Hri kai thar 1; dam thar 2

Niminpiah a Sample enfiah atangin Serchhip District-ah COVID-19 hri kai mi pakhat hmuh belh leh a ni a, nimin khan hri kai mi pahnih te chu enkawl dam niin anmahni enkawlna hmun atanga chhuahtir an ni thung.

Niminpiah khan Serchhip District-a TrueNat Laboratory-ah Sample 17 enfiah niin Rapid Antigen Test hmangin Sample 32 enfiah a ni bawk a, Rapid Antigen Test hmang Sample enfiah te atang hian COVID-19 hri kai mi pakhat hmuhchhuah niin hri kai hmuhchhuah hi Hmeichhia kum 31 mi, Ayush Veng, Then-zawl-a cheng a ni a, tunhnaia Thenzawl khaw-chhung-a hri kai hmuhchhuah te zingah a chenpuite zawng tel tawhin taksa-a natna hri kai lan-chhuahna nei a ni.

Hetihlai hian nimin khan Serchhip District-a hri kai enkawl mi pahnih te chu Nursing School CCC atanga chhuahtir leh an ni a, heng hri kai enkawl dam te hi Thenzawl khaw mi, tun thla ni 6-a hri kai hmuhchhuah te niin State pawn atanga rawn lut, inkhunghranna hun an hman zawh hnua hri kai tih hmuhchhuah leh te an ni.

Heti hian nimin thleng khan Serchhip District-ah COVID-19 hri kai hmuhchhuah chu 175 an ni ta a, an zinga mi 161 te chu enkawl dam ni tawhin tunah hian hri kai enkawllai 14 an la awm mek a, heng zinga 13 te chu CCC-a enkawl niin Home Isolation-a enkawl mi pakhat a awm a ni.