Nov. 25-ah SEDP dawng tur tlangzarh rel

Mizoram sawrkar in SEDP hnuaia a din, Veterinary, Fishery & Sericulture Board chu nimin khan AH&Vety Minister, Dr. K. Beichhua hova thukhawmin SEDP hnuaiah AH&Vety Department hnuaia tanpuina dawng turte tlangzarhna hun chu November 25, 2020 khian hman nise an ti.

AH&Vety Department hnuaiah kum 2019-2020 a SEDP kalpuina atan hian cheng nuai 1860 ruahman a ni a, Vawk leh Ar vulh tanpuina dawng tur beneficiary chhungkaw 1020 thlanchhuah tawhte chu pawmpuiin Aizawl District-ah 616, Lunglei-ah 155, Siaha-ah 90, Mamit-ah 35, Kolasib-ah 32, Champhai-ah 33, Serchhip-ah 29 leh Lawngtlai District-ah 20 an ni.

Hei bakah hian Sericulture Department-ah North East Region Textile Promotion Scheme leh SEDP thlunzawm niin NERTPS-ah hian kum 2018-2019 ah cheng vbc. 11.56 hmuh niin, Mamit Aspirational District-ah chhungkaw 500 in Pangang khawi tanpuina an dawng tawh a, SEDP Board in zirchianna a neih tawhah chhungkaw 308 in tha takin he Scheme hi an kalpui a, chhungkaw 119 te chu la enpui ngai niin chhungkaw 73 te hmalakna erawh hmuh tur a awm loh avangin tihtawp niin a tui zawkte pek tur a ni thung ang.