng tawhte chu sawrkar laipui atanga sum dawn mil leh State Treasury-in sum a pekchhuah ang zela pek chhunzawm an nih tur thu Assembly House a hrilh.
Mizo hmeichhe Footballer pakhat hliam inenkawlna sum pek chungchang ah Sports Minister leh ZPM Group Leader-te thu a inhmuh loh avangin nimin khan Assembly House-ah an inhnial buai nual a, Speaker remtihna-in thudik haichhuak tura House rorelna enlet tura tih a ni.
Central YMA hruaitute chuan niminpiah khan BSF hotute kawmin Parva-III khua in harsatna an tawh chungchang an sawipui.
Chin National Day vawi 75-na pualin nizan hmasa khan Aizawl Vanapa Hall-ah inkhawm neih niin he hun hi Chief Minister Zoramthanga chuan a hmanpui a ni.
Chief Minister Zoramthanga'n COVID-19 hri leng vanga harsatna thleng chu Sawrkar dang Minister ten mahni intihhlum phahna atan hial an hman a nih avangin sawi nep chi a ni lo tih a sawi.
.jpeg)
.jpeg)
Serchhip District Sports Committee hnuaia Sports Association hrang hrangte chuan Mizo-ram Sawrkar in District Sports Committee te kalphung tura a duan chu zawm ve nise an ti.
Mizoram State Day 36-na chu nimin khan Aizawl-a Vanapa Hall-ah Chief Minister Zoramthanga hovin lawm a ni.
Mizoram sawrkarin Mau chi (Bamboo species) chi thum (3) leiin, a vaia lei zat chu 8,49,425 a ni a, hemi atan hian Rs. 6,48,16,750 sen niin NBM, NEC leh SEDP Fund atanga lei an ni.
Mizoram Kohhran Hruaitute Committee (MKHC) in Mizoram in inthlanpui a hmachhawn turah Political Party te chu a taka tih theih loh tur zuara mipui bumna ang thil tiam lo turin a ngen.
Kum 2010-11 atanga kum liamta, 2021-22 chhung a Mizoram buh thar zat chu Metric Ton (MT) 47,201 leh MT 62,089 inkarah a awm a, buh thar zat hi a pung mawh hle. Hetihlai hian Mizoram-ah leilet (WRC) siam theihna hmun Hectare (ha) 74,644 awmin, leileta siam theih tura ngaih la siam loh zau zawng chu ha 57,927 a tling.
Vawiin February 20, 2023 hi State dinhmun a Mizoram hlankaina ni champha, Mizoram State Day a ni a, Mizoram District khawpui hrang hrangah he ni lawmna hi neih tura ruahman a ni angin Serchhip-ah pawh Vawiin chawhma dar 11:00 hian Serchhip DC Conference Hall-ah District Bawrhsap Nazuk Kumar IAS hovin hman a ni ang.
Mizoram-a rawn zin Union Minister of State for Communications Devusinh Chauhan chuan nimin khan Aizawl-a Chief Secretary Conference Hall-ah Department of Telecommunications, Department of Posts leh BSNL hotute chu Mizoram chhunga mipui tana an hnathawh leh rawngbawlna te thlirin Review Meeting a neihpui a. He huna tarlan a nih danin Mizoram-ah Head Post Office 1, Sub Postal Division 4 leh Post Office leh Branch Post Office 387 a awm mek a. DoP tarlan danin Assam tiam lovin Hmarchhak State hrang hranga khaikhinna ah Mizoram-a Post Office te chuan sum an thawkchhuak tha nia sawi a ni.
Aizawl Republic Veng-a State Bank of India (SBI) ATM Booth chu Zirtawpni zan khan bomb hmanga beih niin ATM Booth beitute chanchin hrilh thei hnenah Mizoram Police te chuan Rs. 20,000/- thleng pek an tiam.
OSD to Chief Minister Rosangzuala Office enkawlna, zin veivahna leh thil dangah te Rs. 21,59,197 hman a ni.
Mizoram sawrkar chhinchhiah danin, January ni 27, 2023 thleng khan Mizoram-ah raltlan 31,508 an awm a, chung mite chhawmdawlna chuan Mizoram sawrkarin Rs. 4,14,66,000 a seng tawh.
Air India chu TATA in an lak hnuah Air India chuan March 18, 2023 atangin Lengpui Airport-a an flight neih te an titawp dawn a, tun dinhmun ah Lengpui Airport-a Flight awm te chu Air India, Indigo leh Alliance Air te an ni.
Mizoram tlawha rawn zin Union Minister of State for Communication Devusinh Chauhan Mizoram-in kawng hrang hrangah chak zawka hma a sawn theih nan e-connectivity tihchangtlun a pawimawh hle dawn a ni, a ti.
