Posts

Showing posts from February, 2019

Uar takin Kut i hmang ang u

Uar takin Kut i hmang ang u

PRISM in Dan siam\hat \ul ti

PRISM Party chuan MLA-ten sawrkar hnathawkte ang thova pension kum an thlen hun chauha pension an lak tawhna tur Bill siamin nimin khan Assembly Speaker hnenah an thehlut.

Home Minister zuitu Motor chesual-ah mi 3 thi

Mizoram chhimlam zin Home Minister, Lalchamliana zuitu Motor pakhat chu nimin zing khan |awipui North bulah chesualin kawng-thlang lamah a tlanliam a, he motor-a chuang mi 5 zingah mi 3 chuan a hmunah nunna an chan.

Irrigation & Water Resources Minister in Mizoram State Water Policy-2019 a tlangzarh

Irrigation & Water Resources changtu Minister, C.Lalrinsanga chuan nimin khan Chief Engineer Committee Room, Irrigation & Water Resources Department Office, Aizawl-ah 'Mizoram State Water Policy-2019' chu a tlangzarh.

Fu-ke kim in District a piang dawn - Dr. Thangtea

Health Minister Dr. R. Lalthangliana chuan Saitual in District thar an nei dawn tih sawiin, “Saitual hian District thar in neih dawn avangin ngaihngam takin lo awm ula, in mumang lamah te pawh lo mang lawk rawh u. Fu-ke kim neiin MNF Sawrkar thar hian District a pe dawn che u a ni tih lo chiang rawh u,” a ti.

Mizoram Village Council Conference zawhfel a ni

Mizoram VC \ha berah Chiahpui VC thlan a ni

Mizoram Village Council Conference 2019 chu nimin khan chhunzawma zawhfel a ni a, he hun hi Rural Development Minister, Lalruatkima chuan hmanpuiin Mizoram-a VC hna thawk \ha thlanna neiha pakhatna lawmman dawngtu Chiahpui VC, Champhai District hnenah lawmman hlan a ni bawk.

Start-Up India Mizoram Yatra hawnna neih a ni

Department of Industrial Policy & Promotion, Govt of India leh Mizoram Sawrkar \angkawp in a buatsaih, 'Start-Up India Mizo-ram Yatra' chu nimin khan Transport Minister, TJ. Lalnuntluanga chuan hawngin Start-Up Yatra Van a vailiam nghal.

Aizawl-ah North East Natya Sangam 2019 neih a ni

India hmarchhak huap lemchan leh lam khawmpui (Festival), 'North East Natya Sangam 2019' chu nimin khan Govt. T. Romana College Auditorium-ah neih \an a ni a, Agriculture Minister, C. Lalrinsanga chuan khuallian niin a hmanpui a ni.

Category-I chungchang Law Minister sawipui

MZP General Hqrs. hruaitute chuan nimin khan Law Minister, TJ. Lalnuntluanga chu a Pisa-ah kawmin Mizoram quota-a Technical course zir tur lak dan chungchanga Mizoram Chakma Students’ Union ten Gauhati High Court-a Mizoram sawrkar an khinnaa Mizote duhloh dana rorel a nih chungchang an sawipui a.

Chief Minister in kawngpui chungchang thlen

New Delhi a cham mek Mizoram Chief Minister, Zoramthanga chuan nimin chawhma khan Central Sawrkar-a Road Transport and Highways Minister, Nitin Gadkari chu a chenna banglow-ah hmuin Mizoram thil pawimawh a sawipui.

May 31 hmaa Assam Rifles insawnfel turin rawn ti

I&PR Minister, Lalruatkima chuan Union Home Ministry chuan Aizawl khawpui chhunga Assam Rifles-te May ni 31,2019 hmaa Zokhaw-sanga insawn fel vek turin a rawn ti ta tih a sawi.

Lok Sabha MP kaihhruaiin Serchhip-ah DDCMC/DISHA \hutkhawm neih a ni

Serchhip District chhunga Central sawrkar sum hmanga hmasawnna hnathawh hrang hrangte enkawltu Committee, Serchhip District Development Co-Ordination & Monitoring Committee chu nimin khan an Chairman Lok Sabha MP, CL. Ruala kaihhruaina hnuaiah an \hukhawm a, Serchhip bialtu MLA, Lalduhoma chuan he hun hi a telpui bawk a ni.

Kawlri humhalh turin hma la

Serchhip bialtu MLA, Lalduhoma chuan nimin khan Serchhip hmunhlui humhalhtu Committee sawm angin Serchhip khaw hmunhlui, Kawlri a tlawh.

SDO (S) in Serchhip District DM Dashboard a tlangzarh

Serchhip District DM Dashboard chu nimin khan Serchhip SDO (Sadar), R. Vanrengpuia chuan a Pisa-ah Serchhip District DM Dashboard a tlangzarh.

Serchhip Sub-Hqrs. YMA in Mizoram MP te hnena lawmthu sawina hun an hmang

Serchhip Sub-Hqrs. YMA chuan nimin chawhnu khan Lok Sabha MP, CL. Ruala leh Rajya Sabha MP, Ronald Sapa Tlau te chunga lawmthu sawina hun an buatsaih.

Inthlang turin inbuatsaih

Lawngtlai District chhunga Lai Autonomous District Council (LADC) leh Chakma Autonomous District Council (CADC)-a Village Council inthlanpui neih tur atan inbuatsaihna ngawrh taka kalpui mek a ni a, niminpiah khan Final Electoral Roll pawh tlangzarh a ni.

Sports Minister hovin MSSC \hutkhawm neih a ni

Sports Minister, Robert Romawia Royte kaihhruaina hnuaia a vawikhatna atan nimin khan Mizoram State Sports Council General Body Meeting chu MSSC Conference Hall, Hawla Indoor Stadium-ah neih a ni.

DC in khapna thu chhuah

Serchhip District Bawrhsap, Sangchhin Chinzah chuan thupek tichhuakin The Indian Wildlife (Protection) Act, 1972 (amendment upto 1993) Section 9 chuan Sava leh ramsa te veha tihhlim a khap tih tarlangin, Serchhip District chhungah Sava leh Ramsa te veh a, tihhlum phal a nih loh thu leh thupek awilo te chungah Dan anga action lak a ih tur thu a tarlang.

Citizenship (Amendment) Bill, 2016 a lapse tak avanga lawmthu sawi tawngtai rualna neih a ni

Mizo Zirlai Pawl (MZP) huaihawtin nimin khan Aizawl-a MZP Conference Hall-ah Citizenship (Amendment) Bill, 2016 a lapse tak avanga lawmthu sawi \awng\ai rualna neih a ni.

Inthlanpui neih tur atan Police ten training \an

Lok Sabha inthlanpui neih tur atana inpuah-chahna atan nimin khan Serchhip Police te chuan training an nei \an a, training hi neih chhoh deuh reng tawh tura ruahman a ni.

Chawhmeh lakluh buk nawn

Serchhip-a Legal Matrology Inspector leh a thawhpui te chuan phai lam a\anga Mizoram-a chawhmeh rawn lakluh te enfiahin buk tlinglo man a awm lo.

Registrar of Marriage ten Annual Training an nei

Serchhip District chhunga Registrar of Marriage te tana kumtina an hnathawh dan training neih \hin chu kumin atan nimin khan Serchhip-ah neih a ni.

A vawi hnihna atan Serchhip-ah ‘Thlai Thar Kut’ hlawhtling taka hman a ni

Serchhip-a Divisional Horticulture Office leh Agriculture & Horticulture Cooperative Society Ltd. Serchhip\angkawp buatsaih ‘Thlai Thar Kut-2019’ chu nimin khan Serchhip-ah neih a ni a, Zawlpui phai-a Thlai tharchhuah chi hrang hrangte chu man tlawm zawka hralhchhuah a ni.

Minister in kawng siam mek a hmunah a tlawh

Transport Minister, TJ. Lalnuntluanga chuan nimin khan World Bank sum hmanga a bial chhunga inkalpawhna kawng siam mek, Champhai khaw luh hma Khankawn a\anga Zokhawthar panna kawng chu a tlawh.

