Mizoram Lok Sabha MP in Customs hotute a kawm

Mizoram Lok Sabha MP, C. Lalrosanga chuan Myanmar atanga sumdawnna bungrua lakluh Dan hnuaiah mipui tana harsatna siam tamlo zawnga hma la turin Customs hotute a chah.

Lok Sabha MP, C. Lalrosanga hian nimin khan Aizawl-a Custom Division, Aizawl Office tlawhin Myan-mar nena insumdawntawnna a bungraw lakluh zingah pawisa sang tak tak te lak a nih chungchang Customs hotute a zawtfiah a, Lok Saha MP chuan Myanmar atanga thil lakluh thenkhat Kuhva angah te customs duty tihhniam anih theih nana kawng dap tul a tih thu a sawipui bakah, bungraw lo lutte check-na kawngah sumdawngte tana harsatna siam lo thei ang berin customs miten an hna thawk thin se a duh thu a hrilh bawk a. Asst. Commission (Custom), Nitish Verma chuan Central leh International Market inthlunzawmna ah thil tam tak tihfel ngai a nih avangin chuti maia tihfel theih a nih loh bakah Dan hnuaia phalloh bungraw lakluh te a awm thin avangin chinfel zung zung theih a nih loh thu MP hi a hrilh ve bawk.

Lok Sabha MP hi niminpiah khan Aizawl-a  BSNL General Manager thar, Arun Kumar chuan a chenna In-ah a tlawh a, Mizoram-a BSNL Landline leh Internet Connection tihthat tum mek a nih dante a hrilh bakah, tun thla ni 23-a Telecom Advisory Committee(TAC) Meeting neih tur chungchangte a sawipui bawk.

Hemi hma kar hmasa lam khan Lok Sabha MP hian Aizawl a NHIDCL Office tlawhin, Mizoram chhunga kawngpui an sial mek chungchang a sawipui a. Mipuiin an hlawkpui theih tur ang bera kawng siam turin a hrih a. NHIDCL hotute hian Mizoram kawngpui zauh hna an thawh mek te leh an hmabak thawh tura ruahman kawng hrang hrangte MP chu  hrilhin, kawngpui dang laihzauh hna thawh atana a duh lai te pawh  a duh chuan rawtna an hnena thlen turin MP chu an rawn bawk a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn