Lenkawl

 Hri kai 5 hmuh belh leh

Village Council inthlanpui neih zawh a nih hnuah Serchhip khawpui chhunga VC Area hrang hranga thlantlin te chuan VC Executive Body siam turin hma an la mek a, VC thenkhat ah te erawh chuan thlantlin te karah harsatna ala awm mek nia thudawn a ni.

Serchhip District chhunga COVID-19 hri kai enkawl zinga mi 59 te chu Inrinni leh nimin khan chhuahtir niin Serchhip District-ah hri kai enkawllai 27 an la awm mek.

India rama COVID-19 hri kai hmuhchhuah chu nuai 35 an chuang ta a, hri kai zinga nuai 27 chuang chu enkawl dam an ni tawh bawk.

Inrinni, August 29, 2020 kha ‘National Sports Day’ niin he Ni ah hian ‘National Sports and Adventure Award 2020’ chu sem a ni.

All Mizoram Cement & Iron Rod Dealers Association chuan Iron rod zawrhna dawr te chu September thla ralhmaa Electronic Weighing Machine nei vek turin an hriattir.

Indian Medical Association (IMA) Mizoram State Branch chuan an member zingah COVID-19 hri kai an awm chu pawi an tih thu sawiin, he hri kai hi a eizawnna leh a hmalam hun zel ngaihtuah chunga ngaidam turin mipuite an ngen.

State Election Commission chuan Village Council leh Local Council inthlan neih zawh tak chu felfai thawkhatah a ngai.

COVID-19 hripui leng mek avanga damlo ten awlsam zawk leh pawn chhuak lova mahni In atanga Doctor te an rawn zung zung theih nan ruahmanna siam a ni.

Health Minister Dr. R. Lalthangliana chuan COVID-19 hri leng dona kawnga kan tanrualna rah kan hmu zel tih sawiin, he kan thawhrim tlanna rah hi sawrkar laipui hotute pawhin an rawn hmuthiam zel tih a sawi a. “COVID-19 vanga nunna chan kan awmloh nan theihtawp kan chhuah reng dawn a ni,” a ti bawk.

Niminpiah-a Serchhip District chhung VC 54-a inthlanna neih zawh taka Vote tlak dan chu hriatchian theih a ni ta a, he inthlanna ah hian Vote nei mi 47,070 atangin mipa 18,547 leh hmeichhia 19,394, an vaiin mi 37,941 ten Vote an thlak a, Vote nei zawng zawng atanga chhutin zaa 80.61 ten Vote an thlak a ni. Serchhip District chhung VC hrang hrangte zingah Buangpui VC-ah Vote tla tha berin Vote nei 301-ah mi 284 ten Vote thlakin Vote 94.35% a tla a, Hriang-tlang VC-ah Vote 93.47% tlain Thenzawl Veng-thar VC-ah 92.50% a tla bawk.

By-Election ah MNF chak

Mizoram District 9-a Village Council (VC) leh Local Council (LC) inthlan Vote thlak tluang taka neih a nih hnuah result te chhiar zawhfel a ni tawh.

Niminpiah khan Mizoram-ah COVID-19 hri kai mi 29 zet hmuhchhuah leh niin Mizoram-a hri kai hmuhchhuah chuan sang khat a tling ta.

Mizoram District 9-a Local Council leh Village Council inthlanpui nei tura State Election Commission in ruahmanna a siam angin nimin khan Serchhip District-a VC 54-ah pawh inthlanna hi neih a ni a. He inthlanna a Vote tla te hi nizan khan chhiar nghal niin rorellai MNF chuan VC 54 zinga VC 34-ah hnehna an chang a ni.

 Enkawlna tum sak dawn

Serchhip District-a Village Council inthlanpui neih a Observer, Robert C. Lalhmangaiha chuan inthlanna tluang taka neih a ni chu lawmawm a tih thu a sawi.

Serchhip District-ah COVID-19 hri kai enkawllai mi 79 awm mekin COVID-19 avanga inkhunghrang mi 89 an awm mek bawk.

Niminpiah khan Mizoram-ah COVID-19 hri kai mi 7 hmuh belh leh niin Mizoram-a hri kai hmuh zawng zawng chu 974 an tling ta.

ZPM Vice President, Lalthansanga (Chatea) chuan thla thar September ni 1 atanga Assembly Session neih turah sawrkar chet fuhlohna tam tak hailan a ni dawna hriatna avangin inpeihlo chunga inthlan kaltlang pui luih a nih thu a sawi.

Mizoram District 9-ah Vawiin hian Local Council leh Village Council inthlanna neih turin ruahmanna siam ni tawh mah se COVID-19 hripui leng mek avangin Local Council 20 leh Village Council 8-ah te chuan inthlanna hi neih theih a ni rih dawnlo thung.

