Lenkawl

MGNREGS hnuaia Village Employment Council (VEC) ten a \ulna apianga an hman turin tunhnai khan Rs 1,21,500/- hmuh a ni a, heng sum te hi Serchhip District chhunga VEC tin te hnenah MGNREGS Administrative Coat atan semchhuah a nih thu MGNREGS Programme Officer, Pu Robert C. Lalhmangaiha chuan sawiin, New Serchhip VEC-ah Rs. 6500/-, Serchhip-IV VEC-ah Rs. 6000/-, Serchhip-I VEC-ah Rs. 5000/-, Serchhip-II VEC-ah Rs. 3500 leh Serchhip-III&V VEC-ah Rs. 3000/- ve ve te bakah Chhiahtlang VEC-ah Rs. 6000/- a semchhuah a ni a, pawisa hi Job Card tam dan a zira pekchhuah niin Job Card nei tam apiangin an dawng tam a ni.

Sorkar laipui in thingtlang mipuite hmasawnna tura programme chi hrang hrang a siam mipuite hnena inhrilhhriatna hun, Bharat Nirman Public Information Campaign (PIC) chu Serchhip District-a a \um thumna atan Sept. 11th-13th, 2013 chhung khian nei leh tum a ni.

Transport Minister Pu PC. Zoram Sangliana chuan Rs. 34,24,630/- senga sak Bairabi-a RMSA Building chu nimin khan a hawng.

Zoram Nationalist Party (ZNP) in Aizawl a\anga Lunglei thleng tura ‘Save Mizoram Long March' an neih meka tel te chuan a ni 5-na atan nimin khan Thenzawl a\angin Ramlaitui an thleng a,

Mizoram Co-operative Apex Bank chuan Kohhran 840 hnenah Biak In sakna loan a pe tawh a, Kohhran zingah loan rul theilo an la awm lo.

Tourism Minister Pu S. Hiato chuan tunhnai khan S.Vanlaiphai, Darzo Bualpui ‘Ng’ leh Sangau khua ah te Tourist Lodge sak thar a hawng.

Kumin a YMA General Conference, Khawbung khua a neih tur atan mikhual thlenna tur chu hetiang hian Reception Committee te'n an duang a, mahni thu thua inkulh tum ngawt Reception Committee te chuan an phal lova, chuti anga be rawn duh tân a hnuaia hming leh No ziakah hian a biak pawh theih a ni.

Mizoram sorkar Flagship Prog-ramme, NLUP hnuaia Serchhip District khaw \henkhat-North Vanlaiphai leh a chhehvel khuate leh Serchhip khuaa mite hmalakna documentary chu ni 30th August, 2013 (Zirtawp) zan dar 9 ah hian LPS-1 kaltlangin tihchhuah a ni dawn a. Tin, he documentary vek hi ni 31st August, 2013(Inrinni) tlai dar 4:23 ah DDK Aizawl kaltlangin tihchhuah a ni bawk ang.

Nimin (29.8.2013) khan Serchhipa thu leh hla lama tuimi inzawmkhawm pawl Serchhip District Academy of Letters(SEDAL) te chuan 'Mizo Tawng Humhalh' chungchang seminar Hmar Veng YMA Hall-ah an nei a, he hunah hian hetiang lama tuimi leh sawmbikmi engemaw zat an kalkhawm.

Chief Minister leh bialtu MLA ni bawk, Pu Lal Thanhawla hmalakna a Serchhip Bazar-a Sa zawrhna building chung zawl, bungrua zawrh nana an hman mek a chung zar hna thawh chu zawhfel a ni ta a, nimin lam khan mipuite pawhin thawm-hnawm leh thildang zawrhna atan an hmang \an nghal a ni. He building chung zarna atan hian Thingzai hmangin a rel siam a ni a, a chung atan Rangva hmangin Serchhip-IV VC ten a siam hna hi an thawk nia thudawn a ni bawk.

YMA Sub-Hqrs. Serchhip chuan nakum-a YMA Sub-Hqrs. Conference chu East Lungdar-ah neih nise an ti a, YMA General Conference neih turah Agenda 5 thlen nise an ti bawk.

Champhai Vengthlang, IB Veng-a mihring chenna ruam hmun zau tak chu tunlai ruahsur nasa vangin min chhe mai thei dinhmunah a din avangin Vengthlang huamchhunga In 13-a cheng chhungkaw 16-te insawn chhuahtir an nih hnuah Aizawl panna kawngpui thlang lam, Kanan Veng huamchhung In 12-a cheng chhungkaw 15-te pawh insawnchhuahtir leh an ni.

Kum 2013 April a\anga June thla chhungin Mizoram ah Naupai in register mi 6,641 awmin heng zinga mi 4,649 te hian Damdawi In ah nau an nei.

Education Minister Pu Lalsawta chuan Adhoc Aided leh Deficit school a SSA leh RMSA zirtirtu an awm leh nawlh \hin chu pawi a tih thu sawiin, heng zirtirtute hi la let tura hma la turin department hotute a chah.

Nimin (30Aug. 2013) khan Education Minister, Pu Lalsawta hovin State Advisory Council \hutkhawm neih a ni a, Right to Education Act-2009 hlawk leh awmze nei taka a kalpui chhunzawm zelna tur chungchang an sawiho .

Kumin a Mizoram Assembly inthlanpui neih tura Media Certificate & Monitoring chungchang ngaihtuah in Champhai District-ah chuan niminpiah khan sorkar mi pawimawhte an \hukhawm.

Serchhip District Basketball Association buatsaih Team 4 telna Basketball Tournament chu nimin khan Govt. High School Serchhip kawt-a Basketball Court-ah khelh zawh a ni ta a, he Tournament-a tel Team 4 te hi inkhel kual vekin Point hmu sang 2-1000 Volts leh Huskies ten Final khelin Huskies te hi 51-40 a chakin an champion a ni. He tournament-a champion Huskies te hian lawmman ah Rs. 3000/- dawngin pahnihna 1000 Volts te hian Rs. 1500/- an dawng a, MVP-a thlan, Lalhminghlua, Hus-kies chuan Rs. 200/- a dawng bawk. Nimin a he Tournament Final khelh hi Pu Robert C. Lalhmangaiha, BDO chuan a hmunah enpuiin lawmman a sem nghal bawk.

Mizoram sorkar Agriculture Department in Buh tam zawk thar  a nih theih nana hma a lakna a Serchhip District chhunga sorkar ruahmanna anga buh chin te chu tunlai hian a enfiah hna thawh mek a ni.

Mizoram sorkar Flagship Programme, NLUP-a Line Department  ten Trade an siam thlang ve theilote dawmkanna tura ruahman ‘Chief Minister’s NLUP Special Scheme’ chu nimin (27th Aug. 2013) khan Chief Minister, Pu Lal Thanhawla chuan hman \an turin a hawng.

Mizoram Chief Minister Pu Lal Thanhawla chuan nizan hmasa (26th Aug., 2013) khan 14 Assam Rifles Batallion Headquarters, Serchhip-ah 14 Assam Rifles ten “Battle of Purr” (1960), hriatrengna puala “Bahadur Day” an lawm chu a hmanpui.

July 2013 chhunga District Animal Husbandry & Veterinary Officer Serchhip Bial report chu hetiang hi a ni:-

LPS Samari Mi\ha Programme kaltlangin nimin (27th Aug. 2013) khan YMA Sub-Hqrs. Serchhip huamchhunga chhungkaw 13 te hnenah Rs. 10,000/- \heuh sem a ni.

Serchhip District chhunga NLUP hnuaia Auto Rickshaw dawng tur mi 21 te Auto Rickshaw dawn tur chu nimin khan Serchhip DC’s Office tual a\angin Chief Minister, Pu Lal Thanhawla chuan a vailiam.

District Institute of Education( DIET) Serchhip buatsaihin nimin khan Serchhip District-a Class-IX zirlaite tan lemchan intihsiakna, District Level Role Play Compettition chu neih a ni.

Parliamentary Secretary, Pu Lal Thanzara chuan sorkar chuan Mission School a thawkte ham\hatna atan hma a la mek zel a ni, a ti.

Mizo Hmeichhe Insuihkhawm Pawl (MHIP) kumpuan “Rorelna sang zawk ah Hmeichhiate a tam thei ang ber an tel theihna tura atana nasa leh zuala hma lak” tih chu nimin (27th Aug. 2013) khan MHIP Gen. Hqrs. President Pi Lalthlamuani’n Aizawl Vanapa Hall-ah a hawng.

Mizoram sorkar in Flagship Programme atana a hman, NLUP kalpui mekah Line Department ten Trade an siam thlang ve theilo mi chhumchhia te tana ‘Chief Minister’s NLUP Special Scheme’ siam chu Vawiin (27th Aug) hian Serchhip-ah Chief Minister, Pu Lal Thanhawla chuan a tlangzarh dawn.

Serchhip Darnam veng-a Pu Vanlalsanga Vawk chu Keite in a seh nia hriat a ni a, nimin zing khan thi a hmuh a ni. 

Public Works Department chuan thuchhuah siamin Vaivakawn - MZU kawng chungchang Local TV leh Chanchinbu \henkhatah Chief Minister puhmawhna lo lang chu an sawifiah.

Ni kaw (9 days) chhung awh tur Zoram Nationalist Party (ZNP) huaihawt ‘Saltang chhanchhuahna kawngzawh’, Aizawl a\anga Lunglei thleng ke-a kal tur chu nimin (26th Aug) khan Aizawl-a Vanapa Hall kawt a\angin ZNP President, Pu Lalduhoma chuan a vailiam.

Health Minister, Pu Lalrinliana Sailo chuan Pu Rampanmawia nena damdawi \ha lova lova sumdawng duna an puhna chu thudik lo leh dawt muhlum a ni tih sawiin, politics-a inpuhchhiat tumna mai mai a ni, tih a sawi.

YMA TEL LO IN I AWM THEI EM? - Maro Colneya Bungsut     Facebook Group pakhatah chuan, "YMA tel lo in kan awm thei," tih thu ka chhiar fuh a, sawi zui a hlawh khawp mai. Kha kha ram hnuk khawih thei thil a nih avangin ngaihtuah zui tham tak a ni.

Ex-Servicemen Serchhip Unit chuan Serchhip-ah Jay Jawan Stall sak hna an thawk mek a, tun thla chhung hian zofelin thla thar khian hawn hman beisei a ni.

Baptist Church of Mizoram (BCM) hnuaia Thalai Kristian Pawl (TKP) Serchhip Pastor bial te chuan Inrinni kalta (24th August, 2013) khan JN Hospital Blood Bank-a dah turin thisen Unit 45 an pe .

Pay Anomaly Redressal Demand Committee (PARDC) chuan sorkara an thilphut, Pay Committee, 2011 report hmang turin sorkar an ngen nawn leh tih sawiin, Sept. 2 a\angin lungawilohna lantir leh an tum thu an sawi.

Mizoram sorkar chuan JN Hospital Serchhip-ah Doctor rawn dah belhin a awmsa pakhat chu sawnchhuah a ni a, JN Hospital Serchhip-a thawklai leh District Medical Superintendent ni bawk, Dr. R. Lalawmpuia chu Directorate-ah sawn niin DMS hna hi chelh rih turin CMO chu tih a ni bawk. Hemi rual hian Dr. C. Ramdinpuia (Medicine) leh Dr. Lalhmingmawii (ENT) te chu JN Hospital, Serchhip-a awm turin a rawn dah thar bawk nia thudawn a ni. Hetihlai hian NRHM hnuaia thawk Dr. Lalkrosthangi (Gyne) leh Dr. Albert Lalhminghlua te chu 3F hnuaiah lak thar niin Serchhip-ah an awm zui tura tih an ni bawk. Hemi hmalam hian ENT Specialist, Dr. Rita Zoramthari chuan Serchhip-ah a hna a rawn zawm tawh bawk a, amaherawh chu thlakhat chhung chawlh lain tun thla tawp lam atang khian mipui te tan rawn theih a nih beisei a ni.

Kumin April thla a\anga June thla thleng khan Mizoram-ahTB vei hmuhchhuah thar mi 592 an awm a, an zinga mi 223 chu an khak-ah TB hrik hmuh an ni a, an zinga 91% chu enkawl dam an ni. 

Art & Culture Minister, Pu PC. Zoram Sangliana chuan, ‘Mizoram-a sorkar hnathawk zawng zawng, Peon leh Chief Secretary thlenga Corrupt vek maia puhtu mihring leh a pawl chu sorkar hnathawkte chuan an vote duh hauhin ka ring lo, a ti. 

Kumin a Mizoram in Assembly inthlanpui a neih tur chungchang ah nimin (23rd Aug. 2013) khan Election Commission of India-a mi pawimawh te leh Mizoram a tlawmngai pawl aiawh bakah sorkar thupuangtute chu Aizawl-ah an \hukhawm.

Vawk pul hri chi khat Porcine Reproductive Respiratory Syndrome (PRRS) natna vei finfiah tawh vawk 243 tun thla chhung khan suat an ni. 

Mizoram Chief Information Commissioner Pu Lal Dingliana IFS (Rtd.) chuan RTI Act chu khua leh tui ten an aiawh an thlan tlin te leh sorkar hnathawk ten eiruk leh thuneihna hman khawloh kawnga an venpui theihna hmanrua, thil hriatchian duh an neih apiang an hriat theihna dan a ni, a ti.

Mizoram-a Eptu party hrang hrang aiawhte nimin a \hukhawm chuan Health Minister Pu Lalrinliana Sailo chu damdawi tawlhrukna a inhnam-hnawih ah puhin bang turin an phut thu an sawi.

Zoram Nationalist Party (ZNP) chuan August ni 26 a\anga September ni 3, 2013 chhung khian Aizawl (Vanapa Hall) a\anga Lunglei thlengin Ke-a kawngzawhna neih an tum.

Sorkar laipui flagship programme pakhat Jawaharlal Nehru National Urban Renewal Mission (JNNURM) hnuaia Mizorama Project 18 kalpui mekah sorkar laipui chuan a tum tur Rs. 241,77,23,000/- a\angin Rs. 110,82,17,000/- a pe chhuak tawh a, State sorkarin a thawh ve tur Rs. 32,26,42,000/- a\angin Rs. 16,57,75,000/- a pe chhuak tawh bawk. 

Serchhip District chhunga khaw awm zawng zawng ah Primary leh Middle School hawn vek a ni tawh .

Tuikum bialtu MLA leh Mizoram KVI Board Chairman ni bawk, Pu K. Lianzuala chuan tunkar Thawhlehni (20th Aug. 2013) khan Chhingchhip leh Tlungvel-ah te NLUP 2nd Phase dawng te hnenah \anpuina sum a semchhuak.

SSA Mission Serchhip District in Computer Aided Learning Programme hnuaia Laptop Computer leh Monitor lian an lei te chu nimin khan Serchhip District chhunga Middle School 32 leh BRC te hnenah an semchhuak.

    Trade & Commerce Minister Pu Lalrinliana Sailo chuan Look East Policy hlawhtlinna atan Myanmar leh Bangladesh karcheha awm Mizoram chuan hmun pawi-mawh tak a luah a ni, a ti.  

Chin hriatloha bo a pasal in a that tih hrechhuakin a ruang hmu.     August ni 10 a\anga a chin hriat loh a bo, Pi K.Zohmangaihi (49), Aizawl Zarkawt Veng a pasalin thah hnu-a Sakawrhmuituaitlang-a a ruang a paih chu nimin chawhnu dar 2 khan a taksa bung \henkhat hmuh a ni a, tlawmngaia thawkten rim taka an zawn chhunzawm hnu-ah 2:30 khan Zohmangaihi ruang hi hmuh kim a ni.  

BSI ten Holy Bible chhut belh an tum     Bible Society of India (BSI), Aizawl Auxiliary hotute chuan, Mizo \awnga chhuak Pathian Lehkhabu Thianghlim (Holy Bible) an chhuttir chu mipuiin an indaih loh nasa hle tih an sawi a; hei vang hian kum 2014-ah copy 21,226 chhut belh leh an tum. 

Independence Day thlirlet leh ang aw.. - Zonuna Kawlni

Mizoram-a Gas Agent la awmlohna khaw 28-ah Rajiv Gandhi Grameen LPG Vitrak (RGGLV) Scheme hnuaiah Gas Agent dah tum a ni a, chung zinga 11 chu tih hlawhtlin a ni tawh.

Ruihhlo vangin mi 1241 in nunna chan tawh     Kum 1984 a\anga August ni 7, 2013 thleng khan Mizoram-ah ruihhlo vangin mi 1241 an thi tawh a, thi zinga 1114 hi mipa an ni a, hmeichhia 127 an awm bawk. 

Kumin kumtawpa Mizoram in Assembly inthlanpui a hmachhawn tur thlira Photo Electoral Roll siam thar chu peihfel a nih hnuah Mizoram pum ah vote nei thei mi 6,86,305 an awm.

AMC PHALNA LOVA IN SA ELECTRIC LEH TUI PEK LOH NISE AN TI August ni 17, 2013:Aizawl Municipal Council session, nimin a neih chuan AMC phalna lo-a in sakte chu electric leh tui pek loh ni se, pek tawh pawh tihtawp ni se an ti.

HEPATITIS ‘C’ ENKAWLNA CHANGTLUNG NEI TURIN SORKAR NGEN Hepatitis C natna neite leh HIV positive pawlte leh a enkawltu pawlte chuan, Hepatitis C chu enkawl dam theih a nih thu an sawi a, hepatitis test-na hmanrua changtlung zawk nei turin sorkar an ngen.

HPC (D) chungchangah zawldawh takin sorkar kal tum.     Mizoram Pradesh Congress Committee (MPCC) President, Pu Lal Thanhawla chuan HPC (D) nena sorkar inbiakna tlawlh rih mahse keini chuan zawldawh takin kan la be renga kan la inhawng reng a ni, a ti.

Serchhip August 17 : Kumin kumtawp lama Mizoram in Assembly inthlanpui a hmachhawn tur thlira kumin January ni 1-a kum 18 tling chin te la Photo Electoral Roll siam thar chu nimin khan tarchhuah a ni ta a, Serchhip District pumah Vote nei thei General-ah mi 44,688 leh Service Voters 322 an awm a ni.

DUHSAKNA CHIBAI - C.Lalhminghlua, Editor, Laisuih

THU KAMHNIHKHAT - Laldinpuia

SERCHHIP BDO LEH MIZORAM STATE RURAL LIVELIHOOD MISSION MANAGEMENT UNIT A THAWK TUR MI THAR TE INKAWM HO Tunkar Thawhtanni khan Serchhip R.D. Block B.D.O Pu Robert C. Lalhmangaiha, MCS hovin a office chamber-ah Mizoram State Rural Livelihood Mission (MzSRLM) Management Unit a thawk tur mi thar te; hmalakna kalphung tur sawi hovin an thukhawm.

SERCHHIP-AH DISTRICT DISASTER MANAGEMENT AUTHORITY BUATSAIHIN QUIZ COMPETITION NEIH A NI Nimin chawhma khan Serchhip District Disaster Management Authority buatsaihin Serchhip D.C. Conference Hall-ah, Serchhip khawchhunga Higher Secondary School te leh College te tan Quiz Competition buatsaih a ni a, he Quiz Competition hi Chhiatrupna laka in ven dan leh hmachhawn dan tur in zirtirna hun atan hman nghal a ni bawk.

Serchhip District Student's Science Seminar 2013 neih a ni   Serchhip District Student's Science Seminar 2013 chu nimin (13th August, 2013) khan Serchhip-a BNRGSK Hall-ah hlawhtling taka neih a ni a, 'Water Co-operation : issues and challenges' tih thupui hmangin zirlai naupang ten intihsiakna an nei a ni. 

