Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Dan leh Dan-a inbeihna a ni lo - ZPM

ZPM Party chuan MLA atanga ZLP Leader, Lalduhoma paih a ni chu Dan leh Dan inbeihna ni lovin, Politics-a inbeihnaah nia an ngaih thu sawiin, Speaker thutlukna chu Dan hmanga rorelna ni lovin politics-a rorelna dik takah an ngai tih an sawi.

ZPM Party hian nimin khan thuchhuah siamin November ni 27, 2020-a Mizoram State Legislative Assembly Speaker-in ZPM Legislature Party Leader, Lalduhoma Anti-Defection Dan tlawhchhana hmangin MLA anihna atanga a paih chu pawi an tih thu leh Lalduhoma leh a chhungte an lainatin an tawrhpui takzet tih an sawi a ni.

ZPM chuan Lalduhoma MLA atanga bang tura ngentute kha MNF MLA te an ni tih sawiin, a bantu pawh MNF party-in MLA atana a thlantlin tho a ni tih an sawi a, Lalduhoma MLA atanga bantir a nih dan chu Dan leh Dan inbeihna ni lovin, Politics-a inbeihnaah an ngaih thu leh Speaker thutlukna chu Dan hmanga rorelna ni lovin Politics-a rorelna dik takah an ngaih thu an sawi a. Mizoram Political History-a chuang reng tawh tur, India ram hmundangah pawh la awm ngai lo MNF sawrkarin mimal inhuatna ni ngeia ngaih theiha Lalduhoma chunga hetiang thil an tiduh ta mai chu lungchhiatthlak an tih thu leh a thlangtu phatsana puhtute hian Zoram mipuite zahlohna leh pawisak lohna an lantirah an ngaih thu an sawi bawk.

Comments

Chhiar Hlawhte