Posts

Showing posts from August, 2018

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Jharkhand MLA rual rawn zin

Jharkhand Legislative Assembly hnuaia Ethics & MLA Fund Monitoring Committee member-te chuan nimin khan Mizoram Governor, Kummanam Rajasekharan chu Aizawl-a a chenna, Raj Bhavan-ah hmuin inkawmna hun an nei.

MZI dinchampha lawm

Mizo Zaimi Inzawmkhawm (MZI) chuan nimin khan an dinchampha vawi 38-na an lawm a, MZI Hqrs. Serchhip pawhin he Ni pual hian nimin zing khan JN Hospital, Serchhip tlawhin damlo harsa ten a \ul anga an hman turin Poor Fund-ah pawisafai an pe a,

YMA Member ten thisen pe

New Serchhip Venglai Branch YMA chuan nimin khan Serchhip damdawi In Blood Bank-a dah turin thisen Unit 20 an pe.

YMA in SEC Meeting nei

Serchhip Sub-Hqrs. YMA chuan niminpiah khan an Office Meeting Room-ah SEC Meeting neiin YMA General Conference neihloh kuma YMA Rorel Inkhawm neih \hin tura tih chu

Model Polling Station hawng

Serchhip District Election Officer, Sangchhin Chinzah chuan nimin khan Serchhip DC Office Complex-ah mipui ten Vote thlakna khawl (EVM) chungchang an hriatchian theihna turin Model Polling Station (Polling Station lem) chu a hawng.

PMEGP Loan diltute interview

Nimin khan District Level Task Force Committee on PMEGP chu Serchhip DC’s Conference Hall-ah \hukhawmin Serchhip District chhunga PMEGP Loan diltute interview an buatsaih.

Mizoram-a Post Office zawng zawngah India Post Payments Bank (IPPB) hawng dawn

India ramah Post Office Saving Bank (POSB) hlawhtling taka kalpui a nih hnuah kumin hian Mizorama Post Office zawng zawngah India Post Payments Bank (IPPB) hawn a ni dawn.

Serchhip BJP ten PM hlui sunna hmang

BJP Serchhip District chuan India Prime Minister boral ta, Atal Bihari Vajpaee sunna hun niminn khan an hmang a, he hun hi BJP Mizoram Vice President, Nirupam Chakma chuan a hmanpui a ni.

Serchhip District-a Project HIMNA-SADAT kalpui tur atan Middle School zirtirtute an training

Serchhip District-a Project HIMNA-SADAT hnuaiah nimin khan Serchhip District-a Middle School zirtirtute tan Zuk leh hmuam leh ruihhlo chungchang zirhona buatsaih a ni a. He training hi zirtirtuten ruihhlo chungchang an lo hriat chian lehzuala, naupangte ruihhlo laka an fihlim theih nana thiam taka an kaihhruai theih nana inbuatsaih a ni.

Category-I ah Mizo hlang awm turin Court in rel

Mizoram State quota-a Technical Course zir tur thlannaa Category-I a awm ve ngiata Mizoram Chakma Students’ Union (MSCU)-in Gauhati High Court-a Mizoram sawrkar an khinna chu Principal Bench chuan niminpiah khan ngaihtuahin, Mizoram sawrkar aiawha Ukil-in CAT-I-a Mizo hlang awmtir a ngenna chu a phalsak.

Union MoS in ITI Veng-ah UPH&WC a hawng

Mizoram tlawha rawn zin Union Minister of State, Health & Family Welfare, Anupriya Patel-i chuan nimin khan Aizawl ITI Veng a Urban Primary Health Centre (UPHC) chu Healthcare Service chi hrang hrang 12 awm tharna tur, Urban Primary Health & Wellness Centre (UPH&WC) atan a hawng.

Sipai lakna nei leh dawn

Sipai lak runpui October ni 3-6, 2018 chhung hian Rajiv Gandhi Stadium, Mualpui-ah neih a ni dawn a.

Quiz Competition buatsaih

Zoram Entu Pawl (ZEP) in Quality Education Project hmalakna hnuaia an huamchhin zirna In te tana Story Telling Competition leh Quiz Competition an buatsaih chu nimin khan Middle School tan Quiz Competition nei leha zawhfel a ni.

Chief Minister Relief Fund pe

Serchhip P&E Veng Branch YMA chuan miharsa te \anpuina atan Chief Minister Relief Fund atan Rs. 3000/- an pe a, Penticostal Youth Department (PYD), Serchhip Biak Inpui UPC, Serchhip te pawhin Rs. 2000/- an pe bawk.

SAROA dinchampha lawm

Niminpiah khan Serchhip Auto Rickshaw Owners Association chuan Serchhip District Park, Dawngzawl-ah Rising Day vawi 20-na hmangin he hun hi C. Lalramzauva, Sr.Advocate chuan khuallian niin a hmanpui a ni.

MCS Officer te siksawi

Mizoram sawrkar chuan tunhnai khan Mizoram Civil Services (MCS) te awmna hmun a siksawi a

Kuthnathawktute thlai thar lakkhawm leh hralh-chhuahna atan Cold Chain System buatsaih mek

Kuthnathawktute thlai tharte \ha taka lakkhawm leh hralhchhuahna atan Cold Chain System buatsaih mek a ni.

Khawlailung khuaah Farmers’ Training neiin CM Special NLUP Assistance semchhuah a ni

Sericulture Department bultumin nimin khan Khawlailung Dinthar YMA Hall-ah Farmers’ Training neih a ni a, he hun hi bialtu MLA leh Sericulture Minister, Vanlalawmpuii Chawngthu chuan khuallian nia hmanpuiin CM Special NLUP Assistance chu chhungkaw 18 hnenah a sem nghal bawk.

MIMER-ah hming\hat lak tum awm niin sawi

Congress |halai, MPYCC chuan Mizoram sawrkarin MIMER a dinah hming\hat lak tum an awm nia sawiin, mahni kutkawih nilo, mahni tih vek anga insawi ching champion chu MNF party an nih thu an sawi bawk.

Ramri chungchanga hma la turin sawrkar phut

MNF |halai President, Er. Lalrinawma MLA chuan Ramri venhimna kawngah leh ILP chungchangah chak zawka hma la turin sawrkar an phut thu a sawi.

PRISM in VC thuneihna sang zawk pe dawn

PRISM Party President, Vanlalruata chuan PRISM Party an sawrkar a nih chuan Village Council te thuneihna sang zawk pek an nih dawn thu sawiin, Village Development Committee din a nih dawn thu a sawi.

Chess Championship tan a ni

Serchhip District Chess Association (SDCA) buatsaih ‘PC. Rohlupuia Memorial Chess Championship (MVA Rating Tournament) chu nimin khan Serchhip-ah khelh \an a ni a, Serchhip District Sports Committee Chairman, K. Tlangthan-mawia chuan a hawng a ni.