Mizoram-a Helicopter pahnih service turin Mizoram sawrkarin ruahmanna a siam fel tawh a, Union Home Ministry pawmpuina nghah mek a ni. Hetihlai hian Mizoram sawrkara Aviation Wing chuan Lengpui Airport-a Trolley hman dan tur chungchangah thupek tichhuakin, passenger-te bungraw nawr nan leh Cargo nawr nan tih lohah thil dang engah mah hman phal a ni lo.
Khawpui chhunga Traffic Jam nasa sutkian nana Parking space tam zawk siamna tura sawrkar Flagship Programme, ‘Parking House Support Scheme’ (PAHOSS) hnuaia sum pekchhuah zat chu cheng nuai 1,132.30 a tling tawh a, kalpui chhunzawm zel tum a ni.
Nimin-a Mizoram Legislative Assembly thutkhawm ah Aizawl North-II bialtu MLA, Dr. Vanlalthlana'n Private Member Bill a putluh, The Mizoram Land Revenue (Amendment) Bill, 2023 chu sawiho a nih hnuah Select Committee ngaihtuah tura dah a ni.
Mizoram sawrkar-a Taxation Department chuan kum kal mek, April - January (thla 10) chhungin Chhiah chi hrang hrang Rs. 8,28,47,00,349 an hmu tawh a, hei hi 2022-23 a Chhiah hmuh beisei zat (revised estimate) cheng vbc. 900 atangin zaa 92.05 a tling.
ZPM Working President K. Sapdanga chuan ZPM in Party dangte nena thawhhona chungchang a la rel loh thu a sawi.
MNF Party chuan hnathawhna atana Lengpui Airport-a Passenger trolley hmangtute chu hrem an ni dawn niin an sawi.
Aizawl khawpui in thla thar March 2-a G20 intawhkhawmna chi khat, ‘Bussiness 20 Meeting’ a thlen tur atana inbuatsaihna kal mek chu nimin khan G20 Core Committee Chairman leh Home Commissioner H. Lalengmawia hovin Secretariat Conference Hall-ah thlirho a ni.
State Resource Centre for HIV/AIDS building thar sakna tur lungphum chu nimin khan Health Minister Dr. R. Lalthangliana chuan Aizawl-a MINECO-ah a phum.
Mizoram-ah kum 2021 leh 2022 chhungin Vawk hri leng, African Swine Fever (ASF) vanga thi Vawk 70,147 awm mahse vanduaina/chhiat (calamity) a pawm a ni lo.
Sawrkar laipui Ministry of Corporate Affairs hnuaia Investor Education and Protection Fund Authority (IEPFA) leh Mizoram sawrkar Tourism Department tangkawpin an buatsaih ‘State Level Conference on Financial Literacy in Amrit Kaal’ chu nimin khan Aizawl Vanapa Hall-ah neih a ni.
Higher & Technical Education Minister Dr. R. Lalthangliana'n zirlaite Tuition Fee atangin sawrkar-in chhiah a la lo niin a sawi.
PHE Department changtu Deputy Chief Minister Tawnluia'n mipuiten tuithianghlim in tur an neih vek theih nana Sawrkar laipuiin a ruahman, JJM hnuaia Solar Pump siamte a taka hman a nih hunah ni khatah tui thianghlim Litre Maktaduai 10.2 pek theih a ni dawn tih House a hrilh.
Mizoram-ah COVID duty laia nunna chan VLTF/LLTF-a OB/Member mi 10 an awm a, chung mite chu Mizoram sawrkar-in Ex-Gratia Compensation Scheme atangin mi pakhat zel tana cheng nuai 20 a ruahman chu pek fel an ni tawh.
.jpeg)
.jpeg)
Tun Ministry chhungin NABARD atanga loan lak Rs. 6,58,48,26,600 a awm tawh a, chung loan te chu 1.2.2030-a rulh zawh tur niin, vawi 70 loan lak a ni tawh.
Commerce & Industries Minister Dr. R. Lalthangliana'n Aizawl Bazarpui Building sak zawh har a nih chhan chu Geo Technical Investagion leh AMC-a thil tihfel ngai a tam bakah COVID-19 hri leng vang a nih thu House a hrilh.
ZPM Party chuan Sports Minister leh District Council & Minority Affair (DC&MA) changtu Minister te chu insawifiah tura an phut thu an sawi.
Mizo Zirlai Pawl (MZP) chuan Sawrkar hnathawk te pension hun atana kum 60 hman mek chu tha an la tih thu an sawi.
Chief Minister Zoramthanga'n Mau sawngbawltur duhthusam a tam hmuh tur a awm loh avangin Mizoram-ah Bamboo Industry a kal hlei thei lo nia sawiin, Mizoram Venus Bamboo Products Pvt. Ltd. pawh hnathawh tur nei lovin a chawl niin a sawi.