FREE DIRT VILLAGE

(Bawlhhlawh awmlohna khua)

 PWD E-in-C in tlangzarh

Village Council inthlanpui neih tur atan tukin dar 7:00 atang hian Vote nei thei ten Vote an tlak tan dawn ta.

Nizan hmasa khan Serchhip District atangin COVID-19 hri kai mi pahnih hmuh belh leh an ni.

Serchhip District Hospital-a COVID-19 test-na khawl bun tur chu bunfel a ni ta a, nimin khan sawrkar aiawh ten rawn enfiahin tunkar chhung hian hman theih beisei a ni.

Niminpiah khan Mizoram-ah COVID-19 hri kai mi 14 hmuh belh leh niin Mizoram-a hri kai hmuhchhuah zawng zawng chu 967 an tling tawh.

School Education Minister, Lalchhandama Ralte chuan zirlaite tana Online Exam kalpui tura thuchhuah a awmloh thu sawiin, Online Exam lo buatsaih an awm chu a hriatpui loh thu a sawi.

Thorang bialtu MLA, Zodintluanga Ralte chuan kumin July thla tir lama RT-PCR khawl a lei, Lunglei Civil Hospital-a dah mek chu hman tangkai a nih leh nihloh nimin khan a en.

 Hri kai 3 enkawl dam an ni

Naktuk-a Village Council inthlanpui neih tura Serchhip District-a Presiding Officer te tana Training hnuhnung ber chu nimin khan neih tan niin Vawiin-ah zawhfel a ni ang.

Nimin khan Serchhip atangin Swab Sample enfiah tur 46 thawn leh a nih bakah Rapid Antigen Test (RAT)-a enfiah Sample 4 thawn a ni bawk.

Nehru Yuva Kendra (NYK) Serchhip District in inkharkhipna kalpui chhunga Faina lam lem inziahsiakna leh Essay inziahsiakna an buatsaih chu zawhfel niin lawmman dawngtute hnenah nimin khan lawmman hlan a ni.

Serchhip District chhunga Vote nei zawng zawng ten naktuk-a Village Council inthlanna neih turah Vote an thlak theuh theih na turin ruahmanna siam a ni.

Mizoram-ah niminpiah khan COVID-19 hri kai mi 35 zet hmuh belh leh niin Mizoram-a hri kai hmuhchhuah chu 953 an tling tawh.

Naktuk-a Village Council inthlanpui nei turah Quarantine Centre-a awm ten Postal Ballot hmanga Vote an thlak theih nan State Election Commission hnenah rawtna thlen tum a ni.

Mizo Zirlai Pawl (MZP) General Hqrs. chuan tunhnaia Champhai District chhunga Mizo hmeichhe pahnih laka Assam Rifles Sipai te chet dan chu Mizo Hnam hmuhsitna leh diriamna ah an ngaih tih an sawi a. Hetiang titute hi hremna na tak pek bakah Mizoram chhuahsan tura an phut thu an sawi bawk.

Kumin-a a vawi hnihna atan nimin khan National Deworming Day chu hman tan a ni.

Tunkar Ningani a Village Council inthlanna neih tura inbuatsaihna chuan a vawrtawp thlengin Vawiin tlai dar 5:00 hian campaign theih hun a tawp ang.

Election Commission of India chuan tunkar Ningani-a Village Council inthlanna lo awm turah Exit Poll buatsaih khapna thupek a chhuah.

Tunkar Ningani a Village Council inthlanpui neih tura Serchhip District-a inbuatsaihna peihfel thawkhat a ni ta.

Nimin khan Serchhip District Election Officer, Kumar Abhishek hovin tunkar Ningani-a Village Council inthlanpui neih tura Polling Station kalpui dan tur leh ruahmanna siam dan tur chu tlawmngai pawl hrang hrang ten an sawiho.

 Bialtu MLA in tlawh

ZPM chuan mipuite chu thahnemngai leh fimkhur taka Vote thlak turin an ngen.

Hnahthial Lungleng Veng Joint Action Committee chuan tun thla ni 27-a Village Council inthlanpui neih turah an veng mipuite chuan Vote an thlak dawnlo tih an sawi.

Mizoram Pradesh Congress Committee (MPCC) hruaitute chuan Ruling VC leh LC nih vangin pawisa a dawn tam ngawt theih tawh loh niin an sawi.

MNF Vice President, Lalthlengliana chuan MNF sawrkar in an Manifesto-a an tiam 40 chuang an ti hlawhtling hman tawh tih a sawi.