LAD Minister in Directorate Office pahnih tlawh

Local Administration Department (LAD) leh Fisheries Department changtu Minister, K. Lalrinliana chuan nimin khan LAD leh Fisheries Directorate a tlawh.

BADP sum ruahman pawm

State Level Screening Committee on Border Area Development Programme (BADP) chu nimin khan Secretariat Conference Hall-ah an Chairman, Lalnunmawia Chuaungo, Chief Secretary hova \hukhawmin kum 2019-2020 chhunga BADP hnuaia hnathawhna tura sum ruahman cheng nuai 5367 chu Sawrkar Laipui pawmpui tura thlen remtih a ni.

BJP-in an ka an hup avangin MNF an che ngam lo - Hawla

MPCC President, Lal Thanhawla chuan Mizoram a sawrkar thar, MNF sawrkar chu BJP in an ka an hup tlat avangin an che ngam lo tih sawiin, CAB-2016 chungchangah pawh Mizoram mipui beisei an pha lo hle tih nimin a Aizawl Congress Bhavan Political session-ah a sawi a.

Sawrkar chuan Zu leh ruihhlo do hi ngaih pawimawh berte zingah a nei chho dawn - Excise Minister

Excise & Narcotics Minister Dr. K. Beichhua chuan Zu leh ruihhlo do chu sawrkar chuan ngaih pawimawh ber te zingah a nei chho dawn tih a sawi.

Khelo India inelna nei dawn

Serchhip District tana Khelo India- Sport for Peace and Development inelna kalpui dan tur chungchang chu nimin khan Serchhip District Bawrhsap, Sangchhin Chinzah hovin a Pisa-ah sawiho a ni.

SDCA in Cable TV-ah hmalak zui zel an tum

Serchhip District Consumers’ Association hruaitute chuan nimin khan Serchhip-a tualchhung thuthar thehdarhtute kawmin Cable TV en man bithliah thar chu mipui ten an hriatchian a pawimawh thu an sawi.

Rilru lama harsatna nei te enkawl dan chungchang zirhona Serchhip-ah neih a ni

National Mental Health Programme (NMHP) buatsaihin nimin khan Serchhip-ah Mental Health chungchang zirhona neih a ni a. He hunah hian YMA, MUP leh MHIP aiawhte telin mithiam hrang hrang ten zirtirna an pe a. He hunah hian Serchhip-a rilru lama harsatna nei an enkawl zingah Zu leh ruihtheih thil kaihhnawih an tam ber tih tarlan a ni.

Press Tour a zin MJA Member ten zin report an pe

MJA General Hqrs. chuan tunhnaia Mizo-ram sawrkar in Press mite tana Press Study Tour a buatsaih report ngaihthlakna hun nimin khan an buatsaih a, he hun hi I&PR Minister, Lalruat-kima chuan a hmanpui a ni.

PRISM in PIL thehluh rel

PRISM Party chuan nimin khan Aizawl-ah OB Meeting neiin Chief Minister Adviser, C. Lalramzauva, Minister of State rank, status leh entitlement pek a ni chu India Danpui kalh, \ul lova mipui sum cheng nuai tam tak khawh-ralna tur, sawrkar hmasa hun laia nasa taka an dodal avanga ban tak Parliamentary Secretary-te angah ngaiin, siam\hat a nih loh chuan High Court-a PIL file \ha an tih thu an sawi a. Hemi chungchang hi Party Central Committee-ah thlen tura tih a ni.

Seed Cocoon thar hnem

Nikum chhung khan Serchhip-a Sericulture Department chuan Serchhip leh Thenzawl-a Sericulture Farm a\angin Seed Cocoon 51,558 zet tharin Thingtheihmu chin turin a \iak 2,00,000 zet an sem bawk a. Pangang vulhtute tharchhuah Cocoon hi sawrkar bithliah rate-a lei sak nghal zel niin nikum (2018) chhung khan Kg. 2201 zet an lei sak bawk a ni.