Zirlai naupangte intihsiak

Zoram Entu Pawl (ZEP) hnuaia Quality Education Project hmalakna nimin khan an huamchhunga Primary School zirlai naupangte tan Story Telling Competition chu Serchhip P&E Veng-a St. John the Baptist Hall-ah neih a ni a, he hunah hian zirlai naupang ten Mizo thawnthu thlanbik a\angin thawnthu an in sawi siak a, zirna In 12 a\angin zirlai an tel a ni. He inelna ah hian Zonunsanga, PES, Kei\um chu pakhatna niin Ramdintluanga, Govt. Primary School-III, Chhiahtlang chu pahnihna a ni a, Lianthangpuii, PES, Bungtlang chu pathumna niin Stephanie Lalchawimawii, All Saint School, Serchhip chu palina a ni bawk.

Ram lak Hearing nei dawn

National Highway (NH-54) kawngpui zauhna leh siamna tur atana ramlak tum chung-changa sawisel duh neite tan hun hawn a ni dawn a. Heng Village Council hrang hrang huam-chhung- Chhingchhip, Chhingchhip Mualpui, Chhiahtlang, New Serchhip North, Bungtlang, Kei\um leh Baktawng a\anga NH-54 zauhna leh siamna tur atana ram lak tum chungchang a objection thehluttu te tan tun thla ni 31 chawhma dar 10:00 hian DC Conferrence Hall, Serchhip ah an sawisel duhte sawina hun (Hearing) neih tur a ni a. Objection thehluttu te chu he Hearing a hian kal ngei turin hriattir an ni.

Minister OP-i’n bial fang

Hrangturzo bialtu MLA leh Minister of State, Vanlalawmpuii Chawngthu chuan a bial chhung fang mekin nimin khan Hringtlang khua a tlawh.

Mit petute chawimawi

Rampuma Eye Donation Fortnight vawi 33-na hman pualin Serchhip District chhung midang tana Mit petu (Eye Donors) mi 3 te hnenah nimin khan Certificate hlan a ni.

Sector Officer leh Sector Police Officer te training

Kumin kumtawp lama Mizoram Assembly inthlanpui neih tur atana inruahmanna kal zelah nimin khan Serchhip District chhunga Sector Officer leh Sector Police Officer te tan an hnathawh dan tur zirhona neih a ni.

Sipai bang lungawilo in kawng an zawh; Serchhip-a Sipai bang ten an thlawp

Sipai bang pawl, Ex-Servicemen te chuan sawrkar laka an thilphut hrang hrang tih hlawhtlin ngiatin nimin khan Aizawl-ah kawng an zawh a, he kawngzawh hi Serchhip-a Ex-Servicemen te chuan an thlawp thu an sawi.

Mizoram hi India ram pumah POCSO Act hnuaia Conviction rate nei sang ber a ni - DGP Mizoram

Mizoram DGP, Balaji Srivastava chuan Mizoram chu India ram pumah POCSO Act hnuaia Conviction rate nei sang ber a nih thu sawiin, Naupangte case bik khawihna tur, Child Friendly Police Station chu Lawngtlai-a siam a nih hnuah Mizoram District tinah siam belh tum a nih thu a sawi bawk.

E. Roll Hearing nei mek

Kumin January ni 1-a kum 18 tling chinte laa Electoral Roll Special Summary Revision chu a \um hnihna atan neih mek niin hming thun thar, siam\hat leh insawn bakah paih ngaite tana dilna hun hawn a nih hnuah tunlai hian Veng hrang hrangah heng dilna lut te enfiahna (Hearing) neih mek a ni a, Serchhip A/C-ah chuan zawhfel a ni tawh thung. Heng Hearing neihna hmunah hian AERO, BLO leh Political Party bakah tlawmngai pawl aiawhte an tel \hin a ni.

Congress VC te inhmukhawm

Serchhip Town chhunga Congress Party VCP leh VC Member te chu nimin khan Serchhip Block Congress Committee kohkhawmin PC. Vanlalsawma In, Serchhip Venglai-ah an inhmu-khawm a. Tunhnaia Serchhip Town Joint VC Meeting in Housing For All chungchang an rel ang ni lovin Joint VC kaihruaitu ten Director, Ministry of Urban Housing hnena thu an thlen nia sawiin, hemi chungchang rel \ha leh turin ni 2 (hnih) chhunga Emergency Committee ko tura tih nise, hemi hnu hian a \ul dan anga hmalak zui nise an ti bawk.

Scho din dan tur zirho

Mizoram Scholarship Board (MSB) buat-saihin nimin khan Serchhip P&E Veng YMA Hall-ah Online hmanga Scholarship dil dan tur chungchang zirhona neih a ni a, hemi hmalam hian Aizawl-ah hetiang hun hi buatsaih niin nimin a\ang khan District hrang hrangah neih a ni a, Serchhip-ah pawh MSB hotute an rawn kal a ni.

Ramdang mi 424 manchhuah an ni tawh

MZP chuan nimin thleng khan Assam National Register of Citizens (NRC) a chuang lo foreigner Mizoram-a lo luh tum 424 manchhuah an nih tawh thu an sawi.

Tripura a\anga Bru hruaikir mekah chhungkaw pathum chiah hruaikir an la ni

Tripura a\anga Mizoram mi Bru te hruaikir hna thawh mekah nimin khan Tripura Transit Camp a\angin chhungkaw pahnih (2) hruaikir an ni a, heti hian Bru hruaikir vawi 8-na kalpui mekah chhungkaw pathum hruaikir an ni ta a, sawrkar chuan ruahmanna awmsa anga hmalak zel a nih tur thu an sawi.

Serchhip District Sports Committee in Sports Complex neitu chungchang an sawifiah

Serchhip District Sports Committee chuan Serchhip Hmar Veng-a Sports Complex chu Serchhip District Sports Committee enkawlna hnuaia awm a nih thu an sawi.

Bru Roll Revision Form ruk chhuah a ni

Kar kalta Ningani (Aug. 23, 2018) zan khan Mamit District Election Office chu mi tu tih hriatloh ten an rawk a, Tripura Transit Camp-a Bru awmte Electoral Roll Revision form 6, 7 & 8 engemawzat rukbo a ni.

Birth Certificate lem cancel

Thenzawl-a hnamdang pakhat chu diklo taka Birth Certificate a siam hriatchhuah a nih avangin a Birth Certificate chu cancel sak a ni.

ZPM in Campaign nei dawn

Inrinni khan Serchhip ZPM Steering Committee chuan Executive Meeting neiin 'Operation Joshua' neih an rel.

Referee Development Course & MC training zofel

Mizoram Football Association (MFA) leh Serchhip District Football Association (SDFA) te buatsaiha tun thla ni 21 a\anga 24 chhunga Serchhip Sports Complex leh Leisekawt Mual-a Mizoram pum huap Referee Development Course & Match Commisioner Training chu zawhfel a ni ta a, he hunah hian a tirah mi 24 telin a tawp thlenga Training mi 21 an awm a ni.

Sangha man phalna hun hawn mipuiin an hlut

Kei\um Branch YMA chuan Tuichang lui-a luidung an humhalh chhunga Sangha te chu Inrinni khan a duh apiang tan Nghakuai hmanga man theihna hun an hawng a, mipui ten an hlut hle.

Education Minister ni mek hi Edcation Minister ni tlakah ka ngai lo - Dr. R. Lalthangliana

MNF Vice President leh Education Minister hlui, Dr. R. Lalthangliana chuan School Education Minister ni mek Education Minister ni tlakah a ngailo tih sawiin, MNF a sawrkar veleh Pu Hawla Zu Lipui an sah darh vek dawn tih a sawi.