Home Minister, Lalchamliana chuan nimin chawhnu khan Brig. Vinod S, DIG 23 Sector Assam Rifles chu kovin tunhnaia Mizoram Sawrkar leh Assam Rifles inkara thu inhmu lo awm mek chungchang a sawipui.

 Health Minister, Dr. R. Lalthangliana chuan India ram bung hrang hrang zingah Mizoram chu COVID-19 vanga thi awmlohna awmchhun kan nih bakah hmalakna kawng hrang hrangah pakhatna kan la ni mek tih sawiin, he natna dona kawnga hmalatute tana tawngtai thin te chungah lawmthu a sawi bawk.

Zirtawpni-a ZMC Laboratory-a Swab Sample enfiah zingah Serchhip District atangin hri kai pakhat hmuhchhuah a ni a, Serchhip District-ah hri kai 13 hmuhchhuah an ni tawh.

Serchhip Sub-Hqrs. YMA chuan kumin a YMA Sub-Hqrs. Conference neih tura lo rua-hman tawh chu COVID-19 hri leng avangin la neih rihloh nise an ti.

 Harsatna tawh sawiho a ni

Congress Thalai, Mizoram Pradesh Youth Congress Committee (MPYCC) chuan Vairengte Checkgate-a COVID-19 Sample test-tute hman turin PPE leh Mit leh hmai venna hmanrua an pe.

Health Minister Dr. R. Lalthangliana chuan Health Ministry in Mizoram-ah December thla tirah COVID-19 hripui vei 5000 chuang awm thei anga a chhut chu thleng lo turin theihtawpin hmalak a ni, a ti a. Village Council leh Local Council inthlanna neih turah inkaihhruaina Dan siam te tha taka zawm turin mipuite a chah bawk.

Zoram People’s Movement (ZPM) chuan Local Council leh Village Council inthlanna lo awm turah Voters te himna ngei tur ruahmanna siam turin State Election Commission chu an ngen.

Mizoram-a COVID-19 hri kai hmuhchhuah chu 918 an tling ta a, ni 2 chhungin hri kai 22 hmuhchhuah leh an ni bawk.

Tunkar Ningani, August 27, 2020-a Village Council leh Local Council bakah MADC hnuaia MDC by-election neih tum chu sawn tumna a awm lova. Inthlan huna mipuite himna atan theihtawpa hmalak tum a ni.

Inrinni tlai khan Chief Minister, Zoramthanga hovin a Pisa-ah Chief Secretary, Lalnun-mawia Chuaungo leh Central YMA hruaitute inkawmkhawmna neih a ni a. He hunah hian tunhnaia Vairengte-a Assam Rifles te chet dan chungchanga an lungnih loh thu leh hmalak zel dan tur an sawiho a ni.

Mamit-ah VLTF thukhawm

Mizoram Legislative Assembly thutkhawm chu thla thar September 1 atang khian neih a ni dawn a, ni thum (3) chhung a awh ang.

Mizoram-ah COVID-19 hri kai mi 21 zet hmuhchhuah thar leh an nih avangin Mizoram-a COVID-19 hri kai hmuhchhuah chu mi 895 an tling tawh.

BJP Mizoram Thalaite chuan COVID-19 hripui leng chu MNF sawrkar tan malsawmna thlentu leh mualphona hliahkhuhtu niin an sawi.

Mizoram Pradesh Congress Committee (MPCC) chuan MNF sawrkar chuan mipui himna aiin an Party hamthatna tur an ngai pawimawh zawk niin an sawi.

Karleh Ningani-a Village Council inthlanpui neih tur atana inbuatsaihna chu Serchhip District-ah tluang taka kalpui mek a ni.

Karleh Thawhtanni atanga rampum-a National Deworming Day (NDD) hman tur chu Serchhip-ah pawh hman tur niin nimin chawhnu khan Bawrhsap hovin a hman dan tur sawiho a ni.

Mizoram Chief Secretary leh State Disaster Management Authority-a State Executive Committee Chairman ni bawkin Mizoram-a Vawk leh Vawksa atanga thilsiam lakluh khapna thupek a siam bawhzui dan tur chungchang sawihona nimin khan Serchhip-ah neih a ni.

Adviser to Chief Minister, C. Lalramzauva chuan nimin khan Serchhip khua rawn tlawhin karleh-a Village Council inthlanpui neih tura MNF Party Candidate hrang hrangte kawmin inthlanpui neih tur an thlirlawk.

Serchhip bialtu MLA, Lalduhoma chuan Finance Commission chuan Village Council (VC) tan a hranpa in development sum hman tur a ruahman tawh tih sawiin, hei hian Ruling VC leh Opposition VC inthlauhna nasa tak awm thin te kha nasa takin a ti kiang thei dawn niin a sawi.