Zirtirtu ten training nei

District Child Protection Unit (DCPU), Serchhip chuan nimin khan Thenzawl Sub-Division huamchhunga Zirtirtu (Nodal Teacher) te tan naupang venhimna Dan chungchang zirhona an buatsaih a. Vantawng Group YMA Hall, Then-zawl-a naupang venhimna Dan zirhona  ah hian Thenzawl Sub-Division huamchhunga zirna In hrang hranga Nodal Teacher mi 30 telin DCPO Officer Serchhip a\angin DCPO, Lalsiampuii chuan JJ Act leh POCSO Dan chungchang a zirtir a, R. Lalramdinmawii chuan Integrated Child Protection Scheme (ICPS) chungchang zirtirin Liansangpuii chuan Developmental Psychology tih thupui hmangin zirtirna a pe bawk.

Volleyball Team te kal

Mizoram Volleyball Association (MVA) in a buatsaih, Inter-District Volleyball Championship-2019 chu Vawiin hian Tuikual Indoor Stadium, Aizawl-ah khelh \an a ni dawn a, he Championship khel tur hian Serchhip District Volleyball Association te pawhin Mipa leh Hmei-chhe Team tirin heng mite hian nimin zing khan Aizawl hi an pan a, Mipa-ah hian Players 12 kalin KC. Zomuanpuia chu Coach a ni dawn a, Hmeichhia-ah players 11 kalin Lalrawngbawla chu Coach a ni bawk anga, SDVA-a General Secretary, C. Laldinpuia chu Manager a ni thung ang. Inter-District Volleyball Championship-ah hian Serchhip District Mipa Team te hian \um thum zet Final lut tawh mah se an la champion ve lo a, Hmeichhia hian \um hnih Final lut tawhin \um khat an champion tawh thung a ni.

Chakma Foreigner hnawh-chhuah runpui neih \ul ti

ZPM General Secretary, Lalmuanpuia Punte chuan Citizenship Amendment Bill 2016 chu tluantling taka pass a nih hma ngeia Chakma Foreigner-te hnawhchhuah runpui neih ngai a tih thu a sawi.

Eptu thenkhat in mipui fuihpawrh an tum mek; MPSC thuneihna laksak kan tum lo - Edn. Minister

School Education Minister, Lalchhandama Ralte chuan MPSC thuneihna laksak an tum loh thu a sawi.

State Level Fire Prevention Week hawnna nei

Health Minister, Dr. R. Lalthangliana chuan State Level Fire Prevention Week hawnna inkhawm nimin a Synod Conference Centre-a neih chu khuallian niin a hmanpui.

Serchhip-ah District Bawrhsap hovin Fire Prevention Week-2019 hawnna neih a ni

Kangmei ven kawnga beihpui thlakna Hapta, Fire Prevention Week chu nimin a\ang khan Mizoram pumah hman a ni leh ta a, Serchhip-ah pawh nimin khan Serchhip District Bawrhsap leh District Fire Prevention Committee Chairman, Sangchhin Chinzah hovin he Hapta hawnna hi neih a ni.

Cable TV Fee lak dan thar leh MCU

Cable TV Fee lak dan thar leh MCU- J Sawma

Damdawi In fai lawmman semna neih a ni

Zirtawpni tlai khan damdawi in hmasawn lawmman semna inkhawm (Kayakalp Award Ceremony) 2018-19 chu Civil Hospital Conference Hall, Aizawl-ah neih a ni a, Social Welfare Minister, Dr. K. Beichhua chu khuallian niin lawmman a sem.

District function-na tur Budget-ah dah dawn

Health Minister, Dr. R. Lalthangliana chuan, “District 3 kan puan tawh Hnahthial, Khawzawl leh Saitual te hi District tihpuitlin a nih theihna turin thla leha Budget Session hmasa ber kan neih turah a function theihna turin chumi atana sum mamawh chu budget-ah kan dah ang,” a ti.