Tripura a\anga Bru kir duh la awm lovin ruahman sa angin sawrkar in hma a la zui zel

Tripura Transit Camp a\anga Mizoram mi leh sa Bru-te Inrinni kalta a\anga Mizoram a hruai let tum chu Bru zingah kir duh an awm loh avangin Inrinni khan a hlawhchham nia thudawn a ni a. A hmaa inremna lo awm tawh angin Bru te hruaikir tur hian ruahman sa angin sawrkar chuan hmalak zel a tum a ni.

Mat phairuam ngaih pawimawh

Mat phairuam ngaih pawimawh

PRISM Party in Land Reforms kalpui dawn

PRISM party President, Vanlalruata chuan PRISM Party in sawrkarna an siam a nih chuan Land Reform an kalpui dawn thu a sawi.

SSA dinchampha lawm

Serchhip Sazuar Association chuan nimin khan an dinchampha vawi 31-na hmangin hruaitu thar thlanna an nei nghal.

Project kalpui tur hawng

Poject HIMNA – Serchhip Against Drugs, Alcohol & Tobacco (Project HIMNA- SADAT) hnuaia ruihhlo laka naupangte an him theihna tura Upper Primary School-a hmalakna tur hawnna chu nimin khan neih a ni.

ZPM in Contractor phena biruk tihtawp tum

Zoram Peoples’ Movement (ZPM) Leader, K. Sapdanga chuan, “ZPM kan sawrkar chuan Contractor phena tu emaw biruk kuk \hin hi awih a ni tawh lo ang” a ti.

MNF din Falkawn Referral Hospital-a Infrastructure chhawmin MIMERS din a nih thu sawi

MNF Vice President leh Health Minister hlui, R. Tlanghmingthanga chuan MNF din Falkawn Referral Hospital-a Infrastructure zawng zawng chhawmin MIMERS chu din a nih thu sawiin, "Congress party hi inpuhchhiat hrim hrim thiamna lamah hian an champion chiang hle. An dawt sawi tunah hian a langchhuak leh vek tawh a, an la zak chuang reng reng lo a ni," a ti.

Central YMA hruaitu ten Larsap an kawm

Central Young Mizo Association (YMA) Office Bearer-te chuan nimin khan Mizoram Governor, Kummanam Rajasekharan chu Raj Bhavan-ah hmuin inkawmna an nei.

PRISM Party in kawngpui \ha neih an tiam

PRISM President, Vanlalruata chuan PRISM an sawrkar chuan kalphung thlakin kawngpui \ha kan nei ngei dawn tih a sawi.

Thinghrangkawn-ah Tuipuiral YMA Run hawng

East Tuipui Bialtu MLA, T. Sangkunga chuan nimin khan a bial chhunga Thinghrangkawn-a Tuipuiral YMA Run sak thar chu a hawng.

Congress zawm thar lawmlut

Chief Minister, Lal Thanhawla chuan nimin khan Thenzawl-ah an party zawm thar voters 155 lawmlutin, NLUP chu Court a khingtu awm mah se, NLUP guideline fel a awm a, Gazette a ni ang a, \ha taka semzui leh a ni dawn, a ti.

Thawhhona zirhona neih a ni

Mizoram People Forum (MPF) Serchhip District buatsaihin nimin khan Serchhip-ah MPF leh Political Party te thawhhona Thuthlung zirhona neih a ni.

Pu Lal Thanhawla in thlantlin tawh loh hi a pawimawh a ni - Zoramthanga

MNF East Block Serchhip buatsaihin nimin khan Serchhip Chhim Veng-a Lalpuithanga Hall-ah Political Training-cum-Workers Meet neih a ni a. He hunah hian MNF Party President, Zoramthanga chuan Congress leh ZPM a\anga MNF zawm thar mi 139 te a lawmlut.

NEDP sum cheng nuai 571 senga Chawm Kai-a Lei dawhna tur lungphum Chief Minister in a phum

Serchhip Mat Phai Chawm kai-a NEDP sum cheng nuai 571 senga Bailey Bridge dawhna tur lungphum chu nimin khan bialtu MLA leh Chief Minister, Lal Thanhawla chuan a phum a. He Lei hi thla 18 chhunga dawh zawh hman tura ruahman niin tuna Temporary Suspension Bridge awm mek chu a thlak ang.

Bawlhhlawh paih ah hmasawn ila

Bawlhhlawh paih ah hmasawn ila

Ruang 4 hmuh kim a ni ta

Tunkar Thawh\anni chawhnu lama Tuiruang lui-a Lawngleng chesual avanga tui tla te ruang chu hmuh kim a ni ta.

MNF sawrkar hunah Mizoram leh hnam himna ngaih pawimawh a ni ang - Dr. R. Lalthangliana

MNF Vice President, Dr. R. Lalthangliana chuan Congress sawrkar in ram himna a ngai pawimawhlo nia sawiin, “MNF sawrkar hunah Mizoram leh hnam himna ngaih pawimawh a ni ang,” a ti.

Serchhip Town Joint VC ten Municipal neih thuai an duh

Serchhip Town Joint VC chuan Municipal neih thuai an duh thu an sawi.

YMA hi India rampum a tlawmngai pawl hrang hrang zingah a thawk \ha pawl a ni - Chief Minister

Serchhip Hmar Veng Branch YMA kum 50 tlin lawmna chu nimin khan neih a ni a, he hun hi bialtu MLA leh Chief Minister, Lal Thanhawla chuan khuallian nia hmanpuiin, YMA chu India rampum a tlawmngai pawl hrang hrang zingah pawh a thawk \ha pawl a nih thu a sawi.

Govt. Serchhip College-a zirlai ten Sesah lui leh Hmawngawn lui thenfai hnatlangpui an nei

Image
Serchhip District Sanitation Task Force bultumin nimin khan Serchhip khawpui thli dawng lui pahnih Sesah Lui leh Hmawngawn Lui thenfai beihpuithlak leh a ni a, nikum September 29 khan a vawikhatna atan heng lui te hi thenfai a lo ni tawh a ni.

Rampuma Nurse ten lungawilohna lantir an tum

Trained Nurses' Association of India (TNAI) Mizoram State Branch te chuan rampum huapin lungawilohna lantir an tum thu an sawi.

Sik leh sa danglam zel chungchang thlirho

Nimin khan a chhe zawnga sik leh sa danglam chho zel do tura State sawrkarin hma lak dan thlirhoin EF&CC Department Principal Secretary, Lalram Thanga hovin New Secretariat-a Secretariat Conference Hall-ah sawrkar mi pawimawhte an \hukhawm.