E. Roll Special Summary Revision tluang taka neiin a hun takah Final Roll tarchhuah beisei a ni. Kumin kumtawpa Mizoram in Assembly inthlanpui a hmachhawn tur avanga Electoral Roll Special Summary Revision neih chu tluang taka kalpui mek niin Serchhip District-a E. Roll thar pawh a hun takah tarchhuah tum a ni.

I-Day Football 2nd Division-ah Keitum Champion Serchhip-a Independence Day lawmna chikhat atana buatsaih, Independence Day Football DC's Running Trophy chu khelh chhunzawm zel niin Inrinni khan 2nd Division Final chu khelh zawh a ni ta a. 2nd Division Final-ah hian Keitum FC leh Chhiahtlang Kawn Veng FC te intumin he inkhel ah hian heng Team pahnih te hi hun pungngai ah 1-1 a inhnehtawkin hun pekbelh ah pawh goal thun thei an awm loh avangin penalty Shoot-out hmangin chak zawk zawnna neih a ni a, hetah hian Keitum FC hi 3-2 a chakin an champion te a ni. Hetihlai hian 1st Division lamah pawh Serchhip-a Club hlun pahnih, Dinthar FC leh Hmar Veng FC ten Final an lut a, tun thla ni 15 khian Final hi khelh a ni dawn thung a ni.

I-Day lawmna TT Tournament zawhfel a ni Independence Day lawmna chi khat atana buatsaih Independence day Trophy Serchhip District Table Tennis Tournament chu Inrinni khan New Serchhip Table Tennis Hall-ah khelh zawh a ni ta a, Category hrang hranga tithate chu heng mite hi an ni :

NLUP atan sorkar hnathawk hlawh an pawtlo tih sawi.     Parliamentary Secretary (Horticulture), Pu KS. Thanga chuan NLUP atan Mizoram sorkar hnathawk hlawh pakhatmah an pawtlo tih a sawi. 

Serchhip-ah DHO Office building sak thar Chief Minister Pu Lal Thanhawla’n a hawng. Horticulture Department in cheng nuai 60 vel senga Serchhip Chanmari Veng a Divisional Horticulture Officer (DHO) Office an sak thar chu nimin (9th Aug. 2013) khan Chief Minister, Pu Lal Thanhawla chuan a hawng.

Shalom School kum 8 tlin lawmna CM in hmanpui Shalom Special School for Spastics in kum 8 a tlinna puala Pathian hnena lawmthu sawina hun nimin (9th August, 2013) a New Serchhip YMA Hall-a an buatsaih chu Chief Minister, Pu Lal Thanhawla chuan a hmanpui.

NRDWP in Mizoram-a khaw 741 tuam tawh National Rural Drinking Water Programme (NRDWP) hnuaia Thingtlang khuaa chengte tana tui pek hna kal mekah Mizoram-a khaw 741 tuam chhuah tawh a ni a, khaw 36 chu a then azar tuam a ni tawh bawk. 

Independence Day inbuatsaihna thlirho     Kumin a Serchhip-a India Independence Day lawm dan tura inbuatsaihna thlirin nimin khan sorkar mi pawimawh te chu District Bawrhsap, Pi Juhi Mukherjee hovin DC’s Meeting Room-ah an thukhawm.

Governor laka lungawilo Ex-MNA Serchhip ten Mizoram Governor thlalak Serchhip-ah an hal. India leh MNF ten inremna an ziah avanga MNF sipai rawn haw, Ex-Mizo National Army (Ex-MNA) Serchhip District chuan Mizoram Larsap, Pu Vakkom Purushothaman-a lem chu nimin (8th August, 2013) khan Serchhip Bazar tual-ah an hal.

