Hri kai hmuh thar awmlo

Zonuna Kawlni /

Niminpiah khan Serchhip District-ah Sample 30 enfiah niin COVID-19 hri kai hmuhchhuah thar an awm lo a, Serchhip District-ah hri kai enkawllai mi 8 an la awm mek.

Serchhip CMO Office atanga thu kan dawn danin niminpiah khan TrueNat Laboratory-ah Sample enfiah awm lovin Rapid Antigen Test hmangin Sample 30 enfiah a ni a, heng zingah hian hri kai hmuh-chhuah an awm lo a, nimin thleng khan Serchhip District-ah COVID-19 hri kai hmuhchhuah tawh chu mi 95 niin an zinga mi 87 te chu enkawl dam ni tawhin tunah hian mi 8 enkawl mek an ni a, nimin-ah hri kai enkawl dam an awm belh rih lo bawk a ni.

Hetihlai hian tunhnaiah Serchhip District chhungah BSF Sipai engemaw zat rawn thlengin khunghran nghal an ni a, heng mite nen hian Serchhip District chhunga sawrkar hmun-hmaa inkhunghrang mi 166 awm mekin mahni In lama inkhunghrang mi 23 an la awm bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »