Latest News

Serchhip District-a Swachh Bharat Mission (Grameen) Phase-II kalpui dan tur sawiho a ni

Serchhip District-a Swachh Bharat Mission (Grameen) Phase-II kalpui dan tur sawihona chu nimin khan Serchhip-ah District Bawrhsap, Kumar Abhishek hova neih a ni a, SBM (G) Phase-II hi sawrkar Department dang te nen Convergence-a thawh a ni dawn a ni.

He sawihona Serchhip DC Meeting Hall-a neih hi Serchhip District Swachh Bharat Mission (Grameen)-a Chairman leh District Bawrhsap, Kumar Abhishek chuan kaihruaiin sawrkar laipui ruahmanna hnuaia hmalakna kalmek ah hetianga Meeting pawimawh tak neih a ni chu lawmawm a tih thu sawiin, Serchhip District-ah pawh chak taka hmalak zui zel a pawimawh thu a sawi a. PHE Serchhip WATSAN Division-a Sr. Executive Engineer, Er. F. Lalsanglura chuan hna kalpui an tum dan leh hma lo lak dan hrang hrang te sawiin, Department dang aiawh a lo kal te chu tha tak thawhhopui ah a sawm bawk a. Chairman sawmna angin Swachh Bharat Mission (Grameen)-a District Coordinator, Samuel Lallawmzuala chuan ODF Plus Guidelines leh hmalak dan tur ruahmanna te a sawifiah bawk a ni.

He thutkhawm hi Aizawl lam atangin Swachh Bharat Mission (Grameen)-a Mission Director, Er. C. Chawnghnuna pawhin rawn hmanpuiin Swachh Bharat Mission (G) Phase-II a hna kal dan tur hrang hrang ruahmanna te a sawi a, SBM (G) Phase-II ah hian Convergence hmanga hnathawh a ngaih avangin Central sawrkar in ruahmanna a siam te sawiin, Mizoram pumah Thingtlang khua ah te SBM (G) Phase-II hna hmasa atan Individual Household Compost Pit leh Soak Pit te siam sak tura ruahman a nih thu a sawi a, heng hna ah hian Ministry in a phut angin 15th Finance Commission Grant leh MGNREGA atangte a Convergence a ngaih thu te a sawi bawk.

He thutkhawm ah hian Serchhip DRDA Project Director, Malsawmtluanga leh Serchhip BDO, Vanlalhmachhuana te hnen atangin tun dinhmuna MGNREGA a hna an kalpui dan leh GPDP Plan an kalpui dan te ngaihthlak a ni a, Serchhip DLAO, Dr. Manesia Khaimeichho-in 15th Finance Commission Grant an dawn dan leh ruahmanna an siam dan te a sawi bawk a. Heng hmalakna hrang hrangte hi sawiho niin Department dangte nena an thawhho dan tur hi huamzau taka sawiho a ni bawk.

Comments

Chhiar Hlawhte