Self Help Group (SHG) te hnenah loan semchhuak

Thingtlanga chengte eizawnna nghet siam tura kawng zawn sakna peng pakhat, Mizoram National Rural Livelihood Mission (MzNRLM) hnuaiah Thingdawl RD Block leh Bilkhawthlir RD Block hnuaia Self-Help Group (SHG) sawmhnih pakua (29) te hnenah nimin khan Loan cheng nuai 145 pekchhuah a ni a; Group pakhatin cheng nuai 5 \heuh an dawng a ni. Kolasib DC, Dr. Arun T kaihhruaia Loan semna hun, Credit Camp hi nimin khan Kolasib Parish Hall-a hman niin, khuallian Finance Secretary, Lalmalsawma chuan Credit Camp chu Central leh Mizoram sawrkar policy pawimawh tak, Hmeichhia chawikanna piah lamah chhungkaw hrang hrang dawmkanna tur a nih thu a sawi a. Ham\hatna dawngtute chu loan rul \ha tura chahin, sawrkar hmalakna hnuaiah \hahnem ngai turin a chah bawk.

DFA in Training buatsaih

Mizoram Football Association (MFA) leh Serchhip District Football Association buatsaih Referee Development Course & Match Commissioner Training chu nimin khan Serchhip-ah neih \an a ni a, tunkar Zirtawpni thleng neih tura ruahman niin nimin zing dar 7:00 khan Serchhip Sports Complex-ah a hawnna neih a ni a, he hun hi Serchhip District Football Association (SDFA) President, Zomuana Hnamte chuan kaihruaiin MFA Head of Referee, Laldawngliana leh Referee Lalhriatpuia Sailo-ten zirtirna an kalpui a, he hunah hian Serchhip Dist Football Association hnuaia Zone hrang hrangte leh Town Club a\angin mi 24 an tel a ni.

MNF hi kum 15 an opposition dawn - John-a

Mamit bialtu MLA, John Rotluangliana chuan, "MNF hian kum 15 an opposition dawn tih hre rawh se," a ti.

MZP hmalakna in Dan lova Mizoram-a luh tum ramdang mi 200 chuang manchhuah an ni tawh

Mizo Zirlai pawl (MZP) General Hqrs. chuan Mizoram sawrkar a mutthluk avangin MZP chuan tunhnai ah Mizoram-a ramdang mi (Foreigner) dan lova lut leh luh tum dapchhuah hna an thawk tih sawiin, mi 200 chuang manchhuah an nih tawh thu an sawi.

Zirtirtu sem ngamloh dem

Mizo Zirlai Pawl (MZP) chuan School Education Minister-in thingtlang School, zirtirtu nei tlem te tana khawpuia zirtirtu \hahnem tak a sem-rual ngam lo chu pawi an tih thu an sawi.

Mizoram State Commission for Protection of Child Rights Office thar Aizawl-ah hawn a ni

Mizoram State Commission for Protection of Child Rights (MSCPCR) Office chu nimin khan Social Welfare Minister, PC. Lalthanliana chuan Dawrpui Vengthar-ah a hawng a. He hun hi National Commission for Protection of Child Rights Chairperson, Pi Stuti Kacker pawhin Khual Zahawm niin a hmanpui bawk.

MNF in Khawzawl District tih hlawhtlin tiam

MNF Sr. Vice President, Tawnluia chuan MNF in sawrkar-na an siam a nih chuan MNF sawrkar-in District a lo pek tawh Khawzawl District hi kan tihlawhtling nghal dawn a ni, a ti.

Sadbhavana Day hmang

Nimin khan ramchhung hmundangte rualin Serchhip-ah 'Sadbhavana Day' hman a ni a,

Thenzawl-a Polling Station building sawn remti

Nimin Serchhip District Bawrhsap pisa-ah Bawrhsap,Sangchhin Chinzah, District Election Officer ni bawk hovin District Level Standing Committee on Electoral Roll chu an \hukhawm a, Thenzawl Bazar Veng Polling Station hmun sawn chungchang an rel.

Serchhip-III hmalakna a lawmawm

Serchhip-III hmalakna a lawmawm

PRISM party in Eiru an man dawn thu an sawi

PRISM Party President, Vanlalruata chuan PRISM Party an sawrkar a nih chuan Eiru an man dawn tih an sawi.

District tihpuitlin ngiat zel

Khawzawl District Implementation Demand Committee chuan kum 2008-a Mizoram sawrkarin Khawzawl District thar Notification siama a puan tawh, function a nih theihna tura vawi tam tak sawrkara a lo ngen tawh \hin, tun thlenga ala hlawhtling lo chu tihlawhtlin sak turin sawrkar an phut tih an sawi a,

MZP in hnamdang chungchangah hma la zelin hnamdang 18 thawnlet an ni tawh

MZP General Hqrs. thuchhuak angin Zirtawpni a\ang khan Vairengte Check Gate-ah MZP Sub-Hqrs.Vairengte hruaitute leh member te chu an duty \an a. MZP ten Assam National Register of Citizen (NRC) a chuang lo Aizawl leh Vairengte-a an endikna ah NRC a chuanglo Mizoram rawn luh tum mi 18 an thawnlet tawh bawk.

Tripura Relief Camp a\anga laklet turte enfiah hna thawh zawh a ni ta

Image
Tripura Relief Camp paruk (6) a\anga Mizoram Bru te hruailet hna thawh 8-na atana inbuatsaihna kal zelah Relief Camp-a awm Mizorama kir duhte chhinchhiah hna chu thawh zawh a ni ta.

SDRA in lawmpuina hun hmang

Serchhip District Rifles Association (SDRA) chuan tunhnaia India hmarchhak huap Silai inkah-siakna neiha Gold Medal dawngtu, Saihmingthanga Sailo Serchhip Ramthlun Veng lawmpuina leh chawimawina hun Inrinni khan an batsaih.

K|P ten thisen Unit 26 pe

Serchhip Dinthar Branch K|P te chuan kumin a Bial khawmpui rorel tihhlawhtlinna atan Inrinni khan Serchhip damdawi In Blood Bank ah thisen Unit 26 an pe a, thisen petute hi mipa 19 leh hmeichhia 7 an ni.

Mipuite inhlawhna siamsak

Serchhip-III Village Council-a VEC chuan Zirtawpni MGNREGS hnuaiah inhlawh runpui siamin, Convergence a huan neitute Rs. 6000/- pe-a hna an thawhtir \hin chu mipuiin inhlawhin hna an thawk.

Serchhip-a |KP dincham lawm

Serchhip-a |halai Kristian Pawl (|KP) Unit ding hmasa ber, |halai Kristian Pawl (|KP) Serchhip Unit chuan nimin khan an dinchampha vawi 35-na an lawm.

Bru chhungkaw 5,407 lak let turah chhungkaw 197 chiah let duh an la awm

Tripura Bru Relief Camp 6-a Mizoram mi awm, tun thla ni 25 a\anga Mizoram-a laklet duhte enfiahna chu neih mek zel niin nimin-a he thu buatsaih lai thleng hian Mizorama let tura in-report chhungkaw 197 an awm tawh a. Tripura Bru Relief Camp 6-ah hian Mizoram Bru laklet tur chhungkaw 5,407 an awm a ni.

Lawngtlai-ah DIET building thar hawng

Lawngtlai-a District Institute of Education and Training (DIET) building thar, Thingkah ami chu niminpiah khan School Education Minister, H. Rohluna'n a hawng.