Truck neitute Assembly nei

Serchhip District Truck Owners Association chuan Inrinni khan ZDU Run, Serchhip Tui-khuah Veng-ah Assembly vawi 12-na neiin an pawl inkaihhruaina atana thil pawimawh hrang hrang an rel a. Chawhnu lamah MJA Serchhip District kaihhruaina hnuaiah kumin chhunga an hruaitu tur thlanna neiin President-ah H. Lal-chhuanawma, New Serchhip; Vice President-ah Ramherliana, Dinthar Veng, Secretary-ah K. Laldaih-vela, Bazar Veng, Asst. Secretary-ah PC. Lal-chhuanawma, IOC Veng, Treasurer-ah Isaac Malsawmtluanga, Chanmari Veng leh Fin. Secretary-ah J. Lalhruaitluanga, Zion Veng te thlan an ni.

Hmeichhe khawmpui nei

Presbyterian Kohhran-a Kohhran Hmei-chhia te chuan nimin Pathianni hmang khan Pastor Bial Inkhawm an nei a. He Bial inkhawmpui hi Serchhip-a Pastor Bial hrang hrangah pawh neih niin Serchhip Bial in Bethel Kohhran, Serchhip P&E Veng-ah neiin Serchhip Veng-chung Bial in Serchhip Field Veng Kohhran Biak In-ah an nei a, New Serchhip Pastor Bial In-khawmpui pawh Peniel Kohhran Biak In, IOC Veng-ah neih a ni bawk. He Bial hrang hranga Inkhawmpui hi Zirtawpni zan a\ang khan neih niin Inrinni khan rorelna leh hruaitu thlanna neih a ni a, nizan khan khawmpui hi a \iak a ni.

UPC Bial Khawmpui nei

UPC (NEI) Bial inkhawmpui chu nimin Pa-thianni hmang khan Bial hrang hrangah neih a ni a. Serchhip bial chuan UPC Biak Inpui, Ser-chhip-ah khawmpui vawi 53-na hi neiin thupui atan ‘Tunlai thil awmzia’ tih chu hman a ni a, Speaker atan Sister PC. Lalhmangaihzuali chu hman a ni bawk. He khawmpui hawnna hi Zir-tawpni zan khan bialtu Pastor, Pastor B. Lalengzauva chuan a nei a, Palai lawmna neih zui niin Inrinni khan rorel Inkhawm neih a ni a, Report hrang hrang ngaihthlak a ni a, nizan khan khawmpui hi a \iak a, nakum-ah Chanmari Biak In ah Bial khawmpui hi neih a ni ang.

Faina kawngzawh neih a ni

UD&PA Department leh Serchhip Hmar Veng Branch YMA te \angkawpin an din, ‘Children's Sanitation Club’ te chuan Inrinni zing khan Serchhip-ah Faina kawngzawh (Cleanliness Rally) an nei a.

YMA Rorel Inkhawm nei dawn

Serchhip Sub-Hqrs. YMA chuan YMA Conference neihloh kuma an neih \hin, Sub-Hqrs. YMA Rorel Inkhawm chu April 5, 2019 khian neih nise an ti.

Bialtu MLA hovin Serchhip-ah Achievement of MSME Outreach & Support Programme neih a ni

Ministry of Textile hnuaia Development Commissioner for Handlooms Weavers Service Centre buatsaih 'Achievement of MSME Outreach & Support Programme' chu Inrinni khan Serchhip Hmar Veng YMA Hall-ah neih niin bialtu MLA, Lalduhoma chuan khuallian niin a hmanpui.

Bru ten \anpuina pek phut

Tripura Bru Relief Camp a awmte chuan a huna buhfai sem tur leh thla thum chhung sumfai \anpuina an dawn tawh loh pe turin sawrkar laipui an ngen.

MZP-in Rajya Sabha-a CAB 2016 pass a nih loh nan hma la tawk lovah Mizoram sawrkar an puh

Mizo Zirlai Pawl (MZP) chuan The Citizenship (Amendment) Bill, 2016 chu Mizoram sawrkar chuan a vei tawk lo ah an ngaih thu leh Rajya Sabha-a he Bill pass a nih loh nan hma la tawk lovah an ngaih thu an sawi a. Sawrkarin tun thlenga sawihona a la nei miah lo chu mak an ti hle tih an sawi bawk.

RD Minister in MSSA Conference hmanpui

Mizoram Secretariat Service Association (MSSA) chuan nimin khan Conference Vawi 14-na hmangin he hun hi Rural Development Minister, Lalruatkima chuan khuallian niin a hmanpui a.

He ram hi thlak danglam kan tum - Chief Minister

Chief Minister, Zoramthanga chuan, “Ngaihtuahna chi dang nen he ram hi thlak danglam kan tum a ni,” a ti.

Mizoram Press miten Meghalaya CM an kawm

Meghalaya State tlawha Press Tour nei mek MJA member 9 leh anmahni hruaitu Information Officer te chuan nimin khan Meghalaya Chief Minister, Conrad K. Sangma chu a chenna-ah an kawm.

Tripura Camp 3 ami ten \anpuina dawng \halo

Tripura-a Bru Relief Camp lian ber, Naising-para bakah Asapara leh Hazacherra Camp-a awmte chuan January thla a\ang khan ration buhfai leh \anpuina sum an hmu mumal lo.

DigiLocker chungchang zirhona neih a ni

Mizoram sawrkar-a Information & Communications Department leh sawrkar laipui-a Ministry of Electronics and Information Technology hnuaia National eGovernance Division \angkawp buatsaihin nimin khan DigiLocker chungchang zirhona neih a ni.

Serchhip-ah Loan Camp neiin Loan semchhuah a ni

Nimin khan Serchhip-ah Loan Camp, Mega MSME Campaign neih a ni a, he hun hi Serchhip District Bawrhsap, Sangchhin Chinzah chuan hmanpuiin Loan hrang hrang semchhuah nghal a ni.

Border Trade atan hmalak tum

South Tuipui Assembly Constituency bialtu MLA leh Health Minister, Dr. R. Lalthangliana chuan Socio Economic Development Policy (SEDP) hnuaiah Commerce and Industries Department kaltlangin Thingsai-ah Myanmar nena insum-dawn tawnna Border Trade hmalakna kalpui a nih tur thu a sawi.

CCE her danglam hret a ngai dawn; Tun thla chhungin School tan hun ah thuching neih beisei

School Education Minister, Lalchhandama Ralte chuan Continuous and Comprehensive Evaluation (CCE) hman mek chu a kalphung her danglam hret a ngai dawn nia a lan thu a sawi.

Serchhip-ah zirna In hrang hranga inthiarna thawm\hatna tur sum semchhuah a ni

Swachh Bharat Mission (Gramin) buatsaihin nimin khan Serchhip-ah Serchhip District chhung thingtlang khaw hrang hranga zirna In hrang hrangte tan Faina leh thianghlimna chungchang inzirtirna neih a ni a. He hunah hian heng zirna In hrang hrangte hnenah hian Swachh Bharat Kosh Fund semchhuah nghal a ni bawk.

SSA Mission in hma la nasa

SSA Mission, Serchhip District chuan kum kalta chhung khan cheng nuai 27.72 hmangin School building siam\hat hna an thawk a, kumin kum kalmek ah hian Primary School naupang 1900 leh Middle School nauang 3278 te hnenah a thlawna zirlaibu pein zirlai 4067 te School Uniform an pe bawk. Hei bakah hian Chhing-chhip-a SSA Girls’ Hostel-ah naupang 50 an enkawl mek bawk a ni.

Minister in Seri hmun tlawh

Sericulture Minister Dr.K.Beichhua chuan nimin khan Basic Seed Farm, Rangvamual; Sericulture Complex, Zemabawk leh Sericulture Emporium, Chaltlang te tlawhin Department hmalakna te a enfiah.

Powerlifting hruaitu ten Mizoram Larsap an kawm

Mizoram Larsap, Kummanam Rajashe-kharan chuan nimin khan International Coach for Power Lifting, Suresh Pai leh Mizoram Power-lifting Association hruaitute chu Raj Bhavan-ah kawmin an harsatna hrang hrangte a ngaihthlak sak.