 Mizoram-a luh hun tur siam

Zoram People’s Movement (ZPM) Thalaite chuan Village Council leh Local Council inthlanpui neih tura Model Code of Conduct zahthiam turin MNF Party chu an ngen thu an sawi.

Mizo Zirlai Pawl (MZP) General Hqrs. chuan tunhnaia Assam Rifles te chet dan chu Mizo mipuite zahlohna ah an ngaih thu an sawi.

Darkar 24 kalta chhung khan Mizoram-ah COVID-19 hri kai mi 14 hmuh belh leh niin mi 13 te chu hnamdang an ni a, midang pakhat hi Petrol Pump-a thawk a ni thung.

Nimin khan Health Minister, Dr. R. Lalthangliana hovin Coordination Meeting on COVID-19 neih a ni a, he hunah hian sawrkar mi pawimawh thahnem tak an tel a ni.

Serchhip District Bawrhsap leh District Election Officer ni bawk, Kumar Abhishek chuan Village Council inthlanpui neih tura inbuatsaihna thlirin nimin khan Hrangturzo bial-a khaw hrang hrang a tlawh.

Serchhip District chhunga COVID-19 hri kai enkawl mi 5 te chu enkawl dam an nih hnuah nimin khan anmahni enkawlna hmun atanga chhuahtir an ni.

Village Council inthlanpui neih tura Serchhip District Observer, Robert C. Lalhmangaiha MCS chuan nimin khan Serchhip SP Office leh Serchhip DIPRO Office te tlawhin inthlanna atana an hmalakna leh an inbuatsaihna te a enpui.

COVID-19 kaihhnawih avangin nimin khan Serchhip leh a chhehvel mi tam tak an chi-ai nasa hle a, amaherawh chu thuneitu ten hma an lak hnuah mipuite tan chi-ai lutuk na tur a awmlo nia thudawn niin chhungkaw thenkhat te chu mahni In lama inkhunghrang tura tih mek an awm bawk.

 Mipui himna tur ngaihtuah

Mizoram-a COVID-19 hri kai hmuhchhuah zinga zaa 44.91 chu Force mite niin a dang zaa 24.32 te chu State pawn atanga bungrua rawn phurluttu Truck enkawltute an ni thung.

India ramah COVID-19 hri leng mek avangin mi 3,17,42,782 te Sample enfiah a ni tawh a, heng atang hian hri kai 27,67,273 hmuhchhuah niin hei hi Sample enfiah atangin zaa 8.71 a ni.

MNF Party chuan Village Council inthlanpui neih turah Congress nen an thawhhona awm khua leh Veng an hriatloh thu sawiin, Zo Peoples' Movement Legislature Party Leader, Lalduhoma chuan a hrilh theih chuan an lawm hle ang tih an sawi.

Niminpiah tlai khan Union Minister of Housing & Urban Affairs, Hardeep S. Puri hovin PM- SVANidhi chungchangah Video Conference Meeting chu neih a ni a, he hunah hian Mizoram atangin UD&PA Department changtu Deputy Chief Minister hovin UD&PA leh Home Department hotute Chief Secretary Video Conference Room atangin an lo tel a ni.

Niminpiah khan Serchhip atangin Swab Sample 22 enfiah tura thawn niin heng zingah hian COVID-19 hri kai hmuhchhuah thar an awmlo.

Serchhip Officers’ Club (SOC) te chuan an member te sum thawhkhawm atangin COVID-19 hri kai enkawltute mamawh, Scrub Suit leina atan nimin khan Serchhip CMO hnenah Rs. 15,000/- an hlan.

COVID-19 hripui leng mekah Aizawl khawpui Veng hrang hranga mipui ten hri an kai leh kai loh endik runpui, ‘Random Sampling Test’ chu nimin khan kalpui tan a ni a, he hmalakna hnuaiah hian Aizawl khawpui chhunga Sample 500 vel enfiah tura ruahman a ni.

 Zirlai titha lawmpuina hlan

Zoram People Movement (ZPM) chuan Village Level Task Force (VLTF) duty laia nunna chan te cheng nuai khat a ral bak an chhungte tana hnemhnanna tur engmah ruahmanna siam sak an ni lo chu pawi an tih thu an sawi.

Niminpiah khan Mizoram-ah COVID-19 hri kai mi 26 hmuh belh leh niin Mizoram-a hri kai hmuhchhuah chu mi za riat an chuang ta.

School Education Minister leh Tuivawl bialtu MLA, Lalchhan-dama Ralte chuan Mizoram-ah COVID-19 avanga nunna chan kan la awm lo chu Pathian min humhimna vang a ni, a ti.

Serchhip bialtu MLA, Lalduhoma chuan nimin khan Serchhip rawn thlengin tunkar Ningani thleng khan Serchhip-ah hian a cham ang.

Nimin khan Serchhip-ah District Bawrhsap hovin Taxi leh Auto Rickshaw rate chungchang sawihona neih niin rate thar tura rawtna, STA-a thlen tur ngaihtuah a ni.

Serchhip District-a Village Council inthlanpui lo awm turah Polling Station leh a chhehvelah tumkhatah mi 50 aia tam punkhawm phal a ni dawn lova, Vote inthlak chhawk dan tur ruahman tur a ni ang.

Hripui leng avanga sawrkar laipui in National Food Security Act (NFSA) hnuaia AAY leh PHH Family te tana a thlawna Ration Chana sem tura ruahman chu nimin atang khan Serchhip PDC hnuaia Retailer hrang hrangte hnenah semchhuah tan a ni.

Niminpiah tlai khan Health Minister, Dr. R. Lalthangliana hovin Mizoram-a COVID-19 hri leng mek chungchanga hmalakna thlirin sawrkar mi pawimawh te an thukhawm a, hmalakna tur hrang hrang pawh duan a ni.

Tuichangral Zirlai Pawl (TCZP) chuan kar kalta Ningani atanga Inrinni chhung khan an bial chhunga kawngpui siam hna thawh hrang hrang tlawhin a dinhmun an enfiah.

National Students' Union of India (NSUI) Mizoram State chuan zirlai Exam hmachhawn turte hmakhua ngai tela rorelna mumal tak siam thin tawh turin thuneitute an ngen.

ZPM Southern Hqrs. Lunglei hruaitute chuan Village Council-a sawrkarna an lakna hmunah kalphung thara kal an tum thu an sawi.

Pathianni khan Mizoram-ah COVID-19 hri kai mi 12 hmuh belh leh niin Mizoram-a hri kai hmuhchhuah chu 789 an tling tawh a, mi 371 te chu enkawl dam an ni tawh thung.

Video Conference-ah thlen

Aizawl khaw Pawn Joint Students’ Union chuan Mizoram-a Under Graduate Exam chu a ruala neih an phut avangin nimin khan Govt. Serchhip College Students’ Union te chuan zirlaite Exam tur dangin Exam hi kalpui theih a ni lo.

Mizoram sawrkar in ruahmanna a lo siam tawh angin BSF Sipai zinga hri kai hmuhchhuah mi 40 te chu nizan hmasa khan Nursing School, Serchhip-a COVID Care Centre-ah rawn dah an ni ta a, a hma lama Tarpi Tlang SIRD hmuna DCHC-a enkawl mi 7 te pawh helai hmunah hian dahluh nghal niin Nursing School CCC-ah hian mi 47 enkawl mek an ni.

Niminpiah khan Serchhip-ah COVID-19 hri kai mi 2 hmuhchhuah thar an ni a, heng mite hi Serchhip Tarpi tlang-a Dedicated COVID Health Centre (DCHC)-ah enkawl tura dahluh nghal an ni.

Home Minister, Lalchamliana chuan Mizoram Police te chu Zu leh ruihhlo do kawngah an thawk tha hle tih sawiin, kumin ah January atanga July thla thlengin Zu leh a kaihhnawih bakah ruihhlo thahnem tak manin kumin chhungin ruihhlo kaihhnawih ah mi 84 man an nih tawh thu a sawi bawk.

 Hri kai 64 hmuh belh leh

Serchhip biatu MLA, Lalduhoma chuan ZPM chu Zoram mipui rin ber party, sawrkarna siam tura mite nghahhlelh ber a nih thu a sawi.

MPCC hruaitute chuan MNF sawrkarin SEDP cheng nuai 3 sem tumna a nei tak tak lo niin an sawi.

India Independence Day vawi 74-na lawmna Inrinni kalta a Aizawl Sipai Lammual-a neih ah Chief Minister, Zoramthanga chuan chawimawina chi hrang hrang a semchhuak.

India Independence Day vawi 74-na chu Inrinni khan Mizoram chhunga District khawpui hrang hrangah te pawh urhsun taka hman a ni.

COVID-19 hripui leng mek chu Mizoram-ah chuan December thla vel khi a nasat lai ber tur nia chhut a ni.

Serchhip District-a COVID-19 hri kai enkawl mi 3 te chu enkawl dam an nih hnuah nimin khan chhuahtir an ni.

India Independence Day vawi 74-na chu Inrinni khan rampumah hman a ni a, hripui leng avangin kumdanga hman anga hmang lovin kumin hian sawmbik mi tlemte ten he Ni hi hman a ni a. Serchhip-ah pawh Home Minister, Lalchamliana hovin Independence Day hi urhsun taka hman a ni.