Ruihhlo avanga kan channa hi chhiarkawp hmanga chhut ngawt theihloh khawpin a nasa - Lalsawta

Law Minister, Lalsawta chuan ruihhlo vanga harsatna chu Mizoram-ah chhungkaw tam takin a takin an tuar tih sawiin, "Ruihhlo avanga kawng tinrenga kan channa hi chhiarkawp hmanga chhut ngawt theih pawh ni tawh lovin a nasa a ni," a ti bawk.

Hmasawn zelna tur kan la nei

Hmasawn zelna tur kan la nei

India Prime Minister hlui AB. Vajpayee boral

India Prime Minister hlui leh BJP hruaitu hlun, Atal Bihari Vajpayee chu All India Institute of Medical Sciences (AIIMS), New Delhi-ah nimin tlai dar 5:05 khan kum 93 mi niin a boral.

NRC vangin MZP in a \ul anga hmalak an tum

Mizo Zirlai Pawl (MZP) chuan Assam State National Register of Citizens (NRC) a kalpui chungchangah Mizoram sawrkar hmalakna hmuh tur ala awm loh avangin a \ul angin hma an la dawn tih an sawi.

Nabati a him tih sawi

Health & Family Welfare Department hnuaia Food & Drugs Administration (FDA) chuan tunhnaia Social Media-a Nabati wafers chungchanga thu thang bawhzuiin Nabati sample chu Edward Food Research and Analysis Centre (EFRAC) Laboratory, Kolkata-ah an enfiah tir a. Tehna hrang hrang- Pesticide, Heavy Metals, Aflatoxin leh Naturally Occurring Toxin te a awm leh awm loh endik a nih bakah Food Safety & Standards Authority of India (FSSAI) in tehna hrang hrang a siam hmangin endik a ni bawk. Heng tehna hrang hrangte hmanga enfiah a nih hnuah Nabati chu mipuite tana ei tlak leh him a nih thu thuchhuah siamin an tarlang.

Municipal lem pek duhlo

Champhai District NGO Coordination Committee chuan sawrkar laipui mit hmuha thiam chan nan leh sum dawn theihna kawng atan chauha Municipal lem pek tum chu an duhloh thu an sawi.

Meizu mi 5 man

Serchhip District Anti-Tobacco Squad chuan nimin khan puipunna hmuna meizu mi 5 an man. Serchhip District Anti-Tobacco Squad te hian nimin khan Serchhip-a sawrkar Pisa hrang hrang bakah Taxi, Auto Rickshaw leh Maxi Cab Stand bakah Damdawi In leh thingpui dawr te fangin puipunna hmuna meizuk khapna dan bawhchhia meizu dapchhuah hna an thawk a, he hunah hian dan bawhchhia mi 5 manin pawisa chawitir an ni.

Serchhip-ah SP thar awm

Serchhip District Superintendent of Police SP) atana ruat thar, R. Sathiyasundaram IPS chuan tun thla ni 10 khan a hna thar an rawn zawm a, tunhnaiah Serchhip SP hna chelhtu, Lalringdika a chhuah hnuin SP nghet awm lova Addl. SP in an chelh hnuah tunah chuan SP thar kan nei ta a ni. Serchhip SP thar, R. Sathiyasundaram hi IPS Officer niin Addl. DCP-I, East District, Delhi a\anga rawn awm a ni a, amah hi Tamil Nadu State chhuak nia thudawn a ni.

Cheng nuai 244.85 senga sak thar DIET Siaha Building hawn a ni

School Education Minister, H.Rohluna chuan nimin khan cheng nuai 244.85 senga sak District Institute of Education and Training (DIET), Siaha Building thar a hawng.

Ramchhunga Police Station te thlunzawmna tur CCTNS chu Mizoram-ah kalpui mek a ni

Police Station hna hrang hrangte Information Technology hmanga tih changtlunna tura ruahmanna, Crime and Criminal Tracking Network and System (CCTNS) chu Mizoram-ah kalpui chhoh mek zel niin he Project hmang hian India ram chhunga Police Station 15,268 chuang zet awm te chu thlunzawm tum a ni.

Minority Scholarship chungchanga hriattur te

Minority Scholarship chungchanga hriattur te - Laldinpuia

Vengchung FC an champion ve thung

Vengchung FC chuan Independence Day Football Tournament-ah champion lai New Serchhip FC chu penalty shoot-out ah 5-4 a hnehin nimin khan an champion.

Serchhip District chhungah Independence Day hmang

Ramchhung hmundang ang bawkin nimin khan Serchhip District chhung khaw \henkhat ah pawh Independence Day hman a ni a.

Fisheries Minister in Ser-chhip-a DFDO Office a tlawh

Serchhip-a Independence Day hmanpui tura rawn kal Fisheries Minister, Vanlalawmpuii Chawngthu chuan niminpiah tlai khan Serchhip a DFDO Office thar chu tlawhin thawktute nen inkawmna an nei.

Aizawl-a Independence Day hmanna ah Chief Minister in mipuite hnenah thuchah a sawi

India Independence Day vawi 72-na chu nimin khan Mizoram hmun hrang hrangah hman a ni a, Mizoram-a he Ni hmanna pui ber Aizawl Sipai Lammual-a neih ah Chief Minister, Lal Thanhawla chuan Hnam Puanzar pawtparhin Parade contingent-ten Hnam puanzar zahna chibai an buk a chhanglet a, mipuite hnenah thuchah a sawi bawk.

Serchhip-ah Fisheries Minister hovin Ram Zalenna Ni vawi 72-na hman a ni

India Independence Day vawi 72-na chu nimin khan ramchhung hmun hrang hrangah uar taka hman a ni a. Serchhip-ah pawh DC’s Playground Khawtetlang-ah Independence Day hi hman niin Fisheries Minister, Vanlalawmpuii Chawngthu chu khuallian niin Hnam Puanzar pawtparhin mipuite hnenah thuchah a sawi bawk.

Chief Minister hovin Council of Minister \hukhawm

Chief Minister, Lal Thanhawla hovin Council of Minister te chu niminpiah Chief Secretary’s Conference Room-ah \hukhawmin Department 9 a\anga Agenda 14 lut bakah Additional Agenda engemawzat ngaihtuah a ni.

SEC-ah complaint thehlut

MNF |halai Vice President, H. Ramdin-liana chuan Mara Autonomous District Council (MADC) huamchhunga Village Council (VC) inthlana vote chhiar \hat leh chungchangah complaint a thehlut.

Signature Campaign nei dawn

District Election Office, Serchhip chuan Vawiin a India Independence Day behchhanin kan hma lawka inthlanpui lo awm turah ‘Ka Vote hi hralh lovin uluk taka ngaihtuah chungin Vote ka thlak ang’ ti-a intiamna turin Signature Campaign neih a ni dawn a. Hemi atan hian Vawiin a Serchhip-a Independence Day lawmna Khaw-tetlang-a neih turah Field sir-ah hming ziakna tur hmun siam a ni dawn a, he hunah hian mitin te rilru fim tak leh chhia leh \ha hriatna thiang hmanga Vote thlak tum te chu signature pe turin an sawm tih District Election Officer chuan thu-chhuah siamin a tarlang.

Vawiin ah India Independence Day hman a ni dawn

Vawiin a ram zalenna ni champhaphak lo thleng tur lawm turin Serchhip-ah inbuatsaihna peihfel a ni.

