Latest News

Meizu mi 6 man leh an ni

Serchhip District Anti-Tobacco Squad te chuan Inrinni zing khan Serchhip Bazar building leh a chhehvel bakah Taxi leh Auto Rickshaw Stand-ah te Squad Drive an nei leh a, heng hmun an tlawhna ah hian Sikret leh Vaihlo kaihhnawih khuahkhirhna Dan bawhchhia a puipunna leh vantlang hmun-a meizu mi 6 an man leh a, heng mite hi pawisa chawitir nghal an ni.

Chanchin thar thenkhat :

ATMA hmalakna thlirlet


Nimin khan Agriculture Minister, C. Lalrin-sanga hovin Video Conference kaltlangin Mizoram District pariat-a Agriculture Technology Management Agency (ATMA) hotute chuan Seed Village Programme hnuaia ATMA hmanga Agriculture Department in thlai chi siam leh tihpunna kawnga hma an lak dan thlirho a ni a. Buh (RMC10713), Vaimim, Behliang, Bekang leh thlai dang engemaw zat chu ATMA kaltanga siamchhuah leh tihpun niin kum 2019-20 chhungin cheng nuai 27.75 senga hmalak a ni. Seed Village Programme hi sawrkar laipui Scheme niin he scheme hmang hian kum thar lama sawrkar prog-ramme pawimawh tak tak leh SEDP hnuaia thlai chi mamawh engemaw zat phuhruk theih beisei a ni.


Virtual Winter Festival

Mizoram sawrkar-a Tourism Department chuan Virtual Anthurium Festival 2020 a buatsaih hnu-ah, kumin atan Ministry of Tourism atanga sum hmuh hmangin Virtual Winter Festival 2020 a buatsaih leh dawn a, Dec. 21 leh 22-ah Cable TV kaltlanga thlir tura an buatsaih dawn bakah Dec. 31, 2020 zan dar 11:30 - 12:00 ah Countdown Programme hman leh a ni ang. Virtual Winter Festival 2020 atan hian Photography Competition te, Cake Baking Competition leh Christmas Wreath Making Competition te bakah Christmas Hla Do Phuah Competition te buatsaih a ni dawn a. Heng bakah hian hmanlai-a Mizo ten Krismas an hman dan te en theih in tihlan a ni dawn a, Street decoration pui tham tak siam turn a ni bawk.


Khawpui fai endik zofel

Mizoram Khawpui Fai Inelna 2020 atana Panel of Expert te chuan nimin khan Aizawl khaw-pui enfiah lehin khawpui fai enfiah chu zawhfel a ni ta a, Mizoram khawpui fai inelna endik hi  Nov. 23 khan Lengpui leh Sairang-ah bul tanin inelna hi Category thuma kalpui niin, Category-I ah District Hqrs. 11, Category-II ah khawpui (town) dang 12 leh Category-III ah Mizorama khawpui  23 te khaikhawm vek an ni.


MPCC in sawrkar an phut

Mizoram Pradesh Congress Committee (MPCC) chuan Congress sawrkar laia Mizoram Sawrkar leh TATA Trust tangkawpin an din, TATA Trust Football Academy, Centre of Excellence, Mualpui Police hmuna din chu MNF sawrkar hnuaiah nasa taka hlamchhiah a nih avangin North East State dangah sawnchhuah tura hmalak mek a ni tih an sawi a. Tu te emaw tan ringawta sum siamna tur Sports Project buaipui lova Sports Infrastructure awmsa te ti changtlung tura hna thawk turin sawrkat an phut thu an sawi bawk.


Thil zahthlak a nih thu sawi

BJP Mizoram Pradesh-a Vice President, Dr. LR. Colney chuan nimin khan Aizawl Press Club-ah thuthar thehdarhtute kawmin eptu Party, a bikin Congress leh NCP ten Farm Reform Bill an lo dodal chu thil zahthlak a nih thu a sawi a,Congress Party ten Lok Sabha 2019 Manifesto ah khan Agriculture Product Market Committee Act leh Agri-Trade free from all restriction chu siam an lo tiam tawh zawk nia sawiin, mipui hamthatna tur an duh reng chu Politics avangin an duh leh lo niin a sawi bawk.


North Vanlaiphai-ah VC thlangin Vote thlak a ni

Kumin August 27-a North Vanlaiphai Village Council inthlanna neih chu pawm a nih tak loh avangin State Election Commission in rua-hmanna a siam angin nimin khan mipui ten Vote an thlak tha leh. North Vanlaiphai atanga thu kan dawn danin inthlanna hi boruak muanawm tak hnuaiah neih niin Vote tla pawh a tha thawkhat niin a lang a, North Vanlaiphai VC Area-ah hian Vote nei thei mi 2518 awmin Candidate 31 an awm a, Vote nei mi 1830 ten Vote thlakin Aug. 27-a inthlan ah khan vote nei mi 1913 in Vote an thlak thung a, a hma aiin Vote tla hi a tlem a ni. He inthlanna a Vote tla te hi nizan khan chhiar nghal tura ruahman a ni.

Comments

Chhiar Hlawhte