ATMA hmalakna thlirletna hun hman a ni

Agricultural Technology Management Agency (ATMA) chuan nimin khan Agriculture Minister, C. Lalrinsanga hovin Review Meeting an nei a, kumthar atana hmalakna tur leh hmachhawp te an thlirho bawk.

Agriculture Minister Pisa-a Review Meeting-ah hian Minister chuan Mizoram a kan loneitu tam berte chu tlangram lo nei mi an nih avangin ATMA leh KVK kaltlang a Farmer te zirtirna ah pawh tlangram lonei mite chhawr tangkai theih tur zawn a pawimawh thu a sawi a. ATMA hnathawktute pawh kut hnathawktute hmakhua ngai taka thawk a, hlawh lak nan maia hna te hmang lova an thawhchhan ber, kuthnathawktute tana theihtawp chhuah a tul thu a sawi bawk.

He Meeting-ah hian State Agricultural Management and Extension Training Institute (SAMETI) hnathawh dan leh ruahman te sawiho niin, awmze nei zawka Skill Development Training Programme kalpui chhoh dan tur leh Agri & Allied Graduate te tana mahni-a bul an tan theihnan- Scheme AC&ABC (Agri Clinics & Agri Businness Centre) kalpui chhoh dan turte sawiho a ni bawk.

Agricultural Technology Management Agency (ATMA) hi District Level-a Agriculture leh a kaihhnawih Department- Horticulture, AH & Vety, Fisheries, Sericulture, Soil & Water Conservation Sector huamchhunga kut hnathawktute zirtirna (direct extension works) pe tura din a ni a. Ministry of Agriculture & Farmers Welfare chuan Central Sponsor Scheme lian tak, Support to State Extension Programmes for Extension Reforms (SSEPERS) chu ATMA hmanga kalpui tur hian a ruat a; Mizoram-ah chuan Agriculture Department in ATMA hi hlawhtling takin a kalpui mek a ni.

Agriculture leh a kaihnawih zirna In leh Research hmun pui viz., ICAR/KVK ten an thil hmuhchhuah te chu ATMA kaltlangin kuthnathawktu te hnenah thlen leh chhawpchhuah thin a ni a. Tunah hian India ram District 676-ah ATMA hi a thawk mek a ni. ATMA Scheme hnuai tho a din SAMETI hi Agriculture and Allied Department zawng zawng tana intuaihriam (capacity building) Training leh Skill Development-a State Level training Institute a ni.

Nimin-a thutkhawm ah hian kum 2019-20 leh 2020-21 chhunga ATMA hnuaia an hnathawh te, an hmalakna leh hmachhawp te, kut hnathawktuten District hrang hranga harsatna an tawhte leh Agriculture Technology hmanga heng an harsatnate hi sutkian dan tur bakah Mizo-ram a kut hnathawktuten State chhung mai nilo, State pawn lam thlenga Market linkage an neih theih dan turte sawiho a ni bawk. He hunah hian Agriculture Department hotute pawh an tel bawk a ni.