Freedom from Open Defecation Week khârna inkhawm Serchhip-ah neih a ni

Nimin chhun dar 12:30 khan PHE Department, Serchhip WATSAN Division Office tualah Freedom from Open Defecation Week khârna inkhawm hman a ni.

RKVY hnuaiah Mizoram tan project 111 enkawl nan cheng vbc 11.87 pek a ni dawn

Union Minister of State for Agriculture & Farmer Welfare, Krishna Raj-i chuan a department enkawl hnuaia hmalakna kal mek RKVY hnuaiah Project za sawm pakhat (111) enkawlna turin Mizoram chu cheng vbc. 11.87 pek a nih tur thu sawiin, Mizoram-ah Sangha tam tham tak thara Blue Revolution thlentir theih nia a hriat thu a sawi.

XP rinhlelhawm loh tih sawi

Serchhip-a Legal Metrology Department Inspector, Johny Zonunmawia chuan Petrol Pump a\anga Petrol pangngai Xtra Premium (XP) anga hralhchhuah chu thil theihloh a nih thu a sawi.

Faina inzirtirna nei

Nimin khan Serchhip District chhunga Hmun-\ha khuaah PHE Department leh SBM (Gramin), Serchhip District buatsaihin thingtlang khawfai inelna, Swachh Survekshan Grameen 2018 Awareness Campaign neih a ni.

Office building thar luahlut

Image
Serchhip-a Fisheries Development Officer (DFDO) Office building sak thar chu luahluh niin nimin tlai khan Pathian hnena hlanna neih a ni.

Bru laklet hna thawhna tura inbuatsaihna hrang hrang kalpui dan thlirho a ni

Niminpiah khan Damcherra BDO Conference Hall, North Tripura-ah Mizoram sawrkar-a Home Department Principal Secretary, Lalnunmawia Chuaungo, IAS hovin Reang (Bru) laklet hna kalpuina tura inbuatsaihna hrang hrang thlir hovin meeting neih a ni.

Tangka sum kan sem lo - Lal Thanhawla

MPCC President leh Chief Minister, Lal Thanhawla chuan, “Tangka sum kan sem a ni lova, a mamawhtu kuthnathawktu te kan \anpui a ni,” a ti.

Bank hmalak dan thlirho

State Banker’s Committee Mizoram chuan nimin khan Secretariat Conference Hall, New Secretariat Complex Aizawl-ah Quarterly Meeting neiin an hmalakna hrang hrang an thlirho a. He hun hi Finance Department Secretary, Sawi-hlira MFAS chuan a kaihruai a ni.

1st Division-ah Chanmari FC

Chanmari FC chuan SDFA hnuaia 1st Division Club, AWC FC chu 3-1 a hnehin Season thar-a 1st Division khel turin an tling ta.

Sawrkar School-a hlankai lawmna CM in hmanpui

Chief Minister, Lal Thanhawla chuan nimin khan Kolasib a Govt. C. Zakhuma Higher Secondary School sawrkar School puitling a hlankai lawmna khuallian niin a hmanpui.

K|P ten thisen pe

Serchhip Chhim Veng Branch K|P te chuan Serchhip damdawi In Blood Bank-a dah turin nimin khan thisen Unit 24 an pe.

Serchhip District tana hman tur EVM rawn thleng

Mizoram Assembly inthlanpuia Serchhip District-a hman tur Electorning Voting Machine te chu nizan hmasa khan Serchhip rawn thlenpui an ni.

No Teaching Day hmang \an

Mizoram Government Aided School Association (MIGASA) chuan Adhoc Status-a dah ngiatna atana hma an lakna kal zelah nimin a\ang khan ‘No Teaching Day’ an hmang a, karleh Zirtawpni thlengin ‘No Teaching Day’ hi hman a ni ang.

Mizoram Ranking Table Tennis Championship (Serchhip)-2018 khelh \an a ni

Mizoram Table Tennis Association (MTTA) buatsaih Mizoram Ranking Table Tennis Championship (Serchhip)-2018 chu nimin khan Serchhip-ah khelh \an a ni a, Mizoram hmun hrang hrang a\angin infiammi mi 250 vel an tel.

Hmeichhia tan kawng a inhawng zel - Lalsawta

Finance Minister, Lalsawta chuan India ramah hmeichhiate tan politics khawvelah kawng a inhawng chho zel a ni, a ti.

All NGO, All Party leh Sawrkar duhdan kalhin Bru Relief Camp-ah E. Roll ennawn mek a ni

Election Commission of India (ECI) in Tripura Bru Relief Camp-a Electoral roll ennawn hna kalpui tura ruahmanna a rawn siam angin, tun thla ni 20 a zofel hman turin Tripura-a Bru camp hrang hrangah form 6,7 leh 8 hmangin Electoral Roll ennawn mek a ni.

New Serchhip North FC an champion ta

Serchhip District Football Association buatsaih Indendence Day Football Tournament 2nd Division Final nimin a khelh ah New Serchhip North FC chuan Chanmari FC chu 3-2 a hnehin an champion a, Season thar-ah 1st Division khel turin an tling bawk.

Zirna sang ngaihthah ah puh

Mizo National Youth Front (MNYF) Hqrs. chuan Congress kaihhruai Mizoram sawrkarin zirna sang zawka zirna a ngaihthah hlea an hriat thu an sawi.

November thla ah inthlanpui neih duh

Mizoram-a Political party hrang hrang aiawhte chuan Election Commission of India aiawha Mizoram-a lo zinte hnenah kumin kumtawp lama Mizoram Assembly inthlanna neih tur chu November thla chhunga neih an duh thu an thlen.

India leh Myanmar ramri-a inkalpawhna hawng

India leh Myanmar sawrkar inremna, Rih-Zokhawthar kana inkal-pawhna ‘Agreement on Land Border Crossing with Myanmar’ hawnna hun chu nimin khan Rih-Zokhawthar Border-ah neih a ni.

EVM te rawn phurthleng

Kumin kumtawpa Mizoram State inthlanpui a hman tur Electronic Voting Machine (WEVM) chu nizan hmasa khan Kolasib phurh thlen niin nimin khan Mizoram a District hrang hrangah phur chhuah leh nghal an ni.

Gas man bithliah thar

Mizoram sawrkar Food & Civil Supplies Department chuan Mizoram chhung khaw hrang hranga eirawngbawlna Gas man tur a bithliah thar leh ta a.

Taxi leh Bus rate sawiho

Nimin khan Serchhip-a District Transport Officer (DTO) Office-ah DTO, Lalrinsanga hovin Serchhip District Consumers Association, Ser-chhip Taxi Owner Association leh Town Bus Owner Association te chuan Taxi leh Town Bus rate chungchang an sawihona an nei.

Mizoram Police Wives Welfare Association (MPWWA) Serchhip Unit dincham lawm a ni

Police nupui intelkhawmna, Mizoram Police Wives Welfare Association (MPWWA) Serchhip Unit chuan nimin khan an dinchamphaphak vawi 3-na ruai nen an lawm.