 Inthlan ah YMA Duty dawn

 ZORAM A PIANG TAWH RENG EM NI?

- Dr. Zaichhawna Hlawndo

Health & Family Welfare Minister, Dr. R. Lalthangliana chuan nimin khan khum 50 awm theihna tur District Hospital Lawngtlai building thar chu a hawng.

MZP General Hqrs. President, B. Vanlaltana chuan Zirlai ten Social Media chu a tha zawnga hman nachang hria se a duh thu a sawi.

Serchhhip District Bawrhsap, Kumar Abhi-shek chuan Vawiin-a India Independence Day lo thleng tur atan inbuatsaihna peihfel a nih tawh thu a sawi.

Serchhip District Consumers Association (SDCA) hruaitute chuan tunlaia Serchhip a Aadhaar enrollment kalpui mek chungchangah thil fel tawklo a awm nia an hriat te District thuneitute an sawipui.

COVID-19 hri leng mekah Serchhip-a Swab Sample enfiahna tur khawl, TrueNat Quattro RT-PCR chu niminpiah khan Serchhip rawn phurh thlen niin tun thla chhung chuan hman theih tura peihfel hman a ni mai thei nia thudawn a ni.

 Puipunna hmun-ah zaikhawm khap a ni

Mizoram Chief Secretary leh Mizoram State Disaster Management Authority-a State Executive Committee Chairman ni bawk chuan chhiatni/thatni puipunna hmun-a zawm tur thupek tichhuakin chhiatni/thatni puipunna hmunah reng reng zai/zaikhawm loh tur a ni tih a tarlang.

 Khuahkhirhna siam belh

Mizoram Pradesh Youth Congress Committee (MPYCC) chuan Village Council inthlanpui neih tura Khawzawl-V, Darngawn Veng Returning Officer (RO) Lalzuiliana Ralte chuan mipuite chu sawrkar lai party Vote turin a ngen niin an sawi.

Mizoram-ah niminpiah khan COVID-19 hri kai pakhat hmuhchhuah leh niin heng te nen hian hri kai hmuhchhuah 649 an tling tawh.

Kumin-a Zirtirtute Ni, Teachers' Day lo thleng tur chu COVID-19 avanga School kal theih loh lai anih avangin naupangte nen puipunna siam lovin hman tura ruahman a ni.

Serchhip Bazar Hnuai-a vengchhung pa ho chuan tunhnai khan ‘Bazar Hnuai Ruihhlo Do Pawl’ an din.

Serchhip Police te chuan hripui leng mekah sumdawnna dawr hrang hrangte chu anmahni dawrtu leh pantu te mumal taka chhinchhiahna lehkhabu siam turin an ngen.

Nimin khan Serchhip atangin Swab Sample 42 zet enfiah niin heng atang hian hri kai hmuh an awm lo.

Tun thla ni 27-a Village Council inthlanpui neih tura Serchhip District tana Observer tura ruat, Robert C. Lalhmangaiha MCS chuan he inthlanpui neih tur atana Serchhip District inbuatsaihna chu tha a tih thu sawiin, inthlanna muanawm leh felfai tak neih a nih theih nana thawhpui ah mipuite chu a sawm.

Central YMA chuan nimin khan Mizo zirlai, kum 2020 HSLC leh HSSLC Exam-a Top Ten-a tlingte chawimawina hun a hmang.

 High Court Judge in tlawh

MNF Vice President, Lalthlengliana chuan, “Kan hnathawh that vangin VC/LC thahnem tak kan la dawn,” a ti.

National Remote Sensing Day 2020 lawmna chu nimin khan Directorate of Science & Technology Conference Hall, Aizawl-ah neih a ni.

Niminpiah khan Saitual leh Khawzawl-ah MPF District Forum dinin hruaitu tur thlanna neih a ni.

Niminpiah khan Mizoram-ah COVID-19 hri kai hmuhchhuah mi 25 zet an awm leh a, Aizawl District-a hri kai hmuhchhuah zingah mi 8 te chu hri kai te nen lo inkawm hnai an nih avangin Aizawl Veng thenkhat ah Total Lockdown kalpui leh nghal a ni.

Nimin khan Chief Minister, Zoramthanga hovin COVID-19 laka Mizoram mipui an himna tur atana hmalak zel dan tur sawihona neih niin chhiatni-a inkhuahkhirhna kalpui dan tur sawiho a ni.

Serchhip District-ah COVID-19 hri kai enkawl-lai 42 awm mekin sawrkar hmunhmaa inkhung-hrang mi 49 an awm mek bawk.

