Assam Rifle 23 Sector-a DIG, Brig. Digvijay Singh chuan Mizo thalai sipai tang duh leh a ti tak tak duh tan Coaching hawn a ni dawn tih sawiin, hemi ti hlawhtling tur hian MZP te chu thawhpui-a a sawm.
Nimin-a MZP General Hqrs. hruaitute nen Aizawl-a MZP Pisa Pui-a an inkawmna ah he thu hi sawiin Assam Rifle 23 Sector-a DIG, Brig. Digvijay Singh chuan he thu hi a sawi a, Kuthnathawktu, Mizoram hmun hrang hrang ami te chu India ram hmun pawimawh, an tana tangkai thei tur tlawh chhuahpui a, an inkhaichhuahna tur ngaihtuahpui turin hma an la dawn tih pawh sawiin, Ramri depa Mizo khaw awmte tan Medical Camp buatsaih a nih thur thu a sawi bawk.
DIG hian MZP in a ngen angin zirlaite tan pawh Medical Camp buatsaih a nih tur thu sawiin, Mizoram hmun hrang hranga Assam Rifle duty-na hmunah Passenger phur lirthei check tam lutuk chungchang pawh MZP chuan a sawipui a, DIG chuan a ngaih pawimawh thu leh a rang thei ang bera enzui a tum thu a sawi bawk. Zirlaite tan Motivational Tour buatsaih leh thuai a nih tur thu leh MZP-te ngenna angin zirlaite tan Spoken Hindi Class buatsaih a nih leh tur thu a sawi bawk.
MZP hruaitute hian nimin vek khan Mizoram Rural Bank (MRB) hnuaia thawktu pawl hruaitute Meeting neihpuiin tunhnaia MRB hnuaia thawktu lak chungchangah thil felhlel leh dik tawklo a awm avangin a tul angin hma an la zel dawn tih an sawi bawk.
Comments
Post a Comment