Common Service Centre leh Rural Information Kioks enawltute hnathawh dan enfiah ngai ti Mizorama hnathawh thuhmun Common Service Center leh Rural Information Kiosk enkawltu te hnathawh dan enfiah ngai an tih thu Village Level Entrepreneur intelkhawm in an sawi.  Prime Minister Flagship Programme hnuaia Common Service Center (CSC) state puma kalpui a nih laia, an service pek chhuah ang tho pe ve tur Rural Information Kiosk (RIK) hawn a nih leh bakah, a enkawl hlawhtling theilo ZENICS kutah bawk a awm leh chu enthat leh ngaia an hriat thu, CSC hnuaia Village Level Entrepreneur intelkhawm chuan an sawi. Mipuiten awlsam zawka kawng hrang hranga sawrkar an dawr a, an tangkaipui theih nan CSC project hi India ram State tinah chaktaka kalpui turin Central Sorkar chuan a ti a, hemi zulzui hian CSC project kalpui turin Mizoram sorkar Department of Information and Communication Techno logy, Mizoram State e-Governance Society (MSeGS) leh ZENICS chu kawng hrang hrangin an tha...

Chief Minister in NLUP 2nd Phase tanpuina a sem Nimin (7th July, 2013) khan Mizoram pumah NLUP 2nd Phase (thawh hnihna) Sem Runpui neih a ni a, Aizawl tiamin District, SDO(Civil) leh BDO Headquarters ah te, a vaiin khaw 24-ah he programme hi a ruala buatsaih niin beneficiaries thlanchhuah te hnenah NLUP tanpuina hi a cheque a pek niin hei vang hian Mizoram chu Ram pumah Direct Cash Benefit Transfer hmang hmasa berte zing ami a ni ta a ni.

Chief Minister in Tuivai lei dawh a hawng Phullen leh Phuaibuang leh a chhehvel khuate inkalpawhna tur, Phullen atanga 25 Kms vela hlaa awm, Mizoram Public Works Department (PWD) enkawl, Tuivai Lei, Built Up Girder Steel Bridge chu niminpiah khan Chief Minister Pu Lal Thanhawla chuan a hawng.  

Mizoram hmundangte rualin Serchhip-ah NLUP 2nd Phase sem runpui neih a ni. Serchhip August 08 : Mizoram hmundangte rualin nimin (7th Aug. 2013) khan NLUP 2nd Phase sem runpui chu Serchhip-ah pawh neih a ni a, he hun hi Parliamentary Secretary, Pu Lal Thanzara chuan rawn hmanpuiin NLUP tanpuina hi a sem nghal bawk a ni.

FOOD SECURITY HMANG THEI LO KHAWPIN SORKAR ‘SUM’ DINHMUN A CHHIA -MPC MPC chuan thuchhuah siamin Food Security hmang ve thei lo khawpin Mizoram Sawrkar sum dinhmun a chhia niin an tarlang.

Champhai-ah rukruk thubuai tam July thla chhung khan Champhai Police Station ah thilsial tih thubuai 25 ziahluh a ni a, heng zinga a tam ber chu ruk ruk thubuai a ni. 

Tlawmngai pawl ten Hnam bil a Autonomous District Council pek duhlo Mizoram-a tlawmngai pawl lian pathum te niminpiah-a Aizawl-a thukhawm chuan Mizoram a Hnam bil hming chawia Autonomous District Council pe lo turin Mizoram sorkar an ngen .

Tuivai Hydro Electric Project tanna tur lawmna nei Kawlphetha 210 MW pechhuak thei tur Tuivai Hydro Electric Project tanna tura sorkar laipuiin July 23, 2013-a rem a tih tak avangin Parliamentary Secretary (P&E), Pu Lal Thanzara chuan nimin khan thuthar theh-darhtute a lawmna thingpui a inpui.

Food Security Bill hi enge ni? - Laldinpuia Ram rethei India: India ram hi ram zau tak mai a ni a, tunah hian mihring tluklehdingawn 1.21 (2011 census) zet kan awm a. India rama mihring cheng ringawt hi khawvel ram dang US, Indonesia, Brazil, Pakistan, Bangladesh leh Japan a mihring awm zawng zawng belhkhawm nen kan inzat vel nghe nghe a ni. Heti khawpa mihring tamna ramah hian mirethei pawh kan tam nangiang mai.

‘Mautuai/rawtuai khawrh/zawrh loh vanga chhuanchham YMA-in kan tuamhlawm ang.’ - YMA Sub-Hqrs. YMA Sub-Hqrs. Serchhip chuan thuchhuah siamin Mautuai leh rawtuai khawrh/zawrh loh vanga chhuanchham an awm a nih chuan YMA in kan tuamhlawm ang, an ti.

