Latest News

North Vanlaiphai VC inthlanna tluang takin zofel; Tling tawh zingah tling zolo pakhat a awm

Serchhip District chhung North Vanlaiphai Village Council-a inthlanna chu tluang taka zawhfel niin Party hrang hrang ten an Seat lak zat an la leh vek a, Vote thlak hmasak-a thlantlin pakhat erawh a tling zo ta lo thung.


Kumin August 27-a North Vanlaiphai VC inthlanna neih zawh takah lungawilohna thlen an awm avang leh an lungawilohna thlen te Election Tribunal in ngaihtuaha Vote thla te chhiar nawn a nih hnuah inthlanna a Ballot Paper te hmuh kim a ni ta lova. Hei vang hian Election Tribunal chuan inthlanna neih zawh tak chu pawm theih ah ngai lovin State Election Commission-ah Report a thehlut a ni.

Hetianga SEC in report a dawn tak avang hian SEC chuan mipuite tana Vote thlak that hun buatsaih lehin nimin-piah, Dec. 10, 2020 zing dar 7:00 atanga tlai dar 4:00 thleng khan mipui ten Vote an thlak tha leh a, heng inthlanna a Vote tla te hi nizan hmasa khan chhiar nghalin zanlai pelh hnuah hret ah chhiar zawh a ni a, Seat 7 awmna ah a hma ang bawkin General Seat ah MNF in Seat 3 la lehin ZPM leh Congress Party in Seat khat ve ve an la leh a, Reserved Seat-ah ZPM atanga thlantlin chu thlantlin nawn leh niin MNF Candidate pakhat erawh tlingzo lovin MNF Party ami bawk thlantlin leh a ni thung a, heti hian Seat 7 awmna North Van-laiphai Village Council-ah hian MNF in Seat 4 lain ZPM Party in seat 2 leh Congress Party in seat khat an la ta a ni.

Comments

Chhiar Hlawhte