ILP pekchhuah dan enfiah

Central YMA Kumpuan Committee chuan nimin khan Central YMA Vice President, R. Lalngheta hovin Vairengte Police Check Gate tlawhin Mizoram sawrkarin Temporary ILP a pekchhuah dan leh National Register of Citizen (NRC) in nghawng a neih dan te an zirchiang a. Vairengte Check Gate-ah hian July thla chhung khan Hnamdang mi 8522 hnenah Temporary ILP pekchhuah a ni a, tun thla ni 1 a\anga ni 8 chhung khan mi 1996 hnenah Temporary ILP pekchhuah leh a ni bawk a, Temporary ILP hi ni 7 chhung atan chauha siam a ni. Thudawn danin tun dinhmunah Vairengte-ah hian Mizoram sawr-kar chuan NRC chungchang bikah hian hmalakna a la neih lo a ni.

Mizoram-a Tlawmngai pawl leh Political Party ten Bru laklet tur chungchangah inrawnkhawmna an nei

Tripura a\anga Bru raltlante Mizoram-a hruaikir tura ruahman mekah hemi atana hmalakna te leh Bru te tana Electoral Roll Revision neih tur thlirin nimin khan Home Minister, R. Lalzirliana hovin Mizoram-a recognised Political party hrang hrang te leh NGO pawl hrang hrangte chuan inrawnkhawmna an nei.

Bru lungawilo ten pawl thar an din leh

Tripura-a Bru Relief Camp hrang hranga tlawmngai pawl, khawtlang hruaitute leh sakhaw hruaitu intelkhawm chuan Mizoram Bru Displaced People Coordination Committee (MBDPCC) an din.

Leisekawt Mual laihzauh a \ul

Leisekawt Mual laihzauh a \ul

MCAB in ATM thar an hawng

Mizoram Cooperative Apex Bank (MCAB) Serchhip Branch in Serchhip Bazar-a pawisa lakchhuahna khawl, ATM an bun thar chu nimin khan mipuite hman theih tura hawn a ni.

National Handloom Day vawi 4-na lawm a ni

National Handloom Day vawi 4-na chu nimin khan Commerce and Industries Minister, H. Rohluna hovin Assembly Annexe Conference Hall, Aizawl-ah lawm a ni.

Serchhip Kudam a\anga Ration buhfai pek a buk a tling tawklo tih hmuhchhuah a ni

Serchhip-a Supply Kudam a\anga Retailer te hnena Ration buhfai pekchhuah chu a buk a dik tawklo tih hmuhchhuah a ni.

Inthlanpui neih tur thlirlawk

Mizoram in kumin a Assembly inthlanpui a hmachhawn tur chungchangah niminpiah khan Election Commission of India a\angin Deputy Election Commissioner, Sudeep Jain leh Senior Officers te chuan Aizawl rawn tlawhin sawrkar hotute nen inkawmna an nei a.

Mizoram-a Medical College hmasa ber tur MIMER chu Chief Minister in a hawng ta

Mizorama MBBS zirna In hmasa ber Mizoram Institute of Medical Education & Research (MIMER), Falkawn chu nimin khan Chief Minister, Lal Thanhawla chuan a hawng a. Chief Minister chuan MIMER hlawhtlinna atana thawktu zawng zawngte chungah lawmthu a sawi.

Auditorium hmun enfiah nise

Serchhip in Auditorium \ha tak kan neih chu nizan hmasa khan a chhaklam ko chu thui fe a min a, hemi hmalam kumin June thla vel khan

New Serchhip North FC leh Chanmari FC in Final an lut

Serchhip District Football Association buatsaih Independence Day Football Tournament 2nd Division chu nimin khan Semi Final khelh niin New Serchhip North FC leh Chanmari FC ten an khingpui hnehin Final an lut.

Bru hruaikir turin inpeih thawkhat tawh

Tripura Relief Camp 6-a awm Bru chhungkaw 5,400 chuangte tun thla ni 14 a\anga lakletna tur ruahmanna chu peihfel thawkhat a ni tawh.

Mizoram sorkar-in ramri a ngaihthah - Lalduhoma

ZPM Chief Ministerial Candidate Lalduhoma chuan Mizoram sawrkar chu ramri ngaihthah ah a puh.

Pre-Training buatsaih dawn

Mizoram Youth Commission (MYC) buat-saihin Sipai lakna neih tur atana Pre-Training chu Serchhip-ah neih a ni dawn a, he Training a tel duh tan tun thla ni 8 thlengin District Project Coordinator, SSA Mission Office, Serchhip-ah dilna form thehluh theih niin hei hi tunhma lama YMA hmalakna a kalpui \hin ang kha a ni.

Sesawng leh Khawruhlian inkar Tuirini lui-a Bailey Bridge dawh chu hawn a ni ta

Image
Chalfilh bialtu MLA, Dr. Ngurdingliana Sailo chuan Sesawng leh Khawruhlian inkar Tuirini-a Lei (Bailey Bridge) dawh thar chu nimin zing khan a hawng.

Leisekawt Field laihzauh a nih theih nan hmalak zel rel

Serchhip in K|P General Conference a thlen tur atana Organising Committee huaihawtin nimin khan Serchhip-a Village Council hrang hrangte chuan Joint Meeting neiin Leisekawt Field chu laihzauh a nih theih nan lungrual taka hma lak nise an ti.

Auditorium chhaklam a min

Pathianni zanrei lamah khan Serchhip Field Veng-a Auditorium sir chhaklam chu minin Auditorium hungna bang pawh engemaw zat a tichhia a, mihring thi leh hliam erawh an awm hriat a ni lo

Kumin chhungin Eng pek hman vek tum a ni

Sawrkar laipui ruahmanna anga kumin December ni 31 hmaa Mizorama chhungkaw tin hnena Eng pek hman tuma hmalak mek niin Power and Electricity Department hotuten an sawi.

SCERT-a B. Ed. Special Education zirna leh DIET Aizawl-a B.Ed. Education zirna te hawn a ni

School Education Minister, H. Rohluna chuan nimin khan SCERT Auditorium, Chaltlang-ah SCERT-a B. Ed. Special Education zirna leh DIET Aizawl-a B.Ed. Education zirna te a hawng a. SCERT-a B.Ed Special Education zirna hawn tak hi India rama awmchhun ala ni.

Rorellai MPCC in NLUP sem chhunzawm leh thuai a ni dawn tih an sawi

Mizoram Pradesh Congress Committee chuan NLUP chu sem chhunzawm leh thuai a ni dawn tih an sawi.

1st IOC Taekwondo Poomsae Championship neih a ni

Serchhip District Amateur Taekwondo Association chuan Inrinni khan an hnuaia Taek-wondo Club te tan 1st IOC Taekwondo Poomsae Championship chu IOC Veng YMA Hall-ah an buatsaih.

Faina inzirtirna nei mek zel

India rampum huapa thingtlang khuate faina kawnga inelna, Swachh Survekshan Grameen 2018 hawnna leh Awareness Campaign-cum-Joint Meeting chu Zirtawpni khan Serchhip District chhung Khawlailung khuaah neih a ni.

Tuitla vuliam nghal

Ningani kaltaa Churanchandpur Sendra Loktak Lake-ah an chuanna lawngleng a\anga chesuala nunna chan, Lalrempuii, Serchhip Chanmari Veng ami ruang chu Inrinni khan Serchhip rawn thlenpui niin Inrinni tlai khan vuiliam nghal a ni.