4th IR Bn. Hqrs. dinna tur lungphum phum a ni Home Minister Pu R. Lalzirliana chuan Inrinni kalta khan 4th IR Bn. Headquarters dinna tur lungphum chu Rengdil khua-ah phumin, “Mizo kan nihna ah hian lungawi ila chu chuan hmasawnna min thlen mai dawn a ni,” a ti.

Trade Union pawl 2 in Aug. 12 thleng sorkar nghak dawn Muster Roll te intelkhawmna Trade Union pawl pahnih NTUM leh FOMTU chuan State Level Committee on Minimum Wages Board-in hnathawktute hlawh a lo bithliah tawh (rate thar) chu hman thuai an phut a, August ni 12,2013 thleng sorkar an ngai-chang dawn tih an sawi. 

Serchhip-ah NERHOFIC Ltd. Branch thar hawn a ni.     North Eastern Region Housing Finance Company Limited (NERHOFIC Ltd.) Serchhip Branch chu nimin khan Serchhip Venglai-ah hawn a ni. 

SERCHHIP-A NLUP SEM RUNPUI NEIH DAN TUR SAWIHO August ni 7, 2013 (Nilaini) a NLUP 2nd Phase sem runpui Serchhip District chhunga neih dan tur relin nimin (5th Aug. 2013) khan Serchhip DC Meeting Room-ah Serchhip District Bawrhsap Pi Juhi Mukherjee, IAS kaihhruaiin sorkar mi pawimawh te an thukhawm.

Land Revenue & Settlement Department chuan Barabi leh Sairang inkara rêl kawng sial tura zangnadawmna chungchangah ram pass lem a awm nia an hriat avangin Kawnpui Police Station-ah FIR an thehlut.

SORKAR LEH HPC (D) TE INBIAKNA NEI LEH DAWN Mizoram sorkar leh HPC (D) te inbiakna kal mek chu kar leh Nilaini, August ni 14 khian Aizawl-a chhunzawm leh turin ruahmanna siam a ni.

POLICE KUT ATANGA TLANCHHUAK MAN LEH A NI Hmeichhe naupang kum 5 mi pawngsualtu a puh, Lalhuapzauva (27), Aug ni 1, 2013 zinga Serchhip Police Station a\anga tlan chhuak chu Aug. 3, 2013 (Inrinni) zing khan East Lungdar-ah khawtlang in an man .

TUIVAI HP SIAM HNA PRIVATE COMPANY KUTAH PEK A NI DAWN Kawlphetha MW 210 pechhuak thei tura ruahman Tuivai Hydel Project siam hna chu Private Company kutah pek a ni dawn a, khawvel pum huap (global tender) hmanga thlan tur a ni dawn.

KHAWTLANG IN IN PAHNIH KALH SAK Serchhip Dinthar Branch YMA leh Dinthar Farm Veng Welfare Committee te chuan an vengchhunga khawtlang tana hnawksaka awm \hinte In luahlai nia sawi In 2 chu Inrinni khan an kalh sak.

MNF President Zoramthanga chuan Sorkar dinglai Congress Party chu mipui mimir leh Sorkar hnathawk ten thlak an duh tih sawiin, “Pu Hawla Sorkar ninna Hri angin a leng a ni,” a ti.

Sorkar kum liamta (2012-13) Quarter hnuhnung ber (Jan-March) leh sorkar kum hman mek (2013-14) Quarter hmasa bera Serchhip District chhunga National Rural Health Mission (NRHM) hmalakna thlirletna hun chu nimin khan Serchhip-a CMO Conference Hall-ah neih a ni.

Serchhip District Food Security Mission Executive Committee chu nimin khan an Chairman leh District Bawrhsap ni bawk, Pi Juhi Mukherjee hovin an \hukhawm.

Serchhip August 03 : Mizoram-a Oil Palm tharchhuah te herna tur khawl chu Mizoram District pathum-ah bun a ni dawn a, Oil Palm khawl hmasa ber tur chu kumin chhungin hman theih tura peihfel hman beisei a ni.