Serchhip District chhunga Village Council inthlanna neih tur chungchang ngaihtuahin nimin khan Mizoram People Forum (MPF) Serchhip District Forum Office Bearers te chu an thukhawm.

Tun thla ni 15-a India Independence Day lo thleng tur chu Serchhip-ah chuan sawmbik mi tlemte te nen hman a ni dawn.

Serchhip District chhunga Village Council inthlanna neih tura chuh tuma hming pelut mi 741 awmin MNF Party chu Candidate ngah ber an ni dawn niin a lang a, Party hrang hrangte zingah Seat awm zawng zawng chuh kim tur an awmlo niin a lang.

 Serchhip Town-ah hming pelut 224 an awm

Tun thla ni 27-a Village Council inthlanpui neih tura chuh tumte tana hming pekluh hun chu nimin tlai dar 3:00 khan khar a ni ta a, heng hming pekluh te hi enfiah nghal niin naktuk tlai dar 3:00 thleng inhnukdawk duhte tan hun hawn leh a ni ang.

Mizoram-a Village Council leh Local Council inthlanna neih tura hming pekluh hun khar a nih hnuah VC 5-ah chuhtu awm lovin MNF Candidate-te tlingah puan an ni a, VC pakhat-ah MNF Candidate hmeichhia chu chuhtu awm lovin a tling tawh bawk.

Mizo thalaite zinga Entrepreneurship tehfung zirchianna ‘Mapping of General Enterprising Tendency Among Mizo Youth’ tih chu nimin khan Labour, Employment, Skill Development & Entrepreneurship Department enkawltu Minister, Lalchhandama Ralte chuan a tlangzarh.

Agriculture Minister, C. Lalrinsanga hovin nimin khan Agriculture Development Board chuan kumin Thlasik thlai atana inpuahchahna tur ruahmanna siamin an thukhawm.

Mizoram State Election Commisioner, Laima Chozah chuan Local Council leh Village Council inthlan sawn tumna a awmlo tih a sawi.

Nimin thleng khan India ramah Swab Sample 2,52,81,848 enfiah ni tawhin heng atang hian hri kai 22,68,675 hmuhchhuah an ni tawh a, Sample enfiah atanga zaa 8.97 te chuan COVID-19 hri an kai tih hmuhchhuah a ni.

 Larsap hnenah ngenna thlen

National Disaster Management Authority (NDMA) ruahmanna hnuaia Video Conference kaltlanga neih, 'Incident Response System (IRS) Training and Table top Exercise on Earthquake for Mizoram' tih chu nimin chawhnu khan Serchhip District  Disaster Management Authority Member leh Incidence Response System member ten Serchhip DC Conference Hall atangin an zawm.

Naupang kumtlinglo laka hursualna kaih-hnawiha Thenzawl Police ten an man leh hemi hnua tlanchhuak chu nizan hmasa khan Police ten man lehin Serchhip Police Station-ah rawn lak a ni.

Serchhip District Consultative Committee/District Level Review Committee & District Level Security Committee on Bank te chu nimin khan Serchhip-ah District Bawrhsap, Kumar Abhishek hovin an thukhawm a, he hun hi Lok Sabha MP, C. Lalrosanga pawhin a rawn hmanpui a ni.

Serchhip Block Congress Committee chuan tun thla ni 27-a Serchhip-a Village Council inthlanpui neih tura an Candidate turte nizan khan an puang.

Association for Voluntary Blood Donation (AVBD) General Hqrs. chuan kum 2019-2020 chhunga pawl hming-a a thlawna thisen pe tam te hnenah nimin khan chawimawina an hlan.

 Vairengte-ah mihring en dawn

MNF Party chuan thuchhuah siamin North East-a chanchinbu lar tling pha, The Shillong Times August ni 6 chhuakah COVID-19 do kawngah India ram puma titha ber chu Mizoram a nih thu tarlan a ni tih an sawi.

Mizoram Pradesh Congress Committee (MPCC), BJP le MPC Party te chuan Mizoram-a Village Council leh Local Council inthlanna neih tur chu sawn an duh thu an sawi.

Niminpiah tlai khan Health & Family Welfare Minister, Dr. R. Lalthangliana hovin tunhnaia COVID-19 vei an pun tak thut avangin Emergency Meeting chu SAD Conference Hall-ah neih a ni.

Tunhnaiah State pawn atanga lirthei rawn khalhtute nena cheng ho nia hriat Serchhip Lei-sang Veng-a chhungkaw pakhat chu In lama inkhung-hrang tura tih niin nimin khan an Swap Sample chu enfiah tura lak a ni.