Parking Area siamna tur ruahmanna thar tlangzarh

Lirthei tam lutuk avanga Aizawl khawpui Traffic tawt lutuk tiziaawm tura hmalakna thar, Parking House Support Scheme (PAHOSS) chu nimin khan Chief Minister, Zoramthanga chuan Chief Minister’s Conference Hall-ah a tlang-zarh.

Adviser to Chief Minister in Serchhip-a sawrkar Department hrang hrang hotute a kawm

Adviser to Chief Minister, C. Lalramzauva, Sr. Advocate chuan nimin khan Serchhip rawn tlawhin Serchhip-a Department hrang hrang hotute a kawm bakah Leisekawt Mual zauh dan tur enin Govt. Serchhip College a tlawh bawk.

CAB chungchangah NESO in hma la zel

MZP telna, North East Students’ Organisation (NESO) chuan Citizenship Amendment Bill (CAB) pass a nih lohna tura hmalakna kal zelah nimin khan Shiv Sena hotu, Uddhav Thackeray leh a Fapa Aditya Thackeray te chu Mumbai-a an chenna In ah an hmu.

ATMA hnuaia Farmer's Friend ten training neiin mi 4 hnenah 'ATMA District Award' hlan a ni

Agricultural Technology Management Agency (ATMA) Serchhip District chuan nimin khan ATMA hnuaia Farmer's Friend te tan an hnathawh dan tur inzirtirna neiin he hunah hian ATMA hnuaia Farmers hna thawk \ha mi 4 te hnenah 'ATMA District Award' an hlan.

Home Minister in bial fang

Hrangturzo Bialtu MLA leh Home Minister ni bawk, Lalchamliana chuan a bial chhung khaw hrang hrangte fang mekin nimin khan East Lungdar-ah MLA thar lawmna leh Sawrkar thar lawmna hun a hmanpui a.

MZP in School \an hun tih danglam dodal tum

Mizo Zirlai Pawl (MZP) General Hqrs. chuan sawrkarin School \an hun sawn tur chungchangah ngaihtuahna a seng \an a, ram hmasawnna hmel thar leh \ha zawk tura zuanluh mek lai a, hnungtawlh zawnga kal leh tumna a awm nia sawi rik chu pawi an ti takzet tih a sawi a, sawrkarin School \an hun a her danglam leh dawn a nih chuan na taka dodal nise an ti bawk.

CAB dodaltu Congress a ni - Lal Thanhawla

Mizoram Pradesh Congress Committee (MPCC) President, Lal Thanhawla chuan Citizenship Amendment Bill dodaltu chu Congress Party an nih thu a sawi.

Sawrkar in zirna lam leh mipui hriselna lam a ngai pawimawh zual dawn - Zoramthanga

Chief Minister, Zoramthanga chuan tun sawrkar chuan zirna lam (Education) leh mipui hriselna lam (Health Services) a ngaih pawimawh zual tur thu a sawi a. “Zu zawrh a ni leh ta rih hi mipui, Kohhran leh ram in min hriatthiam a ngai a ni,” a ti.

ATMA in State Level Workshop-cum-Exhibition buatsaih

Directorate of Agriculture (Research & Extension) hnuaia State Nodal Cell, Agricultural Technology Management Agency (ATMA) buatsaih ‘State Level Workshop-cum-Exhibition’ chu nimin khan Synod Conference Centre, Aizawl-ah Agriculture Minister, C. Lalrinsanga’n a hawng.

Wineshop hawn \an a ni

Gauhati High Court in MLPC Act hnuaia Dry Day puan mek a tihtawp hnuah nimin a\ang khan Serchhip-a Zu zawrhna dawr te chu hawn leh \an a ni.

Serchhip-ah District Level Planning chungchang inhrilhhriatna leh zirhona neih a ni

Nimin khan Serchhip DC’s Conference Hall-ah Planning & Programme Implementation Department buatsaihin District Level Planning chungchang inhrilhhriatna leh zirhona (sensitization workshop) hun neih a ni.