Street Light vuah thar

Serchhip khawpui chhung kawtthler tihenna tura hmalakna atan P&E Department chuan Serchhip khawpui chhung lulai-ah Street Light \hahnem tak an vuah thar.

2nd Division Group Match khelh zawh a ni

Serchhip District Football Association buatsaih Independence Day Football 2nd Division-ah nimin khan Group Match khelh zawh niin naktuk a\angin Quarter Final khelh a ni ang.

PRISM party in an sawrkar theih ngei an inring

PRISM Party chuan sawrkar tih tur pawh ti thei lo, NGO leh Zirlai Pawl ten a tih tur tihsak reng ngai sawrkar chu thlak ngei \ulah ngaiin a thlak nan sawrkar theih ngei an inrin thu an sawi.

Mizoram-a RMNCH+A hma-lakna thlirletna neih a ni

Kum 2017-18 chhunga Mizoram sawrkarin Reproductive, Maternal, Newborn, Child and Adolescent Health (RMNCH+A) hmalakna a kalpui dan thlirletna leh Pradhan Mantri Surakshit Matritva Abhiyan (PMSMA) ah naupai en tam ber Category-ah hmarchhak state zinga ti \ha ber lawmman Mizoramin a dawn lawmna chu nimin khan neih a ni.

Sik leh sa chungchang zirho

Mizoram State Climate Change Cell, Mizo-ram Science Technology & Innovation Council (MISTIC), Directorate of Science & Technology, Govt of Mizoram leh Govt. Serchhip College \angkawp buatsaih Sensitization Workshop on Climate Change in Mizoram chu nimin khan Govt. Serchhip College-a HD Rosanga Multipurpose Hall-ah neih a ni a. He hun hi Dr. Samuel Lallianrawna, Coordinator IQAC Govt. Serchhip College chuan kaihruaiin Govt. Serchhip College Principal, Dr. C. Sangluaii chuan zirlai te chu he programme hi ngai pawimawh a hlawkna chharchhuak \heuh turin a fuih a ni.

Online in pe tawh dawn

Serchhip District Bawrhsap, Sangchhin Chinzah chuan thuchhuah siamin DC Office a\anga Certificates pekchhuah chi hrang hrang- Tribal Certificates, Income Certificates leh Residential te chu Online kaltlanga Deputy Commissioner Office, Serchhip a\anga pekchhuah tawh tur a ni tih a tarlang a. Heng Certificates te hi Online kal-tlang chauh a pekchhuah a nih tawh dawn avangin a dil duh emaw, hrechiang duh tan e-District Facilitation Centre, DC Office Serchhip emaw, District chhunga Common Service Centre (CSC) te pan theih a ni tih a tarlang bawk.

Training turte kokhawm

Nimin khan Serchhip-a UD&PA Department chuan Serchhip DC’s Conference Hall-ah DAY-NULM hnuaia Employment Through Skill Training & Placement-a Training turte tana hriat tur \ulte inhrilhhriatna hun an buatsaih.

Mizoram-a Vangchhia velah Civilization bo a awm ngei nia an hriat thu ASI in an sawi

INTACH Mizoram Chapter leh Archaeological Survey of India (ASI), Aizawl Circle te \angkawp chuan nimin khan Aizawl Press Club-ah thuthar thehdarhtute kawmin tunhnaia Pipute Sulhnu laihchhuak chungchang chu a lem nen an sawifiah a. Vangchhia velah hian Civilization bo a awm ngei nia an hriat thu an sawi.

Mipui mangang kohchhuah ah ZPM an inngai

Zoram People’s Movement (ZPM) |angrual Pawl chuan Zoram siam\ha tura mipui mangang te kohchhuah niin an inngai tih an sawi.

Ruihhlo Do Core Committee \hutkhawm neih a ni

‘Ruihhlo dona kawngah nasa taka hmalak tlan a \ul’ - CM Ruihhlo Do Core Committee chu nimin khan an Chairman, Chief Minister Lal Thanhawla hovin Chief Minister Office Conference Hall-ah an \hukhawm a. Chief Minister chuan ruihhlo leh a kaihhnawih thil ti an tam zel chu a pawiin, a dona kawngah nasa taka hmalak tlan \ul a tih thu a sawi.

E. Roll-ah kan \an tlan a \ul

E. Roll-ah kan \an tlan a \ul

Zoram natna tihdam kan tum - Dr. Thangtea

MNF Vice President, Dr. R. Lalthangliana chuan, "Zoram natna tihdam hi MNF-in kan tum a ni," a ti.

Right to Public Services Act, 2015 campaign \an

Mizoram sawrkar hnuaia mipuite hnena service sawrkarin a pek \hin hunbi neia pekchhuah ngei ngeina dan, Mizoram Right to Public Services Act, 2015 Awareness Campaign hawnna chu nimin khan neih a ni.

I-Day hmanpuitu tur siam

Mizoram sawrkar chuan kumin  Independence Day-a ram hruaitute fehchhuah  dan tur ruahmanna a siam a, hemi ang hian Serchhip-ah Fisheries Minister, Vanlalawmpuii Chawngthu chuan khuallian niin a hmanpui anga, N. Van-laiphai-ah MIFCO Chairman, PC. Zoram Sangliana, MLA leh Thenzawl-ah Assembly Deputy Speaker, R. Lalrinawma ten an hmanpui bawk ang. Independence Day-ah hian Chief Minister, Lal Thanhawla chu Aizawl-ah khuallian a ni ang.

MiMIR intihsiakna zofel

Champhai District huamchhunga My Project,

Electoral Roll ennawn hna thawh tur atan Serchhip-ah Draft Roll tarchhuah a ni

Nimin chawhma dar 11:00 khan Serchhip District Bawrhsap, Sangchhin Chinzah, District Election Officer ni bawk chuan a Office Chamber-ah kumin January ni 1-a kum 18 tling chinte laa Electoral Roll siam\hat hna thawh tur atan Draft Roll a tlangzarh a, political party aiawhte hnenah Draft Roll copy a sem nghal bawk.

Idol thlanna a tel turte fuih

Zonet Mizo Idol thlanna neih tura Serchhip District tana Audition Round neih zawh taka tling te fuihna leh lawmpuina hun chu nimin khan Lalro Digital Studio, Serchhip Zozam Veng-ah neih a ni a, he hun ah hian MJA Serchhip District Member te telin Serchhip District a\anga tling tura thlan mi 10 te a\angin mi 9 an tel a ni.

Mobile Phone Service provider te kawm

Central YMA hruaitute chuan nimin khan Mizoram chhunga Mobile Service Provider hrang hrangte kawmin changtlung zawk leh \ha zawka mipui ten Mobile Phone an hman theih dan tur an sawipui.

Mizoram pumah Draft Roll tarchhuah niin vote nei thei mi 759,431 an awm mek

Image
E lection Commission of India thupek anga Mizoram puma Electoral Roll Special Summary Revision neih tur atan nimin khan Mizoram District hrang hrangah Draft Roll tarchhuah a ni a. Mizoram pumah vote nei thei mi 759,431 an awm mek a ni.