Nimin  khan Serchhip District Bawrhsap, Kumar Abhishek kaihhruaina hnuaiah Serchhip District Level Co-ordination & Monitoring Committee on Pradhan Mantri Van Dhan Yojana (PMVDY) chu thukhawmin he Scheme hnuaia Serchhip District a hmalak dan tur an sawiho.

Serchhip-a ZPM Party chuan khan Serchhip khawpui chhung VC 9-a an party candidate tur an puang a, Vawiin-ah an Candidate turte hi hriat kim theih a ni ang.

Tun thla ni 27-a Village Council inthlanpui neih tur atan MNF Party chuan Serchhip-a VC hrang hranga an candidate turte chu nimin khan an puang a, MNF Party hian Serchhip khawpui chhunga VC 12-ah hian thawhpui nei lovin Seat awm zawng zawng an chuh vek dawn a ni.

Mizoram Larsap, P.S. Sreedharan Pillai-a'n COVID-19 inkhar-khip laia lehkhabu a ziah hrang hrangte tlangzarhna leh chhawpchhuahna hun Inrinni khan Raj Bhavan Durbar Hall-ah buatsaih a ni a, he hun hi Chief Minister, Zoramthanga chuan khuallian niin a hmanpui a ni.

Mizoram Police Wives Welfare Association (MPWWA) Serchhip Unit chuan Inrinni, August 8, 2020 khan an dinchampha vawi 5-na an lawm.

Central YMA in ruahmanna a lo siam tawh angin Zirtawpni zan khan Serchhip Sub-Hqrs. YMA huamchhungah hnamdang ILP enfiah hna thawh niin ILP neilo leh hmang diklo nia hriat mi 6 manchhuah an ni.

Tun thla tawp lama Serchhip District chhunga Village Council inthlanpui neih tur atan Serchhip District a Sector Magistrates tur leh an bial tur ruat fel a ni.

Inrinni khan Mizoram-ah COVID-19 hri kai mi 28 zet hmuhchhuah leh niin Mizoram-a COVID-19 hri kai enkawl dam aiin enkawl mek an tam leh tawh zawk a ni.

ZPM President, Lalliansawta chuan sawrkarin State Election Commission kaltlanga Village leh Local Council inthlan a buatsaih danah mak tih tak tak an nei tih a sawi.

Mizoram Pradesh Congress Committee (MPCC) chuan Village Council leh Local Council inthlan lo awm turah rorelna chelh mektu MNF party in an Party Candidate te an thlantlin chauhin khua leh veng tan hmasawnna leh hamthatna a awm dawn anga an sawi chu a diklo tih an sawi.

Mizoram chak lakna kawng pawimawh leh lirtheite luhka ber, Vairengte Checkgate-ah Rapid Antigen Test kalpui tum a ni.

COVID-19 hri leng avanga Inter-State Border-a lirthei lut tur khuahkhirh avanga mipui nitin mamawh bungrua (Essential Commodities) harsatna awm thei te ngaihtuahin Inrinni khan sawrkar mi pawimawh te an thukhawm a, thil man to uchuak-a zawrh a awmloh nan thil man khuahkhirh lamah theihtawpa hmalak rel a ni.

 Kawng siam mek enfiah

Mizoram sawrkar chuan PM-GKAY hnuaiah July, 2020 chhunga Serchhip District chhunga Ration buhfai a thlawna sem turin quintal 782.05 a rawn ruahman leh tawh.

MJA Serchhip District member te chuan nimin khan Hualtu leh Hmawngkawn khuaa Vaimim chinna hmun tlawhin kum hmasa aia tam zawk thar theih an beisei thu kuthnathawktu chuan an sawi.

Village Council inthlanpui lo awm tur atan nimin khan Serchhip DC Meeting Hall-ah Model Code of Conduct chungchang inhrilhhriatna hun buatsaih niin he hunah hian Serchhip District chhunga Political Party hrang hrang aiawhte, NGOs Coordination Committee aiawh te, MJA leh MPF aiawhte an tel a ni.

Mizo Zirlai Pawl (MZP) chuan State Election Commission (SEC) in Village Council inthlan chungchanga thuchhuah a siam leh hemi siamthatna thuchhuah siam leh chu Mizo mipuite bum tumna ah an ngaih thu an sawi.

Kolasib District chhung Thingdawl leh Kawnpui inkar kawng chhia avanga Lirthei tangkhang zinga Driver 18 leh tualchhung mi 1, an vaiin mi 19 chu COVID-19 hri an kai tih hmuhchhuah a ni a, hei vang hian nimin-a Chief Minister hova Council of Ministers thukhawm chuan State pawn atanga bungraw phurh luh khuahkhir a rel bawk.